Somasiddhanta 8
Somasiddhānta 8
- Language
- Sanskrit
8.1
iti śrīsomasiddhānte śṛṅgonnatyadhikāro'ṣṭamaḥ
yadā tigmāṃśucandrau staḥ ekāyanagatau tayoḥ
yoge cakre krāntisāmyaṃ pātaḥ syāt sa ca vaidhṛtaḥ
8.2
bhinnāyanagatau bhārucchītagū tadyutau yadā
bhacakrārddhe krāntisāmyaṃ mukhyapātastadā bhavet
8.3
sūryācandramasau yāvadanyonyābhimukhaṃ yadā
saṃvadantauṅgavau vahnirvyatipāta iti smṛtaḥ
8.4
yacchubhānāṃ vināśāya nandatīva patatyayam
vyatipātaḥ prasiddho'tra sañjñābhedena vaidhṛtaḥ
8.5
sa kṛṣṇo dāruṇavapurlohitākṣo mahodaraḥ
sarvvāriṣṭakaro raudro bhūyo bhūyaḥ prajāyate
8.6
saṃskṛtāyanabhāgārkacandrābhyāṃ yattadīdṛśam
lakṣaṇaṃ bhavati prāṅmukhyapātastato 'pi ca
8.7
saṃskṛtāyanabhāgārkacandrayorāśisaṃyutau
bhārddhatve bhagaṇatve vā krāntisāmyoditāyane
8.8
yato dvitīyasaṃkrāntirgṛhakrāntigate gatiḥ
krāntisāmye madhyakālastadbhuktau jyāntareṇa ca
8.6-2
sthityarddhamānayogārddhaṃ tenādyantaṃ yathocitam
viṣkambhādau saptadaśa tṛtīyoṃ'śaśca raṅgavet
8.10
yogeṃśo ca vyatipātaḥ prajvalajjvalanākṛtiḥ
vyatipāto'tra yo ghoraḥ sarvaśobhananāśanaḥ
8.11
snānadānajapaśrāddhavratahomādikarmabhiḥ
prāpyate sumahatpuṇyaṃ tatkālajñānatastathā
Linked texts (2)
- Sūryasiddhānta — Maya, Sanskrit
- Tantrasaṅgraha — Nīlakaṇṭha Somayājī 1500, Sanskrit