Acaracintamani 1.p320

1.p320

tacca-padmapurāṇeḥ"anuddhṛtairuddhṛtai rvā jalaiḥ snānaṃ vidhīyate | tīrthaṃ prakalpayedvidvān mūlamantreṇa mantravit || namonāyaṇāyeti mūlamantra udāhṛtaḥ | darbhapāṇistu vidhinā hyācāntaḥ prayatataḥ śuciḥ || caturhasta samāyuktaṃ caturasraṃ samantataḥ | prakalpya vāhayed gaṅgāmebhi rmantrai rvicakṣaṇaḥ || oṃ viṣṇoḥ pāda prasūtā'si vaiṣṇavī viṣṇupujitā | pāhi nastvenasastasmādājanmamaraṇāntikāt || tisraḥ koṭyorddhakoṭī ca tīrthānāṃ vāyurabravīt | divi bhuvyantarikṣe ca tāni te santi jāhnavi || nandinītyeva te nāma deveṣu nalinīti ca | vṛndā pṛthvī ca subhagā viśvakāyā śivā sitā || vidyāvatī suprasannā tathā lokaprasādinī | kṣemyā ca jāhnavī caiva śāntā śāntipradāyinī || etāni puṇyanāmāni snānakāle prakīrttayet | bhavetsannihitā tatra gaṅgā tripathagāminī || saptavārābhijaptena karasampuṭayojitam | mūrddhina kuryājjalaṃ bhūyaḥ triścatuḥ pañca sapta vā || snānaṃ kuryānmṛdā tadvadāmantrya ca vidhānataḥ ||" "aśvakrānte rathakrānte viṣṇukānte vasundhare | mṛttike hara me pāpaṃ yanmayā duṣkṛtaṃ kṛtam || uddhṛtāsi varāheṇa kṛṣṇena śatabāhunā | namaste sarvalokānāṃ prabhavārāṇi suvrate || āruhya mama gātrāṇi sarvapāpaiḥ pramucyate ||”