Simhasiddhantasindhu 7

Siṃhasiddhāntasindhu 7

Language: Sanskrit

7.63-2 — 5 parts
7.211 — 3 parts
7.452 — 1 part

7.1

atha mātaṅgīmantrāḥ
tatra sārasaṅ grahe—
rājamātaṅginīmantrampravadāmi yathāvidhi
yatpādadvandvasarasīruhasaṃsmṛtito naraḥ

7.2

labhate muktimamalānduṣprāpāṃ siddhasañcayaiḥ
yena cā''karṣaṇaṃ sādhyaṃ vaśīkāro yato bhavet

7.3

yena vāñchitamāpnoti yaśasvī nigatambhavet
duritaughapravidhvaṃsaḥ saubhāgyāptiśca niścitam

7.4

sevitaṃ santatikaraṃ yatsyānnigaḍamocanam
samasteṣu ca śāstreṣu pāṇḍityamadhikambhavet

7.5

viśiṣṭaspaṣṭagambhīrapadavinyāsakomale
lalite ca kavitve'sau pragalbhaḥ sutarāmbhavet

7.6

saṅgīte sarvavidyāsu cā'tyantanipuṇo bhavet
mandire tasya kamalā sādhvanaśvaravibhrabhā¹

7.7

nirantarañca vasati nā'tra kāryā vicāraṇā
kimatra bahunoktena vacasāmpatireva saḥ

7.8

kāntyā ratipatirlakṣmyā kamalāpatirapyasau
śāradātilake—
vāṅmāyākamalāstārannamo'nte bhagavatyatha
śrīmātaṅgeśvari vadet sarvajanamanohari

7.9

sarvādimukharājyante sarvādimukharañjani
sarvarājavaśampaścātkari sarvapadaṃ vadet

7.10

strīpuruṣavaśambrahmā netramagnyāsanantataḥ
sarvaduṣṭamṛgavaśaṅkari sarvabhṛgustvatha

7.11

śaṅkari syātsarvalokamamukaṃ śivayugraviḥ
vaśamānaya jāyyāgneraṣṭāśītyakṣaro manuḥ

7.12

sārasaṅgrahe—
rakṣārthaṃ sarvalokānāmāyurārogyavarddhanaḥ
śāntike pauṣṭike caiva vṛddhisiddhikaraḥ paraḥ

7.13

apamṛtyujayaśrīdo hyapasmārakṣayaṅkaraḥ
sarvajvarāṃśca śūlāni śakto nāśayituṃ kṣaṇāt

7.14

rājadvāri viśeṣeṇa sadgrāme ripusaṅkaṭe
agnicoranipāteṣu sarvagrahanivāraṇe

7.15

rākṣaseṣu piśāceṣu gandharveṣūrageṣu ca
nadīprataraṇe durge samprāpte prāṇasaṃkṣaye

7.16

asyai mantraḥ prayuktaḥ syādetatsarvanivāraṇaḥ
strīṇāṃ saubhāgyahīnānāmaputrāṇāṃ viśeṣataḥ

7.17

apuṣpā yā''napatyā yā sadā puṣpavatī ca yā
patidveṣyā ca yā nārī duṣṭā śvasū janamprati

7.18

yā vandhyā mṛtaputrā ca nidrālasyamahāmayaiḥ
ityevamādidoṣaiśca duṣṭānāṃ yoṣitāmayam

7.19

śaktastaddoṣaharaṇe smaraṇādeva niścitam
strīvaśyanaravaśyādisarvavaśyajayapradaḥ

7.20

strīṇāṃ sammohane śakto narāṇāñca viśeṣataḥ
mataṅgamuninā pūrvaṅgotastenā'pyanuṣṭhitaḥ

7.21

vāsudevena goto'yantumburupramukhādibhiḥ
japtaḥ sadā mahāmantro vasiṣṭhādyairmaharṣibhiḥ

sarva-svarūpam, mukharāji-svarūpam, sarva¹svarūpam, mukharañjani-svarūpam, sarvarājavaśaṃsvarūpam, kari-svarūpam, sarva-svarūpam, [strīpuruṣavaśaṃ-svarūpam, brahmā-kakāraḥ,
netraṃ-i, agnyāsanaṃ-rephāsanaṃ, tena ri, sarvaduṣṭamṛgavaśaṃkari-svarūpam, sarva-svarūpam,
bhṛguḥ sakāraḥ, tvava-svarūpam ]²,śaṅkari-svarūpam,sarvalokaṃ-svarūpam, gramukaṃ-svarūpam,
ravirmakāraḥ śivayuk ekārayutastena me, vaśamānaya-svarūpam, agnerjāyā-svāhā
sārasaṅgrahe —
dakṣiṇāmūrttirasya³ syādyiśchanda udāhṛtam
gāyatrandevatā proktā mātaṅgī sarvasiddhidā

7.23

śāradātilake —
ṣaḍaṅgāni manorasya tataḥ kurvīta sādhakaḥ
varṇaiścaturviśatyā syādvṛt trayodaśabhiḥ śiraḥ

7.24

śikhā'ṣṭādaśabhiḥ proktā varma tāvadbhirakṣaraiḥ
syāttrayodaśabhirnetradvābhyāmastraṃ samīritam

7.25

nyāsānmantrī tanau kuryādvakṣyamāṇānyathākramam
śirolalāṭabhrūmadhye tālukaṇṭhagalorasi

7.26

ghranāhṛte bhujadvandve jaṭhare nābhimaṇḍale
svādhiṣṭhāne gude deśe pādayordvakṣiṇānyayoḥ

7.27

mūlādhāre gude nyasyetpadānyaṣṭādaśa kramāt
guruṇaikadvicatuḥṣaḍbhirvasuṣaṭparvatāṣṭabhiḥ

7.28

daśapaḍktyaṣṭavedāgnicandrayugmaguṇākṣibhiḥ
padaklṛptiriyamproktā mantravarṇairyathākramam

7.29

ratyādyā mūlahṛdayabhrūmadhyeṣu vicakṣaṇaḥ
vākśaktilakṣmībījādyā mātaṅganyāsaḥ pravinyaset

7.30

śirovadanahṛdguhyapādeṣu vidhinā nyaset
hallekhāṃ gaganāṃ raktāmbhūyo mantrī karālikām

7.31

mahocchuṣmāṃ svanāmādivarṇabījapuraḥsarāḥ
mātaṅgacantā iti
¹vibhaktai rmūlamantrārṇairvarṇanyāsamathā''caret

7.32

mūrdhni pādāsyaguhyeṣu hṛdambhoje pravinyaset
drāviṇīṃ śoṣiṇīmbhūyo bandhanīmmohinīmpunaḥ

7.33

ākarṣiṇīṃ svanāmādibījādyāḥ śubhalakṣaṇāḥ
mātaṅgacantāstato nyasyenmanmathānvadanāṃsayoḥ

7.34

pārśvakaṭacornābhideśe kaṭipārśvāṃsake punaḥ
bījatrayādikānmantrī manmathammakaradhvajam

7.35

madanampuṣpadhanvānampañcamaḍkusumāyudham
ṣaṣṭhaṅkandarpanāmānaṃ manobhavaratipriyau

7.36

mātaṅgacantāstato nyasyetsthāneṣveteṣu mantravit
prathamāñjanaṅgakusumā bhūyo'nyāñjanaṅgamekhalā

7.37

anaṅgamadanā tadvadanaṅgamadanāturā
anaṅgamadanāvegā bhūyaścā'naṅgamekhalā

7.38

saptamyaṅgabhuvanapālinī syādathā'ṣṭamī
anaṅgaśaśirekhākhyā mātaṅgyantāḥ samīritāḥ

7.39

vinyastavyāstato²mūle'dhiṣṭhāne maṇipūrake
hṛtkaṇṭhāsye bhrūvormadhyaṃ mastake mantriṇā tataḥ

7.40

ādye lakṣmīsarasvatyau ratiḥ prītiśca kṛttikā
śāntiḥ puṣṭiḥ punastuṣṭirmātaṅgīpadaśekharāḥ

7.41

mūlamantrampravinyasyecchijamūrdhni mantravit
ādhāradeśe'dhiṣṭhāne nābhau paścādanāhate

7.42

kaṇṭhe vaktre bhruvormadhye mastake vinyasetkramāt
brahmacādyāḥ pūrvamuddiṣṭā mātaṅgīpadapaścimāḥ

7.43

eṣu sthāneṣu vinyasyedasitāṅgādibhairavān
mātaṅgacantānnyasenmantrī mūlamantraṃ svamūrdhani

7.44

ādhāradeśe'dhiṣṭhāne nābhau paścādanāhate
kaṇṭhadeśe bhruvormadhye vindau bhūyaḥ kalāpade

7.45

nirodhikāyāmardhendau nādanādāntayoḥ punaḥ
unmanyāṃ viṣuvaktre ca dhruvamaṇḍalake śive

7.46

mātaṅgacantāḥ pravinyasyedvāmāṃ jyeṣṭhāmanantaram
raudrīmpraśāntiṃ śraddhākhyāṃpunarmaheśvarīmatha

7.47

kriyāśaktiṃ sulakṣmīñca sṛṣṭisaṃjñāñca mohinīm
prathamāmbhāvinīṃ vidyullatāṃ cicchaktimapyatha

7.48

tataśca sundarīṃ nandāṃ nandabuddhimimāḥ kramāt
śirobhālahṛdādhāreṣvetā bījatrayādikāḥ

7.49

mātaṅgacādyāḥ pravinyasyedyathāvaddeśikottamaḥ
mātaṅgīṃ mahadādyantāṃ mahālakṣmīpadādikām

7.150

siddhalakṣmīpadādyantāmmūlamādhāramaṇḍale
nyasyettenaiva kurvīta vyāpakandeśikottamaḥ

7.151

evannyastaśarīro'sau cintayediṣṭadevatām
dhyāyeyaṃ raktapīṭhe śukakalapaṭhitaṃ śṛṇvatīṃ śyāmalāṅgīṃ,
nyastaikāṅghri saroje śaśiśakaladharāṃ vallakīṃ vādayantīm
kaṅkārāvabaddhamālānniyamitavilasaccūlikāṃ raktavastrāsmātaṅgīṃ śaṅkhapatrāmmadhumadavivaśāñcitrakoṅkāsibhālām

7.52

sārasaṅgrahe —
amṛtodadhimadhyasthe ratnadvīpe manorame
svarṇaprākārasaṃvīte maṇḍape ratnanirmite

7.53

kadambavilvakadvāre kalpavṛkṣopaśobhite
vedimadhye sukhāstīrṇe ratnasiṃhāsane śubhe

7.54

aṣṭapatrammahāpadmaṅkesarāḍhyaṃ sarkarṇikam
tanmadhye trikoṇaṃ syādaṣṭapatrantato bahiḥ

7.55

punaḥ ṣoḍaśapatraṃ syāttadbāhye syāccaturdalam
vedāsraṃ sacaturdvāramaṇḍalamproktamuttamam

7.56

tasya madhye sukhāsīnāṃ śyāmavarṇāṃ śucismitām
kadambamālābharaṇāmpūjitāñca surāsuraiḥ

7.57

pralambālakasaṃyuktāñcandrarekhāvataṃsikām
lalāṭe tilakopetāmīṣatprahasitānanām

7.58

kiñcitsvedāmbumadhuralalāṭaphalakojjvalām
valītaraṅgamadhyāntāṃ romarājīvirājitām

7.59

sarvābharaṇasaṃyuktāmuktāhāravibhūṣitām
nānāmaṇigaṇonnaddhakaṭisūtrairalaṅkṛtām

7.60

valayai ratnakhacitaiḥ kaiyūrairmaṇibhūṣitaiḥ
bhūṣitāndvibhujāmbālāmmadāghūrṇitalocanām

7.61

srāpīnamaṇḍalābhogasamunnatapayodharām
pralambakarṇābharaṇāṅkarṇottaṃsavirājitām

7.62

tamālanīlāntaruṇīmmadhumattāmmataṅganīm
catuḥṣaṣṭikalārūpapārśvasthaśukasārikām

7.63

koṭibālārkasaṃkāśāñjapākusumasannibhām
evaṃ vā pītavarṇāṃ vā dhyāyenmātaṅginīmparām

7.64

evandhyātvā samārādhya mānasairupacārakaiḥ
arghyādipātrāṇyāsādya pūjayetparameśvarīm

7.65

śāradātilake—
trikoṇārkarṇikampadmamaṣṭapatramprakalpayet
aṣṭapatrāvṛttambāhya vṛttaṃ ṣoḍaśabhirdalaiḥ

7.66

caturaśrasamāyuktaṃ kāntyā dṛṣṭimanoharam
etasminpūjayet pīṭhe navaśaktīḥ kramādimāḥ

7.67

tribhūtirunnatiḥ kāntiḥ sṛṣṭiḥ kīrttiśca sannatiḥ
vyuṣṭirutkṛṣṭa ṛddhiśca mātaṅgapadapaścimāḥ

7.68

sarvānte śaktikamalāsanāya nama ityatha
vākśaktilakṣmībījādyo manurāsanasaṃjñakaḥ

7.69

mūlena mūrttiṃ saṅkalpya tasyāmāvāhya devatām
arccayedvidhinā'nena vakṣyamāṇena mantravit

7.70

sārasaṅgrahe'pi—
dharmādikalpate pūrvokte pīṭhe śaktīrnavā'rccayet
mātaṅgacantā vibhūtyante unnatiḥ kāntireva ca

7.71

sṛṣṭiḥ kīrttiḥ sannatiśca vyuṣṭirutkṛṣṭireva ca
ṛddhiśca navamī proktā mātaṅgacāḥ pīṭhaśaktayaḥ

7.72

vāṅmāyākamalāḥ sarvaśaktaye kamalāpadam
sanāya nama ityuktvā mātaṅgacāḥ pīṭhamarcayet

7.73

devyā mūrttiñca mūlena kalpayitvā yathāvidhi
tasyāmāvāhayeddevīmarcayecca vidhānavit

7.74

ratyādyāḥ pūjayenmantrā triṣu koṇeṣu ca kramāt
purato dakṣiṇe vāme ratiprītī ca sāñjalī

7.75

pāśāṅkuśakare śvetāsite cā'nyā ca sāñjaliḥ
aruṇā sekṣukodaṇḍapañcabāṇalasatkarā

7.76

madhye dikṣu ca sampūjyā hṛllekhādyā yathākramāt
guṇāsṛṇyabhayeṣṭāni vahantyo bhūtasaprabhāḥ

7.77

agnīśarakṣaḥpavanakoṇeṣvagre diśāsu ca
yajedaṅgāni mantrajñaḥ pañcabāṇāṃstato yajet

7.78

dikṣvagre kramato muktāsvarṇavidrumahīrakan
kamalāruṇābhāyuktān dhanurbāṇadharāṃstathā

7.79

daleṣu pūjayedaprādanaṅkusumādikāḥ
guṇasṛṇyabhayeṣṭāni dhārayantyo'ruṇaprabhāḥ

7.80

agre dalānāṃ sampūjyā lakṣmyādyāścārubhūṣaṇāḥ
lakṣmīrhemaprabhā padmakarā'nyā śaṅkhasannibhā

7.81

cinmudrāpustakakarā dhanurbāṇakare pare
śvetāsite kundasamā cinmudrābjakarā parā

7.82

cinmudrābhayayukśāntiraruṇā'nye'bhayeṣṭade
dvitīye'ṣṭadale pūjyā manmathādyā madoddhatāḥ

7.83

pura śrākṛṣṭacāpajyāḥ pṛṣṭhataḥ sanniṣaṅgakāḥ
patrasaṃsthā mātaraḥ syustadagre cā'ṣṭabhairavāḥ

7.84

kapālaśūlaḍamaruvetālāsaktapāṇayaḥ
dīrghasvarādyā brāhmyādyā hrasvādyā bhairavā api

7.85

tataḥ ṣoḍaśapatrasthā vāmādyāḥ śyāmavigrahāḥ
ādarśa ratnadīpañca vyajanañca tataḥ param

7.86

nāgavallīdalañcaiva cāmaraṃ jñānakośakam
vāsomālyātapatrāṇyābharaṇaṃ śukasārike

7.87

cāmaraṃ ratnacaṣakantālavṛttampradīpakam
bibhrāṇā vāmahastaiśca devyāśogānyapāṇayaḥ

7.88

raktavarṇāśca vimalā bhāvayancarcyedimāḥ
vādayantyaḥ sadā vīṇāñcatuḥpatre tato'rcayet

7.87-2

mātaṅgacācyāstāṃsu cācyā pāśāṅkuśavarābhayaiḥ
alaṅkṛtabhujā raktā dvitīyā cendusaprabhā

7.88-2

asikheṭakaśūlāṅgamuṇḍahastā tathā'parā
pāśāṅkuśasarojāni śālipuñcañca bibhratī

7.89

aruṇā cā'ntimā hemaratnapātre varābhaye
dadhānā śyāmavarṇā ca dhyātavyā maṃtrisattamaiḥ

7.90

agninairṛtavāyavyarudrakoṇeṣu saṃyajet
gaṇeśadurgāviṭakakṣetrapāṃstadbahiryajet

7.63-2.1

caturasre lokapālāṃstadastrāṇi ca tadbahiriti
atha prayogaḥ
tatra prātaḥkṛtyādiyogapīṭhanyāsānte mūlena prāṇāyāmatrayaṃ kṛtvā,
śirasi-"oṃ dakṣiṇāmūrttaye ṛṣaye namaḥ, mukhe-gāyatrīchandase namaḥ, hṛdimātaṅgeśvarīdevatāyai namaḥ" iti vinyasya, mama sarvābhīṣṭasiddhaye viniyoga iti
kṛtāñjaliruktvā—
"aiṃ hrīṃ śrīṃ oṃ namo bhagavati śrīmātaṅgeśvari sarvajanamanohari hṛdayāya
namaḥ, sarvamukharājisarvamukharaṃjane śirase svāhā, sarvarājavaśaṅkari sarvastrīpuruṣavaśaṅkari śikhāyai vaṣaṭ, sarvaduṣṭamṛgavaśaṅkari sarvasatvavaśaṅkari kavacāya hum,
sarvalokamamukaṃ me vaśamānaya netrāya vauṣaṭ, svāhā astrāya phaṭ" iti poḍhā
vibhaktairmantravarṇaiḥ karaṣaḍaṅganyāsānvidhāya,
śirasi—aiṃ hrīṃ śrīṃ namaḥ, lalāṭe—oṃ namaḥ, bhrūmadhye—namo namaḥ, evaṃ
tāluni—bhagavati0, kaṇṭhe—śrīmātaṅgeśvari0, gale—sarvajanamanohari0, urasi—
sarvamukharāji0, granāhate—sarvamukharañjani0, dakṣabhuje—sarvarājavaśaṅkari0, vāmesarvastrīpuruṣavaśaṅkari0, jaṭhare—sarvaduṣṭamṛgavaśaṃkari0, [nābhau—sarvasatvavaśaṃkari0,]¹
svādhiṣṭhāne—sarvalokam. liṅge—amukaṃ, dakṣapāde—me0, vāme—vaśaṃ0,
mūlādhāre—ānaya0—gude svāhā namaḥ
mūlādhāre-aiṃ hīṃ śrīṃ ratyai mātaṅgyai namaḥ, hṛdi 3 prītyai mātaṅgyai namaḥ,
bhrūmadhye - manobhavāye mātaṅgyai0, śirasi—hallekhāye mā0. vadane—gaganāye mā0,
hṛdi-raṃ raktāye mā0, guhye -kaṃ kārālikāyai mā0, pādayoḥ-3 maṃ mahocchuṣmāyai mā0,
śirasi-3 drāṃ drāviṇyai mā0, pādayoḥ—śāṃ śoṣiṇyai mātaṃgyai namaḥ, mukhe-baṃ baṃdhinyai

7.63-2.2

mā0,guhye -mo mohinyai mā0, hṛdaye—thrāṃ thrākarṣiṇyai mā0,tato mukhe—aiṃ hīṃ śrīṃ
manmathāya0, vāmāṃse—makaradhvajāya0, vāmapārśve—3 madanāya0, vāmakaṭacāṃ-3 puṣpadhanvane0, nābhau—3 kusumāyudhāya0,dakṣakaṭacāṃ – 3 kandarpāya0, dakṣapārśve-3 manobhavāya0, dakṣāṃse—3 ratipriyāya0, mukhe—anaṃgakusumāyai mātaṅgyai namaḥ, vāmāṃse-3
anaṃgamekhalāyai mā0, vāmapārśve—3 anaṅgamadanāya mā0, vāmakaṭacām—3
anaṅgamadanāturāya mā0, nābhau 3 anaṃgamadanodgāya mā0, dakṣakaṭacāṃ—anaṃgasambhāvāya mā0, dakṣapārśve - anaṃgabhuvanapālinyai mā0, dakṣāṃse-anaṃgaśaśirekhāye mā0,
mūlādhāre—lakṣmyai mā0, liṃgamūle—sarasvatyai mā0 maṇipūre—ratyai mā0,
hṛdi—prītyai mātaṃgyai0, kaṇṭhe—kīrtyai mā0, mukhe - śāntyai mā0, bhrūmadhye—puṣṭyai
mā0, śirasi-tuṣṭyai mā0, mūrdhina—mūlamantraṃ nyaset
mūle—brāhmayai svādhiṣṭhāne-māheśvaryai mā0, nābhau—kaumāryai mā0, hṛdivaiṣṇavyai mā0, kaṇṭhe—vārāhyai mā0, mukhe – indrāṇyai mā0, bhrūmadhye —cāmuṇḍāyai
mā0, śirasi—mahālakṣmyai mā0,
mūle—asitāṃgāya0, svādhiṣṭhāne —rurave0, nābhau—caṇḍāya0, hṛdi—krodhāya0,
kaṇṭhe—unmattāya0, mukhe—kapāline0, bhrūmadhye—bhīṣaṇāya0, śirasi—saṃhārāya0,
ādhāre—vāmāya0, liṃgamūle—jyeṣṭhāyai0, nābhau—raudrayai mā0, hṛdi—śāṃtyai mā0,
kaṇṭhe—śraddhāyai mā0, bhrūmadhye—vāggīśvaryai mā0, bindau—kriyāśaktyai mā0, kalāpadelakṣmyai mā0, nirodhikāyāṃ-sṛṣṭayai mā0, arddhendau—mohinyai mā0, nāde-pramathāyai
mā0, nādānte—bhāvinyai mā0, unmanyāṃ—vidyullatāyai mā0, viṣucakre—cicchaktyai

7.63-2.3

mā0, dhruvamaṇḍale – sundarānandāyai mā0, śive—nāgabuddhaye, mā0, śirasi—mātaṃgyai
mā0, lalāṭe—mahāmātaṃgyai mā0, hṛdi—mahālakṣmyai mā0, mūle—siddhalakṣmyai—mā0,
mūlādhāre-mūlamaṃtraṃ,tenaiva vyāpakaṃ kuryāt
tato dhyānādimānasapūjānte svarṇādipaṭṭe kuṅkumādinā sakesaramaṣṭadalakamalaṃ kṛtvā, tatkarṇikāyāṃ svābhimukhāgraṃ trikoṇaṃ kṛtvā'ṣṭadalādbahiḥ punaraṣṭadalakamalaṃ, tadbahiḥ ṣoḍaśadalaṃ, tadbahiścaturdvāraṃ, tadbahiścaturdvāropetañcaturaśratrayañca
kuryāt
iti pūjācakranirmāya, svapurataḥ pīṭhādau saṃsthāpya, mūlenābhyarcyārghyasthāpanamātmapūjānte maṇḍūkādijñānātmā'rccanteṣṭadalakesareṣu "vibhūtyai mātaṅgyai
namaḥ, evaṃ unnatyai0, [kāntyai0¹], sṛṣṭyai0, kīrtyai0, sannatyai0, puṣṭacai0| utkṛṣṭyai0,
madhye—ṛddhyai," iti sampūjya—
"aiṃ hrīṃ śrīṃ sarvaśaktikamalāsanāya nama" iti samastapīṭhaṃ sampūjya mūlamuccārya, "śrīmātaṅgeśvarīmūrti kalpayāmīti" mūrttimparikalpya, punarmūlamuccārya,
"parasyai śrīmātaṅgeśvarīmūrttaye namaḥ" iti mūrttimabhyarcya tasyāndevīmāvāhyāvāhnādiprāṇapratiṣṭhānte pāśāṅkuśavarābhayakhaṅgacarmadhanuḥśaramausalīdaurgīvīṇāyonīriti dvādaśamudrāḥ pradarśyā''sanādi–puṣpopacārānte prāgvallayāṅgatvena devīmūrttīṃ
ṣaḍaṅgāni sampūjya,

7.63-2.4

trikoṇāgrādi—3 "ratyai mā0, prītyai mā0, manobhavāyai mā0" iti prādakṣiṇayena sampūjya, trikoṇāṣṭadalayorantarāle madhye caturddikṣu"—3²hūm̐ hallekhāyai mātaṅgyai namaḥ, gam̐ gaganāyai mā0, ram̐ raktāyai mā0, kam̐ karālikāyai mā0, mam̐ maho-cchuṣmāyai mā0" iti sampūjyāgnīśāsuravāyvamadhyacaturddikṣu krameṇa ṣaḍaṅgāni sampūjya, trikoṇāṣṭadalayorantarāle–evaṃ "drāṃ drāviṇyai mā0, śoṃ śoṣiṇyai mā0, vaṃ vaṃdhinyai mā0, moṃ mohinyai mā0, bhrāṃ bhrākarṣiṇyai mā0" iti devyagrādicaturddikṣu punardevyagre ca prādakṣiṇyenābhyarcyā'ṣṭadaleṣu—
devyagradalamārabhya prādakṣiṇayena–"3 anaṅgakusumāyai mā0, anaṅgamekhalāyai mā0, anaṅgamadanāyai mā0, anaṅgamadanāturāyai mā0, anaṅgamadanodvegāyai mā0, anaṅgasambhavāyai mā0, anaṅgabhuvanapālinyai mā0, anaṅgaśaśirekhāyai mā0" iti sampūjya,
tadagre pu–"lakṣmyai mā0, sarasvatyai mā0, ratyai mā0, prītyai mā0, kīrtyai mā0, śāntyai mā0, tuṣṭacai mā0, puṣṭacai mā0,"

7.63-2.5

tato dvitīyāṣṭadalamūleṣu devyagrādiprādakṣiṇyena-"oṃ manmathāya namaḥ, evaṃ makaradhvajāya, oṃ madanāya0, oṃ puṣpadhanvane0, oṃ kusumāyudhāya0, oṃ kandarpāya0, oṃ manobhavāya0, oṃ ratipriyāya namaḥ", patramadhyeṣu-"oṃ hrīṃ brahmacai mā0, īṃ māheśvaryai mā0" ityādi, dalāgreṣu-"oṃ asitāṅgāya namaḥ" ityādi bhairavāṣṭakaṃ sampūjyaṣoḍaśadaleṣu-"vāmāyai mā0, jyeṣṭhāyai mā0, raudryai ca mā0, śāntyai mā0, śraddhāyai mā0, vāgīśvaryai mā0, kriyāśaktyai mā0, lakṣmyai mā0, sṛṣṭyai mā0, mohinyai mā0, pramathāyai mā0, bhāvinyai mā0, vidyullatāyai mā0, cicchaktyai mā0, sundarānandāyai mā0, nāgabuddhyai mā0"
tataścaturdleṣu-"oṃ mātaṅgāya ca mātaṅgyai ca¹ namaḥ, oṃ mahāmātaṅgayai mā0, oṃ mahālakṣmyai mā0, oṃ siddhalakṣmyai mā0" iti sampūjya, caturaśrasyā'bhyantare āgneyādicatuḥkoṇeṣu-prādakṣiṇyena-"oṃ gaṇeśāya namaḥ, oṃ durgāyai0, oṃ baṭukāya0, oṃ kṣetrapālāya namaḥ" ityabhyarcya, tadvahiḥ prāgvallokapālārcādi sarvaṃ samāpayediti
śāradātilake—
ayutamprajapenmantrantaddaśāṃśammadhūkajaiḥ
puṣpaistrimadhuropetairjuhuyānmantravittamaḥ

7.64-2

mantre'sminsādhite mantrī² sādhayediṣṭamātmanaḥ
mallikājātipunnāgairhomāṅgyālayo bhavet

7.65-2

phalairbilvasamudbhūtaistatpatrairvā hutāṅgavet
rājaputrasya rājyāptiḥ paṅkajaiḥ śriyamāpnuyāt

7.66-2

utpalairvaśayedviśvaṃ lakṣmīpuṣpaistathā punaḥ
bandhūkapuṣpairvakulairjapotthaiḥ kiṃśukodbhavaiḥ

7.67-2

vaśyāya juhuyānmantrī madhunā sarvasiddhaye
lavaṇairmadhuropetairhutvā''karṣati sundarīm

7.68-2

vandhjulasya samiddhomo vṛṣṭiṃ vitanute'cirāt
kṣīrāktairamṛtākhaṇḍairhomo nāśayati jvaram

7.66-3

dūrvābhirāyurāpnoti kadambairvaiśyamāpnuyāt
annavānannahāṃmena taṇḍulairddhanavān bhavet

7.100

sarvaṃ trimadhuropetaṃ homadravyamudāhṛtam
nandyāvarttabhavaiḥ puṣpairhomo vāksiddhidāyakaḥ

7.101

vipraprasūnairjuhayādīpsitāṃ śriyamāpnuyāt
palāśakusumairhomāttejasvī jāyate naraḥ

7.102

[candanāgurukarpūrarocanākuṅkumādibhiḥ
vaśyāya juhuyānmantrī vaśayedakhilañjagat

7.103

etāni japtvā tilakaṅkuryātlokapriyo bhavet
nirguṇḍīmūlahomena nigaḍānmucyate naraḥ

7.104

]¹
nimbatailānvitairloṇairhomaḥ śatruvināśanaḥ
haridrācūrṇasaṃmiśrairlambavagaiḥ stambhayetparān

7.105

rasavadbhiḥ phalaiḥ pakvaiḥ puṣpaiḥ parimalānvitaiḥ
hutvā samyagavāpnoti sādhakaḥ sarvamīpsitam

7.106

atha mātaṅgamanukośe—
prāksarvalokapadatastārttīyaṃ rājyalakṣmī ca
prade iti pade datte pañcanavatyakṣaro mantraḥ

7.107

ṛṣyādi pūrvamuktaṃ ṣaḍdīrghasvareṇāṅgavidhiḥ
vinyasyāṅgāni tato vicintayenmanudevatāmevam

7.108

tathā—māyā hṛdoraṃte brahmaśrī rājite proktvā
padamatha rājapūjite iti tatparato jaye vijaye

7.109

gauryatha gāndhāri tato deyaṃ tribhuvanavaśaṃkarīti padam
sarvastrīpuruṣavaśaṃkari su su du du ghe ghe iti dvedhā

7.110

ṛṣirasyājaśchando¹ nicṛdgāyatramīritamprājñaḥ

7.111

vāñchitaphaladā devī proktā śrīrājamātaṃgī
aṃgāni māyayā syāddhyānampūrvoktameva vijñeyam

7.112

sa caturdaśabhistathā'ṣṭabhiścāṣṭabhistathā daśabhiḥ
ekādaśabhirmantrākṣaraiḥ kramāducyate ṣaḍaṅgavidhiḥ

7.113

asakalaśaśirājanmaulirābaddhapāśā,ṅkuśarucirakarābjā bandhujovāruṇāṅgī
amaranikaravandyā trīkṣaṇā śoelepāṃśukakusumayutā syātsampade pārvatī naḥ

7.114

ārādhayettadaṅgairmātṛbhirāśādhipaistadastraiśca
mātṛbhirvāhyacādibhiḥ, atra gaurīdevatāpakṣe tu bhuvaneśvarīpīṭhe pūjanaṃ jñeyam
ayutamprajapejjuhuyātpāyasairghṛtaplutairdaśāṃśena

7.115

rājamukhi padādrājābhimukhi vaśyapūrvamukhi ca padam

7.116

bhuvaneśīśrīkāmān¹ vadettato devadevipadam
tadante mahādevi padaṃ padamatha devādhidevīti

7.117

sarvajanasya mukhammama vaśaṃ kuru dvistataḥ svāhā
praṇavādirayammantraḥ proktaḥ śrīvaśyamātaṅgayā

7.118

japapūjādyaṃ sarvaṃ vijñeyaṃ rājamātaṅgīvat
daśabhiḥ saptabhiścaiva caturbhiḥ karaṇākṣaraiḥ
pañcabhiḥ saptadaśabhirvarṇairaṅgakriyā manoḥ

7.119

athātaḥ sampravakṣyāmi mātaṅgīratnadevatām
vāgbhavaṅkāmabījañca sargavānbhṛguruttamaḥ

7.120

anugraheṇa saṃyuktaḥ punarādyamparāṃ likhet
śrībījantārakañcaiva namo bhagavatīti ca

7.121

mātaṅgeśvari sarvānte manohari janādikam
sarvarājavaśaṃkari cā'nte sarvamukhāntake

7.122

rañjanīti tataḥ sarvastrīśabdañca tato likhet
puruṣānte vaśaṃ coktvā karyante sarvaduṣṭataḥ¹

7.123

mṛgānte vaśamālikhya sarvalokavaśaṃ² likhet
karyādi vaśamālikhya kariśabdantato vadet

7.124

parāṃ śriyaṃ kāmabījaṃ vāgbhavañca samālikhet
saptatiśca trayo varṇā mātaṅgīvigrahāḥ priye

7.125

iyaṃ samastavidyānāṃ rājñī mokṣārthasiddhidā
ṛṣirmataṅgo bhagavān gāyatracchanda ucyate
devatā nādamūrtistu mātaṅgī parameśvarī

7.126

kāmabījaṃ vāgbhavaṃ ca bījaśaktī ca kīlakam
tārtīyandevadeveśi ṣaḍaṅgānyatha vinyaset

7.127

ādyabījatrayeṇaiva dvirāvṛtyā ṣaḍaṅgakam
ambhojārpitadakṣāṅghricandrakhaṇḍavirājitām

7.128

kavagādvīraṇālasannādaślāghāndolitakuṇḍalām
dantapaṅktiprabhāramyāṃ śivāṃ sarvāṅgasundarīm

7.129

kadambapuṣpamālāḍhyāṃ vīṇāvādanatatparām
śyāmāṅgīṃ śaṅkhavalayāndhyāyetsarvārthasiddhaye

7.130

atha yantrampravakṣyāmi trikoṇaṃ pañcakoṇakam
vasupatraṃ kulāpatraṃ vasupatrañcaturdalam

7.131

caturaśrañcaturdvāramevammaṇḍalamālikhet
āvāhya devatāṃ samyagupacāraiḥ samarcayet

7.132

agnīśāsuravāyyamadhye dikṣuvajrapūjanam¹
atha vakṣye maheśāni caturasrasya pūjanam

7.133

agradvārāccaturdikṣu prādakṣiṇyena pūjayet
sarasvatīñca lakṣmīñca śaṅkhapadmanidhī priye

7.134

vidikṣu vāmabhāgādi prādakṣiṇyena pūrvavat
baṭukaṅgaṇarājañca kṣetrapālañca yoginīm

7.135

tataścaturdle'grādi siddhamātaṅginīṃ kramāt
mahālakṣmīpadāṃ siddhalakṣmīmātaṅginīṃ yajet

7.136

mahāmātaṅginīndevi prādakṣiṇyena pūjayet
aṣṭapatre maheśāni tvasitāṅgādibhairavān

7.137

asitāṅgo ruruścaṇḍaḥ krodha unmattabhairavaḥ
kapālī bhīṣaṇaścaiva saṃhāraścāṣṭabhairavāḥ

7.138

prādakṣiṇyena deveśi pura grārabhya pūjayet
vāmā jyeṣṭhā ca raudrī ca śāntiḥ śraddhā ca pañcamī

7.139

vāgīśvarī kriyāśaktirlakṣmīḥ puṣṭistathaiva ca
mohinī pramathā svāminī vidyā bindumālinī

7.140

surānandā nāgabuddhiretāḥ ṣoḍaśa kīrtitāḥ
pura grārabhya deveśi prādakṣiṇyena pūjayet

7.141

ṣoḍaśāre tato devi lakṣmīścaiva sarasvatī
ratiḥ prītiḥ kīrttiśāntī puṣṭistuṣṭiśca¹ pūrvavat

7.142

patrāntareṣu deveśi mātṝṇāmaṣṭakaṃ yajet
pūrvavatpañcakoṇeṣu drāviṇī śoṣiṇī tathā

7.143

stambhinī mohinī devi tathā''karṣaṇakāriṇī
trikoṇe'pi hi deveśi yajedagrādi pūrvavat

7.144

prādakṣiṇyena manuvidratiprītimanobhavāḥ²
punaḥ sampūjya deveśīṃ sarvopaskarakaiḥ priye

7.145

atha prayogaḥ
tatra prātaḥkṛtyādiyogapīṭhanyāsānte mūlena prāṇāyāmatrayaṃ kṛtvā, "śirasi—mataṅgāya ṛṣaye namaḥ, mukhe—gāyatrāya chandase namaḥ, hṛdaye—śrī mātaṅgyai devatāyai namaḥ, guhye—klīṃ bījāya, pādayoḥ—aiṃ śaktaye, nābhau—sauḥ kīlakāya ॰" iti vinyasya, "aiṃ hṛdayāya namaḥ, klīṃ śirase svāhā, sauḥ śikhāyai vaṣaṭ, aiṃ kavacāya huṃ, klīṃ netrāya vauṣaṭ, sauḥ astrāya phaṭ" iti ṣaḍaṅgamantrānaṅguṣṭhāditalāntaṃ karayorvinyasya, hṛdayādiṣaḍaṅgeṣvapi nyaset
tato yathoktarūpāṃ dhyātvā, mānasapūjānte pramāṇoktamapūjācakraṃ nirmāya, mūlena puṣpāñjaliṃ datvā'rghyasthāpanādyātmapūjānte, maṇḍūkādijñānātmārcānte'ṣṭadalakesareṣu vibhūtyādyāḥ pūrvoktāḥ pīṭhaśaktīḥ sampūjya, "aiṃ hrīṃ sarvaśaktikamalāsanāya nama" iti samastapīṭhaṃ sampūjya, mūrtikalpanādipuṣpopacārānte prāgvallayāṅgatvena devīmūrttau ṣaḍaṅgāni sampūjya,
caturaśre agradvāramārabhya, caturdikṣu prādakṣiṇyena "sarasvatyai namaḥ, lakṣmyai ॰, śaṅkhanidhaye ॰ [padmanidhaye ॰]³ iti sampūjya, vidikṣu vāmabhāgādi-prādakṣiṇyena- "baṭukāya namaḥ, gaṇarājāya ॰, kṣetrapālāya ॰ yoginībhyo ॰" iti sampūjya,
tataścaturdale agrādiprādakṣiṇyena "siddhamātaṅginyai namaḥ, mahālakṣmīmātaṃginyai namaḥ, siddhalakṣmīmātaṃginyai namaḥ, mahāmātaṃginyai namaḥ" iti sampūjyāṣṭadale agradalamārabhya prādakṣiṇyenāṅgādyaṣṭabhairavānpūrvoktānsampūjya, ṣoḍaśadalegradalamārabhya—
"vāmāyai namaḥ, jyeṣṭhāyai0, raudracyai0, śāntyai0, śraddhāyai0, vāgīśvaryai0, kriyāśaktyai0, puṣṭyai0, mohinyai0, pramathāyai0,¹ ghrāśvāsinyai0, vidyāyai0, bindumālinyai0, surānandāyai0, nāgabuddhyai namaḥ"
iti sampūjyā'ntaraṣṭadale—lakṣmyai namaḥ, sarasvatyai0, ratyai0, prītyai0, kīrtyai0, śāntyai0, puṣṭyai0, tuṣṭyai nama" iti sampūjya, patramadhyeṣu brāhmācāṣṭakaṃ sampūjya, paṃñcakoṇe—"drāviṇyai0, śoṣiṇyai0, stambhinyai0, mohinyai0, ākarṣaṇākāriṇyai nama" iti sampūjya, tatastrikoṇe agrādiprādakṣiṇyena—"ratyai0, prītyai0, manobhavāyai nama" iti sampūjya, prāgvallokapālārccādi sarvaṃ samāpayediti
tathā—
puraścaraṇakārye tu lakṣatrayamudāhṛtam
pravālamālayā devi taddaśāṃśena homayet

Linked texts (26)

Merutantra — Gommaṭa, Sanskrit
Śrīvidyārṇavatantra — Sanskrit
Dakṣiṇāmūrtisaṃhitā — Sanskrit
Tattvacintāmaṇi — Sanskrit
Gandharvatantra — Sanskrit
Tārābhaktitaraṅgiṇī (Kāśīnātha) — Kāśīnātha, Sanskrit
Merutantra (Śiva) — Śiva, Sanskrit
Tripurāstotra (Laghu Paṇḍita) — Laghu Paṇḍita, Sanskrit
Devīstotra (Laghu Paṇḍita) — Laghu Paṇḍita, Sanskrit
Laghubhaṭṭārikā — Sanskrit
Laghustava — Kālidāsa, Sanskrit
Laghustava (Laghu Ācārya) — Laghu Ācārya, Sanskrit
Laghustava (Laghvācārya) — Laghvācārya, Sanskrit
Tripurābhāratīstotra — Laghu Paṇḍita, Sanskrit
Bhagavatīstotra (Laghu Paṇḍita) — Laghu Paṇḍita, Sanskrit
Lagjustava — Rāmacandra Kavi, Sanskrit
Gāndharvatantra — Sanskrit
Gandharvāntantva — Sanskrit
Tantragandharva — Sanskrit
Gandharvatantra or tantragandharva — Sanskrit
Indrajāla — Śivaśarman, Sanskrit
Indrajāla (Nityanātha) — Nityanātha, Sanskrit
Indrajālavidyā — Sanskrit
Dakṣiṇāmūrtitantra — Sanskrit
Dakṣiṇāmūrtisaṃhitā (thanjavursarasva2014) — Sanskrit
Sudarśanakalpa — Agastya, Sanskrit

Simhasiddhantasindhu 7

Contents