Matsya 166
Matsya 166
- Language
- Sanskrit
Contents
- 166.24 — 1 part
166.1
cha || matsya uvāca || || catvāryāhuḥ sahasrāṇi
varṣāṇāntu kṛtaṃ yugam || tasya tāvacchatī sandhyā dviguṇā ravinandana
166.2
yatra dharmaścatuṣpādastvadharmmaḥ pādavigrahaḥ || svadharmmanīratāḥ santo
jāyante yatra mānavāḥ
166.3
viprāḥ sthitā dharmmaparā rājavṛttau sthitā nṛpāḥ || kṛṣyāmabhiratā vaiśyāḥ śūdrāḥ śuśrūṣavaḥ sthitāḥ
166.4
tadā satyañca
śaucañca dharmmaścaiva vivarddhate || sadbhirācaritaṃ karmma kriyate khyāyate ca vai
166.5
etatkṛtayugaṃ vṛttaṃ sarvveṣāmapi pārthiva || prāṇināṃ dharmasaṅgānāmapi
vai nīcajanmanām
166.6
trīṇi varṣasahasrāṇi tretāyugamihocyate || tasya tāvacchatī sandhyā dviguṇā parikīrttyate
166.7
dvābhyāmadharmmaḥ pādābhyāṃ tribhi
rdharmmo vyavasthitaḥ || yatra satyañca sattvañca tretādharmmo vidhīyate
166.8
tretāyāṃ vikṛtiṃ yānti varṇāstvete na saṃśayaḥ || caturvvarṇasya vaikṛtyādyānti
daurbbalyamāśramāḥ
166.9
eṣā tretāyugagatirvicitrā devanirmmitā || dvāparasya tu yā ceṣṭā tāmapi śrotumarhasi
166.10
dvāparaṃ dve sahasre tu varṣāṇāṃ ravi
nandana || tasya tāvacchatī sandhyā dviguṇā yugamucyate
166.11
tatra cārthaparāḥ sarve prāṇino rajasā hatāḥ || sarve naiṣkṛtikāḥ kṣudrā jāyante ravinandana
166.12
dvābhyāṃ dharmaḥ sthitaḥ padbhyāmadharmastribhirutthitaḥ || viparyyayācchanairdharmaḥ kṣayameti kalau yuge
166.13
brāhmaṇabhāvasya tatastathautsukyaṃ
viśīryyate || vratopavāsāstyajyante dvāpare yugaparyyaye
166.14
tathā varṣasahasrantu varṣāṇāṃ dve śate api || sandhyayā saha saṃkhyātaṃ krūraṃ kaliyugaṃ
smṛtam
166.15
yatrādharmaścatuṣpādaḥ syāddharmaḥ pādavigrahaḥ || kāminastapasācchannā jāyante tatra mānavāḥ
166.16
naivātisāttvikaḥ kaścinna
sādhurna ca satyavāk || nāstikā brahmabhaktā vā jāyante tatra mānavāḥ
166.17
ahaṅkāragṛhītāśca prakṣīṇasnehabandhanāḥ || viprāḥ śūdrasamācārāḥ santi
sarve kalau yuge
166.18
āśramāṇāṃ viparyyāsaḥ kalau saṃparivarttate || varṇānāñcaiva sandeho yugānte ravinandana
166.19
vidyāddvādaśasāhasrīṃ yugārūyāṃ
pūrvanirmmitām || evaṃ sahasraparyyantaṃ tadaharbrāhmamucyate
166.20
tato'hani gate tasminsarveṣāmeva jīvinām || śarīranirvṛttiṃ dṛṣṭvā lokasaṃhārabuddhitaḥ
166.21
devatānāñca sarvāsāṃ brahmādīnāṃ mahīpate || daityānāṃ dānavānāñca yakṣarākṣasapakṣiṇām
166.22
gandharvāṇāmapsarasāṃ bhujaṅgānāñca pārthiva
parvvatānāṃ nadīnāñca paśūnāñcaiva sattama || tiryyagyaunigatānāñca sattvānāṃ kṛmiṇāṃ tathā
166.23
mahābhūtapatiḥ pañca hṛtvā bhūtāni bhūtakṛt || jagatsaṃ
haraṇārthāya kurute vaiśasaṃ mahat
166.24
bhūtvā sūryyaścakṣuṣī cādadāno bhūtvā vāyuḥ prāṇināṃ prāṇajālam || bhūtvā vahnirnirdahansarvvalokān bhūtvā
megho bhūya ugro'pyavarṣat
166.24.p1
iti śrīmātsye mahāpurāṇe padmodbhavaprādurbhāve pañcaṣaṣṭyadhikaśatatamo'dhyāyaḥ
Linked texts (2)
- Matsyapurāṇa — Vyāsa, Sanskrit
- Smṛtitattva — Raghunandana Bhaṭṭācārya 1520, Sanskrit