Prashnajnana (Brahmarka) 27

27

carodaye śubhaḥ sthitaḥ śubhaṃ karoti yāyinām
aśobhanaiuraśobhanaṃ sthirodaye'pi vā śubham
care śaśī lagnagato dvidehaḥ patho'rddhamāgatya nivartate ripuḥ
viparyaye cāgamanaṃ dvidhā syātparājayaḥ syādaśubheśite tu
arkaurkijñasitānāmeko'pi carodaye yadā bhavati
pravadettadāśu gamanaṃ vakragatairneti vaktavyam
sthirodaye jīvaśanaiścarekṣite gamāgamau naiva vadettu pṛcchataḥ
tripañcaṣaṣṭhā ripusaṅgamāya pāpāścaturthā vinivarttanāya
nāgacchati paracakraṃ yadārkacandrau caturthabhavanasthau
budhaguruśukrā hibuke yadā tadā śīghramāyāti
meṣadhanuḥ siṃhavṛṣā yadyudayasthā bhavanti hibuke vā
śatrurnivarttate tadā grahasahitā vā viyuktā vā
sthirarāśau yadyudaye śanirgururvā sthitastadā śatruḥ
udaye ravirgururvā cararāśau syāttadāgamanam
grahaḥ sarvottamabalo lagnādyasmin gṛhe sthitaḥ
māsaistattulyasaṃkhyākairnivṛttiṃ yāturādiśet
udayarkṣāccandrarkṣaṃ bhavati ca yāvaddināni tāvadbhiḥ
āgamanaṃ syācchatroryadi madhye na grahaḥ kaścit
daśamodayasaptamagāḥ saumyā nagarādhipasya vijayakarāḥ
ārkījñagurusitāḥ prabhaṅgradau vijayadā navame
paurāstṛtīyabhavanāddharmādvā yāyinaḥ śubhaiḥ śubhadāḥ
vyayadaśamāye pāpāḥ purasya neṣṭāḥ śubhā yātuḥ
nṛrāśisaṃsthā hyudaye śubhāḥ syurvyayāyasaṃsthāśca yadā bhavanti
tadāśusandhi pravadennṛpāṇāṃ pāpairdvidehopagatairvirodham
pṛcchāyāṃ mūrtige krūre durgabhaṅgo na jāyate
balahīne'pi vaktavyaṃ kiṃ punarbalaśālini
kṣitiputro viśeṣeṇa rāhuryadi vilagnagaḥ
śakreṇā'pi tadā durgabhaṅgaṃ kartuṃ na śakyate
saptamo yadi rāhuḥ syāddurgaṃ jhaṭiti bhajyate
mūrttau krūraḥ śubho'muṣmin krūradṛṣṭirna śobhanā
mūrttisaptamayoḥ krūrābhāve lagnapatirvyaye
ṣaṣṭhe'ṣṭame dvitīye vā tadā durgaṃ na bhajyate
devejyendujñośanobhiḥ samastairmāsthānasthaistribhirvā baliṣṭhaiḥ
hanyādyāyī sthāyinaṃ janyabhūmau
khāmbusthaistaiḥ syād dvayorāśu sandhiḥ
putre saumyā dharmagāḥ krūrakheṭāḥ sthāṇordeśabhraṃśanaṃ yāyibhūpāt
nṛkṣetrasthā lagnariḥphāyayātāḥ saumyāḥ sandhiṃ kurvate yudhyatorhi
lagnādhīśadyūtabhāveśayostu madhye yo vā vyomacārī pradiṣṭaḥ
tadvargīyānmānavādeva sandhiḥ saumyairvidvacchilpibhirvyāharanti
daityejyavācaspatisomaputrairekakṣagailaṃgnagatairbalāḍhyaiḥ
dvābhyāmathejye bhṛguje'tha lagne hanyādraṇeyāyinṛpaṃ pureśaḥ
sūryendubhaumārkajasaiṃhikeyaḥ sarvaiścaturbhistribhireva lagnagaiḥ
hanyāttadā sthāyinamāśu yāyī dyūnasthitairyāyinṛpaṃ pureśaḥ
krūre kalatre hṛdaye śubhagraho yaccheddhanaṃ yāyinṛpāya nāgaraḥ
viparyayādyāyinṛpaḥ pureśvaraṃ durgādviniṣkāsya dadāti vāspadam
"vādino vijayapraśne lagne krūre tadā jayaḥ
yadi syātsaptame krūre vijayaḥ prativādinaḥ ||"
lagne ca saptame krūrāvanayorbalino jayaḥ
yadā dvau balinau syātāṃ sandhirvā vigraho mahān
athavā yatrakutrasthau pāpau pūrṇadṛśā mithaḥ
paśyato'straprahāreṇa vādino maraṇaṃ bhavet
śatrorupadrave kaṣṭe vivāde vā raṇājire
lagne pāpe jayo'vaśyaṃ pāpavṛṣṭyā parājayaḥ
upacayasaṃsthaścandraḥ saumyāḥ kendratrikoṇanidhanasthāḥ
lagne vā'śubhadṛṣṭe sukhitastatrāturo vācyaḥ