Matsya 154

Language: Sanskrit

154.229 — 1 part

154.1

cha || || sūta uvāca || || tamālokya palāyantaṃ viśraṣṭadhvajakārmukam || hariṃ devaḥ sahasrākṣo mene bhagnaṃ durāhave

154.2

daityāṃ
śca muditāndṛṣṭvā karttavyaṃ nādhyagacchata || athāyannikaṭe viṣṇoḥ sureśaḥ pākaśāsanaḥ

154.3

uvāca cainaṃ madhuraṃ protsāhaparivṛṃhakam || kimebhiḥ
krīḍase deva dānavairduṣṭamānasaiḥ

154.4

durjanairlabdharandhrasya puruṣasya kutaḥ kriyāḥ || śaktenopekṣito nīco manyate balamātmanaḥ

154.5

tasmānna
nīcaṃ matimāndurgahīnaṃ hi santyajet || athāyresarasampattyā rathino jayamāpnuyuḥ

154.6

kasme sakhābhavaccāyre hiraṇyākṣavadhe vibho || hiraṇyaka
śipurdaityo vīryyaśālī madoddhataḥ

154.7

tvāṃ prāpyāpaśyadasuro viṣamaṃ smṛtivibhramam || pūrve'pyatibalā ye ca daityendrāḥ suravidviṣaḥ

154.8

vināśamāgatāḥ prāpya śalabhā iva pāvakam || yuge yuge ca daityānāṃ tvamevāntakaro hare

154.9

tathaivādyeha magnānāṃ bhava viṣṇo surāśrayaḥ || evamukta
stato viṣṇurvyavarddhata mahābhujaḥ

154.10

ṛddhyā paramayā yuktaḥ sarvvabhūtāśrayo'rihā || athovāca sahasrākṣaṃ kālakṣamamadhokṣajaḥ

154.11

daityendrāḥ
sarvvathopāyaiḥ śakyā hantuṃ hi nānyataḥ || durjayastārako daityo muktvā saptadinaṃ śiśum

154.12

kaścit strīvadhyatāṃ prāpto vadhe'nyasya kumārikā
jambhastu vadhyatāṃ prāpto dānavaḥ krūravikramaḥ

154.13

tasmādvīryeṇa divyena jahi jambhaṃ jagajjvaram || avadhyaḥ sarvvabhūtānāṃ tvāṃ vinā sa tu dānavaḥ

154.14

mayā gupto raṇe jambhaṃ jagatakaṇṭakamuddhara || tadvaikuṇṭhavacaḥ śrutvā sahasrākṣo'marārihā

154.15

samādiśat surān sarvvān sainyasya racanāṃ prati
yatsāraṃ sarvvalokeṣu vīryyasya tapaso'pi ca

154.16

tadekādaśarudrāṃstu cakārāgresarānhariḥ || vyālabhogrāṅgasannaddhā balino nīlakandharāḥ

154.17

candrakhaṇḍanṛmuṇḍālī maṇḍitoruśikhaṇḍinaḥ || śūlajvālāvaliptāṅgā bhujamaṇḍala bhairavāḥ

154.18

piṅgottuṅga jaṭājūṭāḥ siṃhacarmmānuṣaṅgiṇaḥ
kapālīśādayo rudrā vidrāvitamahāsurāḥ

154.19

kapālī piṅgalo bhīmo virūpākṣo vilohitaḥ || ajeśaḥ śāsanaḥ śāstā śambhuścaṇḍo dhruvastathā

154.20

ete ekādaśānantabalā rudrāḥ prabhāvinaḥ || pālayanto balasyāgre dārayantaśca dānavān

154.21

āpyāyayantastridaśāngarjanta iva cāmbudāḥ
himācalābhe mahati kāñcanāmburuhasraji

154.22

pracalaccāmare hemaghaṇṭāsaṅghātamaṇḍite || airāvate caturdante mātaṅge'calasaṃsthite

154.23

mahāmadajalasrāve kāmarūpe śatakratuḥ || tasthau himagireḥ śṛṅge bhānumāniva dīptimān

154.24

tasyārakṣatpadaṃ savyaṃ māruto'mitavikramaḥ
jugopāparamagniśca jvālāpūritadiṅmukhaḥ

154.25

pṛṣṭharakṣo'bhavadviṣṇuḥ sasainyasya śatakratoḥ || ādityā vasavo viśve marutaścāśvināvapi

154.26

gandharvā rākṣasā yakṣāḥ sakinnaramahoragāḥ || nānāvidhāyudhāścitrā dadhānā hemabhūṣaṇāḥ

154.27

koṭiśaḥ koṭiśaḥ kṛtvā vṛndaṃ cihnolakṣitam
viśrāmayantaḥ svāṃ kīrtiṃ vandivṛndapuraḥsarāḥ || cerurdaityavadhe hṛṣṭāḥ sahendrāḥ surajātayaḥ

154.28

śatakratoramarenikāyapālitā patākinī gajaśatavā
jināditā || sitātapatradhvajapoṭakoṭimaṇḍitā babhūva sā ditisutaśokavarddhinī

154.29

āyāntīmavalokyātha surasenāṃ gajāsuraḥ || gajarūpī mahā
mbhodasaṅghāto bhāti bhairavaḥ

154.30

paraśvadhāyudho daityo daṃśitoṣṭhakasampuṭaḥ || mamaī caraṇe devāṃścikṣepānyānkareṇa tu

154.31

parānparaśunā jaghne
daityendro raudravikramaḥ || tasya pātayataḥ senāṃ yakṣagandharvvakinnarāḥ

154.32

mumucuḥ saṃhatāḥ sarvve citraśastrāstrasaṃhatim || pāśānparaśvathāṃścakrānbhi
ndipālānsamudgarān

154.33

kuntānprāsānasīṃstīkṣṇānsudgarāṃśrāpi duḥsahān || tānsarvvānso'grasaddaityaḥ kavalāniva yūthapaḥ

154.34

kopāsphālita
dīrghāgrakarāsphoṭena pātayan || vicacāra raṇe devānduṣprekṣye gajadānavaḥ

154.35

yasminyasminipatati suravṛnde gajāsuraḥ || tasmiṃstasminmahāśabdo
hāhākārakṛto'bhavat

154.36

atha vidravamāṇaṃ tadvalaṃ prekṣya samantataḥ || rudrāḥ parasparaṃ procurahaṅkārotthitāṃrciṣaḥ

154.37

bho bho gṛhīta daityendraṃ
mardatainaṃ hatāśrayam || karṣatainaṃ śitaiḥ śūlairbhaatainañca marmasu

154.38

kapālī vākyamākarṇya śūlaṃ śitaśikhāmukham || sammārjya vāmahastena saṃrambha
vivṛtekṣaṇaḥ

154.39

athāvaddhabhrukuṭīvakro daityendrābhimukho raṇe || dṛḍhena muṣṭibandhena śūlaṃ viṣṭabhya nirmalam

154.40

jaghāna kumbhadeśe tu kapālī
gajadānavam||tato daśāpi te rudrā nirmamalāyomayai raṇe

154.41

jaghnuḥ śūlaiśca daityendraṃ śailavarmmāṇamāhave || kṣutaśoṇitarandhrastu śitaśūlamukhāditaḥ

154.42

vabhau kṛṣṇacchavirdaityaḥ śāradīvāmalaṃ saraḥ || protphullāruṇanīlābjasaṅghātaṃ sarvvatodiśam

154.43

bhasmaśubhratanucchāyai rudrairhaṃsairivāvṛtaḥ
upasthitāṃrttirdaityo'tha pracalatkarṇapallavaḥ

154.44

śambhuṃ bibheda daśanairnābhideśe gajāsuraḥ || dṛṣṭvā saktantu rudrābhyāṃ nava rudrāstato'drutam

154.45

tatakṣurvividhaiḥ śastraiḥ śarīramamaradviṣaḥ || nirbhayā balino yuddhe raṇabhūmau vyavasthitāḥ

154.46

mṛtaṃ mahiṣamāsādya vane gomāyavo yathā
kapālinaṃ parityajya gataśvāsurapuṅgavaḥ

154.47

vegena kupito daityo navarudrānupādravat || mamardda caraṇāghātairdantaiścāpi kareṇa ca

154.48

sa taistumulayuddhena śramamāsādito yadā || tadā kapālī jagrāha karaṃ tasyāmaradviṣaḥ

154.49

bhrāmayāmāsa vegena hyatīva ca gajāsuram
dṛṣṭvā śramāturaṃ daityaṃ kiñcitsphuritajīvitam

154.50

nirutsāhaṃ raṇe tasmingatayuddhotsavodyamam || tataḥ patata evāsya carma cotkṛtya bhairavam

154.51

sravatsarvāṅgaraktaughaṃ cakārāmbaramātmanaḥ || dṛṣṭvā vinihataṃ daityaṃ dānavendrā mahābalāḥ

154.52

vitresurdudruvurjagmurnipetuśca sahasraśaḥ || dṛṣṭvā
kapālino rūpaṃ gajacarmmāmbarāvṛtam

154.53

dikṣu bhūmau tamevograṃ rudraṃ daityā vyalokayan|| evaṃ vigulite tasmindānavendre mahābale

154.55

dvipādhirūḍho
daityendro hatadundubhinā tataḥ || kalpāntāmbudharābhena durddhareṇāpi dānavaḥ||54||nimirbhyapatattūrṇaṃ surasainyāni loḍayan || yāṃ yāṃ nimirgajo yāti diśaṃ
tāṃ tāṃ savāhanāḥ

154.56

santyajya dudruvurdevā bhayārttāstyaktahetayaḥ || gandhena suramātaṅgā dudruvustasya hastinaḥ

154.58

palāyiteṣu sainyeṣu surāṇāṃ pākaśā
sanaḥ||tasthau dikpālakaiḥ sārddhamaṣṭabhiḥ keśavena ca||57||sampnāto nimimātaṅgo yāvacchakragajaṃ prati||tāvacchakragajo yāto muktvā nādaṃ sa bhairavam

154.59

dhriyamāṇo'pi yatnena sa raṇe naiva tiṣṭhati || palāyite gaje tasminnārūḍhaḥ pākaśāsanaḥ

154.60

viparītamamukho'pyudhyaddhānavendrabalaṃ prati || śata
kratustu vajreṇa nirbhiṃ vakṣasyatāḍayat

154.61

gadayā dantinañcāsya gaṇḍadeśe'hanaddaḍham || tatprahāramacintyaiva nimirnirbhayapauruṣaḥ

154.62

airāvaṇaṃ kaṭīdeśe mudgareṇābhyatāḍayat || sa hato mudgareṇātha śakrakuñjara āhave

154.63

jagāma paścāccaraṇairdharaṇīṃ bhūdharākṛtiḥ || lāghavāt
kṣipramutthāya tato'paramahāgajaḥ

154.64

raṇādapasasarpāśu bhīṣito nimihastinā || tato vāyurvavau rūkṣo bahuśarkarapāṃsulaḥ

154.65

sammukho nimimātaṅgo javanācalakampanaḥ || sutarakto babhau śailo ghanadhāturudo yathā

154.66

dhaneśo'pi gadāṃ gurvī tasya dānavahastinaḥ || cikṣepa
vegāddaityendro nipapātāsya mūrddhani

154.67

gajo gadānipātena sa tena parimūrcchitaḥ || dantairbhiṃttvā dharāṃ vegāt papātācaḷasannibhaḥ

154.68

patite tu gaje tasminsiṃhanādo mahānabhūt || sarvvataḥ surasainyānāṃ gajavṛṃhitavṛṃhitaiḥ

154.69

heṣāraveṇa cāśvānāṃ guṇāsphoṭaiśca dhanvinām
gajaṃ taṃ nihataṃ dṛṣṭvā nimiścāpi parāṅmukham

154.70

śrutvā ca siṃhanādañca surāṇāmatikopanaḥ || jambho jajvala kopena pītājya iva pāvakaḥ

154.71

sa surānkoparaktākṣo dhanuṣyāropya sāyakam || tiṣṭhatetyabravīttāvatsārathiñcāpyacodayat

154.72

vegena calatastasya tadrathasyābhavadyutiḥ
yathādityasahasrasyābhyuditasyodayācale

154.73

patākinā rathenājau kiṅkiṇījālamālinā || śaśiśubhrātapatreṇa sa tena syandanena tu

154.74

ghaṭṭayansurasainyānāṃ hṛdayaṃ samahṛṣyata || tamāyāntamabhiprekṣya dhanuṣyāhitasāyakaḥ

154.75

śatakraturadīnātmā dṛḍhamādhatta kārmukam || bāṇañca
tailadhautāgramarddhacandramajihmagam

154.76

tenāsya saśaraṃ cāpaṃ raṇe ciccheda vṛtrahā || kṣipraṃ santyajya taccāpaṃ jambho dānavanandanaḥ

154.77

anyatkārmukamādāya vegavaddvārasādhanam || śarāṃścāśīviṣākārāṃstailadhautānājihmagān

154.78

śakraṃ vivyādha daśābhirjatrudeśe tu patribhiḥ || hṛdaye
ca tribhiścāpi dvābhyāñca skandhayordvayoḥ

154.79

śakro'pi dānavendrāya bāṇajālamapīhaśam || aprāptānrdānavendrastu śarāñchakrabhujeritān

154.80

ciccheda daśadhākāśe śarairagniśikhopamaiḥ || tatastu śarajālena devendro dānaveśvaram

154.81

ācchādayata yatnena varṣāsviva ghanairnabhaḥ || daityo'pi bāṇa
jālaṃ tadvyadhamatsāyakaiḥ śitaiḥ

154.82

yathā vāyurghanāṭopaṃ paricāryya diśo mukhe || śakro'tha krodhasaṃrambhānna viśeṣayate yadā

154.83

dānavendraṃ
tadā cakre gandharvāstraṃ mahādbhutam || tadutthatejasā vyāptamabhūddgamanagocaram

154.84

gandharvanagaraiścāpi nānāprākāratoraṇaiḥ || muñcadbhiradbhutākārairatnavṛṣṭiṃ
samantataḥ

154.85

athāstravṛṣṭyā daityānāṃ hanyamānā mahācamūḥ || jambhaṃ śaraṇamāgacchadaprameyaparākramam

154.86

vyākulo'pi svayaṃ daityaḥ sahasrākṣā
strapīḍitaḥ || smaransādhusamācāraṃ bhītatrāṇaparo'bhavat

154.87

athāstraṃ mausalaṃ nāma mumoca ditinandanaḥ || tato'yomusalaiḥ sarvvamabhavat pūritaṃ jagat

154.88

ekaprahārakaraṇairapradhṛṣyaiḥ samantataḥ || gandharvanagaraṃ teṣu gandharvāstravinirmitam

154.89

gāndharvamastraṃ sandhāya surasainyeṣu cāparam || ekaikena
prahāreṇa gajānaśvānmahārathān

154.90

rathāśvātsāhanatkṣipraṃ śataśo'tha sahasraśaḥ || tataḥ surādhipastvāṣṭramastrañca samudīrayat

154.91

sandhyamāne
tatastvāṣṭre niśceruḥ pāvakārciṣaḥ || tato yantramayāndivyānāyudhānduṣpradharṣiṇaḥ

154.92

tairyantrairabhavaddhaddhamantarikṣe vitānakam|| vitānakena tenātha praśamaṃ
mausale gate

154.93

śailāstraṃ mumuce jambho yantrasaṅghātatāḍanam || vyāmapramāṇairupalaistato varṣamavarttata

154.94

tvāṣṭrasya nirmmitāānyāśu yantrāṇi tad
nantaram || tenopalanipātena gatāni tilaśastataḥ

154.95

yantrāṇi tilaśaḥ kṛtvā śailāstraṃ parasūrddhasu || nipapātātivegenādārayatpṛthivīṃ tataḥ

154.96

tato vajrāstramakarotsahasrākṣaḥ purandaraḥ || tadopalamahāvarṣaṃ vyaśīryyata samantataḥ

154.97

tataḥ praśānte śailāstre jambho bhūdharasannibhaḥ || aiṣīkamastramaka
roddhīto'tiparākramaḥ

154.98

aiṣīkeṇāgamannāśaṃ vajrāstraṃ śakravallabham || vijṛmbhatayatha caiṣīke paramāstre'tidurddhare

154.99

jajvaludaivasainyāni sahayandvi
nagajāni tu || dahyamāneṣvanīkeṣu tejasā surasattamaḥ

154.100

āgneyamastramakarodbalavānpākaśāsanaḥ || tenāstreṇa tatastvaindramagrasattadanantaram

154.101

tasminpratihate cāstre pāvakāstraṃ vyajṛmbhata || jajvala kāryaṃ jambhasya sarathañca sasārathim

154.102

tataḥ pratihataḥ so'tha daityendraḥ pratibhānavān
vāruṇāstraṃ mumocātha śamanaṃ pāvakārciṣām

154.103

tato jaladharaivyoma sphuradvidyullatākulaiḥ || gambhīramurajadhvānairāpūritamivāmbaram

154.104

karīndrakaratulyābhirjaladhārābhirambarāt || patantībhirjagatsarvvaṃ kṣaṇenāpūritaṃ babhau

154.105

śāntamāgneyamastraṃ tatpravilokṣya surādhipaḥ || vāyavyāmastrama
karonmeghasaṅghātanāśanam

154.106

vāyavyāstravalenātha nirdūte meghamaṇḍale || babhūva vimalaṃ vyoma nīlotpaladalaprabham

154.107

vāyunā cātiyo
reṇa kampitāste tu dānavāḥ || na śekurastatra te sthātuṃ raṇe'tibalino'pi ye

154.108

tadā jambho'bhavacchailo daśayojanavistṛtaḥ || mārutapratighātārthaṃ
dānavānāṃ bhayāpahaḥ

154.109

mukttanānāyudhodyatnejo'bhiṣvalitadrumaḥ || tataḥ praśamite vāyau daityendre parvvatākṛtau

154.110

mahāśanīṃ vajramayīṃ
mumocāśu śatakratuḥ || tayāśanyā patitayā daityasyācalārūpiṇaḥ

154.111

kandarāṇi vyaśīryyanta samantānnirjharāṇi tu || tataḥ sā dānavendrasya śai
lamāyā nyavarttata

154.112

nivṛttaśailamāyo'tha dānavendro madotkaṭaḥ || babhūva kuñjaro bhīmo mahāśailasamākṛtiḥ

154.113

sa mamardda surānīkaṃ
dantaiścāpyahanatsurān || babhañja pṛṣṭhataḥ kāṃścitkareṇāveṣṭya dānavaḥ

154.114

tataḥ kṣapayatastasya surasainyāni vṛtrahā || astraṃ trailokyadurddharṣaṃ nārasiṃhaṃ
mumoca ha

154.115

tataḥ siṃhasahasrāṇi niścerurmantratejasā || kṛṣṇadaṃṣṭrāṭṭahāsāni krakacābhanakhāni ca

154.116

tairvipāṭitagātro'sau gajamāyāṃ
vyapothayat || tataścāśīviṣo ghoro'bhavatphaṇaśatākulaḥ

154.117

viṣaniḥśvāsanirddagdhaṃ surasainyaṃ mahārthaḥ || tato'straṃ gāruḍaṃ cakre śakraścārubhrujastadā

154.118

tato garutmatastasmātsahasrāṇi viniryyuḥ || tairgarutmadbhirāsādya jambho bhujagarūpavān

154.119

kṛtastu khaṇḍaśo daityaḥ sāsya māyā
vyanaśyata || pranaṣṭāyāntu māyāyāṃ tato jambho mahāsuraḥ

154.120

cakāra rūpamatulaṃ candrādityapathānugam || vivṛttavadano grastumiyedha surapuṅgavān

154.121

tato'sya viviśurvaktraṃ samahārathakuñjarāḥ || surasenāviśadbhīmaṃ pātālottānatālukam

154.122

sainyeṣu grasyamāneṣu dānavena balīyasā
śakro dainyaṃ samāpannaḥ śrāntavāhaḥ savāhanaḥ

154.123

karttavyatāṃ nādhyagacchattu provācedaṃ janārdanam || kimanantaramatrāsti karttavyasyāvaśeṣitam

154.124

yadāśritya ghaṭāmo'sya dānavasya yuyutsavaḥ || tato hariruvācedaṃ vajrāyudhamudāradhīḥ

154.125

na sāmprataṃ raṇastyājyastvayā kātarabhairavaḥ
varddhasvāśu mahāmāyāṃ purandara ripuṃ prati

154.126

mayaiṣa lakṣito daityo'dhiṣṭhitaḥ prāptapauruṣaḥ || mā śakra mohamāgaccha kṣipramastraṃ smara prabho

154.127

tataḥ śakraḥ prakupito dānavaṃ prati devarāṭ || nārāyaṇastraṃ prayato mumocāsuravakṣasi

154.128

etasminnantare daityo vivṛtāsyo'grasatkṣaṇāt
trīṇi lakṣāṇi gandharvvakinnaroragarākṣasān

154.129

tato nārāyaṇāstraṃ tatpapātāsuravakṣasi || mahāhvabhinnahṛdayaḥ susrāva rudhirañca saḥ

154.130

raṇāgāramivoddhāraṃ tatyājāsuranandanaḥ || tadastratejasā tasya rūpaṃ daityasya nāśitam

154.131

tata evāntardadhe daityo viyatyanupalakṣitaḥ || gaganasthaḥ
sa daityendraḥ śastrāsanamatīndriyam

154.132

mumoca surasainyānāṃ saṃhāre kāraṇaṃ param || prāsānparaśvadhāṃścakrānvāṇānvajrāmsamudgarān

154.133

kuṭhāra
rānsaha khaṅgaiśca bhindipālānayoguḍān || vavarṣa dānavo raudro hyavandhyānakṣayānapi

154.134

tairastrairdānavairmuktairdevānīkeṣu bhīṣaṇaiḥ || bāhubhirdharaṇiḥ pūrṇā
śirobhiśca sakuṇḍalaiḥ

154.135

ūrubhirgajahastābhaiḥ karīndrairvācalopamaiḥ || bhagneṣādaṇḍacakrākṣai rathaiḥ sārathibhiḥ saha

154.136

duḥsañcārābhavatpṛthvī
māṃsaśoṇitakarddamā || rudhiraughahradāvarttā śavarāśiśiloccayaiḥ

154.137

kabandhanṛtyasaṅkule sravadvasāsrakarddame || jagatrayopasaṃhatau same samastadehinām

154.138

śṛgālagṛdhravāyasāḥ paraṃ pramodamādadhuḥ || kvacidvikṛṣṭalocanaḥ śavasya rauti vāyasaḥ

154.140

vikṛṣṭapīvarāntrakāḥ prayānti jambukāḥ
kvacit || kvacitsthito'tibhīṣaṇaḥ śvacañcucarvvito bakaḥ||139||mṛtasya māṃsamāharañchajātayaśca saṃsthitāḥ || kvacicchuko gajāsṛjaṃ papau nilīyatāntrataḥ

154.141

kvacitttaraṅgamaṇḍalī vikṛṣyate śvajātibhiḥ || kvacitpiśācajātakaiḥ prapītaśoṇitāsavaiḥ

154.142

svakāminoyutairhṛtaṃ pramoda mattasambhramaiḥ
mamaitadānayānanaṃ khuro'yamastu me priyaḥ

154.143

karo'yamabjasannibho mamāstu karṇapūrakaḥ || saroṣamīkṣate'parā vapāṃ vinā priyaṃ tadā

154.144

parā priyā
hyāvāpayaddhatoṣṇaśoṇitāsavam|| vikṛṣya śavacarmma tatpravaddhasāndrapallavam

154.145

cakāra yakṣakaminī taruṃ kuṭhārapāṭitam || gajasya dantamātmajaṃ pragṛhya
kumbhasampuṭam

154.146

vipāṭya mauktikaṃ paraṃ priyaprasādamicchate || sasāṃsaśoṇitāsavaṃ papuśca yakṣarākṣasāḥ

154.157

mṛtākṣakeśavāsitaṃ rasaṃ pragṛhya pāṇinā
priyā vimuktajīvitaṃ samānayāsṛgāsavam

154.158

na pathyatāṃ prayāti me gataṃ imaśmaśānagocaram || narasya tajjahātyasau praśasya kinnarānanam

154.159

sa nāga eṣa no bhayaṃ dadhāti muktajīvitaḥ || na dānavasya śakyate mayā tadekayānanam

154.160

iti priyāya vallabhā vadanti yakṣayoṣitaḥ || pare kapā
lapāṇayaḥ piśācayakṣarākṣasāḥ

154.161

vadanti dehi dehi me mamātibhakṣyacāriṇaḥ || pare'vatīryya śoṇitāpagāsu dhautamūrttayaḥ

154.162

pitṝn pratarpya devatāḥ samarcayanti cāmiṣaiḥ || gajoḍupe susaṃsthitāstaranti śoṇitaṃ hradam

154.163

iti pragāḍhasaṅkaṭe surāsure susaṅgare || bhayaṃ samu
jjhya durjjayā bhaṭāḥ sphuṭanti māninaḥ

154.164

tataḥ śakro dhaneśaśca varuṇaḥ pavano'nalaḥ || yamo'pi nirṛtiścāpi divyāstrāṇi mahābalāḥ

154.165

ākāśe mumucuḥ sarvve dānavānabhisandhāya te || astrāṇi vyarthatāṃ jagmurddevānāṃ dānavānprati

154.166

saṃrambheṇāpyayudhyanta saṃhatāstumulena ca
gatiṃ na vividuścāpi śrāntā daityasya devatāḥ

154.167

daityāstrabhinnasarvvāṅgā hyakiñcitkaratāṃ gatāḥ || parasparaṃ vyalīyanta gāvaḥ śītādditā iva

154.168

tadavasthānharirddṛṣṭvā devānchakramuvāca ha || brahmāstraṃ smara devendra yasyāvadhyo na vidyate || viṣṇunā coditaḥ śakraḥ sasmarāstraṃ mahaujasam

154.169

saṃ Turn pūjitaṃ nityamarātināśanaṃ samāhitaṃ bāṇamamitraghātane||dhanuṣyajayye viniyojya buddhimānabhūttato mantrasamārddhimānasaḥ

154.160-2

sa mantramu
ccāryya yatāntarāśayo vadhāya daityasya dhiyābhisandhāya tu || vikṛṣya karṇāntamakuṇṭhadīdhitiṃ mumoca vīkṣyāmbaramārgamanmukhaḥ

athāsuraḥ prekṣya
mahāstramāhitaṃ vihāya māyāmavanau vyatiṣṭhata||pravepamānena mukhena śuṣyatā balena gātreṇa ca sambhramākulaḥ||161||tatastu tasyāstravarābhimantritaḥ śaro'rddhacaṃ
ndrapratimo mahāraṇe||purandarasyāsanabandhutāṃ gato navārkabimbaṃ vapuṣā viḍambayan||162||kirīṭakoṭisphuṭakāntisaṅkaṭaṃ sugandhinānākusumādhivāsitam
prakīrṇadhūmajvalanordhvamūrddhajaṃ papāta jambhasya śiraḥ sakuṇḍalam||163||tasmin vinihate jambhe dānavendrāḥ parāṅmukhāḥ|| tataste bhagnasaṅkalpāḥ prayayuryatra
tārakaḥ

Linked texts (8)

Matsyapurāṇa — Vyāsa, Sanskrit
Skandamahāpurāṇa (vulgate) — Sanskrit
Padmapurāṇa — Vyāsa, Sanskrit
Māheśvarakhaṇḍa — Sanskrit
Kaumārīkākhaṇḍa — Sanskrit
Kumārikākhaṇḍa — Sanskrit
Kaumārakhaṇḍa — Sanskrit
Vaiṣṇavakhaṇḍa — Sanskrit

Matsya 154

Contents