Dharmasindhusara p598

p598

59 athaṣoḍaśamāsikāni dvādaśapratimāsyānikūnamāsaṃtripakṣakam | ūnaṣāṇmāsikaṃconābdikaṃcāpītiṣoḍaśa 1 atramatāntarāṇisindhau athaiṣāṃ athaiṣāṃkālāḥ. kālāḥ māsādaumāsikaṃkāryamādyaṃtvekādaśehani | ekadvitridinairūnetribhāgeno naevavā 1 ūnamāsikamūnāvdamūnaṣāṇmāsikaṃcaret | traipakṣikaṃtripakṣeconamāsyāddvādaśehnivā 2 tatronamāsikonaṣāṇmāsikonābdikānāmekadinenonapakṣepañcamyāṃmṛtasyatṛtīyāyāṃdvvābhyāmūnatvapakṣedvitīyāyāṃtribhirnyūnepratipadāyāmanuṣṭhānamitikecit mādhavastūnaṣāṇmāsikamūnābdikaṃcamṛtāhātpūrvedyuḥkāryamityāha traipakṣikaṃtripakṣetītemṛtāhekāryam atrāhitāgnerviśeṣaḥ traipakṣikaparyantānisaṃskāratithautataḥparāṇipratyābdikaṃcamṛtatithau tenādyaṃdāhādekādaśehni trimāsādūrdhvasaṃskāretvevambhāti tripakṣaparyantānidāhatithau kṛtvāparāṇyatikrāntānimṛtatithauprāptamāsikenasahakāryāṇīti ūnaśrāddheṣuvarjyāni tripuṣkarepunarnandāsusinīvālyāṃbhṛgordine | caturdaśyāṃcanonānikṛttikāsudvipuṣkare 1 tripuṣkaradvipuṣkarayogayorlakṣaṇaṃprāguktam ādyamāsikamābdābdikaṃcaikādaśehnītyekamaṃtam ādyamāsikamevaikādaśehniprathamābdikaṃtudvitīyavarṣārambhaevetyaparamatamityuktam etāniṣoḍaśaśrāddhānivarṣāntasapiṇḍanapakṣe ukteṣusvasvakāleṣvekoddiṣṭavidhinākāryāṇi dvādaśāhnikālaiṣusapiṇḍanāpakarṣapakṣe ekadine evāpakṛṣya yugapadekoddiṣṭavidhinā kāryāṇi śrāddhāni ṣoḍaśādtvānnatu kuryātsapiṇḍanamiti ṣoḍaśaśrāddhairvināsapiṇḍane'dhikārābhāvabodhanāt etāni pakkānnenāmātnena vā kāryāṇi pākapakṣe yugapatkaraṇe sarveṣāmeka eva pāko viprā ardhyāḥ piṇḍāśca ṣoḍaśa etāni dvādaśāhādau sapiṇḍanātpūrvakṛtānyapi punaḥ sapiṇḍyuttaraṃ svasvakāle pārvaṇavidhinā kāryāṇi yasya saṃvatsarādarvākvihitā tu sapiṇḍatā | vidhivattāni kurvīta punaḥ śrāddhāni ṣoḍaśa 1 arvāksaṃvatsarādyasyasapiṇḍīkaraṇaṃ kṛtam | ṣoḍaśānāṃ dvirāvṛttiṃ kuryādityāha gautamaḥ 2 ityādivacanāt ṣoḍaśānāṃ dvirāvṛttitvaṃ caikādaśāhasapiṇḍanapakṣe jñeyam tatrādyamāsikasya kālasatvāt dvādaśāhe sapiṇḍanapakṣe tu pañcadaśānāṃ dvirāvṛttiḥ tripakṣesapiṇḍanapakṣe ādyamāsikonamāsikadvitīyamāsikānāṃ svakāle kṛtatvāttadapakṛṣya kṛtānāmeva punarāvṛttividhānātteṣāṃ kālābhāvācca trayodaśānāmeva punarāvṛttiḥ evamanyapakṣeṣvapiyathāsaṃbhavamūhyam yetu dvādaśāhe sapiṇḍanaṃ kṛtvā trayodaśāhādāvādyamāsikasahitānāṃ ṣoḍaśānāṃ punarāvṛttiṃ kurvanti te bhrāntāḥ yadāmaraṇādārabhya dvādaśamāsamadhye kaścidadhikamāsaḥ patettadā tanmāsasthaṃ māsikaśrāddhamadhike śuddhe māse ceti dvivāraṃ kāryamiti saptadaśaśrāddhāni bhavanti malamāse mṛtasya tu ekādaśāhe ādyamāsikaṃ kṛtvā dvitīyamāsa mṛtatithau tatpunaḥ kṛtvā kiṃcidūne dvitīyamāse ūnamāsikaṃ tṛtīyamāsārambhe dvitīyamāsikaṃ sārdhadvimāsānte traipakṣikam sapiṇḍyuttarāṇyavaśiṣṭamāsikāni svasvakāle eva kāryāṇi catuḥpuruṣamadhye sapiṇḍeṣu nāndīśrāddhaprāptau tu tatprāptimāse evaikasminneva dine sarvāṇyapakṛṣya kāryāṇi pretaśrāddhāni sarvāṇi sapiṇḍīkaraṇaṃ tathā | apakṛṣyāpi kurvīta kartu nāndīmukhaṃ dvijaḥ 1 ityukteḥ tatraikaḥ pākaḥ ṣoḍaśaśrāddhapakṣe ṣoḍaśa brāhmaṇā aṣṭacatvāriṃśatpiṇḍāḥ purūravārdravaviśvedevārthameko vipra iti sarveṣāmanuṣṭhānam evaṃ pakṣāntareṣu śrāddhasaṃkhyānusāreṇa viprādyūhyam kecitpākabhedamāhuḥ udakumbhaśrāddhānāmapyanumāsikavatpretoddeśyakaśrāddhatvātteṣāmapyapakarṣa ityuktam vṛddhivinānumāsikāpakarṣe tu doṣamāhośanāḥ vṛddhiśrāddhavihīnastu pretaśrāddhānyānvaret | saśrāddhīnirakeghore pitṛbhiḥ saha majjati 1 iti catuḥpuruṣasapiṇḍeṣvādhānādiprāptinimittopyapakarṣaḥ kāryaḥ atra viśeṣaḥ pūrvārdhe uktaḥ yadyanmāsikaṃ sūtakādinātikrāntaṃbhavettattaduttaramāsikena saha tantreṇa kāryamityuktam