Matsya 78
Matsya 78
- Language
- Sanskrit
Contents
- 78.11 — 1 part
78.1
īśvara uvāca || || ataḥ paraṃ pravakṣyāmi tadgatakamalasaptamīm || yasyāḥ saṅkīrttanādeva tuṣyatīha divākaraḥ
78.2
vasantāmalasaptamyāṃ snātaḥ san
gaurasarṣapaiḥ || tilapātre ca sauvarṇe vidhāya kamalaṃ śubham
78.3
vastrayugmāvṛtaṃ kṛtvā gandhapuṣpaiḥ samarcayet || namaḥ kamalahastāya namaste viśvadhāriṇe
78.4
divākara namastubhyaṃ prabhākara namo'stu te || tato dvikālavelāyāmudakumbhasamanvitām
78.5
viprāya dadyātsampūjya vastramālyavibhūṣaṇaiḥ
śaktyā ca kapilāṃ dadyādalaṅkṛtya vidhānataḥ
78.6
ahorātre gate paścādaṣṭamyāṃ bhojayeddvijān || yathāśaktyatha bhuñjīta māṃsatailavivarjitam
78.7
anena vidhinā śuklasaptamyāṃ māsi māsi ca || sarvvaṃ samācaredbhaktyā vittaśāṭhyavivarjitaḥ
78.8
vratānte śayanaṃ dadyātsuvarṇaṃ kamalanvitam || gāñca
dadyātsvaśaktyā tu suvarṇāḍhyāṃ payasvinīm
78.9
bhojanāsanadīpādīndadyādiṣṭānupaskarān || anena vidhinā yastu kuryyātkamalasaptamīm || lakṣmī
manantāmabhyeti sūryyaloke mahīyate
78.10
kalpe kalpe tato lokānsapta gatvā pṛthak pṛthak || apsarobhiḥ parivṛtastato yāti parāṃ gatim
78.11
yaḥ paśyatīdaṃ śṛṇuyācca marttyaḥ paṭhecca bhaktyā'tha matiṃ dadāti || so'pyatra lakṣmīmacalāmavāpya gandharvvavidyādharalokabhāk syāt
78.11.p1
iti śrīmātsye mahāpurāṇe kamalasaptamīvrataṃ nāmāṣṭasaptatitamo'dhyāyaḥ
Linked texts (4)
- Matsyapurāṇa — Vyāsa, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Vratakhaṇḍa — Hemādri, Sanskrit
- Vratakāṇḍa — Lakṣmīdhara, Sanskrit