Matsya 100
Matsya 100
- Language
- Sanskrit
Contents
- 100.37 — 1 part
100.1
cha || || nandikeśvara uvāca || || purā rathantare kalpe rājāsīt puṣpavāhanaḥ || nāmnā lokeṣu vikhyātaste
jasā sūryyasannibhaḥ
100.2
tapasā tasya tuṣṭena caturvvaktreṇa nārada || kamalaṃ kāñcanaṃ dattaṃ yathākāmagamaṃ mune
100.3
lokaiḥ samastairnnagara
vāsibhiḥ sahito nṛpaḥ || dvīpāni suralokañca yatheṣṭaṃ vyacarattadā
100.4
kalpādau saptamaṃ dvīpaṃ tasya puṣkaravāsinaḥ || loke ca
pūjitaṃ yasmāt puṣkaradvīpamucyate
100.5
devena brahmaṇā dattaṃ yānamasya yato'mbujam || puṣpavāhanamityāhustasmāt taṃ devadānavāḥ
100.6
nāgamyamasyāsti jagattraye'pi brahmāmbujasthasya tapo'nubhāvāt || patnī ca tasyāpratimā munīndra nārīsahasrairabhito'bhinandyā || nāmnā ca lāvaṇya
vatī babhūva sā pārvvatīveṣṭatamā bhavasya
100.7
tasyātmajānāmayutaṃ babhūva dharmmātmanāmapyadhuturddharāṇām || tadātmanaḥ sarvvamavekṣya rājā muhurmuhurvisma
yamāsasāda || so'bhyāgataṃ vīkṣya munipravīraṃ prācetasaṃ vākyamidaṃ babhāṣe
100.8
rājovāca || || kasmādvibhūtiramalāmarāmartyapūjyā jātā
ca sarvvavijitāmarasundarīṇām || bhāryyā mamālpatapasā paritoṣitena dattaṃ mamāmbujagṛhañca munīndra dhātrā
100.9
yasminpraviṣṭamapi koṭiśataṃ
nṛpāṇāṃ sāmātyakuñjararathaughajanāṣṭatānām || no lakṣyate kva gatamambaramadhya industārāgaṇairiva gataḥ paritaḥ sphuradbhiḥ
100.10
tasmātkimandyajananījaṭha
rodbhavena dharmmādikaṃ kṛtamaśeṣaphalātihetuḥ || bhagavanmayātha tanayairathavā'nayāpi bhadraṃ yadetadakhilaṃ kathaya pracetaḥ
100.11
munirabhyadhādatha bhavāntaritaṃ
samīkṣya pṛthbīpateḥ praprathamadbhutahetuvṛttam || janmābhavat tava tu lubdhakakule'tighore jātastvamapyanudinaṃ kila pāpakārī
100.12
vapurapyabhūttava
punaḥ puruṣāṅgasandhidurgandhisattvabhujagāvaraṇaṃ samantāt || na ca te suhṛnna sutabandhujano na tātastvādṛk svasā na jananī ca tadābhiśastā
100.13
abhisaṅgatā paramabhīṣṭatamā vimukhī mahīśa tava yoṣidiyam || abhūdnāvṛṣṭiratīva raudrā kadācidāhāranimittamasmin || kṣutpīḍitenātha tadā
na kiñcidāsāditaṃ dhānyaphalābhiṣāyam
100.14
athābhidṛṣṭaṃ mahadambujāḍhyaṃ sarovaraṃ paṅkaparīvarodhaḥ || padmānyathādāya tato bahūni gataḥ puraṃ vaidiśanā
madheyam
100.15
tanmaulyalābhāya puraṃ samastaṃ śrāntaṃ tvayā śeṣamahastadāsīt || kretā na kaścit kamaleṣu jātaḥ śrānto bhṛśaṃ kṣutparipīḍitaśca
100.16
upaviṣṭastvamekasminsabhāryyo bhavanāṅgaṇe || atha maṅgalaśabdaśca tvayā rātrau mahāñchrutaḥ
100.17
sabhāryyastatra gatavānyatrāsau maṅgaladhvaniḥ || tatra
maṇḍapamadhyasthā viṣṇorarccāvilokitā
100.18
veśyā'naṅgavatī nāma vibhūtidvādaśīvratam || samāptau māghamāsasya lavaṇācalamuttamam
100.19
niveda
yantī gurave śayyāñcopaskarānvitām || alaṅkṛtya hṛṣīkeśaṃ sauvarṇamirapādapam
100.20
tāntu dṛṣṭvā tatastābhyāmidañca paricintitam || kimebhiḥ
kamalaiḥ kāryyaṃ varaṃ viṣṇuralaṅkṛtaḥ
100.21
iti bhaktistadā jātā dampatyostu narādhipa || tatprasaṅgātsamabhyarcca keśavaṃ lavaṇācalam || śayyā
ca puṣpaprakaraiḥ pūjitā bhṛśa saṃvvataḥ
100.22
athānaṅgavatī tuṣṭā tayordhanaśatatrayam || dīyatāmādideśātha kaladhautaśatatrayam
100.23
na gṛhītaṃ tatastābhyāṃ bahusattvāvalambanāt || anaṅgavatyā ca punastayorannaṃ caturvidham || ānīya vyāhṛtañcātra bhujyatāmiti bhūpate
100.24
tābhyāntu tadapi tyaktaṃ bhokṣyāvo vai varānane || prasaṅgādupavāsena tavādya sukhamāvayoḥ
100.25
janmaprabhṛti pāpiṣṭhau kukarmmāṇau dṛḍhavrate
tatprasaṅgāttayormmadhye dharmmaleśastu te'nagha
100.26
iti jāgaraṇaṃ tābhyāṃ tatprasaṅgādamuṣṭhitam || prabhāte ca tayā dattā śayyā salayaṇācalā
100.27
grāmāśca gurave bhaktyā vipreṣu dvādaśaiva tu || vastrālaṅkārasaṃyuktā gāvaśca karakānvitāḥ
100.28
bhojanañca suhṛnmitradīnāndhakṛpaṇaiḥ samam || tacca
lubdhakadāmpatyaṃ pūjayitvā visarjitam
100.29
sa bhavām̐llubdhako jātaḥ sapatnīko nṛpeśvaraḥ || puṣkaraprakarāttasmātkeśavasya ca pūjanāt
100.30
vinaṣṭāśeṣapāpasya tava puṣkaramandiram || tasya sattvasya māhātmyādalpena tapasā nṛpa
100.31
yathākāmagamaṃ jātaṃ lokanāthaścaturmukhaḥ || santuṣṭa
stava rājendra brahmarūpī janārddanaḥ
100.32
sāpyanaṅgavatī veśyā kāmadevasya sāmpratam || patnīsapatnī sañjātā ratyāḥ prītiriti śrutā || lokeṣvānandaja
nanī sakalāmasapūjitā
100.33
tasmādutsṛjya rājendra puṣkaraṃ tanmahītale || gaṅgātaṭaṃ samāśritya vibhūtidvādaśīvratam || kuru rājendra nirvvāṇamavaśyaṃ
samavāpsyasi
100.34
nandikeśvara uvāca || || ityuktvā sa munirbrahmaṃstatraivāntaradhīyata || rājā yathoktañca punarakarotpuṣpavāhanaḥ
100.35
ida
mācarato brahmannakhaṇḍavratamācaret || yathākathañcit kamalairdvādaśa dvādaśīrmune
100.36
karttavyāḥ śaktito deyā viprebhyo dakṣiṇā'nagha || na vittaśāṭhyaṃ
kurvīta bhaktyā tuṣyati keśavaḥ
100.37
iti kaluṣavidāraṇaṃ janānāmapi paṭhatīha śṛṇoti cātha bhaktyā || matimapi ca dadāti devaloke vasati sa
koṭiśatāni vatsarāṇām
100.37.p1
iti śrīmatsye mahāpurāṇe vibhūtidvādaśīvrataṃ nāma śatatamo'dhyāyaḥ
Linked texts (1)
- Matsyapurāṇa — Vyāsa, Sanskrit