Somasiddhanta 6
Somasiddhānta 6
- Language
- Sanskrit
6.1
iti śrīsomasiddhānte caturthe nakṣatragrahayuddhasamāgamādhyāyaḥ ṣaṣṭhaḥ
arkauśusamākrāntamūrtīnāmalpatejasām
udayāstagate yau tatparijñānaṃ prakīrtyate
6.2
avakriṇādeḥ sūryāddibhādikāḥ śīghragastataḥ
paścādyāntyudayaṃ prācyāmūnamastaṃ pare'nyathā
6.3
sūryāstakālikau paścātprācyāmudayakālikau
divākaragrahau kuryād dṛkkarmārtha grahasya tu
6.4
ubhayorantaraprāṇāḥ ṣaṣṭyā kālāṃśakāhṛtāḥ
saṣaḍbhayoḥ praticyāṃ tu mārgeyaṃ jyotiṣāmapi
6.5
astāṃśāścandrabhaumādyāḥ atyaṣṭimurirīśvarāḥ
ābhāsthitiṃ kramātproktāḥ sūryādye kālajāstvame
6.6
jñaśukrayormahattvātte sūryau aṣṭau ca va kriṇau
svātyagastyamunirvyādhāścitrā jyeṣṭhā punarvasū
6.7
abhijit brahmahṛdayaṃ trayodaśabhiraṃśakaiḥ
hastaśravaṇaphālgunyaḥ aviṣṭā rohiṇī maghā
6.8
caturdaśāṃśakairdṛśyā viśākhāśvinadaivataiḥ
kṛttikāmūlamaitrāṇi(1) sārparaudrarddhameva ca
6.9
dṛśyante pañcadaśabhirāṣāḍhādvitayaṃ tathā
bharaṇītiṣyasaumyāni saukṣmyāt triḥsaptakāṃśakaiḥ
6.10
śeṣāṇi saptadaśabhirdṛśyādṛśyāni bhāni tu
kālāṃśai(2)radhikairebhyo dṛśyānyalpairadarśanam
6.11
kāleṣṭāṃśāntaraḥ kālaḥ kalā gatyantaroddhṛtāḥ
gatiyogena vakriṇyāptāstu vārādikaṃ phalam
6.12
yallagnodbhava kālāṃśāstallagnāsuhṛtā gatiḥ
rāśiliptāhṛtā syātāṃ kālabhukto tayorubhe
6.13
yadvā rāśikalābhyastā hṛtā sā svodayāsadbhiḥ
śvetāṃśā bhāskare svarṇaṃ paścātprākskhāstabhāskaraḥ
6.14
astārkakrāntisaṃkhyā ye grahasatvaradarśanāt
udayāstameva kurvantyastārkakṣadibhiḥ kalāḥ
6.15
kāryaṃ dvitīyaṃ dṛkkarma nṛṇāṃ pratyakṣakārakam
śāstrīyavyavahāre tu lokaṃ niṣphalayojanam
6.16
abhijit brahmahṛdayaṃ svātīvaiṣṇavavāsavāḥ
ahirbudhnyamudaksthatvānna lupyante 'rkaraśmibhiḥ
6.17
sūryo sūryādhikentyasminnapi ṣaḍbhāni(3) nikṣipet
sūryāstakālikau kuryāttau ca sūryāstatāḍitau
6.18
itarāntasthayānyābhirdhanarṇaṃ tatphalaṃ tathā
bhūyo nāḍyo muhūrttā cedasruktābhirastataḥ
6.18-2
astārkamānataḥ paścādanyastaddivaso bhavet
saṣaḍbhārkadinenyasmina ṣaḍbhāni viniikṣipet
6.20
anyatsarvaṃ prakurvīta rāśirudhvaṃmadhastataḥ
udetyanya iti prokta udayāstavinirṇayaḥ
Linked texts (1)
- Sūryasiddhānta — Maya, Sanskrit