Prashnajnana (Brahmarka) 32

32

yadi lagnapo vidhurvā dyūne tadyācitāṃ striyaṃ labhate
eṣā kumārikā kila nirdoṣā kiṃ na veti pṛcchāyām
lagne sthite sthirarkṣe lagnapaśaśinośca nirdoṣā
cararāśigatairetairiyaṃ kumāryapi ca jātadoṣā syāt
dviśarīrasthe candre saralagne svalpadoṣā syāt
śaśibhaumāveka śailasthiravarje tatpareṇa guptamiyam
ramitā śanicandramasolaṃgnagayoḥ prakaṭamupabhuktā
yadi bhaumaśanī kendre vidhudṛṣṭo vṛścike'tha śukraḥ syāt
tadreṣkāṇe'tha tadā nirbhrāntaṃ jātadoṣaivā
“vivāhapṛcchāsu madadvivṛddhigaḥ
śaśījyadṛṣṭo vanitāptikṛnmataḥ
jalāṅgapañcāṅgamṛtivyayasthitaḥ
khalekṣitāḍhyo'sya nirodhakṛdvidhuḥ || VIII-24
jñārkejyadṛṣṭavidhuradyarivikramājñā''yeṣu striyaṃ vitaratīṣṭatamāṃ śubharkṣe
stryarthāptaye'ntyatanupāvitaretarasthau
vājñāstagau ca nijabhoccagatau kavīndū || Ibid-25
yadi lagnagataṃ sitacandragṛhaṃ
bulisadgrahadṛṣṭayutaṃ śubhadam
samabhāṃśagatau balicandrasitau
tanuvīkṣaṇato'pyabalāptikarau || Ibid 26
aṣṭaṣaṣṭhāṅgago'bjaḥ smare cet khalaḥ
svāmināśāya nāgābdakaiḥ sā vadhūḥ
praśnalagnātsutastho'ridṛṣṭaḥ khalo
nīcagaścedvadhūḥ sā'satī vā'sutā || Ibid 27
nodvāho'sita uḍupe samarkṣage'sadṛṣṭe'ṣṭāriga uta sāśubhandubhṛgvoḥ
dāreśe vyayaripudiṣṭadehage vā
nīce sā sati khalu pūrvadāranāśaḥ ||” Ibid 28
pañcamalābhopagataiḥ saumyaiḥ strī garbhiṇīti vācyaṃ vai
jīvaravilagnacandrā viṣamarkṣagatā naraṃ kuryuḥ