Matsya 17
Matsya 17
- Language
- Sanskrit
Contents
- 17.29 — 1 part
17.1
cha || || sūta uvāca || ekoddiṣṭamato vakṣye yaduktaṃ cakrapāṇinā || mṛte putrairyathā kāryyamāśaucañca pitaryyapi
17.2
daśāhaṃ śāvamāśaucaṃ brāhma
ṇeṣu vidhīyate || kṣatriyeṣu daśa dve ca pakṣaṃ vaiśyeṣu caiva hi
17.3
śūdreṣu māsamāśaucaṃ sapiṇḍeṣu vidhīyate || naiśaṃ vākkṛtacūḍasya trirātraṃ parataḥ smṛtam
17.4
janane'pyevameva syātsarvvavarṇeṣu sarvvadā || tathāsthisañcayādūrddhamaṅgasparśo vidhīyate
17.5
pretāya piṇḍadānantu dvādaśāhaṃ samācaret
pātheyaṃ tasya tatproktaṃ yataḥ prītikaraṃ mahat
17.6
tasmātpretapuraṃ preto dvādaśāhaṃ na nīyate || gṛhaṃ putraṃ kalatrañca dvādaśāhaṃ prapaśyati
17.7
tasmā
nnidheyamākāśe daśarātraṃ payastathā || sarvvadāhopaśāntyarthamadhvaśramavināśanam
17.8
tata ekādaśāhe tu dvijānekādaśaiva tu || kṣatrādiḥ sūtakānte
tu bhojayedayuto dvijān
17.9
dvitīye'hni punastadvadekoddiṣṭaṃ samācaret || āvāhanārdhaukaraṇaṃ daivahīnaṃ vidhānataḥ
17.10
ekaṃ pavitrameko'rghya ekaḥ
piṇḍo vidhīyate || upatiṣṭhatāmityetaddeyaṃ paścāttilodakam
17.11
svaditaṃ vikired brūyādvisarge cābhiramyatām || śeṣaṃ pūrvvavadatrāpi kāryyaṃ veda
vidā pituḥ
17.12
anena vidhinā sarvvamanumāsaṃ samācaret || sūtakāntādvitīye'hni śayyāṃ dadyādvilakṣaṇām
17.13
kāñcanaṃ puruṣaṃ tadvatpha
lavastrasamanvitām || sampūjya dvijadāmpatyaṃ nānābharaṇabhūṣaṇaiḥ
17.14
vṛṣotsargaṃ prakurvvīta deyā ca kapilā śubhā || udakumbhaśca dātavyo bhakṣyabho
jyasamanvitaḥ
17.15
yāvadabdaṃ naraśreṣṭha satilodakapūrvvakam || tataḥ saṃvatsare pūrṇe sapiṇḍīkaraṇaṃ bhavet
17.16
sapiṇḍīkaraṇādūrddhaṃ pretaḥ pārvva
ṇabhāgbhavet || vṛddhipūrveṣu yogyaśca gṛhasthaśca bhavettataḥ
17.17
sapiṇḍīkaraṇe śrāddhe devapūrvvaṃ niyojayet || pitṛnevāsayettatra pṛthak pretaṃ vinirdiśe
t
17.18
gandhodakatilairyuktaṃ kuryyātpātracatuṣṭayam || arghārthaṃ pitṛpātreṣu pretapātraṃ prasecayet
17.19
tadvatsaṅkalpya caturaḥ piṇḍānpiṇḍa
pradastathā || ye samānā iti dvābhyāmantyantu vibhajettridhā
17.20
caturthasya punaḥ kāryyaṃ na kadācidato bhavet || tataḥ pitṛtvamāpannaḥ sarvvatastuṣṭimāgataḥ
17.21
agniṣvāttādimadhyatvaṃ prāpnotyamṛtamuttamam || sapiṇḍīkaraṇādūrddhaṃ tasmai tasmānna dīyate
17.22
pitṛṣveva tu dātavyaṃ tatpiṇḍo yeṣu saṃsthitaḥ || ta
taḥprabhṛti saṃkrāntāvuparāgādiparvvasu
17.23
tripiṇḍamācarecchrāddhamekoddiṣṭe mṛte'hani || ekoddiṣṭaṃ parityajya mṛtāhe yaḥ samācaret
17.24
sadaiva pitṛhā sa
syānmātṛbhrātṛvināśakaḥ || mṛtāhe pārvvaṇaṃ kurvvannadho'dho yāti mānavaḥ
17.25
saṃvṛkteṣvākulībhāvaḥ preteṣu tu yato bhavet || pratisaṃvatsaraṃ tasmādekoddiṣṭaṃ sa
mācaret
17.26
yāvadabdantu yo dadyādudakumbhaṃ vimatsaraḥ|| pretāyānnasamāyuktaṃ so'śvamedhaphalaṃ labhet
17.27
āmaśrāddhaṃ yadā kuryyādvidvijaḥ śrāddhadastadā
tenāgnaukaraṇaṃ kuryyātpiṇḍāṃstenaiva nirvapet
17.28
tribhiḥ sapiṇḍīkaraṇe aśeṣatritaye pitā || yadā prāpsyati kālena tadā mucyeta bandhanāt
17.29
mukto'pi lepabhāgitvaṃ prāpnoti kuśamārjanāt || lepabhājaścaturthādyāḥ pitrādyāḥ piṇḍabhāginaḥ || piṇḍadaḥ saptamasteṣāṃ sāpiṇḍyaṃ sāptapauruṣam
17.29.p1
iti śrīmatsye mahāpurāṇe sapiṇḍīkaraṇakalpo nāmāṣṭādaśo'dhyāyaḥ
Linked texts (9)
- Matsyapurāṇa — Vyāsa, Sanskrit
- Padmapurāṇa — Vyāsa, Sanskrit
- Gūḍhārthadīpikā — Vāmadeva, Sanskrit
- Gadādharapaddhati — Gadādhara Rājaguru 1725, Sanskrit
- Śrāddhakaumudī — Govindānanda 1500, Sanskrit
- Kālasāra — Nārāyaṇa Jyotirvit, Sanskrit
- Kālasāra — Gadādhara (Pāraskara commentator), Sanskrit
- Kṛtyasārasamuccaya (Amṛtanātha Jhā Śarman) — Amṛtanātha Jhā Śarman 1800, Sanskrit
- Śrāddhacandrikā (Divākarabhaṭṭa) — Divākarabhaṭṭa 1655, Sanskrit