Nirnayasindhu 43.9

43.9

vasiṣṭhaḥ- “hastatraye mitraharitraye ca pauṣṇadvayādityasurejyabheṣu | tisrottarādhāvṛśaśāṃkabheṣu
sarvāmarasthāpanamuttamaṃ syāt || ” mātsye- “caitre vā phālgune vāpi jyeṣṭhe vā mādhave
tathā | māghe vā sarvadevānāṃ pratiṣṭhā śubhadā bhavet || ” nāradastu caitraṃ niṣedhati-‘vidyaitreṣveva māseṣu māghādiṣu ca pañcasu ’ iti || tenātra vikalpaḥ | atra māghamāso viṣṇupratiṣṭhāvyatiriktaviṣayaḥ | ‘māghe karturvināśāya phālgune śubhadā bhavet ’ iti viṣṇudharmokteriti hemādriḥ
mātsye--“dṛḍhā dhanakarī sphītā tathā pratipadi smṛtā | dvitīyāyāṃ dhanopetā tṛtīyāyāṃ
dhanapradā || caturthyāṃ nāśamāpnoti yamasya syātsukhāvahā | vināyakasya devasya tathā tatra
hitapradā || pañcamyāṃ śrīyutā karturviradā ca tathā bhavet | ṣaṣṭhayāṃ lakṣmīyutā nityaṃ saptamyāṃ
roganāśinī || aṣṭamīyāṃ dhānyabahulā navamyāṃ ca vinaśyati | bhadrakālyāḥ kṛtā vatra
karturbhavati tuṣṭaye || dharmavṛddhikarī jñeyā daśamyāṃ tu tathā tithau | ekādaśyāṃ tathā yuktā
dvādaśyāṃ sarvakāmadā || trayodaśyāṃ tathā jñeyā caturdaśyāṃ vinaśyati | kṛṣṇapakṣe pañcadaśyāṃ
kartuḥ kṣayakarī bhavet | pañcadaśyāṃ tathā śukle sarvakāmakarī bhavet | āṣāḍhe dve tathā mūlamuttarātrayameva ca || jyeṣṭhāśravaṇarohiṇyaḥ pūrvābhādrapadā tathā | hasto'śvinī revatī ca
puṣyo mṛgaśirāstathā || anurādhā tathā svātī pratiṣṭhāsu praśasyate ”