Matsya 173
Matsya 173
- Language
- Sanskrit
Contents
- 173.51 — 1 part
173.1
cha || || matsya uvāca || || viṣṇostutvaṃ
śṛṇu viṣṇośca haritvañca kṛte yuge || vaikuṇṭhatvañca deveṣu kṛṣṇatvaṃ mānuṣeṣu ca
173.2
īśvarasya hi tasyaiṣā karmmaṇāṃ gahanā gatiḥ || sampratyatītān
bhavyāṃśca śṛṇu rājan yathātatham
173.3
avyakto vyaktaliṅgastho ya eṣa bhagavān prabhuḥ || nārāyaṇo hyanantātmā prabhavo'vyaya eva ca
173.4
eṣa nārāyaṇo bhūtvā harirāsīt sanātanaḥ || brahmā vāyuśca somaśca dharmmaḥ śakro bṛhaspatiḥ
173.5
aditerapi putratvaṃ sametya ravinandana || eṣa
viṣṇuriti khyāta indrasyāvarajo vibhuḥ
173.6
prasādajaṃ hyasya vibhoradityāḥ putrakāraṇam || vadhārthaṃ suraśatrūṇāṃ daityadānavarakṣasām
173.7
prabhā
vātmā purā hyeṣa brahmāṇamasṛjat prabhuḥ || so'sṛjat pūrvvapuruṣaḥ purākalpe prajāpatīn
173.8
asṛjanmānavāṃstatra brahmavaṃśanuttamān || tebhyo
'bhavanmahātmabhyo bahudhā brahma śāśvatam
173.9
etadāścaryyabhūtasya viṣṇoḥ karmmānukīrttanam || kīrttanīyasya lokeṣu kīrttyamānaṃ nibodha me
173.10
vṛtte vṛtravadhe tatra varttamāne kṛte yuge || āsīt trailokyavikhyātaḥ saṃgrāmastārakāmayaḥ
173.11
yatra te dānavā ghorāḥ sarvve saṃgrāmadurjjayāḥ || ghnanti
devagaṇān sarvvān sayakṣoragarākṣasān
173.12
te vadhyamānā vimukhāḥ kṣīṇapraharaṇā raṇe || trātāraṃ manasā jagmurdevaṃ nārāyaṇaṃ prabhum
173.13
etasminnantare meghā nirvvāṇāṅgāravarcasaḥ || sārkacandragrahagaṇaṃ chādayanto nabhastalam
173.14
veṇuvidyudgaṇopetā ghoranirhrādakāriṇaḥ || anyo
nyavegābhihatāḥ pravavuḥ sapta mārutāḥ
173.15
dīptatoyāśanighanairrvajravegānalānilaiḥ || ravaiḥ sughorairūtpātairddahyamānamivāmbaram
173.16
tata ulkāsaha
srāṇi nipetuḥ khagatānyapi || divyāni ca vimānāni prapatantyutpatanti ca
173.17
caturyugānte paryyāye lokānāṃ yadbhayaṃ bhavet || arūpavanti rūpāṇi
tasminnutpātalakṣaṇe
173.18
jātañca niṣprabhaṃ sarvvaṃ na prājñāyata kiñcana || timiraughaparikṣiptā na rejuśca diśo daśa
173.19
viveśa rūpiṇī kālī
kālamecāvaguṇṭhatā || dyaurne bhātyabhibhūtākā ghoreṇa tamasāvṛtā
173.20
tānvanaughānsātimirāndorbhyāmākṣipya sa prabhuḥ || vapuḥ sandarśayāmāsa divyaṃ kṛṣṇa
vapurhariḥ
173.21
balāhakāñjananibhaṃ balāhakatannūruham || tejasā vapuṣā caiva kṛṣṇaṃ kṛṣṇamivācalam
173.22
dīptapītāmbaradharaṃ taptakāñcanabhūṣaṇam
dhūmāndhakāravapuṣaṃ yugāntāgnimivotthitam
173.23
caturdviguṇapīnāṃsaṃ kirīṭacchannamūrddhajam || babhau cāmīkaraprakhyairāyudhairupaśobhitam
173.24
candrārkakiraṇoddyotaṃ girikūṭamivocchritam || nandakānanditakaraṃ śarāśīviṣadhāriṇam
173.25
śakticitraphaloddeśaśaṅkhacakragadādharam || viṣṇu
śailaṃ kṣamāmūlaṃ śrīvṛkṣaṃ śārṅkhyanvinam
173.26
tridaśodāraphaladaṃ svargastrīcārupallavam || sarvvalokamanaḥkāntaṃ sarvvasattvamanoharam
173.27
nānāvi
mānaviṭapaṃ toyadānbumadhusravam || vidyāhaṅkārasārārthaṃ mahābhūtaprarohaṇam
173.28
viśeṣapatrairnicitaṃ grahanakṣatrapuṣpitam || daityalokamahāskandhaṃ marttya
loke prakāśitam
173.29
sāgarākāranirhrādaṃ rasātalamahāśrayam || mṛgendrapāśairvitataṃ pakṣijantuniṣevitam
173.30
śīlārthacārugandhāḍhyaṃ sarvvalo
kamahādrumam || avyaktānantasalilaṃ vyaktāhaṅkāraphenilam
173.31
mahābhūtataraṅgoghaṃ grahanakṣatrabudbudam || vimānagaruttavyātaṃ toyadāḍambarākulam
173.32
jantumatsyagaṇākīrṇaṃ śailaśaṅkhakulairyutam || traiguṇyaviṣayāvarttaṃ sarvvalokatimiṅgilam
173.33
vīravṛkṣalatāgulmaṃ bhujagotkṛṣṭaśaivalam
dvādaśārkamahādvīpaṃ rudraikādaśapattanam
173.34
vasvaṣṭaparvvatopetaṃ trailokyāmbhomahodadhim || sandhyāsaṃraktayormisalilaṃ suparṇānilasevitam
173.35
daityarakṣogaṇagrāhaṃ yakṣoragajhaṣākulam || pitāmahamahāvīryyaṃ sarvvastrīratnaśobhitam
173.36
śrīkīrttikāntilakṣmībhirnadībhirupaśobhitam
kālayomīmahāparvvapralayotpattiveginam
173.37
tantu yogamahāpāraṃ nārāyaṇamahārṇavam || devādhidevaṃ varadaṃ bhaktānāṃ bhaktivatsalam
173.38
anugrahakaraṃ devaṃ praśāntikaraṇaṃ śubham || haryyaśvarathasaṃyukte suparṇadhvajasevite
173.39
grahacandrārkarācite mandarākṣavarāvṛte || anantaraśmi
bhiryukte vistīrṇe merugahvare
173.40
tārakācitrakusume grahanakṣatrabandhure || bhayeṣvabhayadaṃ vyomni devā daityaparājitāḥ
173.41
dadṛśuste
sthitaṃ devaṃ divye lokamaye rathe || te kṛtāñjalayaḥ sarvve devāḥ śakrapurogamāḥ
173.42
jayaśabdaṃ puraskṛtya śaraṇyaṃ śaraṇaṃ gatāḥ || sa teṣāṃ tāṃ giraṃ śrutvā
viṣṇurdaivatadaivatam
173.43
manaścakre vināśāya dānavānāṃ mahāmṛdhe || ākāśe tu sthito viṣṇuruttamaṃ vapurāsthitaḥ
173.44
uvāca devatāḥ sarvvāḥ
sapratijñamidaṃ vacaḥ || śāntiṃ brajata bhadraṃ vo mā bhaiṣṭa marutāṃ gaṇāḥ
173.45
jitā me dānavāḥ sarvve trailokyaṃ parigṛhyatām || te tasya satyasandhasya viṣṇo
rvākyena toṣitāḥ
173.46
devāḥ prītiṃ samājagmuḥ prāpyāmṛtamivottamam || tatastamaḥ saṃhṛtaṃ taddineśuśca balāhakāḥ
173.47
pravavuśca śivā vātā praśā
ntāśca diśo daśa || śuddhaprabhāṇi jyotīṃṣi somaścakruḥ pradakṣiṇām
173.49
na vigrahaṃ grahāścakruḥ praśāntāścāpi sindhavaḥ || virajaskābhavan mārgā nākavargo
dayastrayaḥ||48||yathārthamūhūḥ sarito nāpi cukṣubhire'rṇavāḥ || āsaṃścchubhānīndriyāṇi narāṇāmantarātmasu
173.50
maharṣayo vītaśokā vedānuccairadhīyata
yajñeṣu ca haviḥ pākaṃ śivamapa ca pāvakaḥ
173.51
pravṛttadharmmāḥ saṃvṛttā lokā muditamānasāḥ || viṣṇordattapratijñasya śrutvārinidhane giram
173.51.p1
iti śrīmatsye mahāpurāṇe tārakāmayasaṃgrāme dvisaptatyadhikaśatatamo'dhyāyaḥ
Linked texts (4)
- Matsyapurāṇa — Vyāsa, Sanskrit
- Critical edition (BORI) — Sanskrit
- Samarāṅgaṇasūtradhāra — Bhoja, Sanskrit
- Saurapurāṇa — Sanskrit