Pramāṇa · Search · About · API

Matsya 101

Matsya 101

Language
Sanskrit

Contents

101.1

cha || || nandikeśvara uvāca
athātaḥ sampravakṣyāmi vrataṣaṣṭimanuttamām || rudreṇābhihitāṃ divyāṃ mahāpātakanāśinīm

101.2

naktamabdaṃ caritvā tu gavā sārddhaṃ kuṭumbine || haimaṃ
cakraṃ triśūlañca dadyādviprāya vāsasī

101.3

śivarūpastato'smābhiḥ śivaloke sa modate || etaddevavrataṃ nāma mahāpātakanāśanam

101.4

yastvekabhaktena
samāṃ śivaṃ haimavṛṣānvitam || dhenuṃ tilamayīṃ dadyātsa padaṃ yāti śāṅkaram || etadrudravrataṃ nāma pāpaśokavināśanam

101.5

yastu nīlotpalaṃ haimaṃ śarkarā
pātrasaṃyutam || ekāntaritanaktāśī samānte vṛṣasaṃyutam || sa vaiṣṇavaṃ padaṃ yāti līlāvratamidaṃ smṛtam

101.6

āṣāḍhādicaturmāsamabhyaṅgaṃ varjjayennaraḥ
bhojanopaskaraṃ dadyātsa yāti bhavanaṃ hareḥ || jane prītikaraṃ nṛṇāṃ prītivratamihocyate

101.7

varjayitvā madhau yastu dadhikṣīraghṛtaikṣavam || dadyādvastrāṇi
sūkṣmāṇi rasapātraiśca saṃyutam

101.8

sampūjya vipramithunaṃ gaurī me prīyatāmiti || etadgaurīvrataṃ nāma bhavānīlokadāyakam

101.9

puṣyādau yastrayoda
śyāṃ kṛtvā naktaṃ madhau punaḥ || aśoke kāñcanaṃ dadyādikṣuyuktaṃ daśāṅgulam

101.10

viprāya vastrasaṃyuktaṃ pradyumnaḥ prīyatāmiti || kalpaṃ viṣṇupade sthitvā
viśokaḥ syātpunarnaraḥ || etatkāmavrataṃ nāma sadā śokavināśanam

101.11

āṣāḍhādivrataṃ yastu varjayennakhakarttanam || vārttākañca caturmāsaṃ madhusarpi
rghaṭānvitam

101.12

kārttikyāṃ tatpunarhemaṃ brāhmaṇāya nivedayet || sa rudralokamāpnoti śivavratamidaṃ smṛtam

101.13

varjjayedyastu puṣpāṇi hemanta
śiśirāvṛtū || puṣpapatrayañca phālgunyāṃ kṛtvā śaktyā ca kāñcanam

101.14

dadyādvikālavelāyāṃ prīyetāṃ śivakeśavau || datvā paraṃ padaṃ yāti saumyavrata
midaṃ smṛtam

101.15

phālgunyāditṛtīyāyāṃ lavaṇaṃ yastu varjjayet || samānte śayanaṃ dadyādgṛhañcopaskarānvitam

101.16

sampūjya vipramithunaṃ bhavānī
prīyatāmiti || gaurīloke vasetkalpaṃ saubhāgyavratamucyate

101.17

sandhyāmaunaṃ tataḥ kṛtvā samānte ghṛtakumbhakam || vastrayugmaṃ tilānvaṇṭāṃ brāhmaṇāya
nivedayet

101.18

sārasvataṃ padaṃ yāti punarāvṛttidurlabham || etatsārasvataṃ nāma rūpavidyāpradāyakam

101.19

lakṣmīmabhyarcya pañcamyāmrupavāsī bha
vennaraḥ || samānte hemakamalaṃ dadyāddhenusamanvitam

101.20

sa vaiṣṇavaṃ padaṃ yāti lakṣmīvāñjanmajanmani || etatsampadvrataṃ nāma sadā pāpavināśanam

101.21

kṛtvopalepanaṃ śambhoragrataḥ keśavasya ca || yāvadabdaṃ punardadyāddhenuṃ jalaghaṭānvitām

101.22

janmāyutaṃ sa rājā syāttataḥ śivapuraṃ vrajet || etadāyu
vrataṃ nāma sarvvakāmapradāyakam

101.23

aśvatthaṃ bhāskaraṃ gaṅgāṃ praṇamyaikatra vāgyataḥ || ekabhaktaṃ naraḥ kuryāādabdamekaṃ vimatsaraḥ

101.24

vratānte vipra
mithunaṃ pūjyaṃ dhenutrayānvitam || vṛkṣaṃ hiraṇmayaṃ dadyātso'śvamedhaphalaṃ labhet || etatkīrttivrataṃ nāma bhūtikīrttiphalapradam

101.25

ghṛtena snapanaṃ kuryāā
cchambhorvā keśavasya ca || akṣatābhiḥ sapuṣpābhiḥ kṛtvā gomayakhaṇḍalam

101.26

tiladhenusamopetaṃ samānte hemapaṅkajam || śuddhamaṣṭāṅgulaṃ dadyācchiva
loke mahīyate || sāmagāya tataścaitatsāmavratamihocyate

101.27

navamyāmekabhaktantu kṛtvā kanyāśca bhaktitaḥ || bhojayitvā''sanaṃ dadyāddhaimakakṣyakavā
sasī

101.28

haimaṃ siṃhañca viprāya dattvā śivapadaṃ vrajet || janmānvudaṃ surūpaḥ syācchatrubhiścāparājitaḥ || etadvīravrataṃ nāma nārīṇāñca sukhapradam

101.29

yāvatsamā bhavedyastu pañcadaśyāṃ payovrataḥ || samānte śrāddhakṛddadyātpañca gāstu payasvinīḥ

101.30

vāsāṃsi ca piśaṅgāni jalakumbhayutāni ca
sayāti vaiṣṇavaṃ lokaṃ pitṝṇāṃ tārayecchatam || kalpānte rājarājaḥ syātpitṛvratamidaṃ smṛtam

101.31

caitrādicaturo māsāñjalaṃ dadyādayācitam || vratānte
maṇīkaṃ dadyādannavastrasamanvitam

101.32

tilapātraṃ hiraṇyañca brahmaloke mahīyate || kalpānte bhūpatirnūnamānandavratamucyate

101.33

pañcāmṛtena
snapanaṃ kṛtvā saṃvatsaraṃ vibhoḥ || vatsarānte punarddadyāddhenuṃ pañcāmṛtena hi

101.34

viprāya dadyācchaṅkhañca sa padaṃ yāti śāṅkaram || rājā bhavati kalpānte
dhṛtivratamidaṃ smṛtam

101.35

varjayitvā pumānmāṃsamabdānte goprado bhavet || tadvaddhemamṛgaṃ dadyātso'śvamedhaphalaṃ labhet

101.35-2

ahiṃsāvratamityuktaṃ
kalpānte bhūpatirbhavet

101.36

māghamāsyuṣasi snānaṃ kṛtvā dāmpatyamarcayet || bhojayitvā yathāśaktyā mālyavastravibhūṣaṇaḥ || sūryyaloke vasetkalpaṃ
sūryyavratamidaṃ smṛtam

101.37

āṣāḍhādi caturmāsaṃ prātaḥsnāyī bhavennaraḥ || vipreṣu bhojanaṃ dadyātkārttikāṃ goprado bhavet || sa vaiṣṇavaṃ padaṃ yāti
viṣṇuvratamidaṃ śubham

101.38

ayanādayanaṃ yāvadvarjayetpuṣpasarpiṣī || tadante puṣpadāni ghṛtadhenvā sahaiva tu

101.39

dattvā śivapadaṃ gacchedviprāya
ghṛtapāyasam || etacchīlavrataṃ nāma śīlā rogyaphalapradam

101.40

sandhyādīpaprado yastu samāṃ tailaṃ vivarjayet || samānte dīpikaṃ dadyāccakra śū le ca
kāñcane

101.41

vastrayugmañca viprāya tejasvī sa bhavediha || rudralokamavāpnoti dīptivratamidaṃ smṛtam

101.42

kārttikyāditṛtīyāyāṃ prāśya gomūtrayāvakam
naktaṃ caredvabdamekamabdānte goprado bhavet

101.43

gaurīloke vasetkalpaṃ tato rājā bhavediha || etadrudravrataṃ nāma sadā kalyāṇakārakam

101.44

varjayeccaitramāse ca yaśca gandhānulepanam || śuktiṃ gandhabhṛtāṃ dattvā viprāya sitavāsasī || vāruṇaṃ padamāpnoti dṛḍhavratamidaṃ smṛtam

101.45

vaiśākhe
puṣpalavaṇaṃ varjayitvātha gopradaḥ || bhūtvā viṣṇupade kalpaṃ sthitvā rājā bhavediha || etatkāntivrataṃ nāma kāntikīrttiphalapradam

101.46

brahmāṇḍaṃ kāñcanaṃ kṛtvā tilarāśisamanvitam || tryahaṃ tilaprado bhūtvā vahniṃ santarpya saddvijam

101.47

sampūjya vipradāmpatyaṃ mālyavastravibhūṣaṇaiḥ
śaktitastripalādūrddhaṃ viśvātmā prīyatāmiti

101.48

puṇye'hni dadyāt sa paraṃ brahma yātyapunarbhavam || etadbrahmavrataṃ nāma nirvāṇapadadāyakam

101.49

yaścobhayamukhīṃ dadyāt prabhūtakanakānvitām || dinaṃ payovratāstiṣṭhetsa yāti paramaṃ padam || etaddhenuvrataṃ nāma punarāvṛttidurlabham

101.50

tryahaṃ payo
vrate sthitvā kāñcanaṃ kalpapādapam || palādūrddhaṃ yathāśaktyā taṇḍulaistūpasaṃyutam || dattvā brahmapadaṃ yāti kalpavratamidaṃ smṛtam

101.51

māsopa
vāsī yo dadyāddhenuṃ viprāya śobhanām || sa vaiṣṇavaṃ padaṃ yāti bhīmavratamidaṃ smṛtam

101.52

dadyādviṃśatpalādūrddhaṃ mahīṃ kṛtvā tu kāñcanīm || dinaṃ
payovratastiṣṭhedrudraloke mahīyate || dharāvratamidaṃ proktaṃ saptakalpaśatānugam

101.53

māghe māse'thavā caitre guḍadhenuprado bhavet || guḍavratastṛtī
yāyāṃ gaurīloke mahīyate || mahāvratamidaṃ nāma paramānandakārakam

101.54

pakṣopavāsī yo dadyādviprāya kapilādvayam || brahmalokamavāpnoti
devāsurasupūjitam || kalpānte rājarājaḥ syātprabhāvaratamidaṃ smṛtam

101.55

vatsarantvekabhaktāśī sabhakṣyajalakumbhadaḥ || śivaloke vasetkalpaṃ
prāptivratamidaṃ smṛtam

101.56

naktāśī cāṣṭamīṣu syādvatsarānte ca dhenudaḥ || paurandaraṃ puraṃ yāti sugativratamucyate

101.57

viprāyendha
nado yastu varṣādicaturo ṛtūn || ghṛtadhenuprado'nte ca sa paraṃ brahma gacchati || vaiśvānaravrataṃ nāma sarvvapāpavināśanam

101.58

ekādaśyāñca
naktāśī yaścakraṃ vinivedayet || samānte vaiṣṇavaṃ haimaṃ sa viṣṇoḥ padamāpnuyāt || etatkṛṣṇavrataṃ nāma kalpānte rājyabhāgbhavet

101.59

pāyasāśī samānte tu dadyādviprāya goyugam || lakṣmīlokamavāpnoti hyetaddevivrataṃ smṛtam

101.60

saptamyāṃ naktabhugdadyātsamānte gāṃ payasvinīm
sūryyalokamavāpnoti bhānuvratamidaṃ smṛtam

101.61

caturthyāṃ naktabhugdadyādabdānte hemavāraṇam || vrataṃ vaināyakaṃ nāma śivalokaphalapradam

101.62

mahāphalāni yastyaktvā caturmāsaṃ dvijātaye || haimāni kārttike dadyādgoyugena samanvitam || etat phalavrataṃ nāma viṣṇulokaphalapradam

101.63

yaścopavāsī saptamyāṃ samānte hemapaṅkajam || gāścavai śaktito dadyāddhemānnarathasaṃyutāḥ || etat sauravrataṃ nāma sūryyalokaphalapradam

101.64

dvādaśa
dvādaśīryyastu samāpyopoṣanena ca || govastrakāñcanairviprān pūjayecchaktito naraḥ || paramaṃ padaprāpnoti viṣṇuvratamidaṃ smṛtam

101.65

kārtti
kyāñca vṛṣotsargaṃ kṛtvā naktaṃ samācaret || śaivaṃ padamavāpnoti vārṣavratamidaṃ smṛtam

101.66

kṛcchrānte gopradaḥ kuryyādbhojanaṃ śaktitaḥ padam
viprāṇāṃ śāṅkaraṃ yāti prājāpatyamidaṃ vratam

101.67

caturdaśyāntu naktāśī samānte godhanapradaḥ || śaivaṃ padamavāpnoti traiyambakamidaṃ vratam

101.68

saptarātroṣito dadyāddhṛtakumbhaṃ dvijātaye || ghṛtavratamidaṃ prāhurbrahmalokaphalapradam

101.69

ākāśaśāyī varṣāsu dhenumante payasvinīm || śakra
loke vasennityamindravratamidaṃ smṛtam

101.70

anāgnipakvamaśnāti tṛtīyāyāntu yo naraḥ || gāṃ dattvā śivamabhyeti punarāvṛttidurlabham || iha cāna
ndakṛt puṃsāṃ śreyovratamidaṃ smṛtam

101.71

haimaṃ paladvayādūrddhaṃ rathamaśvayugānvitam || dadat kṛtopavāsaḥ syāddivi kalpaśataṃ vaset || kalpānte
rājarājaḥ syādaśvavratamidaṃ smṛtam

101.72

tadvaddhemarathaṃ dadyāt karibhyāṃ saṃyutaṃ naraḥ|| satyaloke vaset kalpaṃ sahastramatha bhūpatiḥ || bhaveduṣoṣito
bhūtvā karivratamidaṃ smṛtam

101.73

upavāsaṃ parityajya samānte goprado bhavet || yakṣādhipatyamāpnoti sukhavratamidaṃ smṛtam

101.74

niśi
kṛtvā jale vāsaṃ prabhāte goprado bhavet || vāruṇaṃ lokamāpnoti varuṇavratamucyate

101.75

cāndrāyaṇañca yaḥ kuryyāddhemacandraṃ nivedayet | candravratamidaṃ
proktaṃ candralokaphalapradam

101.76

jyeṣṭhe pañcatapāḥ sāyaṃ hemadhenuprado divam || yātyaṣṭamīcaturdaśyo rudravratamidaṃ smṛtam

101.77

sakṛdvitānakaṃ
kuryyāt tṛtīyāyāṃ śivālaye || samānte dhenudo yāti bhavānīvratamucyate

101.78

māghe niśyārdravāsāḥ syāt saptamyāṃ goprado bhavet || divi kalpaṃ
suṣitveha rājā syāt pavanaṃ vratam

101.79

trirātropoṣito dadyāt phālgunyāṃ bhavanaṃ śubham || ādityalokamāpnoti dhāmavratamidaṃ smṛtam

101.80

trisandhyaṃ pūjya dāmpatyamupavāsī vibhūṣaṇaiḥ || annaṃ gāśva samāpnoti mokṣamitravratādiha

101.81

dattvā sitadvitīyāyāmindorlavaṇabhājanam || samānte
goprado yāti viprāya śivamandiram || kalpānte rājarājaḥ syāt somavratamidaṃ smṛtam

101.82

pratipadyekabhaktāśī samānte kapilāpradaḥ || vaiśvānaraṃ
padaṃ yāti śivavratamidaṃ smṛtam

101.83

daśamyāmekabhaktāśī samānte daśadhenudaḥ || diśaśca kāñcanairdadyādbrahmāṇḍādhipatirbhavet || etaddiśvavrataṃ nāma
mahāpātakanāśanam

101.84

yaḥ paṭhecchṛṇuyādvāpi vrataṣaṣṭimamuttamām || manvantaraśataṃ so'pi gandharvādhipatirbhavet

101.85

ṣaṣṭivrataṃ nārada puṇyametat
tavoditaṃ viśvajanīnamanyat || śrotuṃ tavecchā tadudīrayāmi priyepu kiṃ vā'kathanīyamasti

101.85.p1

iti śrīmātsye mahāpurāṇe ṣaṣṭivratamāhātmyaṃ nāmaikā dhikaśatatamo'dhyāyaḥ

Linked texts (11)