Tithyadipatra 8.8

8.8

51 | śeṣapaṃktau śūnyakoṣṭhakasyābhāvājjātaṃ varṣādau tithyādikaṃ pūrvatulyameva || evamiṣṭaśakamadhye pustakīyaśake śuddhe yaccheṣaṃ bhavati tatpramitakoṣṭhakādadhaḥsthaṃ tithyādikaṃ sthāpyaṃ vallī ca
sthāpyā||etanmadhye pustakīyaśakādadhaḥsthitithyādikaṃ yojyam vallyāṃ vallī yojyā
tadyathā-tithisthāne tithiryojyā || vārasthāne vāro yojyaḥ || ghaṭīṣu ghaṭī yojyā
paleṣu palāni||tataḥ palasthāne ṣaṣṭibhakte sati phalaṃ ghaṭīṣu yojyam|| ghaṭīṣu ṣaṣṭibhaktāsu
phalaṃ vāre yojyam||vāreṣu saptataṣṭeṣu śeṣamabhito ravyādivāro jñeyaḥ||atra labdhatyāgaḥ
evaṃ varṣādau vāro bhavati ||asminmakaraṃde sarvatra vartamāno vāro jñeyaḥ || tithitriṃśattaṣṭā
śeṣā varṣādau tithirbhavati||asyaiva nāmāntaraṃ śuddhiḥ|| vallyā ūrdhvāṃkaḥ ṣaṣṭyādhikaḥ
ṣaṣṭitaṣṭaḥ śeṣā varṣādau vallī bhavati || tadanaṃtaram asminvārādau deśāṃtarasaṃskṛtiḥ
kāryā| tadyathā-rekhā svadeśāṃtarayojanaghnī gatirgrahasyābhragajairvibhaktā||labdhā viliptāḥ
khacare vidheyāḥ svarṇaṃ pare prāksamaye vilomam||iti || yāni deśāṃtarayojanāni ravimadhyagatyā guṇitāni kāryāṇi||paścādaśītyā bhaktvā labdhapalāni vārādipalasthānerahitasahitāni kāryāṇi yadā grahe ṛṇāni tadā dhanāni yadā dhanāni tadā ṛṇāni
'tithinakṣatrayogasaṃkrāṃtimahānakṣatreṣu grahāpekṣayā viparītabhityuktatvāt|| udāharaṇam
kāśyāṃtaradeśāṃtarayojana 64 ṛṇāni sūryagatyā 59