Pramāṇa · Search · About · API

Matsya 12

Matsya 12

Language
Sanskrit

Contents

12.1

cha || || manuruvāca
bhagavaṃñchrotumicchāmi pitṝṇāṃ vaṃśamuttamam || raveborderśca śrāddhadevatvaṃ somasya ca viśeṣataḥ

12.2

matsya uvāca || || hanta te kathayiṣyāmi pi
tṝṇāṃ vaṃśamuttamam || svarge pitṛgaṇāḥ sapta trayasteṣāmamūrttayaḥ

12.3

mūrttimanto'tha catvāraḥ sarvveṣāmamitaujasaḥ || amūrttayaḥ pitṛgaṇā vairājasya prajā
pateḥ

12.4

yajanti yāndevagaṇā vairājā iti viśrutāḥ || ye 1 caite yogavibhraṣṭāḥ prāpya lokānsanātanān

12.5

punarbrahmadinānte tu jāyante brahmavādi
naḥ || samprāpya tāṃ smṛtiṃ bhūyo yogaṃ sāṅkhyamanuttamam

12.6

siddhiṃ prayānti yogena punarāvṛttidurlabhām || yogināmeva deyāni tasmācchrāddhāni dātṛ
bhiḥ

12.7

eteṣāṃ mānasī kanyā patnī himavato matā || mainākastasya dāyādaḥ krauñcastasyāgrajo'bhavat || krauñcadvīpaḥ smṛto yena caturtho ghṛtasaṃvṛtaḥ

12.8

menā ca suṣuve tisraḥ kanyā yogavatīstataḥ || umākapūrṇā'parṇā ca tīvravrataparāyaṇāḥ

12.9

rudrasyaikā sitasyaikā jaigīṣavyasya cāparā
dattā himavatā bālāḥ sarvvā loke tapo'dhikāḥ

12.10

ṛṣaya ūcuḥ || kasmāddākṣāyaṇī pūrvvaṃ dadāhātmānamātmanā || himavadduhitā tadvatkathaṃ jā
tā mahītale

12.11

saṃharantī kimuktāsau sutā vā brahmasūnunā || dakṣena lokajananī sūta vistarato vada

12.12

sūta uvāca || || dakṣasya ya
jñe vitate prabhūtavaradakṣiṇe || samāhūteṣu deveṣu provāca pitaraṃ satī

12.13

kimarthaṃ tāta bharttā me yajñe'sminnābhimantritaḥ || ayogya iti tāmāha
dakṣo yajñeṣu śūlabhṛt

12.14

upasaṃhārakṛdrudrastenāmaṅgalabhāgarayam || cukopātha satī dehaṃ tyakṣyāmīti tvadudbhavam

12.15

daśānāṃ tvañca bhavitā
pitṝṇāmekaputrakaḥ || kṣatriyatve'śvamedhe ca rudrārttatvaṃ nāśayiṣyasi

12.16

ityuktvā yogamāsthāya svadehodbhavatejasā || nirddahantī tadātmānaṃ sadevāsura
kinnaraiḥ

12.17

kiṃ kimetaditi proktā gandharvvagaṇaguhyakaiḥ|| upagamyābravīddakṣaḥ praṇipatyātha duḥkhitaḥ

12.18

tvamasya jagato mātā jagatasaubhāgya
devatā || duhitṛtvaṃ gatā devi mamānugrahakāmyayā

12.19

na tvayā rahitaṃ kiñcidbrahmāṇḍe sacarācaram || prasādaṃ kuru dharmmajñe na māṃ tyaktumihārhasi

12.20

prāha devī yadārabdhaṃ tatkāryyaṃ me na saṃśayaḥ || kintvavaśyaṃ tvayā martye hatayajñena śūlinā

12.21

prasāde lokasṛṣṭyarthaṃ tapaḥ kāryyaṃ ma
māntike || prajāpatistvaṃ bhavitā daśānāmaṅgajo'pyalam

12.22

madaṃśenāṅganāṣaṣṭirbhaviṣyantyaṅgajāstava || matsannidhau tapaḥ kurvvanprāpsyase yogamutta
mam

12.23

evamukto'bravīddakṣaḥ keṣu keṣu mayānaghe || tīrtheṣu ca tvaṃ draṣṭavyā stotavyā kaiśca nāmabhiḥ

12.24

devyuvāca || || sarvvadā sa
rvvabhūteṣu draṣṭavyā sarvvato bhuvi || sarvvalokeṣu yatkiñcidrahitaṃ na mayā vinā

12.25

tathāpi yeṣu sthāneṣu draṣṭavyā siddhimīpsubhiḥ || smarttavyā
bhūtikāmairvā tāni vakṣyāmi tattvataḥ

12.26

vārāṇasyāṃ viśālākṣī naimiṣe liṅgadhāriṇī || prayāge lalitā devī kāmākṣī gandhamādane

12.27

mānase kumudā nāma viśvakāyā tathāmbare

12.28

gomante gomatī nāma mandare kāmacāriṇī || madotkaṭā caitrarathe jayantī hastināpure

12.29

kānyakubje tathā gaurī rambhā malayaparvvate || ekāmrake kīrttimatī viśvāṃ viśveśvare viduḥ

12.30

puṣkare puruhūteti kedāre mārgadāyinī || na
ndā himavataḥ pṛṣṭhe gokarṇe bhadrakarṇikā

12.31

sthāneśvare bhavānī tu bilvale bilvapatrikā || śrīśaile mādhavī nāma bhadrā bhadreśvare tathā

12.32

jayā varāhaśaile tu kāmalā kamalālaya || rudrakoṭyāñca rudrāṇī kālī kālañjare girau

12.33

mahāliṅge tu kapilā markaṭe mukuṭeśvarī
śālagrāme mahādevī śivaliṅge jalapriyā

12.34

māyāpuryyā kumārī tu santāne lalitā tathā || utpalākṣī sahasrākṣe kamalākṣe mahotpalā

12.35

gaṅgāyāṃ maṅgalā nāma vimalā puruṣottame || vipāśāyāmamoghākṣī pāṭalā puṇḍravarddhane

12.36

nārāyaṇī supārśve tu vikūṭe bhadrasundarī || vipu
le vipulā nāma kalyāṇī malayācale

12.37

koṭavī koṭitīrthe tu sugandhā mādhave vane || godāśrame trisandhyā tu gaṅgādvāre ratipriyā

12.38

śivakuṇḍe śivānandā nandinī devikātaṭe || rukmiṇī dvāravatyāntu rādhā vṛndāvane vane

12.39

devakī mathurāyāntu pātāle parameśvarī || citra
kūṭe tathā sītā vindhye vindhyādhivāsinī

12.40

sahyādrāvekavīrā tu hariścandre tu candrikā || ramaṇā rāmatīrthe tu yamunāyāṃ mṛgāvatī

12.41

karavīre mahālakṣmīrumādevī vināyake || arogrā vaidyanāthe tu mahākāle maheśvarī

12.42

abhayetyuṣṇatīrtheṣu cāmṛtā vindhyakandare
māṇḍavye māṇḍavī nāma svāhā māheśvare pure

12.43

chāgalāṇḍe pracaṇḍā tu caṇḍikā makarandake || someśvare varārohā prabhāse puṣkarāvatī

12.44

devamātā sarasvatyāṃ pārāvārataṭe matā || mahālaye mahābhāgā payoṣṇyāṃ piṅgaleśvarī

12.45

siṃhikā kṛtaśauce tu kārttikeye yaśaskarī
utpalāvarttake lolā subhadrā śoṇasaṃgame

12.46

mātā siddhapure lakṣmī raṅganā bharatāśrame || jālandhare viśvamukhī tārā kiṣkindhaparvate

12.47

devadāruvane puṣṭirmedhā kāśmīramaṇḍale || bhīmā devī himādrau tu puṣṭirviśveśvare tathā

12.48

kapālamocane śuddhirmātā kāyāvarohaṇe || śaṅkhoddhāre dhvanirnoma dhṛtiḥ piṇḍārake tathā

12.49

kālā tu candrabhāgāyāmacchode śivakāriṇī || veṇāyāmamṛtā nāma badaryāmurvaśī tathā

12.50

auṣadhī cottarakurau kuśadvīpe kuśaudakā || manmathā hemakūṭe tu mukuṭe satyavādinī

12.51

aśvatthe vandanīyā tu nidhirvaiśravaṇālaye
gāyatrī vedavadane pārvvatī śivasannidhau

12.52

devaloke tathendrāṇī brahmāsyeṣu sarasvatī || sūryyabimbe prabhā nāma mātṛṇāṃ vaiṣṇavī matā

12.53

arundhatī satīnāntu rāmāsu ca tilottamā || citte brahmakalā nāma śaktiḥ sarvvaśarīriṇām

12.54

etaduddeśataḥ proktaṃ nāmāṣṭaśatamuttamam
aṣṭottarañca tīrthānāṃ śatametadudāhṛtam

12.55

yaḥ smarecchṛṇuyādvāpi sarvvapāpaiḥ pramucyate || eṣu tīrtheṣu yaḥ kṛtvā snānaṃ paśyati māṃ naraḥ

12.56

sarvvapāpavinirmuktaḥ kalpaṃ śivapure vaset || yastu matparamaṃ kālaṃ karotyeteṣu mānavaḥ

12.57

sa bhittvā brahmasadanaṃ padamabhyeti śāṅkaram
nāmnāmaṣṭaśataṃ yastu śrāvayecchivasannidhau

12.58

tṛtīyāyāmathāṣṭamyāṃ bahuputro bhavennaraḥ || godāne śrāddhadāne vā ahanyahani vā budhaḥ

12.59

devārccanavidhau vidvānpaṭhanbrahmādhigacchati || evaṃ vadantī sā tatra dadāhātmānamātmanā

12.60

svāyambhuvo'pi kālena dakṣaḥ prācetaso'
bhavat || pārvvatī sābhavaddevī śivadehārddhadhāriṇī

12.61

menāgarbhasamutpannā bhuktimuktiphalapradā || arundhatī japantyetatprāpa yogama
nuttamam

12.62

purūravāśca rājarṣiloṃke vyajeyatāmagāt || yayātiḥ putralābhañca dhanalābhañca bhārgavaḥ

12.63

tathānye devadaityāśca brāhmaṇāḥ
kṣatriyāstathā || vaiśyāḥ śūdrāśca bahavaḥ siddhimīyuryathepsitām

12.64

yatraitallikhitaṃ tiṣṭhetpūjyate devasannidhau || na tatra śoko daurgatyaṃ
kadācidapi jāyate

12.64.p1

iti śrīmātsye mahāpurāṇe pitṛvaṃśānvaye gaurīnāmāṣṭottaraśatakathanaṃ nāma trayodaśo'dhyāyaḥ

Linked texts (6)