Pramāṇa · Search · About · API

Matsya 188

Matsya 188

Language
Sanskrit

Contents

188.1

mārkaṇḍeya uvāca || || narmmadā tu nadī śreṣṭhā puṇyātpuṇyatamā hitā || munibhistu mahābhāgairvibhaktā mokṣakā
ṅkṣibhiḥ

188.2

yajñopavītamātrāṇi pravibhaktāni pāṇḍava || teṣu snātvā tu rājendra sarvvapāpaiḥ pramucyate

188.3

jaleśvaraṃ paraṃ tīrthaṃ triṣu lokeṣu viśru
tam || tasyotpattiṃ kathayataḥ śṛṇu tvaṃ pāṇḍunandana

188.4

purā munigaṇāḥ sarvve sendrāścaiva marudgaṇāḥ || stuvanti te mahātmānaṃ mahādevaṃ maheśvaram
stuvantaste tu samprāptā yatra devo maheśvaraḥ

188.5

vijñāpayanti deveśaṃ sendrāścaiva marudgaṇāḥ || bhayodvignā virūpākṣaṃ paritrāyasva naḥ prabho

188.6

bhaga
vānuvāca || || svāgatantu suraśreṣṭhāḥ kimarthamiha cāgatāḥ || kiṃ duḥkhaṃ ko nu santāpaḥ kuto vā bhayamāgatam

188.7

kathayadhvaṃ mahābhāgā evamicchāmi
veditum || evamuktāstu rudreṇa kathayan saṃśitavratāḥ

188.8

ṛṣaya ūcuḥ || || ativīryyo mahāghoro dānavo baladarpitaḥ || bāṇo nāmeti vikhyāto
yasya vai tripuraṃ puram

188.9

gagane satataṃ divyaṃ bhramate tasya tejasā || taṃto bhītā virūpākṣa tvāmeva śaraṇaṃ gatāḥ

188.10

trāyasva mahato duḥkhāttvaṃ
hi naḥ paramā gatiḥ || evaṃ prasādaṃ deveśa sarvveṣāṃ karttumarhasi

188.11

yena devāḥ sagandharvvāḥ sukhamedhanti śaṅkara || parāṃ nirvṛptimāyānti tatprabho
karttumarhasi

188.12

bhagavānuvāca || || etatsarvaṃ kariṣyāmi mā viṣādaṃ gamiṣyatha || acireṇaiva kālena kuryyāṃ yuṣmatsukhāvaham

188.13

āśvāsya sa tu tān sarvvān narmmadātaṭamāśritaḥ || cintayāmāsa deveśastadvadhaṃ prati mānada

188.14

atha kena prakāreṇa hantavyaṃ tripuraṃ mayā || paraṃ
sañcintya bhagavān nāradañcāsmarattadā || smaraṇādeva samprāpto nāradaḥ samupasthitaḥ

188.15

nārada uvāca || || ājñāpaya mahādeva kimarthañca smṛto
hyaham||kiṃ kāryyantu mayā deva karttavyaṃ kathayasva me

188.16

bhagavānuvāca || || gaccha nārada tatraiva yatra tat tripuraṃ mahat||bāṇasya dānavendrasya śīghraṃ
gatvā ca tatkuru

188.17

tā bhartṛdevatāstatra striyaścāpsarasāṃ samāḥ || tāsāṃ vai tejasā vipra bhramate tripuraṃ divi

188.18

tatra gatvā tu viprendra matimanyāṃ
pracodaya ||devasya vacanaṃ śrutvā munistvaritavikramaḥ

188.19

strīṇāṃ hṛdayanāśāya praviṣṭastatpuraṃ prati || śobhate yatpuraṃ divyaṃ nānāratopaśobhitam

188.20

śatayojanavistīrṇaṃ tato dviguṇamāyatam || tato'paśyaddhi tatraiva vāṇantu baladarpitam

188.21

maṇikuṇḍalakeyūramukuṭena virājitam || hāradora
suvarṇaiśca candrakāntavibhūṣitam

188.22

raśanā tasya ratnāḍhyā bāhū kanakakhaṇḍitau || candrakāntamahāvajramaṇi vidrumabhūṣite

188.23

dvādaśārkadyu
tinibhe niviṣṭaṃ paramāsane || utthito nāradaṃ dṛṣṭvā dānavendro mahābalaḥ

188.24

vāṇa uvāca || || devarṣe tvaṃ svayaṃ prāpto hyarghyaṃ pādyaṃ nivedaye || so'bhi
vādya yathānyāyaṃ kriyatāṃ kiṃ dvijottama

188.25

cirāt tvamāgato vipra sthīyatāmidamāsanam || evaṃ sambhāśayitvā tu nāradaṃ ṛṣisattamam
tasya bhāryyā mahādevī hyanaupamyā tu nāmataḥ

188.26

anaupamyovāca || || bhagavan mānuṣe loke kena tuṣyati keśavaḥ || vratena niya
menātha dānena tapasāpi vā

188.27

nārada uvāca || || tiladhenuñca yo dadyādbrāhmaṇe vedapārage || sasāgaravanadvīpā dattā bhavati medinī

188.28

sūryakoṭipratīkāśairvimānaiḥ sārvakāmikaiḥ || modate suciraṃ kālamakṣayaṃ kṛtaśāsanam

188.29

āmrāmalakapitthāni badarāṇi tathaiva ca || kadamba
campakāśokapunnāgavividhadrumān

188.30

aśvatthapippalāṃścaiva kadalīvaṭadāḍimān || picumardaṃ madhūkañca upoṣya strī dadāti yā

188.31

stanau
kapitthasadṛśāvūrū ca kadalīsabhau || aśvatthe vandanīyā ca picumarde sugandhinī

188.32

campake campakābhā syādaśoke śokavarjitā || madhūke
madhuraṃ vakti vaṭe ca mṛdugātrikā

188.33

badarī sarvvadā strīṇāṃ mahāsaubhāgyadāyinī || kukkuṭī karkaṭī caiva dravyaṣaṣṭhī na śasyate

188.34

kadamba
miśrakanakamañjarīpūjanaṃ tathā || anagnipakkamannañca pakkānnāmamabhakṣaṇam

188.35

phalānāñca parityāgaḥ sandhyāmaunaṃ tathaiva ca || prathamaṃ kṣetrapā
lasya pūjā kāryyā prayatnataḥ

188.36

tasyā bhavati vai bharttā sukhaprekṣaḥ sadānaghe || aṣṭamī ca caturthī ca pañcamī dvādaśī tathā

188.37

saṃkrāntirviṣuvañcaiva dinacchidramukhaṃ yathā || etāṃstu divasāndivyānupavāsanti yāḥ striyaḥ || tāsāntu dharmayuktānāṃ svargavāso na saṃśayaḥ

188.38

kalikāluṣyanirmuktāḥ sarvvapāpavivarjitāḥ || upavāsaratāṃ nārīṃ nopasarpati tāṃ yamaḥ

188.39

anaupamyovāca || || asmatkṛ
tena puṇyena purājanmakṛtena vā || bhavadāgamanaṃ bhūtaṃ kiñcitpṛcchāmyahaṃ vratam

188.40

asti vindhyāvalirnāma balipatnī yaśasvinī || śvaśrū
rmemāpi viprendra na tuṣyati kadācana

188.41

śvaśuro'pi sarvvakālaṃ dṛṣṭvā cāpi na paśyati || asti kumbhīnasī nāma nanandā pāpakāriṇī

188.42

dṛṣṭvā caivāṅgulībhaṅgaṃ sadā kālaṃ karoti ca || divyena tu pathā yāti mama saukhyaṃ kathaṃ vada

188.43

ūṣare na prarohanti bījāṅkurāḥ kathañcana
yena vratena cīrṇena bhavanti vaśagā mama || tadrutaṃ brūhi viprendra dāsabhāvaṃ vrajāmi te

188.44

nārada uvāca || || yadetattte mayā pūrvvaṃ vratamuktaṃ
śubhānane || anena pārvvatī devī cīrṇena varavarṇini

188.45

śaṅkarasya śarīrasthā viṣṇorlakṣmīstathaiva ca || sāvitrī brahmaṇaścaiva vasiṣṭhasyāpyarundhatī

188.46

etenopoṣiteneha bharttā sthāsyati te vaśe || śvaśrūśvaśurayoścaiva mukhabandho bhaviṣyati

188.47

evaṃ śrutvā tu suśroṇi yatheṣṭaṃ karttumarhasi
nāradasya vacaḥ śrutvā rājñī vacanamabravīt

188.48

prasādaṃ kuru viprendra dānaṃ grāhyaṃ yathepsitam || suvarṇamaṇiratnāni vastrāṇyābharaṇāni ca

188.49

tava dāsyāmyahaṃ vipra yaccānyadapi durlabham || pragṛhmāṇa dvijaśreṣṭha prīyatāṃ hariśaṅkarau

188.50

nārada uvāca || || anyasmai dīyatāṃ bhadre
kṣīṇavṛttistu yo dvijaḥ || ahantu sarvvasampanno madbhaktiḥ kriyatāmiti

188.51

evaṃ tāsāṃ mano hṛtvā sarvvāsāntu pativratāḥ || jagāma bharataśreṣṭha
svakīyaṃ sthānakaṃ punaḥ

188.52

tato hṛṣṭahṛṣṭahṛdayā anyato gatamānasāḥ || pure cchidraṃ samutpannaṃ bāṇasya tu mahātmanaḥ

188.52.p1

iti śrīmātsye mahāpurāṇe narmadāmahātmye saptāśītyadhikaśatatamo'dhyāyaḥ

Linked texts (5)