Dharmasindhusara p211

p211

śrīgaṇeśāyanamaḥ | śrīpāṇḍuraṅgamakalaṅkakalānidhānakāntānanaṃ yadabudhānamanaṃ mudhā na | śrīvatsakaustubharamollasitorasaṃ taṃ vande padābjabhṛttanandadudārasantam 1 bhīmāpriyaṃ sukaruṇārrṇavamāśutoṣaṃ dīneṣṭapoṣamaghasaṃhatisindhuśoṣam | śrīrukmiṇīmatimuṣaṃ puruṣaṃ paraṃ taṃ vande durantacaritaṃ hṛdi saṃcarantam 2 vande pratighnantamaghāni śaṅkaraṃ dhattāṃ sa me mūrdhni divāniśaṃ karam| śivāṃ ca vighneśamatho pitāmahaṃ sarasvatīmāśu bhaje'pi tāmaham 3 śrīlakṣmīṃ garuḍaṃ sahasraśirasaṃ pradyumnamīśaṃ kapiṃ śrīsūryyaṃ vidhubhaumavidgurukavicchāyāsutānṣaṇmukham | indrādyānvibudhān gurūṃcca jananīṃ tātaṃ tvanantābhidhaṃ natvāryānvitanomi mādhavamukhān dharmābdhisāraṃ mitam 4 dṛṣṭvā pūrvanibandhān prācyāṃśca navāṃśca teṣu siddhārthān | prāyeṇa mūlavacanānyujjhitya likhāmi bālabodhāya 5 uktvā dharmābdhisāresminnirṇayaṃ kālagocaram | paricchede prathamaje dvitīye ca yathākramam 6 atha garbhādisaṃskārāndharmāngṛhyādisaṃmatān vakṣye saṃkṣepataḥ saṃto'nugṛhṇantu dayālavaḥ 7 kāśīnāthābhidhenātrānantopādhyāyasūnunā | nirṇīyate yadetattu śodhanīyaṃ manīṣibhiḥ 8