Pramāṇa · Search · About · API

Matsya 265

Matsya 265

Language
Sanskrit

Contents

265.1

ṛṣaya ūcuḥ || || devatānāmathaitāsāṃ pratiṣṭhāvidhimuttamam || vada sūta yathānyāyyaṃ sarvveṣāmapyaśeṣataḥ

265.2

sūta uvāca || || athātaḥ sampravakṣyāmi pratiṣṭhāvidhimuttamam || kuṇḍamaṇḍapavedīnāṃ pramāṇañca yathākramam

265.3

caitre vā phālgune vāpi jyeṣṭhe vā
mādhave tathā || māghe vā sarvvadevānāṃ pratiṣṭhā śubhadā bhavet

265.4

prāpya pakṣaṃ śubhaṃ śukkamatīte dakṣiṇāyane || pañcamī ca dvitīyā ca tṛtīyā saptamī tathā

265.5

daśamī paurṇamāsī ca tathā śreṣṭhā trayodaśī || āsu pratiṣṭhā vidhivatkṛtā bahuphalā bhavet

265.6

āṣāḍhe dve tathā mūlamuttarādvayameva ca || jyeṣṭhāśrava
ṇarohiṇyaḥ pūrvvābhādrapadā tathā

265.7

hastāśvinī revatī ca puṣyo mṛgaśirāstathā || anurādhā tathā svātī pratiṣṭhādiṣu śasyate

265.8

budho bṛhaspatiḥ
śukraścayo'pyete śubhagrahāḥ || ebhirnirīkṣitaṃ lagnaṃ nakṣatrañca praśasyate

265.9

mahattārābalaṃ labdhvā grahapūjāṃ vidhāya ca || nimittaṃ śakunaṃ labdhvā varjayitvādbhutā
dikam

265.10

śubhayoge śubhasthāne krūragrahavivarjite || lagne ṛkṣe prakurvvīta pratiṣṭhādikamuttamam

265.11

ayane viṣuve tadvatpaḍaśītimukhe tathā || eteṣu
sthāpanaṃ kāryyaṃ vidhidṛṣṭena karmmaṇā

265.12

prājāpatye tu śayanaṃ śvete tūtthāpanaṃ tathā || muhūrtte sthāpanaṃ kuryyātpunarbrāhme vicakṣaṇaḥ

265.13

prāsādasyo
ttare vāpi pūrve vā maṇḍapo bhavet || hastānṣoḍaśa kurvvīta daśa dvādaśa vā punaḥ

265.14

madhye vedikayā yuktaḥ parikṣiptaḥ samantataḥ || pañca saptāpi
caturaḥ karānkurvvīta vedikām

265.15

caturbhistoraṇairyukto maṇḍapaḥ syāccaturmukhaḥ || plakṣadvāraṃ bhavetpūrvaṃ yāmye caudumbaraṃ bhavet

265.16

paścāda
śvatthavaṭitaṃ naiyagrodhaṃ tathottare || bhūmau hastapraviṣṭāni caturhastāni cocchraye

265.17

sūpaliptaṃ tathā ślakṣṇaṃ bhūtaṃlaṃ syātsuśobhanam || vastrairnānā
vidhaistadvatpuṣpapallavaśobhitam

265.18

kṛtvaivaṃ maṇḍapaṃ pūrvaṃ caturdvariṣu vinyaset || avraṇānkalaśānaṣṭau jvalatkāñcanagarbhitān

265.19

cūtapallava
sañchannānsitavastrayugānvitān || sarvvauṣadhikalopetāṃścandanodakapūritān

265.20

evaṃ niveśya tadgarbhe gandhadhūpāccenādibhiḥ || dhvajādirohaṇaṃ kāryyaṃ
maṇḍapasya samantataḥ

265.21

dhvajāṃśca lokapālānāṃ sarvvadikṣu niveśayet || patākā jaladākārā madhye syānmaṇḍapasya tu

265.23

gandhadhūpādikaṃ
kuryyāt svaiḥ svairmantrairanukramāt || baliñca lokapālebhyaḥ svamantreṇa nivedayet||22||ūrddhantu brahmaṇe deyantvadhastāccheṣavāsukeḥ|| saṃhitāyāntu ye mantrā
staddaivatyāḥ śrutau smṛtāḥ

265.24

taiḥ pūjā lokapālānāṃ karttavyā ca samantataḥ || trirātramekarātraṃ vā pañcarātramathāpi vā

265.25

athavā saptarā
trantu kāryyaṃ syādadhivāsanam || evaṃ satoraṇaṃ kṛtvā adhivāsanamuttamam

265.26

tasyāpyuttarataḥ kuryyātsnānamaṇḍapamuttamam || tadarddhena tribhāgena
caturbhāgena vā punaḥ

265.27

ānīya liṅgamarcāṃ vā śilpinaḥ pūjayedbudhaḥ || vastrāmaraṇaratnaiśca ye'pi tatparicārakāḥ

265.28

kṣamadhvamiti tānbrūyā
dyajamāno'pyataḥ param || devaṃ prastaraṇe kṛtvā netrajyotiḥ prakalpayet

265.29

akṣṇoruddharaṇaṃ vakṣye liṅgasyāpi samāsataḥ || sarvvatastu baliṃ dadyāt
siddhārthaghṛtapāyasaiḥ

265.30

śuklapuṣpairalaṅkṛtya ghṛtagugguladhūpitam || viprāṇāñcārcanaṃ kuryyādyāvacchaktyā ca dakṣiṇām

265.31

gāṃ mahīṃ kanakañcaiva
sthāpakāya nivedayet || lakṣaṇaṃ kārayedbhaktyā mantreṇānena vai dvijaḥ

265.32

oṃnamo bhagavate tubhyaṃ śivāya paramātmane || hiraṇyaretase viṣṇo
viśvarūpāya te namaḥ

265.33

mantro'yaṃ sarvvadevānāṃ netrajyotiḥṣvapi smṛtaḥ || evamāmantrya deveśaṃ kāñcanena vilekhayet

265.34

maṅgalyrāni ca vādyāni
brahmaghoṣaṃ sagītakam || vṛddhayarthaṃ kārayedvidvānamaṅgalyavināśanam

265.35

lakṣaṇoddharaṇaṃ vakṣye liṅgasya susamāhitaḥ || tridhā vibhajya pūjyāyāṃ
lakṣaṇaṃ syādvibhājakam

265.36

lekhātrayantu karttavyaṃ yavāṣṭāntarasaṃyutam || na sthūlaṃ na kṛśaṃ tadvanna vakraṃ chedavarjitam

265.37

nimnaṃ yavapramāṇen
jyeṣṭhaliṅgasya kārayet || sūkṣmāstatastu karttavyā yathā madhyamake nyaset

265.38

aṣṭabhaktaṃ tataḥ kṛtvā tyaktvā bhāgatrayaṃ budhaḥ || lambayetsapta rekhā
stu pārśvayorubhayoḥ samāḥ

265.39

tāvatpralambayedvidvānyāvadbhāgacatuṣṭayam || bhrāmyate pañcabhāgorddhaṃ kārayet saṅgamaṃ tataḥ

265.40

rekhayoḥ saṅgame
tadvatpṛṣṭhe bhāgadvayaṃ bhavet||evametatsamākhyātaṃ samāsāllakṣaṇaṃ mayā

265.40.p1

iti śrīmatsye mahāpurāṇe pratiṣṭhā'nukīrttanaṃ nāma catuḥṣaṣṭyadhikadviśatata mo'dhyāyaḥ

Linked texts (4)