Matsya 54
Matsya 54
- Language
- Sanskrit
Contents
- 54.33 — 1 part
54.1
nārada uvāca || upavāseṣvaśaktasya tadeva phalamicchataḥ|| anabhyāsena rogādvā
kimiṣṭaṃ vratamuttamam
54.2
īśvara uvāca || || upavāse'pyaśaktānāṃ naktaṃ bhojanamiṣyate || yasminvrate tadapyatra śrūyatāmakṣayaṃ mahat
54.3
ādityaśayanaṃ nāma yathāvacchaṅkarārccanam || yeṣu nakṣatrayogeṣu purāṇajñāḥ pracakṣate
54.4
yadā hastena saptamyāmādityasya dinaṃ bhavet || sūryyasya cātha
saṃkrāntistithiḥ sā sārvvakāmikī
54.5
umāmaheśvarasyārcāmarcayetsūryyanāmabhiḥ || sūryyārccāṃ śivaliṅge ca prakurvvanpūjayedyataḥ
54.6
umāpate
ravervāpi na bhedo dṛśyate kvacit || yasmāttasmānmuniśreṣṭha gṛhe śambhuṃ samarcayet
54.7
haste ca sūryyāya namo'stu pādāvarkāya citrāsu ca gu
lphadeśam || svātīṣu jaṅghe puruṣottamāya dhātre viśākhāsu ca jānudeśam
54.8
tathānurādhāsu namo'bhipūjyamūrudvayañcaiva sahasrabhānoḥ || jyeṣṭhā
svanaṅgāya namo'stu guhyamindrāya somāya kaṭī ca mūle
54.9
pūrvottarāṣāḍhayuge ca nābhiṃ tvaṣṭre namaḥ saptaturaṅgamāya || tīkṣṇāṃśave ca śravaṇe ca kukṣau
pṛṣṭhaṃ dhaniṣṭhāsu vikarttanāya
54.10
cakṣuḥsthalaṃ dhvāntavināśanāya jalādhipakṣe paripūjanīyam || pūrvottarābhādrapadādvaye ca bāhū namaścaṇḍakarāya pūjyau
54.11
sāmnāmadhīśāya karadvayañca sampūjanīyaṃ dvijare vatīṣu || nakhāni pūjyāni tathāśvinīṣu namo'stu saptāśvadhurandharāya
54.12
kaṭhoradhāmne
bharaṇīṣu kaṇṭhaṃ divākarāyetyabhipūjanīyā || grīvāgnirukṣe'dharamambujèśè sampūjayennārada rohiṇīṣu
54.13
mṛgottamāṅge daśanā murāreḥ sampūjanīyā
haraye namaste || namaḥ savitre rasanāṃ śaṅkare ca nāsābhipūjyā ca punarvvasau ca
54.14
lalāṭamambhoruhavallabhāya puṣye'lakā vedaśarīradhāriṇe
sārpè'tha mauliṃ vibudhapriyāya maghāsu karṇāviti gogaṇeśe
54.15
pūrvāṃsu gobrāhmaṇavandanātha netrāṇi saṃmpūjyatamāni śambhoḥ || athottarāphalgu
nibheṣuvau ca viśveśvarāyeti ca pūjanīye
54.16
namo'stu pāśāṅkuśaśūlapadmakapālasarpendudhanurddharāya || gajāsurānaṅgapurāntakādivināśamūlāya namaḥ
śivāya
54.17
ityādi cāstrāṇi ca pūjya nityaṃ viśveśvarāyeti śivo'bhipūjyaḥ || bhoktavyamatraivamatailaśākamamāṃsamakṣāramabhuktaśeṣam
54.18
ityevaṃ
dvija naktāni kṛtvā dadyātpunarvvasau || śāleyataṇḍulaprasthamauḍumbaramaye ghṛtam
54.19
saṃsthāpya pātre viprāya sahiraṇayaṃ nivedayet || saptame
vastrayugmañca pāraṇe tvadhikaṃ bhavet
54.20
caturdaśe tu samprāpte pāraṇe nāradāndike || brāhmanānbhojayedbhaktyā guḍakṣīraghṛtādibhiḥ
54.21
kṛtvā tu kāñcanaṃ padmamaṣṭapatraṃ sakarṇikam || śuddhamaṣṭāṅgulaṃ tacca padmarāgadalānvitam
54.22
śayyāṃ vilakṣaṇāṃ kṛtvā viruddhagranthivarjitām
sopadhānakaviśrāmasvāstaraṇavyajanāni ca
54.23
bhājanopānahacchatracāmarāsanadarpaṇaiḥ || bhūṣaṇairapi saṃyuktāṃ phalavastrānulepanaiḥ
54.24
tasyāṃ vidhāya
tatpadmamalaṅkṛtya guṇānvitam || kapilāṃ vastrasaṃyuktāṃ suśīlāñca payasvinīm
54.25
raupyakhurīṃ hemaśṛṅgīṃ savatsāṃ kāṃsyadohanām || dadyānmantreṇa
pūrvāhne na caināmabhilaṅghayet
54.26
yathaivādityaśayanamaśūnyaṃ tava sarvvadā || kāntyā dhṛtyā śriyā ratyā tathā me santu siddhayaḥ
54.27
yathā na
devāḥ śreyāṃsaṃ tvadanyamanaghaṃ viduḥ || tathā māmuddharāśeṣaduḥkhasaṃsārasāgarāt
54.28
tataḥ pradakṣiṇīkṛtya praṇipatya visarjayet || śayyāgavādi
tatsarvvaṃ dvijasya bhavanaṃ nayet
54.29
naitadviśīlāya na dāmbhikāya kutarkaduṣṭāya vinindakāya || prakāśanīyaṃ vratamindumauleryaścāpi nindāmadhikāṃ
vidhatte
54.30
bhaktāya dāntāya ca guhyametaddāruyeyamānandakaraṃ śivasya || idaṃ mahāpātakabhintrāṇāmapyakṣaraṃ vedavido vadanti
54.31
na bandhupu
treṇa balairviyuktaḥ patnībhirānandakaraḥ surāṇām || nābhyeti rogaṃ na ca śokaduḥkhaṃ yā vātha nārī kurute'tibhaktyā
54.32
idaṃ vasiṣṭhena purā''rju
nena kṛtaṃ kubereṇa purandareṇa || yatkīrttanenāpyakhilāni nāśamāyānti pāpāni na saṃśayo'sti
54.33
iti paṭhati śṛṇoti vā ya itthaṃ ravai śayanaṃ
puruhūtavallabhaḥ syāt || api narakagatānpitṝnaśeṣānapi divamānayatīha yaḥ karoti
54.33.p1
iti śrīmātsye mahāpurāṇe ādityaśayanavrataṃ nāma pañcapañcāśo'dhyāyaḥ
Linked texts (1)
- Matsyapurāṇa — Vyāsa, Sanskrit