Pramāṇa · Search · About · API

Matsya 39

Matsya 39

Language
Sanskrit

Contents

39.1

aṣṭaka uvāca || || carangṛhasthaḥ kathameti devānkathaṃ bhikṣuḥ katha
mācāryyakarmmā || vānaprasthaḥ satpathe sanniviṣṭo bahūnyasminsamprati vedayanti

39.2

yayātiruvāca || || āhūtādhyāyī gurukarmmasu codyataḥ pū
rvvotthāyī caramañcātha śāyī || mṛdurdānto dhṛtimānapramattaḥ svādhyāyaśīlaḥ sidhyati brahmacārī

39.3

dharmmāgaṃtaṃ prāpya dhanaṃ yajeta dadyātsadāaivātithī
nbhojayecca || anādadānaśca parairadattaṃ saiṣā gṛhasthopaniṣatpurāṇī

39.4

svavīryyeṇajīvī vṛjinānnivṛtto dātā parebhyo na paropatāpī || tāhaṅmuniḥ
siddhisupaiti mukhyā vasaṃnnaraṇye niyatāhāraceṣṭaḥ

39.5

aśilpajīvī vigṛhaśca nityaṃ jitendriyaḥ sarvvato vipramuktaḥ||anokaśāyī laghu liipsamānaścarande
śānekāmbaraḥ sa bhikṣuḥ

39.6

rātryā yayā cābhiratāśca lokā bhavanti kāmābhijitāḥ sukhena ca || tāmeva rātrīṃ prayateta vidvānaraṇyasaṃstho bhavituṃ
yatātmā

39.7

daśaiva pūrvvāndaśa cāparāṃstu jñātīṃstathātmānamathaikaviṃśam || araṇyavāsī sukṛtaṃ dadhāti muktvā tvaraṇye svaśarīradhātūn

39.8

aṣṭaka uvāca || || katisviddevamunayo maunāni kati cāpyuta || bhavantīti tadācakṣva śrotumicchāmahe vayam

39.9

yayātiruvāca || || araṇye vasato yasya grāmo bhavati pṛṣṭhataḥ || grāme vā vasato'raṇyaṃ sa muniḥ syājjanādhipa

39.11

aṣṭaka uvāca
kathaṃsvidvasato'raṇye grāmo bhavati pṛṣṭhataḥ||grāme vā vasato'raṇyaṃ kathaṃ bhavati pṛṣṭhataḥ||10||yayātiruvāca || na grāmyamupayuñjīta ya āraṇyo munirbhavet
tathāsya vasato'raṇye grāmo bhavati pṛṣṭhataḥ

39.12

anagniraniketaścāpyagotracaraṇo muniḥ || kaupīnācchādanaṃ yāvattāvadicchecca cīvaram

39.13

yāvatprāṇābhisandhānaṃ tāvadicchecca bhojanam || tadāsya vasato grāme'raṇyaṃ bhavati pṛṣṭhataḥ

39.14

yastu kāmānparityajya tyaktakarmmā jitendri
yaḥ || ātiṣṭheta munirmaunaṃ sa loke siddhimāpnuyāt

39.15

dhautadantaṃ kṛttanakhaṃ sadā snātamalaṅkṛtam || asitaṃ sitakarmmasthaṃ kastaṃ nārccitu
marhati

39.16

tapasā karśitaḥ kṣāmaḥ kṣīṇamāṃsāsthiśoṇitaḥ || yadā bhavati nirdvandvo munirmaunaṃ samāsthitaḥ

39.17

atha lokamimaṃ jitvā lo
kañcāpi jayetparam || āsyena tu yadāhāraṃ govanmṛgayate muniḥ || athāsya lokaḥ sarvvo yaḥ so'mṛtatvāya kalpate

39.17.p1

iti śrīmātsye mahāpurāṇe somavaṃśe yayāticarite catvāriṃśo'dhyāya

Linked texts (2)