Kalasara 7.p55

7.p55

sarve varṇā ahobhirdaśabhirihagataiḥ saṅkarāścānulomyotpannāḥ śudhyantyatho te'bhiṣavaṇaśucayaḥ prātilomyodgavāścet | viṃśatyā strī śveciḥ syāt sutajanuṣi dinaistriṃśatā strīprasūtau, yoṣitpuṃsorthamalājjanuṣi gṛhisadṛgbhāgataritraṃśataiva || yadyapi,- śudhyedvipro daśāhena dvādaśāhena bhūmipaḥ | vaiśyaḥ pañcadaśāhena śūdro māsena śudhyati || iti manumoktam | tathāpi,—sarveṣāmeva varṇānāṃ sūtake mṛtake tathā | daśāhācchuddhireṣa vā iti śātātapo 'bravīt || ityaṅgirovākyāt asmaddeśe sarveṣāṃ varṇānāṃ daśāhāśaucasamācāraḥ | daśāhena ityādī gateneti śeṣaḥ | anulomasaṅkarāṇāmapi daśāhāśaucam | tathā ca brāhme,—śaucāśaucaṃ prakurvīran śūdravadvarṇasaṅkarāḥ | iti | pratilomasaṅkarāṇāntu mūtrapurīṣotsargavat malāpakarṣasnānamātram | “pratilomā dharmahīnāḥ” iti gautamoktesteṣāṃ vidhyanadhikārāt | yattu,— ekāhācchudhyate vipro yo'gnivedasamanvitaḥ | tryahātkevalavedastu nirguṇo daśabhirdinaiḥ || tathā,— samparkavinivṛttānāṃ na pretaṃ naiva sūtakam | iti parāśaravākyaṃ tatkalyautarayugaviṣayam | daśāha eva viprasya sapiṇḍamaraṇe sati | kalpāntarāṇi kurvāṇaḥ kalau syānmohakilbiṣī || iti hārautokteḥ | tena guṇatāratamyādināpyaśaucasaṅkoṣo na kalau | maraṇagrahaṇaṃ janmano'pyupalakṣaṇaṃ, vipragrahaṇaṃ kṣatrāderapi | paiṭhaunasiḥ,— “sūtikāṃ putravatīṃ snātāṃ viṃśatirātreṇa kārayet māsena strījananīm” iti putravatīṃ, puruṣajananīmityarthaḥ | māso'tra sāvanaḥ, aśauce tanmāsasyaivoktatvāt