Pramāṇa · Search · About · API

Matsya 80

Matsya 80

Language
Sanskrit

Contents

80.1

cha || || śrībhagavā
nuvāca || || athānyāmapi vakṣyāmi śobhanāṃ śubhasaptamīm || yāmupoṣya naro rogaśokaduḥkhaiḥ pramucyate

80.2

puṇye cāśvayuje māsi kṛtasnānajapaḥ
śuciḥ || vācayitvā tato viprānārabhecchubhasaptamīm

80.3

kapilāṃ pūjayedbhaktyā gandhamālyānulepanaiḥ || namāmi sūryyasambhṛtāmaśeṣabhuvanālayām
tvāmahaṃ śubhakalyāṇaśarīrāṃ sarvvasiddhaye

80.4

atha kṛtvā tilaprasthaṃ tāmrapātreṇa saṃyutam || kāñcanaṃ vṛṣabhaṃ tadvadgandhamālyaguḍānvitaiḥ

80.5

phalairnānāvidhairbhakṣyairghṛtapāyasasaṃyutaiḥ|| dadyādvikālavelāyāmaryyamā prīyatāmiti

80.6

pañcagavyañca samprāśya svapedbhūmau vimatsaraḥ || tataḥ prabhāte sañjāte
bhaktyā sampūjayedvijān

80.7

anena vidhinā dadyānmāsi māsi sadā naraḥ|| vāsasī vṛṣabhaṃ haimaṃ tadvadvāṃ kāñcanodbhavam

80.8

saṃvatsarānte śayana
mikṣudaṇḍaguḍānvitam || sopadhānakaviśrāmaṃ bhājanāsanasaṃyutam

80.9

tāmrapātre tilaprasthaṃ sauvarṇaṃ vṛṣabhaṃ tathā || dadyādvedavide sarvvaṃ viśvātmā prīya
tāmiti

80.10

anena vidhinā vidvān kuryyādyaḥ śubhasaptamīm || tasya śrīrvipulā kīrttirbhavejjanmani janmani

80.11

apsarogaṇagandharvvaiḥ pūjya
mānaḥ surālaye || vasedgaṇādhipo bhūtvā yāvadābhūtasaṃplavam || kalpādautvavatīrṇastu saptadvīpādhipo bhavet

80.12

brahmahatyāsahasrasya bhrūṇahatyājñātasya ca
nāśāyaitānmiyaṃ puṇyā paṭhyate śubhasaptamī

80.13

imāṃ paṭhedyaḥ śṛṇuyānmuhūrttaṃ paśyetaprasaṅgādapi dīyamānam || so'pyatra sarvvāghavimuktadehaḥ prāpnoti vidyā
dharanāyakatvam

80.14

yāvatsamāḥ sapta naraḥ karoti yaḥ saptamīṃ saptavidhānayuktām || sa saptalokādhipatiḥ krameṇa bhūtvā padaṃ yāti paraṃ murāreḥ

80.14.p1

iti śrīmātsye mahāpurāṇe śubhasaptamīvrataṃ nāmāśītitamo'dhyāyaḥ

Linked texts (3)