Matsya 225
Matsya 225
- Language
- Sanskrit
Contents
- 225.8 — 1 part
225.1
cha || || matsya uvāca || || sarvveṣāmapyupāyānāṃ dānaṃ śreṣṭhatamaṃ matam || sudatteneha bhavati dānenobhayalokajit
225.2
na so'sti rājandānena
vaśago yo na jāyate || dānena vaśagā devā bhavantīha sadā nṛṇām
225.4
dānamevopajīvanti prajāḥ sarvvā nṛpottama || priyo hi dānavān loke sarvvasyaivo
pajāyate ||3||dānavānacireṇaiva tathā rājā parāñjayet || dānavāneva śaknoti saṃhatānbhediṃtuṃ parān
225.6
yadyapyalubdhagambhīrāḥ puruṣāḥ sāgaropamāḥ || na
gṛhṇanti tathāpyete jāyante pakṣapātinaḥ||5||anyatrāpi kṛtaṃ dānaṃ karotyanyānyathā vaśe || upāyebhyaḥ praśaṃsanti dānaṃ śreṣṭhatamaṃ janāḥ
225.7
dānaṃ śreyaskaraṃ
puṃsāṃ dānaṃ śreṣṭhatamaṃ param || dānavāneva lokeṣu putratve priyate sadā
225.8
na kevalaṃ dānaparā jayanti bhūrlokamekaṃ puruṣapravīrāḥ || jayanti te rājasurendralokaṃ
sudurjayaṃ yo vibudhādhivāsaḥ
225.8.p1
iti śrīmātsye mahāpurāṇe rājadharmedānapraśaṃsā nāma caturviṃśatyadhikadviśatatamo'dhyāyaḥ
Linked texts (4)
- Matsyapurāṇa — Vyāsa, Sanskrit
- Agnipurāṇa — Vyāsa, Sanskrit
- Budhabhūṣaṇa — Sambhurāja 1680, Sanskrit
- Rājanītiprakāśa (Mitramiśra) — Mitramiśra, Sanskrit