Vratakhanda 106.p2.7

106.p2.7

śukhati paṭhanādvāpi sarvvapāpaiḥ pramucyate
karttā śivapure sthitvā kalpamekamihāgataḥ
rājā bhavati rājendra tretāyāṃ rāghavo yathā
padmāṣṭapatrakamalodarakarṇikāyāṃ
sampūjayetkusuma dhūpa vilepanādyaiḥ
bhaktyāḥpare'hni jagatāṃriharaṃ dinebhaṃ
kalyāṇabhājanamasau bhavatīha nūnam
iti padmapurāṇoktaṃ kalyāṇasaptamīvratam
pulastya uvāca
ataḥparaṃ pravakṣyāmi vrataṃ kamalasaptamīṃ
yasya saṃkīrttanādeva tuṣyatīha divākaraḥ
vasantāmamasaptamyāṃ snātaḥ san gaurasarṣapaiḥ
tilapātre tu sauvarṇaṃ nidhāya kamale ravim
vastropavītābharaṇagandhapuṣpairathārcayet
namaste padmahastāya namaste viśvadhāriṇe
divākara namastubhyaṃ prabhākara namo'stu te
tatastu kālavelāyāmudakumbhasamanvitaṃ
viprāya dadyātsampūjya vastramālyādibhūṣitam
raviṃ sakamalaṃ dadyādasaṃjñāya vidhānataḥ
upavāsaṃ prakurvīta paraṃ niyamamāsthitaḥ
prabhātāyāntu śarvvayyāmaṣṭamyāṃ bhojayedvijān
yathāśaktyā svayaṃ paścāt bhuñjīta māṃsavarjjitam
anena vidhinā śuklasaptamyāṃ māsi māsi tu
sarvvaṃ samācaredbhaktyā vittaśāṭhyavivarjitaḥ
vratānte śayanaṃ dadyāt suvarṇakamalānvitam
gāñca dadyādyathāśaktyā sarvvālaṅkārabhūṣitām
vyajanāsanadīpāṃśca yaccānyat kalpitaṃ gṛhe
anena vidhinā yastu kuryyāt kamalamaptamīṃ
ādhivyādhivinirmuktaḥ sukhasaubhāgyabhājanaḥ
bhuktā bhogāṃściraṃ martye mṛtoravipuraṃ vrajet
kalpānaikāṃ tataḥ sthitvā cāgatyāca narādhipaḥ
sarvvasampatsamṛddhe ca kule bhavati bhūbhujām
tatrāpi bhānuniratovrataiḥ santoṣya bhāskaram
uparyyupari saṃprāpya janma bharttaravestathā
saptajanmāni rājendrastatoyāti paraṃ padam