Somasiddhanta 7

Somasiddhānta 7

iti śrīsomasiddhānte grahodayāstamanādhikāraḥ saptamaḥ
arkendvoḥ krāntiviśleṣo yutistulyā'nyathādiśoḥ
tanmaurvikākārdyatrendustadicchā guṇito'nayā

madhyāhnacandrabhākarṇastasya diktvādavāgudak
dvādaśaghnāttajīvāyāāṃ kharṇaṃ lambajyayā bhujaḥ

padaṃ tacchaṅkuvargekyāt karṇaḥ koṭistu bhāskaraḥ
bhāskarenendukalikāścandrabimbāṅgulāhatā

bhacakrārddhakalābhaktā śuklakṛṣṇavimaṇḍalī
bāhu yathādiśaṃ kāṣṭhāṃ madhyavindoḥ prasārayet

vāmaṃ kṛṣṇaṃ tataḥ paścānmukhīkoṭihṛtaṃ tayoḥ
madhye likheccandrabimbaṃ koṭikarṇayuteḥ sphuṭam

karṇasūtreṇa dik śuddhā bimbāparadiśānvitam
śuklaṃ vā kṛṣṇasūtreṇa nītvā tanmukhamatra ca

yāmyottaradiśoścāpaṃ likhecchṛṅgonnatiṃ vadet
ādau candrasya dṛkkarma kartavyaṃ digbiparyyayaḥ

uttare ca yathāyogyamityāhuḥ śāstrayoginaḥ