Pramāṇa · Search · About · API

Matsya 102

Matsya 102

Language
Sanskrit

Contents

102.1

cha || || nandikeśvara uvāca || || nairmmalyaṃ bhāvaśuddhiśva vinā snānaṃ na vidyate || tasmānmanoviśuddhayarthaṃ snānamādau
vidhīyate

102.2

anuddhṛtairuddhṛtairvā jalaiḥ snānaṃ samācaret || tīrthañca kalpayedvidvān mūlamantreṇa mantravit || namo nārāyaṇāyeti mūlamantra udāhṛtaḥ

102.3

darbhapāṇistu vidhinā ācāntaḥ prayatataḥ śuciḥ|| caturrhastasamāyuktaṃ caturasraṃ samantataḥ || prakalpyāvāhayedgaṅgāmebhirmantrairvicakṣaṇaḥ

102.4

viṣṇoḥ
pādaprasūtāsi vaiṣṇavī viṣṇudevatā || trāhi nastvenasastasmādājanmamaraṇāntikāt

102.5

tisraḥ koṭayo'rddhakoṭī ca tīrthānāṃ vāyurabravīt
divi bhūmyantarikṣe ca tāni te santi jāhnavi

102.6

nandinītyeva te nāma deveṣu nalinīti ca || dakṣā pṛthvī ca vihagā viśvakāyā'mṛtā śivā

102.7

vidyādharī supraśāntā tathā viśvaprasādinī || kṣemā ca jāhnavī caiva śāntā śāntipradāyinī

102.8

etāni puṇyanāmāni snānakāle prakīrttayet
bhavetsaṃnihitā tatra gaṅgā tripathagāminī

102.9

saptavārābhijaptena karasampuṭayojitaḥ || mūrdhni kuryyājjalaṃ bhūyastricatuḥpañcasaptakam || snānaṃ kuryyā
nmṛdā tadvadāmantrya tu vidhānataḥ

102.10

aśvakrāṃte rathakrānte viṣṇukānte vasundhare || mṛttike hara me pāpaṃ yanmayā duṣkṛtaṃ kṛtam

102.11

uddhṛtāsi varāheṇa kṛṣṇena śatabāhunā || mṛttike brahmadattāsi kāśyapenābhimantritā || āruhya mama gātrāṇi sarvvaṃ pāpaṃ pracodaya

102.12

mṛttike
dehi naḥ puṣṭiṃ tvayi sarvvaṃ pratiṣṭhitam || namaste sarvvalokānāṃ prabhavārāṇi suvrate

102.13

evaṃ snātvā tataḥ paścādācamya ca vidhānataḥ|| utthāya
vāsasī śukle śuddhe tu paridhāya vai || tatastu tarpaṇaṃ kuryyātrailokyāpyāyanāya vai

102.14

devā yakṣāstathā nāgā gandharvvāpsaraso'surāḥ || krūrāḥ
sarpāḥ suparṇāśca taravo jambukāḥ khagāḥ

102.15

vāyvādhārā jalādhārāstathaivākāśagāminaḥ|| nirādhārāśca ye jīvāḥ pāpe dharme ratāśca ye

102.16

teṣāmāpyāyanāyaitaddīyate salilaṃ mayā || kṛtopavītī devebhyo nivītī ca bhavettataḥ

102.17

manuṣyāṃstarpayedbhaktyā brahmaputrānṛṣīṃstathā || sanaka
śca sanandaśca tṛtīyaśca sanātanaḥ

102.18

kapilaścāsuriścaiva voḍhuḥ pañcaśikhastathā || sarvve te tṛptimāyāntu maddattenāmbunā sadā

102.19

marīcimatryaṅgirasaṃ pulastyaṃ pulahaṃ kratum || pracetasaṃ vasiṣṭhañca bhṛguṃ nāradameva ca || devabrahmaṛṣīnsarvvīṃstarpayedakṣatodakaiḥ

102.20

apasavyaṃ tataḥ
kṛtvā savyaṃ jānvācya bhūtale || agniṣvāttāstathā saumyā haviṣmantastathoṣamapāḥ

102.21

sukālino barhiṣadastathānye vājyapāḥ punaḥ || santarpyāḥ
pitaro bhaktyā satilodakacandanaiḥ

102.22

yamāya dharmarājāya mṛtyave cāntakāya ca || vaivasvatāya kālāya sarvvabhūtakṣayāya ca

102.23

audumbarāya dadhnāya nīlāya parameṣṭhine || vṛkodarāya citrāya citraguptāya vai namaḥ || darbhapāṇistu vidhinā pitṝnsantarpayedbudhaḥ

102.24

pitrā
dīnnāmegātreṇa tathā mātāmahānapi || santarpya vidhinā bhaktyā imaṃ mantramudīrayet

102.25

ye'bāndhavā bāndhavā vā ye'nyajanmani bāndhavāḥ
te tṛptimakhilāṃ yāntu yaścāsmatto'bhivāñchati

102.26

tataścācamya vidhivadālikhetpadmagrataḥ || akṣatābhiḥ sapuṣpābhiḥ sajalāruṇacandanam
arghyaṃ dadyātprayatnena sūryyanāmāni kīrttayet

102.27

namaste viṣṇurūpāya namo viṣṇumukhāya vai || sahasraraśmaye nityaṃ namaste sarvvatejase

102.28

namaste śiva sarvveśa namaste sarvvavatsala || jagatsvāmitramaste'stu divyacandanabhūṣita

102.29

padmāsana namaste'stu kuṇḍalāṅgadabhūṣita
namaste sarvvalokeśa jagatsarvvaṃ vibodhase

102.30

sukṛtaṃ duṣkṛtañcaiva sarvvaṃ paśyasi sarvvaga || satyadeva namaste'stu prasīda mama bhāskara

102.31

divākara namaste'stu prabhākara namo'stu te || evaṃ sūryyaṃ namaskṛtya triḥ kṛtvātha pradakṣiṇam || dvijaṃ gāṃ kāñcanaṃ spṛṣṭvā tato
viṣṇugṛhaṃ vrajet

102.31.p1

iti śrīmātsye mahāpurāṇe snānavidhirnāma tryadhikaśatatamo'dhyāyaḥ

Linked texts (7)