Vratakanda 7.p138

7.p138

¹tatra matsyapurāṇe nandikeśvara uvāca — śṛṇuṣvāvahito brahman vakṣye māheśvaraṃ vratam | triṣu lokeṣu vikhyātā nāmnā śivacaturdaśī || mārgaśīrṣe trayodaśyāṃ sitāyāmekabhojanaḥ | prārthayeddevadeveśaṃ tvāmahaṃ śaraṇaṃ gataḥ || māsaścātra śuklapratipadāderamāvāsyāntaścāndro māsaḥ|| caturdaśyāṃ nirāhāraḥ samabhyarcya ca śaṅkaram | suvarṇaṃ vṛṣabhaṃ datvā bhokṣye'haṃ ca pare'hani || evaṃ niyamakṛtsvapyāt² prātarutthāya mānavaḥ | kṛtasnānajapaḥ paścādumayā saha śaṅkaram || pūjayetkamalaiḥ śuklairgandhairdhūpānulepanaiḥ |³ pādau namaḥ śivāyati śiraḥ sarvātmane namaḥ || lalāṭaṃ tu trinetrāya netrāṇi haraye namaḥ | ⁴mukhāmendumukhāyeti śrīkaṇṭhāyeti kandharā || sadyojātāya karṇau tu vāmadevāya vai bhujau | aghorahṛdayāyeti hṛdayaṃ cābhipūjayet || stanau tatpuruṣāyeti tatheśāyeti codaram