Pramāṇa · Search · About · API

Simhasiddhantasindhu 3

Siṃhasiddhāntasindhu 3

Language
Sanskrit

Contents

3.1

atha vakṣye maheśāni mātṛkāṃ lokamātaram
akārādikṣakārāntavarṇaviyavadevatām

3.2

cāmīkaranibhaḥ śūlagadārājadbhujāṣṭakaḥ
caturāsyo'tikāyaḥ syādakāraḥ kūrmavāhanaḥ

3.3

pāśāṅkuśakarā śvetā padmasaṃsthebhavāhanā
ṣaṣṭacūrdhvayojanamitā syādā mauktikabhūṣaṇā

3.4

pītaṃ karāntakuliśaṃ paraśuṃ vairināśanam
dvacaikayojanamānaṃ syādikāraṃ kacchapasthitam

3.5

daśayojanadīrghāhanāhā'sau haṃsavāhanā
īḥ syātpuṣṭipradā śvetā mauktikāḍhacā sitānanā

3.6

gadāṅkuśakaraṃ kākavāhanaṃ kṛṣṇabhūṣaṇam
yojanadvisahasrāṇāṃ mānamudvayamakṣaram

3.7

pāśaśaktibhujaṃ raktavahnibimbasthitoṣṭragam
uttapramāṇaṃ kolaghanamṛkṣvavarṇadvayaṃ bhavet

3.8

caturaśrākṣahaṃsasthaṃ puṣparāgasamaprabham
pāśavajrakaraṃ raudraṃ lṛyugaṃ syānnirodhanam

3.9

gadāpalāripadmāḍhyacakkaraṃ hāravibhūṣaṇam
cakravākasthitaṃ śyāmamekārantu mahaddravet

3.10

navakundanibhā śūlavajravāhā dvipasthitā
koṭiyojanamānā syādaimūrtiḥ kavitākarī

3.11

cinmayaṃ sarvāṅgaṃ śāntaṃ dvisahasrakarojjvalam
pītaṃ govṛṣasaṃsthaṃ syādorūpaṃ strīnarātmakam

3.12

taptahemanibhā pāśavajrabāhuvibhūtidā
yojanānāṃ sahasreṇa syādauvarṇā mitaujasā

3.13

navakuṃkumasacchāyapadmastho raktabhūṣaṇaḥ
caturbhujaḥ syādraṃ varṇaḥ śrīkaro ripunāśanaḥ

3.14

vajraśūlakaraṃ kṣudraṃ phaladaṃ kharavāhanam
sahasrayojanaṃ pītaṃ svarāntaṃ dvibhujaṃ smaret

3.15

bhūbimbagajasaṃsthaḥ syānnavakuṃkumasannibhaḥ
śūlavajrakaraḥ kārṇaḥ sahasradvayayojanaḥ

3.16

pāśatomarahastaḥ kho meṣasaṃstho nirodhakaḥ
yojanānāṃ sahasreṇa mitaḥ kṛṣṇo vibhīṣaṇaḥ

3.17

pāśāṃkuśakaraḥ padme phaṇisaṃstho'ruṇaprabhaḥ
thakāraḥ sarpabhūṣaḥ syācchatayojanasaṃsthitaḥ

3.18

uṣṭrolūkhalasaṃsthaḥ syād gadāvajrakaro mithaḥ
yojanānāṃ sahasreṇa dvimukho ghaḥ sitetaraḥ

3.19

koṭiyojanadīrghārddhaṃ nāhaṃ kṛṣṇaṃ jvalatprabham
dvibhujaṃ kākavāhaṃ syānḍāṇaṃkṣudraphalapradam

3.20

yugāgrapadmasaṃsthaḥ syāccaturbāhuḥ sitaprabhaḥ
kapardīśaḥ sugandhāḍhyaḥ koṭiyojanasaṃsthitaḥ

3.21

sitastāvanmitaḥ padme caturbāhuḥ chavarṇakaḥ
jabhrau koṭimānaustaścaturbāhū sitaprabhau

3.22

yojanānāṃ sahasraiḥ syāt saṃmitaṃ kākavāhanam
vidveṣakaraṇaṃ ṅāṇaṃ kṛṣṇavarṇaṃ bhujadvayam

3.23

kauṃcastho dvibhujaścaṣṭaḥ syāt nāganaddho mahādhvaniḥ
varāpadmagajendrasthaḥ ṣaṣṭhavarṇo dvikarojjvalaḥ

3.24

lakṣayojanamānaḥ syād garanāśakaro vibhuḥ
ḍhavarṇo'pyaṣṭabāhuḥ syāccaturvaktraḥ svalaṃkṛtaḥ

3.25

yojanānāṃ sahasreṇa mitaḥ kuvalaye sthitaḥ
agnibimbāṅgajo ḍhāṇordaśabāhurjvalatprabhaḥ

3.26

sahasramānaṃ vyāghrasthaṃ yojanānāṃ hi ṇaṃ bhavet
ṣaṣṭihāyanasaṃsthaḥ syāccaturbāhuḥ svalaṃkṛtaḥ

3.27

sahasramāno gandhāḍhyaḥ kuṃkumābhaśca tākṣaraḥ
koṭiyojanamānaḥ syādaṣṭabāhuścaturmukhaḥ

3.28

sitavarṇo vṛṣārūḍhaḥ śvavarṇo'pi bhayaṅkaraḥ
dvimukhaṃ ṣaḍbhujaṃ koṭimānaṃ daṃ mahiṣasthitam

3.29

siṃhavāhaścaturbāhurdhaścaturlakṣasaṃmitaḥ
dvibhujaṃ kākavāhaṃ naṃ tatsahasraṃ mitaṃ bhavet

3.30

viśadbhujo daśāsyaḥ paḥ koṭimāno vaksthitaḥ
daśakoṭimitaḥ phārgo yojanānāṃ bhujadvayam

3.31

kaṇṭhīravasitāmbhoje niṣaṇṇaścañcalaḥ sitaḥ
ṣaḍāsyo dvibhujo baḥ syāddaśakoṭimito'ruṇaḥ

3.32

nīlotpalalasadvaṃ savāhanaḥ puṣṭidāyakaḥ
trihastaṃ trimukhaṃ vyāghravāhanaṃ bhīṣaṇākṛti

3.33

daśalakṣamitaṃ bhārgaṃ dhūmrābhaṃ syānmahābalam
caturbhujo śakāraḥ syātsaviṣoragasannibhaḥ

3.34

maṇḍito muṇḍamālābhiḥ śaśikhaṇḍavirājitaḥ
vyāptaścaturbhujo dhūmro yārgaḥ syānmaṅgalasthitaḥ

3.35

trikoṇāmbujameṣastho rārgo bāhucatuṣṭayaḥ
caturasrābjadantīndrapṛṣṭhenopari rājitā

3.336

caturbhujakalā lasya mūrtiḥ syāddhusṛṇaprabhā
abdhisthapadmanakrastho dvibhujo vaḥ sitaḥ smṛtaḥ

3.37

karadvayābjagā hemavarṇā śārgakṛtistathā
sahasramānaḥ kṛṣṇābho dvibhujaḥ kārmaṃgo'tha ṣaḥ

3.38

koṭimānamitaḥ saḥ syādgasago dvibhujānvitaḥ
hārgaḥ śvetastribāhuḥ syādvyāptaḥ śītāṃśuśekharaḥ

3.39

pāśābhayakarā lārgamūrtiḥ śvetā gajasthitā
bhūbimbaśailasaṃsthaḥ kṣo daśabāhurmaṇiprabhaḥ

3.40

mūrtibhedā yathārṇānāṃ mayātra pratipāditā | iti
śrīdakṣiṇāmūrtisaṃhitāyām—
ṛṣirbrahmā'sya deveśi gāyatraṃ chanda ucyate
mātṛkā devatā devi halo bījāni śaktayaḥ

3.41

svarāstu parameśāni yātā vyaktastu kīlakam
siddhasārasvatataṃtre—
dakṣahastatale pṛṣṭhe karabhedaguṣṭhakādiṣu
kaniṣṭhāntāsu vāme ca kaniṣṭhāditalāvadhi

3.42

svarānṣoḍaśa deveśi kevalānvinyesat priye
binduyuktānvilomena vāmahastatalātpriye

3.43

dakṣahastatalāntantu nyasetsaṃhāra īritaḥ
dakṣahastatalādevi vāmahastatalāvadhi

3.44

nyasedvisargasaṃyuktān sṛṣṭireṣā prakīrtitā
vāmahastakaniṣṭhādi tattalāvadhi vinyaset

3.45

bindusargayutānaṣṭau lṛkārādīnsvarān punaḥ
dakṣahastatalādevi tatkaniṣṭhāvadhi priye

3.46

akārādiṛkārāntān sthitinyāsa udāhṛtaḥ
vāmahastakaniṣṭhādi paṃcasvaṅguliṣu kramāt

3.47

takārādi śakārāntān parvasvekaikaśo nyaset
aṅguṣṭhādikaniṣṭhāntāsvaṅgulīṣu tathā nyaset

3.48

dakṣahaste ca deveśi kādiṇāntān sthitikramāt
pakārādīnpañcavargān yugapatkarayornyaset

3.49

aṅguṣṭhādiṣvaṅgulīṣu vyāpakatvena sundari
karaśuddhi vidhāyetthaṃ mātṛkārṇairmaheśvari

3.50

ṣaḍaṅgāni nyasetpaścādvakṣyamāṇena vartmanā
śāradātilake—
aklībahrasvadīrghāntargataiḥ ṣaḍvargakaiḥ kramāt
ṣaḍaṅgāni vidheyāni jātiyuktāni deśikaiḥ

3.51

mantratantraprakāśe—
ādāvabhyantare nyasya ṣaḍādhāreṣu mantravit
akārādikṣakārāntāntato dehe bahirnyaset

3.52

kalāpa trāmbujaṃ kaṇṭhe svarānsamyak pravinyaset
hṛdyakrkaṃpatre tadvarṇānnābhau daśadale nyaset

3.53

daśavarṇān liṅgamūle ṣaḍdale ṣaṭ tatheśvari
caturdale tathā''dhāre caturvarṇāṃstato nyaset

3.45-2

bhrūmadhye dvidale hakṣāvityantarmātṛkānyaset | iti
lalāṭamukhavṛttākṣiśrutighrāṇeṣu gaṇḍayoḥ
oṣṭhadantottamāṅgāsye doḥpatsandhyagrakeṣu ca

3.55

pārśvayoḥ pṛṣṭhato nābhau jaṭhare hṛdayeṃ'sake
kakudaṃse ca hṛtpūrvaṃ pāṇipādayuge tataḥ

3.56

jaṭharānanayornyasyenmātṛkārṇānyathākramāt
anena nyāsayogena mantrī varṇātmarūpavān
dhyāyedvarṇasvarūpāḍhyāṃ svaravaktrakrameṇa tu

3.57

kacavargakarāṃ ramyāṃ ṭatavargapadāmbujām
pavargacārupārśvāṅgalasacchātodarīmparām

3.58

yaśavargāṅgasubhagāmpīnonnataghanastanīm
nitambinīñca gahanāṃ śuklākṣīṃ kṣāmamadhyakām

3.59

muktāmālāṅgarāgāḍhyāmakṣasrakkumbhaśobhitām
cintālikhitasatpāṇiṃ samagravaradāyinīm

3.60

evaṃ dhyātvā tato devīṃ yajanañca sudhīścaret
muktāvajrasphuradbhūṣāñjapamālāṅkamaṇḍalum
pustakaṃ varadānañca ..................

3.61

pañcāśallipibhirvibhaktamukhadoḥ panmadhyavakṣaḥsthalām,
bhāsvanmaulinibaddhacandraśakalāmāpīnatuṅgastanām
mudrāmakṣaguṇaṃ sudhāḍhacakalaśaṃ vidyāñca hastāmbujaivibhrāṇāṃ viśadaprabhāṃ trinayanāṃ vāgdevatāmāśraye

3.62

ādau vṛttaṃ karṇikāḍhacaṃ hasānugrahasargavat
bāhye 'ṣṭadalamālikhya kesareṣu svarāṃllikhet

3.63

yugmayugmaprabhedena tato vasudaleṣu ca
kādivargāṣṭakaṃ yojyaṃ lakṣāntamparameśvari

3.64

caturasrāntataḥ kuryātsiddhidaṃ dikṣu sam̐llikhet
ṭhakārāṇāṃ catuṣkañca rekhāntadbāhyatastathā

3.65

vāruṇañca samālikhya devīmāvāhayetsudhīḥ
anugraha 'aukāraḥ, sargo visargaḥ, vāruṇaṃ vakāraḥ
vyomāntasau rasanayā yutakarṇikāntat,
kiñjalkagaṃ svarayugaṃmpravilikhya yantre
vargāṣṭakantadanu bhūmipureṇa vītamāśāsu¹ vākṣarayutāścidhu ṭāntayuktam

3.66

asminpīṭhe yajeddevīṃ navaśaktisamānvite
dakṣiṇāmūrtisaṃhitāyām—
ādau pīṭhārcanaṃ kṛtvā navaśaktipuraskṛtam
medhā prajñā prabhā vidyā dhīrdhṛtismṛtibuddhayaḥ

3.67

vidyeśvarīñca pūrvādidikṣu madhye prapūjayet
kṛtāñjalidvayakarāstattaddūrdhvakaradvaye

3.67-2

dadhatyaḥ pustakaṃ kumbhaṃ śvetāḥ sundaramūrtayaḥ
siddhasārasvate—
bījañca sarvaṃśaktyante kamalāsanamuccaret
oṃ intaṃ namaḥpadaṃ brūyādayampoṭhamanurmataḥ

3.68

bījaṃ yantramadhyasthaṃ— ...........................
śāradātilake—
varṇāñjenāsanandyāmmūrti mūlena kalpayet
āvāhya pūjayettasyāndevīmāvaraṇaiḥ saha

3.70

aṅgaṃ rāvaragampūrvaṃ dvitīyaṃ yugmaśaḥ svaraiḥ
aṣṭavargaṃstṛtīyaṃ syāt tacchaktibhiranantaram

3.71

pañcamammātṛbhiḥ proktaṃ ṣaṣṭhaṃ lokeśvaraiḥ smṛtam
lokapālāyudhaiḥ proktaṃ vajrādyaiḥ saptamantataḥ

3.72

vidhinā'nena varṇeśīmupacāraiḥ prapūjayet
ḍyāpinī pālinī paścātpāvanī kledinī tathā

3.73

dhāriṇī mālinī bhūyo haṃsinī śītinī smṛtā
śubhrāḥ patreṣu sampūjya dhṛtākṣaguṇapustakāḥ

3.74

brāhmī māheśvarī bhūyaḥ kaumārī vaiṣṇavī smṛtā
vārāhyanantarendrāṇī cāmuṇḍā saptamī matā

3.75

aṣṭamī syānmahālakṣmīḥ proktāḥ syurviśvamātaraḥ
daṇḍaṃ kamaṇḍaluṃ paścādakṣasūtramathā'bhayam

3.76

vibhratī kanakacchāyā brāhmī kṛṣṇājinojjvalā
śūlaṃ paraśvadhaṃ kṣudradundubhinnṛkaroṭikām

3.77

vahantī himasaṅkāśā dhyeyā māheśvarī śubhā
aṅkuśaṃ daṇḍakhaṭvāṅgau pāśañca dadhatī karaiḥ

3.78

dhyeyā vandhūkasaṅkāśā kaumārī kāmadāyinī
cakraṃ ghaṇṭāḍupālañca śaṅkhañca dadhatī karaiḥ

3.79

tamālaśyāmalā dhyeyā vaiṣṇavī vibhramojjvalā
musalaṅkuravālañca kheṭakandadhatī halam

3.80

karaiścaturbhirvārāhī dhyeyā kālaghanacchaviḥ
aṅkuśantomaraṃ vidyutkuliśau vibhratī karaiḥ

3.81

indranīlanibhendrāṇī dhyeyā sarvasamṛddhidā
śūlaṅkapālannṛśiraśśakalandadhatī karaiḥ

3.82

vahantī hemasaṅkāśā mahālakṣmīḥ samīritā
prabhajenmātṛkāmitthaṃ nityaṃ sādhakasattamaḥ

3.83

atha prayogaḥ
tatra prāgvadutthānādimātṛkānyāsānte yogapīṭhanyāsādyātmapūjāntaṃ kṛtvā,
kuṅkumādibhiḥ sakesaradaladalāgrapariveṣayuktacaturdvārayuktacaturaśratrayaveṣṭitamaṣṭadalakamalaṃ kṛtvā, tattatkarṇikāmadhye sakāravisargayuktaṃ hakāraṃ vilikhya, tatkesareṣu
svāgrādiprādakṣiṇyena dvidvikrameṇa sabindūn ṣoḍaśasvarānmadhyabījābhimukhān
vilikhya, daleṣu kacaṭatapayaśalākhyānaṣṭavargāṃstathaiva vilikhya, caturaśrābhyantare
caturdikṣu savindu vakāraṃ tatkoṇeṣu savindu ṭhakāraṃ ca likhet
iti pūjācakraṃ nirmāya, śrīvarṇyādipīṭhe saṃsthāpya, tatra mūlamantreṇa puṣpāñjalindatvā'ghryodakena prokṣya, tatra prāgvanmaṇḍūkādiparatatvārcāntampīṭhapūjāṃ
vidhāyā'ṣṭadalakesareṣu svāgrādiprādakṣiṇyena "oṃ medhāyai namaḥ, oṃ prajñāyai namaḥ,
prabhāyai0, vidyāyai0, dhiyai0, dhṛtyai0, smṛtyai0, buddhacai0, viśveśvaryai0" iti madhyāntaṃ
sampūjya, yantramadhye bījamuccārya "sarvaśaktikamalāsanāya namaḥ" iti samastampīṭhaṃ
sampūjyā'ṣṭadalakesareṣvāgneyakoṇe—"oṃ aṃ kaṃ khaṃ gaṃ ghaṃ ṅaṃ āṃ hṛdayāya namaḥ, īśānaiṃ caṃ chaṃ jaṃ jhaṃ ñaṃ īṃ śirase namaḥ, nairṛtye—uṃ ṭaṃ ṭhaṃ ḍaṃ ḍhaṃ ṇaṃ ūṃ śikhāyai namaḥ,
vāyavye—eṃ taṃ 5 aiṃ kavacāya namaḥ, devyagre—groṃ paṃ 5 grauṃ netrāya namaḥ, devyagrādi
caturdikṣu—aṃ yaṃ 10 aḥ astrāya namaḥ" iti ṣaḍaṅgāni sampūjyā'ṣṭadalakesareṣveva
devyagrādiprādakṣiṇyena—"oṃ aṃ āṃ namaḥ, oṃ iṃ īṃ namaḥ" ityādi prāgvallikhitasvaradvandvāṣṭakaṃ sampūjyā'ṣṭadaleṣu devyagradalamārabhya—"oṃ kaṃ khaṃ gaṃ ghaṃ ṅaṃ namaḥ"
ityādi pūrvalikhitavargāṣṭakaṃ sampūjya, teṣu vargāṣṭakeṣu "oṃ vyāpinyai namaḥ, oṃ
pālinyai namaḥ, oṃ pāvanyai, kledinyai, dhāriṇyai, mālinyai, haṃsinyai, śītinyai¹ namaḥ" iti devyagrādiprādakṣiṇyena sampūjyā'ṣṭadalāgreṣu—"oṃ brāhmayai namaḥ"
evam "ī māheśvaryai, oṃ kaumāryai, oṃ vaiṣṇavyai, oṃ vārāhyai, aiṃ indrāṇyai,
grauṃ cāmuṇḍāyai, graḥ mahālakṣmyai namaḥ" iti prādakṣiṇyena sampūjya, caturaśrāntarālavīthīdvaye prathamavīthyāṃ"—oṃ laṃ indrāya, evam—raṃ agnaye, ṭaṃ yamāya, kṣaṃ
nirṛtaye, vaṃ varuṇāya, yaṃ—vāyave, saṃ somāya, haṃ īśānāya," indreśānayormadhye—grāṃ brahmaṇe namaḥ" nirṛtavaruṇayormadhye—"hrīṃ anantāya namaḥ" iti sampūjya,
dvitīyavīthyām "oṃ vajrāya, oṃ śaktyai", evam—"daṇḍāya khaḍgāya,
pāśāya, aṅkuśāya, gadāyai, triśūlāya, padmāya, cakrāya" iti sampūjya,
mūlamuccārya, "sānnāyai śrīmātṛkāsarasvatyai namaḥ" iti triḥ puṣpāñjalinā
sampūjya dhūpadīpādi prāgvatsarvaṃ samāpayediti | tathā—
evaṅkuryānnyāsalakṣañjapellakṣañca mantravit
taddaśāṃśena juhuyānmadhuratrayalolitaiḥ

3.84

tilaiḥ śuddhaistarpaṇādi tataḥ kuryātsamāhitaḥ
tena nyāsajaparūpalakṣadvayātmakampuraścaraṇantaddaśāṃśahomādikañca siddham
etatkṛtayugaparam | kalāvetaccaturguṇaṃ kāryamiti
evaṃ siddhe manau mantrī prayogānnijavāñchitān

3.85

sādhayetsarvasiddhacarthaṃ gurvanujñāpuraḥsaram
sārasaṃgrahe—
toyampiveddinādau yastrivāraṃ japyametayā
vatsarājjāyate samyak sa mūko'pi kavitvabhāk

3.86

tathā—
brāhmīrasena vacayā payasā pācayed ghṛtam
ayutañjaptamanayā bhakṣitaṅgavitāpradam

3.87

tantrāntare tu viśeṣaḥ:—
palaṃ śvetavacācūrṇaṃ karṣanturagagandhi ca
kṛṣṇā haridrā sindhūtthaṃ dhātrīrugviśvabheṣajam

3.88

pratiniṣkantu sañcūrṇya ghṛtamprasthe vinikṣipet
brāhmīrase catuḥprasthe pacenmṛdvāgnipākavit

3.89

brāhmīghṛtamidamproktamanayāyutamantritam
pibetsūryoparāge tu sarvajñatvamavāpnuyāt

3.90

dinādau vā lihennityampañcāśadabhimantritam
vāgvilāsamasau vindetkavivṛnde samantataḥ || iti

3.91

sārasaṅgrahe—
svarṇaṃ rūpyantathā tāmraṃ vargaṣoḍaśadiṅmitam
etaistu racitaṃ samyag rucakaṃ sarvakāmadam

3.92

vargaḥ pañcaviṃśatiḥ, digdaśā, rucakamaṅgalīyakam
aṣṭottarasahasrantu japitvā juhuyāttathā
ghṛtena tatsamādāya siktaṃ sampātasarpiṣā

3.93

abhiṣekaprakāreṇa ghṛte vinyasya mudrikām
mātṛkāmpūjayettatra sāṅgāvaraṇāmbudhaḥ

3.94

abhiṣiktāya śiṣyāya mudrāntāṃ vitared guruḥ
mudrādhārī grahakṣudraduṣṭāmayasarīsṛpaiḥ

3.65-2

vimuktaḥ sucirañjīvetpradhane vijayī bhavet
mantratantraprakāśe—
somasūryāgnirūpāḥ syurvarṇā lohatraye tathā
rūpyaminduḥ smṛto hema sūryastāmraṃ hutāśanaḥ

3.66-2

lohabhāgāḥ samuddiṣṭāḥ svarādyakṣarasaṃkhyayā
tairlohaiḥ kārayenmudrāmasaṅkalitasañjñatām

3.67-3

sāgraṃ sahasraṃ sañjapya spṛṣṭvā tāñjuhuyāttataḥ
tasyāṃ sampātayenmantrī sarpiṣā pūrvasaṃkhyayetyādi

3.68-2

tathā— akṣarauṣadhisampakvapayasā pūrayedghaṭam | payasā jalena
sahasrajaptena tataḥ sādhyaṃ siñcetsumantravit

3.69

sa syānmedhendirākīrtidīrghāyuḥkavitāyutaḥ
vandhyā ca labhate putrannānāguṇagaṇālayam

3.100

akṣarauṣadhayastu prāgevoktāḥ
lantrarāje—
vṛttadvayāvṛtañcāṣṭapatramabjammahīpuram
vidhāya vilikhenmadhye haṃsahṛdbanaśaktikam

3.101

kūṭasvarānkesareṣu varṇānpatreṣu cā''likhet
pañca pañcākṣaropatān dāvāmbū digvidikṣu ca

3.102

svareṣvanuruktāni pañcā'nyāni tu pañca vai
savyañjanāvyañjanatvabhedatobhūd dviranvayaḥ

3.106

savātāgnidharā svena śaktistatpañcakambhavediti
athaitadyantraracanāprakāraḥ
tatra prāguktapūjācakraṃ nirmāya, tatra prāgvadeva madhyasthakūṭādisakalavargānvilikhya, ṣaṣṭhasaptamadaleṣu ṣaṣṭhe—"yaralavaśaḥ", "saptame-ṣasahalakṣa" iti vargadvayaṃ vilikhyā'ṣṭame—"a i u aṃ aḥ" iti pañcākṣarāṇi vilikhya, caturaśre'pi prāgvadeva "vakāraṭhakārau" likhet | atra vakāraṭhakāralekhanantaraṣṭadikṣavapi sabindukavarṇadvayaṃ lekhanīyamiti
prāṇāgnihautraṃ vakṣyāmi sarvasiddhipradāyakam
hitārthaṃ sarvalokānāṃ mantriṇāñca viśeṣataḥ

3.107

kṛtapadmāsanaḥ pūrvaṃ saralāṅgaḥ śubhāsane
upaviṣṭaḥ prasannātmā prāṅmukhaḥ sthiramānasaḥ

3.108

bhuvaneśo hakāreṇa satvarūpeṇa lāñchitam
madhyaṃ yasya tadīyena vāmākṣirajasāvṛtam

3.109

repheṇa tamasā caiva veṣṭitañca trikoṇakam
pūrvarākṣasavāyvaśrimūlādhāraṃ vicintayet

3.110

madhye prācyāmpratīcyāñca kauberyāndakṣiṇe tathā
tasminneva same pañca smaretkuṇḍāni mantravit

3.111

sarvadā jvaladagnīni svīyakāryaprasiddhaye
śrāvasathyañca sabhyañca tathā cā''havanīyakam

3.112

anvāhāryampunaḥ proktaṃ gārhapatyambhavatyapi
madhyādikramatastvevannāmato'mūni caiva hi

3.113

prabhājālanidānāddhi jñānarūpāgnirañjanāt
mūlaprakṛtirūpācca kalpādityāgnirantarāt

3.114

dvādaśāntasthitātsarvaṃ varṇaṃ hetoḥ parātmanaḥ
nirgatātmāātṛkāmmantrī sudhāniṣyandarūpiṇīm

3.115

pratilomakramādbhrāntādekaikākṣarato dhiyā
homayetteṣu kuṇḍeṣu jvaladagniṣu deśikaḥ

3.116

stu mārakataprakhyāḥ kṣādayaḥ pañcavarṇakāḥ
pañca yāntā bhavantīha gomedābhāśca śādikāḥ

3.117

nīlavarṇāśca mādyāḥ syurnādyā vidrumasannibhāḥ
ṇādayo vajrasaṅkāśāstāvantaḥ parikīrtitāḥ

3.118

puṣparāgatviṣaścāntāḥ kāntā vaidūryavarṇakāḥ
aṣṭasvarāstu muktābhā māṇikyābhāstataḥ pare

3.119

navaratnamayā hyate nava vargāḥ prakīrtitāḥ
keturvidhuntudo mando vākpatirbudha eva ca

3.120

bhārgavo bhaumacandrau ca bhāskaro nava kīrtitāḥ
navavargādhiyā hyate ratnānāmadhidevatāḥ

3.121

homamevaṃ vidhānena kuryurye'nudinambudhāḥ
pañcāśatsaṃkhyayā te syuḥ sabhyatā bhuvanatraye

3.122

svarṇaṃvastrādikairāḍhcā bhāgyavantaḥ śubhodayāḥ
ye vargā yatra hūyante tānahaṃ vacmi sāmpratam

3.123

saṃvartakañca tatṣaṣṭhampañcavargāntikāstathā
ṣoḍaśasvarabhiṇṭīśāvardhīśaśca tataḥ param

3.124

daśaitān vidhivatkuṇḍa grāvasaṃkhyāhvaye hunet
gharāṃ vāli turīyañca vargāṇāñca turīyakān

3.125

mastakañca harākhyañcāpyamareśandaśāpyamūn
sabhyākhye juhuyātkuṇḍe mantravittadanantaram

3.126

nakulīśañca tatṣaṣṭhaṃ vargāṇāñca tṛtīyakān
sañcāntaṃ sthāṇukañcāpi vāmanetraṃ vaśī kramāt

3.127

sañjuhotu yathānyāyaṅkuṇḍe grāhavanīyake
ya-saptamadvitīyau ca vargāṇāñca dvitīyakān

3.128

bhautikāntātithīśākhyau sūkṣmasaṃjñamanantaram
anvāhāryābhidhe kuṇḍe varganitānhunetkramāt

3.129

vāyuṣaṣṭhañca vāyuñca vargādyānpañca yādikān
adharañca kriyāñcā'pi nārāyaṇamimāndaśa

3.130

gārhapatyābhidhe kuṇḍe hunenmantrī samāhitaḥ
varṇahomaṅkrameṇaivaṃ yathāvatparikīrtitāḥ

3.131

ākāśena samaṃ sarvaṃ śabdajātantu mantravit
āvasathyābhidhe kuṇḍe juhuyāttadanantaram

3.132

vāyunā tadguṇampūrve vahninā paścime tataḥ
rūpaṅkuṇḍe hunenmantrī payasārasamaṃcayam

3.133

uttarākhye hunetkuṇḍe dakṣiṇe tadanantaram
dharayā sarvagandhañca mantravid juhuyādyaśī

3.134

pralayānalasaṅkāśajvaladagniraharniśam
homaṅkurvīta kuṇḍeṣu mātṛkāvarṇasaṃyutam

3.135

nityaśuddhaparānandacidrūpātmā vijāyate
dhruvamāyādikaṃ homamajapāntantu pūrvavat

3.136

pañcāśatsaṃkhyayā kṛtvā nyasya tāvadyathāvidhi
jīvanmukto bhavenmantrī cirajīvī ca jāyate

3.137

tejasā sūryakalpo'sau harttā karttā ca śambhuvat
athāṅgasya prayogaḥ
tatra baddhapadmāsanaḥ prāṅmukho mṛdvāsane samupaviśya, prāguktalakṣaṇe svamūlāghāre bhuvaneśvarībījamantrasya satvaguṇātmakena hakāreṇā''krāntamadhyadeśaṃ tasya
rajoguṇātmakena vāmākṣi īkāreṇāvṛtaṃ tamoguṇātmakena tadoyarepheṇa veṣṭitaṃ
trikoṇamagnimaṇḍalaṃ pūrvanirṛtivāyugatānyaśrāṇi koṇāni yasya tādśaṃ mūlādhāraṃ vicintya, tasminmūlādhāre madhyapūrvapaścimottaradakṣiṇeṣu āvasathyasabhyāhavanīyānvāhāryagārhapatyāni pañca kuṇḍāni jvaladagniśikhāsamākulāni vāñchitārthapradāni sañcintya, sarvatejaḥprakāśaprativimbahetubhūtānavacchinnacaitanyātmakān
sakalavarṇokāraṇaśabdabrahmātmakamūlaprakṛtyātmano dvādaśāntasthitāḥkalpāntāgniśikhāsphuratkesareṣu kuṇḍeṣu vakṣyamāṇakrameṇa varṇānmanasā juhuyāt | tatra varṇānāṃ
ratnavarṇatāmāha syuriti | ratnānāmadhidevatātvena grahānupadiśati keturityādi
amṛtamayatvena dhyātānāṃ ratnasavarṇavarṇānām̐ homamāha haumimati | pañcakuṇḍeṣu
pañcāśadvarṇānāmekaikasminkuṇḍe hotavyānvarṇanirdarśayati—saṃvartakamityādibhiḥ
saṃvartakaḥ kṣakāraḥ, tasya ṣaṣṭhaḥ pratilomena śakāraḥ | pañcavargāntikāḥ vilomena
manaṇñḍāḥ | ṣoḍaśasvaraḥ aḥ, jhiṇṭīśa ekāraḥ, ardhīśa ūkāraḥ etān daśavarṇān
āvasathyākhye kuṇḍe juhuyāt
gharā lakāraḥ, vāliturīyo vakāraḥ | vargaturīyakāḥ vilomena bha dha ḍha jha
ghāḥ, mastakaṃ oṃ, haraḥ lṛsvaraḥ | oṃramareśa ukāraḥ | etāndaśavarṇān sabhye juhuyāt
nakulīśo hakārastatyaṣṭho lakāraḥ | vargāṇāṃ tṛtoyakāḥ- ba da ḍa ja gāḥ,
sadyānta oṃkāraḥ | sthāṇu lṛkārasvaraḥ | vāmanetramīkāraḥ | etāndaśavarṇān
oṃāhavanīye juhuyāt
yasaptamaḥ sakāraḥ dvitīyo rephaḥ vargāṇāṃ dvitīyakāḥ—pha tha ṭha cha khāḥ,
bhautikāntaḥ okāraḥ, atirthīśaḥ ṛkāraḥ | sūkṣma ikāraḥ | etāndaśa varṇānvāhārye juhuyāt
vāyupṛṣṭhaḥ pakāraḥ | vāyuryaṃkāraḥ | vargādyāḥ pataṭanvakāḥ | oṃdhara ekāraḥ
kriyā ṝkāraḥ | nārāyaṇa ākāraḥ | etāndaśavarṇān gārhapatye juhuyāt
iti homaprakriyā
homaprakārastu—'oṃ hrīṃ hūm̐ kṣaṃ saḥ sohaṃ svāhā' ityādikrameṇa
ekasminkuṇḍe tvekamekamakṣarampunaḥ punaḥ juhuyāt | tatprakārastu-āvasathye
kṣakāraṃ, sabhye lakāraṃ, āhavanīye hakāraṃ, oṃnvāhārye sakāraṃ, gārhapatye ṣakāraṃ,
sārasaṅgrahe —
pratyahaṃ vidhinā'nena bhojanaṅkurute yadi
gārhapatyādikuṇḍāni tadā prāṇādivāyavaḥ

3.138

uddharetkuṇḍanāmāni saptamīsahitāni tu
prāṇādīnāñca nāmāni saptamyantaṃ samuddharet

3.139

hiraṇyānantaraṃ varṇa gaganānantarantathā
raktānte kṛṣṇaśabdānte suprabhānte tathaiva ca

3.140

śucayaḥ padamābhāṣya pāvakā iti coccaret
agniṃ vihṛtyaśabdānte ātmānañca tato vadet

3.141

upacaryapadampaścādūrdhvādhastiryaguddharet
punarūrdhvapadaṃ cā'dhvastiryagūrdhvaṃ samaṃ vadet

3.142

gacchantu vahnijāyāntānpañcamantrānsamuddharet
ahaṃ vaiśvāpadampaścānnaro bhūtvāpadaṃ vadet

3.143

juhomyantampadampaścāccaturvidhapadaṃ vadet
pacāmyevampadamtrū yādidyānena padaṃ vadet

3.144

svāhāntaṃ sarvamuktvā tu tṛptiparyantamādarāt
tūṣṇīṃ homaṃ vidhāyā'tha saṃskṛtānnena mantravit

3.145

amṛtetyādimantreṇa pītvā tu culukodakam
ācamya vidhinā paścācchuddhācamanamācaret

3.146

mūlādhāraṃ samārabhya dvādaśāntāvidhi smaret
jīvātmānañjagadvyāptañcityamekamananyagam

3.147

prakṛtisthaṃ śubhaṃ śāntyamādyantarahitamparam
havanīyena śuddhena hutenā'pi sutarpitam

3.148

evaṅgalatsudhārūpapañcaśadvarṇasañcitam
bhuktvā havirhutaṃ mantrī sajjvalatpañcavanhikaḥ

3.149

prātaḥ sāyañca kurvāṇo mantrī prāṇāgnihotrakam
garbhasthitibhavaṃ kleśanna vindati kadācaneti

3.150

viśvasminnivaṃtatāṃ viśiṣṭaphaladanyāsairjapairmātṛkādhyānaiḥ pūjanahomakāmyavidhibhiḥ samyagbhajanto janāḥ
lakṣmīkāntiyaśaḥprasannakavitānairujyasarvajñatāḥ,
samprāpyā'nudinaṃ samastavibhavānmuktimparāmprāpnuyāt

3.151

iti
atha bhūtalipiṃ vakṣye sugopyāmatidurlabhām
yāmprāpya śambhormunayaḥ sarvānkāmānprapedire

3.152

pañca hrasvāḥ sandhivarṇā vyomerāgnijalandharā
antyamādyaṃ dvitīyañca caturthammadhyamaṃ kramāt

3.153

pañcavargākṣarāṇyei syurvītaśvetendubhiḥ saha
eṣā bhūtalipiḥ proktā dvicatvāriṃśadakṣaraiḥ

3.154

siddhasārasvate—
vargāṇāmādimā varṇāḥ śrīkaṇṭhordhvoṣṭhakhānvitāḥ
vargāntyā vāntasaṃyuktāḥ krameṇa kathitā kramī

3.155

navānāmapi vargāṇāmedevatāḥ kathitāḥ kramāt
viriñciviṣṇurudrādvā āśvineyau prajāpatiḥ

3.156

lokapālāḥ sakriyādiśaktyaḥ parikīrtitāḥ
śāradātilake—
ṛṣiḥ syādkṣiṇāmūrtirgāyatraṃ chanda īritam
devatā kathitā sadbhiḥ sākṣādgaṇeśvarī parā

3.157

siddhasārasvate tu—
'gāyatrīchanda īritami' tyuktam | tathā—
hādiṣaḍvargakaiḥ kuryātṣaḍaṅgāni sajātibhiḥ

3.158

siddhasārasvate—
ādyavargadvayasyātha navārṇā navasu nyaset
ādhārādhiṣṭhānanābhihṛdgaleṣu sabinduke

3.159

nāde śaktyāṃ śive samyak svarān kramavaśātsudhīḥ
tṛtīyavargahādyarṇānyasenmūrddhādipañcasu

3.130-2

mukheṣu pañcavargārṇānsthāneṣveṣu pravinyaset
doḥ padagreṣu mūleṣu copamūlāgrakeṣu ca

3.161

madhyadeśeṣu jaṭhare pārśve dvandvasanābhiṣu
pṛṣṭhe ca śiṣṭavargārṇān guhyahṛdabhrūṣu vinyaset

3.162

sṛṣṭinyāse visargāntāṃ bindusargāntimāṃ sthitau
ādidvitīyakopāntyaprāntamadhyakramānyaset

3.163

sṛṣṭiṣu kramaśānyasyet saṃhṛtau bindusaṃyutām
dhyānamasyāḥ pravakṣyāmi deveśi munipūjitam

3.164

śāśvataṃ yambhūtamayampravadanti lipidrumam
cidbījaṃ bindunādāḍhyaśikhaṃ viśvambharākṣaraiḥ

3.165

śākhāsamūhaiḥ sakaladiśāsu suvijṛmbhitam
jalavarṇadalaghrātenācchāditajagattrayam

3.166

kṛśā'nuvarṇāṅkuraiśca sandīptaṃ surabhūruham
ratnāṅkurairiva śubhampavanākṣaraśobhitaiḥ

3.167

kusumairdīpayantañca svakīyatanusacchiāyam
viyadakṣarasadrūpaphalairānatamambike

3.168

sarvabhūtāśrayatrityamparāmṛtamadhudravaiḥ
siñcantamparameśānīṃ devīṃ vāgīśvarīṃ sadā

3.169

nigamāgamasaṃvallṛptasamunnatisuśobhitam
śivaśaktyātmakacchāyāsamāśritajagattrayam

3.170

yamāśritya munīndraughā vāñchitārthānprapedire
evambhūtārṇavṛkṣasya mūle tvakṣarapaṅkaje

3.171

vāgīśvarīṃ smareddevi sakaleṣṭaphalapradām
kundābhāsāṅgarukucaghaṭāṃ śobhicandrārddhamaulim,
hastāmbhoje varajapavaṭīpustakampuṅkapālam
vibhrāṇāntāmmadhumadalasaddivvalāṃ yugmanetrāndevīndhyāyellipimayatanuṃ yauvanaprāptaśobhām

3.172

dakṣādhaḥkaramārabhya vāmādhaḥkaraparyantamāyubadhyānam
iti dhyātvā maheśāni hṛdi devīmanalpadhīḥ
mātṛkokte yajetpīṭhe pratyahaṃ sādhakaḥ śive

3.173

varṇāñjenā''sanandyāmmūrtimmūlena kalpayet
devīṃ sampūjayettasyāmaṅgādyāvaraṇaiḥ saha

3.174

ādāvaṅgāvṛtiḥ paścādambikādyābhirīritā
dvitīyā mātṛbhiḥ proktā tṛtīyā dvacaṣṭaśaktibhiḥ

3.175

caturthī pañcamī proktā dvātriṃśacchaktibhiḥ punaḥ
catuṣṣaṣṭacā smṛtā ṣaṣṭhī śaktibhirlokapālakaiḥ

3.176

saptamī punareteṣāmastraiḥ syādaṣṭamāvṛtiḥ
evampūjyā jagaddhātrī śrībhūtalipidevatā

3.177

sthāneṣūkteṣu vidhivadabhyarcā''ṅgāni pūrvavat
ambikā vāgbhavā durgā śrīśaktiścoktalakṣaṇā

3.178

brāhmyādyāḥ pūrvavatpūjyāḥ karālo vikarālyumā
sarasvatī śrīrdurgoṣā lakṣmīścutyau smṛtirdhṛtiḥ

3.179

śraddhā meghā matiḥ kāntirāryā ṣoḍaśa śaktayaḥ
khaḍgakheṭakadhāriṇyaḥ śyāmāḥ pūjyāḥ svalaṅkṛtāḥ

3.180

vidyāhrīpuṣṭayaḥ prajñā sinīvālī kuhūḥ punaḥ
rudravīryāprabhānandāpoṣiṇīkrdvidāḥ śubhāḥ

3.181

kālarātrirmahārātrirbhadrakālī kapardinī
vikratirdaṃṣṭrimuṇḍinyau sendukhaṇḍā śikhaṇḍinī

3.182

niśumbhaśumbhamathinī mahiṣāsuramardinī
indrāṇī caiva rudrāṇī śaṅkarārddhaśarīriṇī

3.183

nārī nārāyaṇī caiva triśūlinyapi pālinī
ambikā''hlādinī caiva dvātriṃśacchaktayaḥ sitāḥ

3.184

cakrahastāḥ piśācāsyāḥ sampūjyāḥ cārubhūṣaṇāḥ
piṅgalākṣī viśālākṣī samṛddhirvṛddhireva ca

3.185

śraddhā svāhā svadhābhikhyā māyā saṃjñā vasundharā
trilokadhātrī sāvitrī gāyatrī tridaśeśvarī

3.186

surūpā bahurūpā ca skandamātā'cyutapriyā
vimalā cā'malā paścādaruṇī punāruṇī

3.187

prakṛtirvikṛtiḥ sṛṣṭiḥ sthitiḥ saṃhṛtireva ca
sandhyā mātā satī haṃsī mardikā paradevatā

3.188

devamātā bhagavatī devakī kamalāsanā
trimukhī saptamukhyanyā surāsuravimardinī

3.189

lamboṣṭhī cordhvakeśī ca bahuśīrṣā vṛkodarī
ratharekhāhvayā paścācchirekhā tathā parā

3.190

gaganavegā pavanavegā ca tadanantaram
tato bhuvanapālākhyā tataḥ syānmadanāturā

3.191

anaṅgā'naṅgamadanā tathaivā'naṅgamekhalā
anaṅgakusumā viśvarūpā'surabhayaṅkarī

3.192

akṣobhyāsatyavādinyau vajrarūpā śucivratā
varadākhyā'tha vāgīśī catuḥṣaṣṭiḥ samīritā

3.193

cāpabāṇadharāḥ sarvā jvālājihvāmahāprabhāḥ
daṃṣṭriṇyaścordhvakeśyastā yuddhopakāntamānasāḥ

3.194

sarvābharaṇasandīptāḥ pūjanīyāḥ prayatnataḥ
lokeśāḥ pūrvavatpūjyāstadvadvajrādikānyapi

3.195

itthaṃ yaḥ pūjayenmantrī śrībhūtalipidevatām
śrīvāṇyoḥ sa bhavedbhūmidaivairapyabhivandyate

3.196.1

atha prayogaḥ
tatra prāgvatprātaḥkṛtyādiyogapīṭhanyāsāntaṃ kṛtvā, śirasi—'oṃ dakṣiṇā-mūrtaye ṛṣaye namaḥ, mukhe—gāyatrīcchandase namaḥ, hṛdi—lipisarasvatīdevatāyai namaḥ' iti vinyasya, mama sarvābhīṣṭasiddhaye viniyogaḥ | iti kṛtāñjaliruktvā—
"oṃ hṛṃ yaṃ raṃ vaṃ laṃ hṛdayāya namaḥ, oṃ ṅaṃ kaṃ khaṃ ghaṃ gaṃ śirase svāhā, oṃ ñaṃ caṃ chaṃ bhaṃ jaṃ śikhāyai vaṣaṭ, oṃ naṃ taṃ thaṃ dhaṃ daṃ netrāya vauṣaṭ, oṃ maṃ paṃ phaṃ bhaṃ baṃ astrāya phaḍiṃ" timantraiḥ karaṣaḍaṅganyāsaṃ vidhāya, gale—"oṃ lṛṃ namaḥ, hṛdi—oṃ
ṛm̐ namaḥ, evannābhau—um̐, svādhiṣṭhāne-im̐, mūlādhāre-ṝm̐. dvādaśānte— auṃ,
śaktyāṃ—ṝoṃ, nāde-aiṃ, bindau—em̐, corakūpe—laṃ, vāmakarṇe-vaṃ, dakṣakarṇe—raṃ,
mukhe—yam̐, mūrdhni—ham̐, dakṣamaṇibandhe—gam̐, aṃgulimūle—gham̐, kūrpare kham̐, bāhumūle—
kam̐, aṃgulyagre—ṅam̐, vāmamaṇibandhe—jam̐, aṃgulimūle—bham̐, kūrpare—cham̐, bāhumūle—cam̐, aṃgulyagre—ñam̐, dakṣagulphe—ḍam̐, aṃguli limūle—ḍham̐, jānuni—ṭham̐, ūrumūle—ṭam̐, aṃgulyagre—ṇaṃ, vāmagulphe—dam̐, aṃgulimūle—dham̐, jānuni—pam̐, ūrumūle—tam̐,
pādāgre—nam̐, pṛṣṭhe—bam̐, nābhau—bham̐ vāmapārśve—pham̐, dakṣe—yam̐, udare—mam̐,
bhrū madhye—sam̐, hṛdaye—ṣaṃ, guhye—śam̐, namaḥ |" iti saṃhāranyāsaḥ
atha sṛṣṭinyāsaḥ
tatra mūlādhāre-"oṃ ṝḥ namaḥ, evaṃ svādhiṣṭhāne-iḥ, nābhau-uḥ, hṛdi-ṝḥ,
gale-lṛḥ, bindau-eḥ, nāde- aiḥ, śaktyāṃ-ṝoḥ, dvādaśānte-auḥ, mūrdhni-haḥ, mukhe-yaḥ,
dakṣakarṇe-raḥ, vāme-vaḥ, cūḍādhaḥ-laḥ, dakṣakarāṃgulyagre-ṅaḥ, bāhumūle-kaḥ, madhye-khaḥ,

3.196.2

aṃgulimūle-ghaḥ, maṇibandhe-gaḥ, vāmakarāṃgulyagre-ñaḥ, bāhumūle-caḥ, kūrpare-chaḥ,
aṃgulimūle-bhaḥ,-maṇibandhe-jaḥ, dakṣapādāgre-ṇaḥ, ūrumūle-ṭaḥ, jānuni-ṭhaḥ, aṃgulimūleḍhaḥ, gulphe-ḍaḥ, vāmapādāgre-naḥ, ūrumūle-taḥ, jānuni-thaḥ, aṃgulimūle-dhaḥ, gulphe-daḥ,
udare-maḥ, dakṣapārśve-paḥ, vāme-phaḥ, nābhau-bhaḥ, pṛṣṭhe-baḥ, guhye-śaḥ, hṛdi-ṣaḥ,
bhrū madhye-saḥ | [iti sṛṣṭinyāsaḥ]
atha sthitinyāsaḥ
mūlādhāre "oṃ aṃ namaḥ, evaṃ svādhiṣṭhāne-īṃ:, hṛdi-ṝ॰, gale-lṛ॰, nābhauum̐:, bindau-em̐:, nāde-aiṃ:, dvādaśānte-ṝau:, śaktyāṃ-ūm̐:,brahmarandhre-hūm̐:, mukhe-yaṃ:,-corakūpe-laṃ:, vāmakarṇe-vaṃ:, dakṣakarṇe-raṃ:, dakṣabāhvaṅgulyagre-ṅam̐:, bāhumūle-kam̐:, aṃgulimūle-gham̐:, maṇibandhe gam̐:, kūrpare-kham̐:, vāmabāhvaṅgulyagre-ñam̐:, bāhumūle-cam̐:, aṃgulimūle-jham̐:, maṇibandhe- jam̐:, kūrpare-cham̐:, dakṣapādāṅgulyagre-ṇam̐-, ūrumūle-ṭam̐:, aṃgulimūle-ḍham̐:, gulphe-ḍam̐:, jānuni-ṭham̐:, vāmapādāṅgulyagre-nam̐:, urumūle-tam̐:, aṃgulimūledham̐:, gulphe-dam̐:, jānuni tham̐:, udare-mam̐:, dakṣapārśve-pam̐:, nābhau-bham̐:, pṛṣṭhe-bam̐:, vāmapārśve-pham̐:, guhye :-śam̐:, bhrū madhye-sam̐:, hṛdi-ṣam̐:", iti sthitinyāsaḥ

3.196.3

iti vinyasya, dhyānādimānasapūjānte svarṇādipaṭṭe kuṅkumādinā caturdalakamalaṃ viracya, tadbahiraṣṭadalantadbahiḥ ṣoḍaśadalantadbahirdvātriṃśaddalantadbahiścatuḥṣaṣṭidalantadbahiścaturasratrayamiti pūjācakraṃ nirmāya, prāgvat purataḥ saṃsthāpyārghyasthāpanādyātmapūjānte prāguktamātṛkāpīṭhamabhyarcya, tatra mūlena mūrtimparikalpyā''vāhanādipuṣpopacārānte caturdalapadme kesareṣu prāgvatṣaḍaṅgāni sampūjya, caturdaleṣu devyagrādiprādakṣiṇyena-oṃ ambikāyai namaḥ, oṃ vāgbhavāyai namaḥ, oṃ durgāyai namaḥ, oṃ śriyai namaḥ, iti sampūjyāṣṭadaleṣu prāgvadbrāhmacādikāḥ sampūjya,
tadbahiḥ ṣoḍaśadaleṣu—"oṃ karālyai namaḥ, evaṃ vikarālyai namaḥ, umāyai, sarasvatyai, śriyai, durgāyai, uṣāyai, lakṣmyai, śrutyai, smṛtyai, dhṛtyai, śraddhāyai, medhāyai, matyai, kāntyai, āryāyai," iti sampūjya,
dvātriṃśaddaleṣu-"oṃ vidyāyai namaḥ, evaṃ hṛyai, puṣṭacai, prajñāyai, sinīvālyai, kuhuvai, rudravīryāyai, prabhāyai, nandāyai, poṣiṇyai, ṛddhacai, kālarātryai, mahārātryai, bhadrakālyai, kapardinyai, vikṛtyai, daṇḍinyai, muṇḍinyai, sendukhaṇḍāyai, [śikhaṇḍinyai]¹, niśumbhamathinyai, śumbhamathinyai, mahiṣāsuramardinyai, indrāṇyai, rudrāṇyai, śaṅkarārdhaśarīriṇyai, nāryai, nārāyaṇyai, triśūlinyai, [pālinyai]², ambikāyai, brahmādinyai, iti sampūjya,

3.196.4

bahiścatuḥṣaṣṭidaleṣu—"piṅgalākṣyai, viśālākṣyai, samṛddhyai, vṛddhyai, śraddhāyai, svāhāyai, svadhāyai, bhikṣāyai, māyāyai, [saṃjñāyai]³, vasundharāyai, trilokadhātryai, sāvitryai, gāyatryai, tridaśeśvaryai, surūpāyai, bahurūpāyai, skandamātre, acyutapriyāyai, vimalāyai, vipulāyai, aruṇyai, aruṇyai, prakṛtyai, vikṛtyai, sṛṣṭyai, sthityai, saṃhṛtyai, sandhyāyai, mātre, satyai, haṃsyai, mardikāyai, paradevatāyai, devamātre, bhagavatyai namaḥ, devakyai, kamalāsanāyai, trimukhyai, [saptamukhyai]⁴ suravimardinyai, asuravimardinyai, lamboṣṭhyai, ūrdhvakeśyai, bahuśīrṣāyai, vṛkodaryai, ratharekhāyai, śaśirekhāyai, gaganavegāyai, pavanavegāyai, bhuvanapālāyai, madanāturāyai, anaṅgāyai, anaṅgamadanāyaiḥ, anaṅgamekhalāyaiḥ, anaṅgakusumāyaiḥ, viśvarūpāyaiḥ, asurabhayaṅkaryaiḥ,
akṣobhyāyaiḥ, satyavādinyaiḥ, vajrarūpāyaiḥ, śucivratāyaiḥ, varadāyaiḥ, vāgīśāyai
namaḥ" iti sampūjya prāgvallokapālārcādi sarvaṃ samāpayediti
sārasaṅgrahe—
sādhakaḥ kṛtadīkṣaḥ san nyasellakṣañjapettathā
taddaśāṃśaṃ tilaiḥ śuddhaiḥ strimadhuktairjapettataḥ

3.197

tarpaṇādidvijārcāntamprāgvatkṛtvā tu mantravit
kāmyakarma tataḥ kuryād svagurūktavidhānataḥ

3.198

śāradātilake—
kamalairayutaṃ hutvā rājānaṃ vaśamānayet
utpalairjuhuyāttadvanmahālakṣmīḥ prajāyate

3.199

palāśakusumairhutvā vatsareṇa kavirbhavet
rājīlavaṇahomena vanitāṃ vaśamānayet

3.200

mātṛkoktāni karmāṇi kuryādatrā'pi sādhakaḥ
bhūtalipyā puṭīkṛtya yo mantraṃ bhajate naraḥ

First 200 of 260 passages. Read on

Linked texts (22)