Matsya 95
Matsya 95
- Language
- Sanskrit
Contents
- 95.38 — 1 part
95.1
cha || nārada uvāca || || bhagavan bhūtabhavyeśa tathānyadapi yacchrutam || muktimukti
phalāyālaṃ tatpunarvvaktumarhasi
95.2
evamukto'bravīcchambhurathaṃ vāṅmayapāragaḥ || matsamastapasā brahmanpurāṇaśrutivistaraiḥ
95.3
dharmmo'yaṃ vṛṣarū
peṇa nandī nāma gaṇādhipaḥ || dharmmānmāheśvarānvakṣyatyataḥprabhṛti nārada
95.4
ityuktvā devadeveśastatraivāntaradhīyata || nārado'pi hi śuśrūṣurapṛccha
nnandikeśvaram || ādiṣṭastvaṃ śiveneha vada māheśvaraṃ vratam
95.5
nandikeśvara uvāca || || śṛṇuṣvāvahito brahmanvakṣye māheśvaraṃ vratam || triṣu lokeṣu
vikhyātā nāmnā śivacaturdaśī
95.6
mārgaśīrṣatrayodaśyāṃ sitāyāmekabhojanaḥ || prārthayeddevadeveśaṃ tvāmahaṃ śaraṇaṃ gataḥ
95.7
caturddaśyāṃ nirā
hāraḥ samyagabhyarcya śaṅkaram || suvarṇavṛṣabhaṃ dattvā bhokṣyāmi ca pare'hani
95.8
evaṃ niyamakṛtsuptvā prātarutthāya mānavaḥ || kṛtasnānajapaḥ paścādumayā
saha śaṅkaram || pūjayetkamalaiḥ śubhrairgandhamālyānulepanaiḥ
95.9
pādau namaḥ śivāyeti śiraḥ sarvvātmane namaḥ || trinetrāyeti netrāṇi lalāṭaṃ haraye namaḥ
95.10
mukhamindumukhāyeti śrīkaṇṭhāyeti kandharām || sadyojātāya karṇau tu vāmadevāya vai bhujau
95.11
aghorahṛdayāyeti hṛdayañcābhipūjayet || stanau
tatpuruṣāyeti tatheśānāya codaram
95.12
pārśvau cānantadharmmāya jñānabhūtāya vai kaṭim || ūrū cānantavairāgyasiṃhāyetyabhipūjayet
95.13
ana
ntaiśvaryyanāthāya jānunī cārccayedbudhaḥ || pradhānāya namo jaṅghe gulphau vyomātmane namaḥ
95.14
vyomakeśātmarūpāya keśānpṛṣṭhañca pūjayet || namaḥ puṣṭyai
namastuṣṭyai pārvvatīñcāpi pūjayet
95.15
tatastu vṛṣabhaṃ haimamudakumbhasamanvitam || śuklamālyāmbaradharaṃ pañcaratnasamanvitam || bhakṣyairnānāvidhairyuktaṃ brāhmaṇa
ya nivedayet
95.16
tato viprānsamāhūya tarpayedbhaktiḥ śubhān || pṛṣadājyañca saṃprāśya svapedbhūmāvudaṅmukhaḥ
95.17
pañcadaśyāṃ tataḥ pūjya viprānbhu
ñjīta vāgyataḥ || tadvatkṛṣṇacaturddaśyāmetat sarvvaṃ samācaret
95.18
caturddaśīṣu sarvvāsu kuryyātpūrvvavadarcanam || ye tu māse viśeṣāḥ syustānnibodha
kramādiha
95.19
mārgaśīrṣādimāseṣu kramādetadudīrayet || śaṅkarāya namraste'stu namaste karavīraka
95.20
tryambakāya namaste'stu maheśvaramataḥ
param || namaste'stu mahādeva sthāṇave ca tataḥ param
95.21
namaḥ paśupate nātha namaste śambhave punaḥ || namaste paramānanda namaḥ somārddhadhāriṇe
95.22
namo bhīmāya ityevaṃ tvāmahaṃ śaraṇaṃ gataḥ || gomūtraṃ gomayaṃ kṣīraṃ dadhi sarpiḥ kuśodakam
95.23
pañcagavyaṃ tato vilvaṃ karpūrañcāguruṃ yavāḥ || tilāḥ
kṛṣṇāśca vidhivatprāśanaṃ kramaśaḥ smṛtam || pratimāsaṃ caturdaśyorekaikaṃ prāśanaṃ smṛtam
95.24
mandāramālatībhiśca tathā dhattūrakairapi || sindhuvārairaśo
kaiśca mallikābhiśca pāṭalaiḥ
95.25
arkapuṣpaiḥ kadambaiśca śatapattryā tathotpalaiḥ || ekaikena caturdaśyorarcayetpārvatīpatim
95.26
punaśca kārttike
māse prāpte santarpayedvijān || annairnānāvidhairbhakṣyairvastramālyavibhūṣaṇaiḥ
95.27
kṛtvā nalibṛṣotsargaṃ śrutyuktavidhinā naraḥ || umāmaheśvaraṃ haimaṃ vṛṣabhañca
gavā saha
95.28
muktāphalāṣṭakayutaṃ sitanetrapaṭāvṛtām || sarvvopaskarasaṃyuktāṃ śayyāṃ dadyātsakumbhakām
95.29
tāmrapātropari punaḥ śālitaṇḍu
lasaṃyutam || sthāpya viprāya śāntāya vedavrataparāya ca
95.30
jyeṣṭhasāmavide deyaṃ navakavratine kvacit || guṇajñe śrotriye dadyādācārye tattvavedini
95.31
avyaṅgāṅgāya saumyāya sadā kalyāṇakāriṇe || sapatnīkāya saṃpūjya vastramālyavibhūṣaṇaiḥ
95.32
gurau sati gurordeyaṃ tadabhāve dvijātaye
na vittaśāṭhyaṃ kurvīta kurvvandoṣānapatatyadhaḥ
95.33
anena vidhinā yastu kuryyācchivacaturdaśīm || so'śvamedhasahasrasya phalaṃ prāpnoti mānavaḥ
95.34
brahmahatyādikaṃ kiñcidyadatrāsutra vā kṛtam || pitṛbhirbhrātṛbhirvāpi tatsarvvaṃ nāśamāpnuyāt
95.35
dīrghāyurārogyakulāvṛddhiratrākṣayāmutra
caturbhujatvam || gaṇādhipatyaṃ divi kalpakoṭiśatānyuṣitvā padameti śambhoḥ
95.36
na bṛhaspatirapyanantamasyāḥ phalamindro na pitāmaho'pi
vaktum || na ca siddhagaṇo'pyalaṃ na cāhaṃ yadi jihvāgrutakoṭayo'pi vaktre
95.37
bhavatyamaravallabhaḥ paṭhati yaḥ smaredvā sadā śṛṇotyapi vimatsaraḥ saka
lapāpanirmocanīm || imāṃ śivacaturdaśīmamarakāminīkoṭayaḥ stuvanti tamaninditaṃ kimu samācaredyaḥ sadā
95.38
yā vātha nārī kurute'tibhaktyā bharttā
ramāpṛcchaya sutāngurūnvā || sāpi prasādātparameśvarasya paraṃ padaṃ yāti pinākapāṇeḥ
95.38.p1
iti śrīmātsye mahāpurāṇe śivacaturdaśīvrataṃ nāma pañcanava titamo'dhyāyaḥ
Linked texts (3)
- Matsyapurāṇa — Vyāsa, Sanskrit
- Vrata — Sanskrit
- Vratakāṇḍa — Lakṣmīdhara, Sanskrit