Kalasara 7.p9

7.p9

strīnāmānaṃ strīliṅgamityarthaḥ | tathāca varṣāḥ śaraditi ṛtudvayaṃ, iti karkaṭādisauramāsacatuṣṭayaṃ varjyaṃ ityarthaḥ | āṣāḍhādibahuvrīhāvāṣāḍhaḥ kaiścidiṣyate | māṣṭavyādivaco dṛṣṭvā mārgeśaṃ manyathāpare || asyārthaḥ | āṣāḍhādicatuṣṭayamityatra āṣāḍhaḥ ādiryeṣāṃ te āṣāḍhādayasteṣāṃ catuṣṭayamityetadguṇasaṃvijñāno bahuvrīhiḥ | tathāca śrāvaṇādiṣu na vivāhaḥ kāryaḥ, āṣāḍhe tu kārya evetyarthaḥ | evaṃ dakṣiṇāyanamanādṛtya vṛścike vivāhasamācāraḥ samūlaḥ | “sauramāso vivāhādau” ityukterāṣāḍhādiśabdānāṃ mithunādiparatvameva | agatakānāṃ sūtakādyaśaucagrahaṇasnānādinavastrīsaṅgamenduvandāpanādīnāṃ dakṣiṇāyanamāsaṣaṭke'pi karaṇaṃ | mātṛbhairavādīnāṃ ca pratiṣṭhādivākyaṃ ayanaprakaraṇe likhitaṃ | atha gurvāditye kārikā | jīve'pyastamite'dhvarādikaraṇaṃ śastaṃ pratiṣṭhāvratakṣaurodvāhagṛhapraveśasadanārambhā vivarjyā hi ṣaṭ | gurvāditya uśanti sadyakaraṇadaunmatra tāruṇyavān, jīvaścedudito'yavāpyataruṇaḥ tyājye vivāhavrate || śatānandaḥ,— gurāvastaṃ gate varjyāḥ pratiṣṭhodvāhamekhalāḥ | gṛhārambhapraveśau ca cūr̤etyevaṃ ṣar̤eva tu || agnyādheyādikaṃ sarve gurāvastaṃ gate'pi ca | kurvītatanniṣedhokterabhāvāditi niścitaṃ