Pramāṇa · Search · About · API

Prashnanilakantha 3

Praśnanīlakaṇṭha 3

Language
Sanskrit

3.1

āgamane pṛcchāyāṃ lagneśo lagnamadhyasaṃsthena
kṛtamuthaśile sameti hi sukhamastaturīyage kaṣṭāt

3.2

sthānāccalitaḥ praśne lagnapatau sahajanavamagṛhasaṃsthaiḥ
lagnasthena muthaśile panthānaṃ vahati pathiko'yam

3.3

randhre'tha dhane tasminnākāśasthena muthaśile'pyevam
kendrasthitetthaśāle lagnekṣaṇavarjyamiti na kadāpi

3.4

lagnādhipatau vakre lagnaṃ paśyatyamutra candre vā
vakragamuthaśile sati sameti pathikaḥ sukhaṃ śīghram

3.5

antyasthitalagnapatau śaśinā kṛtamuthaśile drutamupaiti
lagnādvā'pi caturthicchubhā dvitīyatṛtīyagā vā'pi
kathayānta naṣṭalābhaṃ pravāsinaścāgamaṃ tvaritam

3.6

grahaḥ ṣaṣṭhe'tha jāmitre vākpatiḥ kaṇṭake sthitaḥ
pathikāgamanaṃ brūte site jñe vā trikoṇage

3.7

pṛṣṭhodaye pāpadṛṣṭe śubhadṛgvarjite budhaḥ
lagnātṣaṣṭhe yadā pāpā yātuśca nidhanaṃ vadet

3.8

yadā krūrāstṛtīyasthā deśādeśāntaraṃ gataḥ
caureṇaiva hṛtasvaśca pathikaḥ kendragā yadi

3.9

pāpaiḥ ṣaṣṭhatrilābhasthaiḥ kaṇṭakasthaiḥ śubhagrahaiḥ
pravāsī sukhamāyāti dūrastho'pi suniścitam

3.10

caturasre trikoṇe vā pāpagehasthitaḥ śaniḥ
pāpadṛṣṭaśca niyataṃ bandhanaṃ yāturādiśet

3.11

śubhayukte sthire lagne sthiro bandhaścare'nyathā
dvitanau saumyasaṃyukte bandhamokṣau krameṇa tu

3.12

pāpastrikoṇajāmitre vilagne pṛṣṭhakodaye
śatrubhirvīkṣyamāṇāśca yātuḥ kṛṣṭaṃ vadet sudhīḥ

3.13

mārgasthānagataiḥ saumyairmārgaṃ tasya śubhaṃ vadet
krūrairduḥkhaṃ vilagnasthaiḥ pāpaiḥ kleśamavāpnuyāt

3.14

caralagne carāṃśe vā caturthe candramāḥ sthitaḥ
pravāsī sukhamāyāti kṛtakāryaśca veśmani

3.15

kaṇṭakaiḥ saumyasaṃyuktaiḥ pāpagrahavivarjitaiḥ
pravāsī sukhamāyāti nidhanasthe sudhākare

3.16

gamāgamau hi na syātāṃ sthirarāśau vilagnage
na rogopaśamo nāśo dravyāṇāṃ na parābhavaḥ

3.17

viparītaṃ care vācyaṃ phalaṃ miśraṃ dvimūrtiṣu
sthiravanmathye khaṇḍe parārthe cararāśivat

3.18

gamanāgamana sambandhī vicāra–
gamāgamau tu na syātāṃ yoge durudharākṛte
śubhaiḥ śubhakṛto rodhaḥ pāpaistaskarato bhayam

3.19

pravāsī sukhamāyāti guruśukrau trivigau
caturthasthānagāvetau śīghramāyāti kāryakṛt

3.20

induḥ saptamago lagnātpathikaṃ vetti mārgagam
mārgādhipaśca rāśyardhātparabhāge vyavasthitaḥ

3.21

śukrārkajīvasaumyānāmeko'pi syāddhanāyagaḥ
tadā''śu gamanaṃ brūyātpraṣṭurna gamanaṃ vyayaḥ

3.22

āgamana kā samaya jñāna –
lagnādyāvatithe sthāne balī kheṭo vyavasthitaḥ
brūyāttāvatithe māse pathikasya nivartanam

3.23

evaṃ kālaṃ carāṃśasthe dviguṇaṃ ca sthirāṃśake
dviḥsvabhāvāṃśage kheṭe triguṇāṃ cintayetsudhīḥ

3.24

yāturvilagnājjāmitrabhavanādhipatiryadā
karoti vakramāvṛtteḥ kālaṃ tu bruvate pare

3.25

caturthe daśame vāpi yadi saumyagraho bhavet
tadā na gamanaṃ krūraistatrasthairgamanaṃ bhavet

3.26

lagnādvā lagnanāthādvā yāvantaḥ saumyakhecarāḥ
mārge tatrodayā vācyāḥ sthāne sthāne vicakṣaṇaiḥ

3.27

lagnādvā lagnanāthādvā yatsaṃkhyāḥ krūrakhecarāḥ
navame dvādaśe vāpi tatsaṃkhyāḥ syurupadravāḥ

3.28

krūrayuktekṣito mandaḥ śubhadṛgyogavarjitaḥ
dharmasthastanute vyādhiṃ proṣitasyāṣṭago mṛtim

3.29

jāmitrasya śubhotthe yātā nāyāti durudharāyoge
mitrasvāminipedhātpāpotthe śatrurukcaurāt

3.30

candrārkayoriśchidramayoryamena saṃdṛṣṭayoḥ syātpathi śastrabhītiḥ
randhre site jñe ca sukhāsirāre mande bhayaṃ pāpayugīkṣite'ṣvani

3.31

lagneśvare śītakare'tha ṣaṣṭhe turye'ṣṭame vāpyatinīcage vā
astaṅgate cchidrapatītthaśālayukte śubhairdūragato mṛtaḥ syāt

3.32

bhūseradhaḥsthena ca vakrageṇa yadītthaśālaṃ kurute śaśāṅkaḥ
saumyairadṛṣṭe maraṇaṃ prakuryād dūrasthitasyāpi videśagasya

3.33

saumyaiḥ ṣaṣṭhāntyarandhrasthairviṃbalaiśca śubhekṣitaiḥ
pāpayuktau śaśāṅkārkau tathā dūrasthito mṛtaḥ

3.34

pṛṣṭhodaye pāpayute trikoṇakendrāṣṭaṣaṣṭhopagatairapāpaiḥ
saumyairadṛṣṭaiḥ paradeśasaṃstho mṛto gadārto navame ca sūrye

3.35

turyoparisthena khagena candramā yadītthaśālaṃ kurute śubhekṣitaḥ
saumyairyuto vā paradeśasaṃsthitaḥ sukhī ca jīvetpathi saukhyameti

3.36

mārgānnivartate śatruḥ pāpaiḥ śatrugṛhāśritaiḥ
caturthagairapi prāptaḥ śatrurbhagno nivartate

3.37

jhaṣālikumbhakakarkaṭā rasātale yadā sthitāḥ
ripoḥ parājayastadā catuṣpadaiḥ palāyanam

3.38

meṣadhanuḥsiṃhavṛṣā yadyudayasthā bhavanti hibuke vā
śatrurnivartate'tra grahasahitā vā viyuktā vā

3.39

nāgacchati paracakraṃ yadākeṃcandrau caturthabhavanasthau
gurubudhaśukrā hibuke yadā tadā śīghramāyāti

3.40

sthirodaye jīvaśanaiścare sthite gamāgamau naiva vadettu pṛcchataḥ
tripañcaṣaṣṭhā ripusaṅgamāya pāpāścaturthā vinivartanāya

3.41

daśamodayasaptamagāḥ saumyā nagarādhipasya vijayakarāḥ
ārāki-jñagurusitāḥ prabhajñadā vijayadā navame

3.42

ubhayakṣāccandrarkṣaṃ bhavati yāvadinaiśca tāvadbhiḥ
āgamanaṃ syācchatroryadi na hi madhye grahaḥ kaścit

3.43

jaya-parājaya-sambandhī-praśnoṃ kā vicāra-daityejyavācaspatisomaputrairekarkṣagairlagnagatairbalāḍhyaiḥ
dvābhyāmathejye bhṛguje'tha lagne hanyādraṇe yāyi nṛpaṃ pureśaḥ

3.44

sūryendubhaumārkajasaiṃhikeyaiḥ sarvaiścaturbhistribhireva lagnagaiḥ
hanyāttadā sthāyinamāśu yāyī dyūnasthitairyāyinṛpaṃ pureśaḥ

3.45

daityejyaśītāṃśubudhāmarejyaiḥ sarvaistribhirdyūnagatairbalāḍhyaiḥ
hanyādraṇe sthāyinamāśu yāyī sukhāspadasthaiśca śubhaiḥ susandhiḥ

3.46

kujetthaśāle himagau vilagne bandho'tha mṛtyuryudhi nāgarasya
bhaumetthaśāle ca vidhau kalatre bandhaṃ mṛtiṃ vā labhate'tra yāyī

3.47

lagneśajāmitrapayośca madhye bhaved graho yaḥ svagṛhoccasaṃsthaḥ
tadvargamatyornṛpayośca sandhirjñeyo budho lekhakapaṇḍitābhyām

3.48

krūre kalatre hṛdaye śubhagraho yaccheddhanaṃ yāyinṛpāya nāgaraḥ
viparyayādyāyinṛpaḥ pureśvaraṃ durgādviniṣkāsya dadāti vāsspadam

3.49

ravītthaśāle śaśije suguptāścarā bhaveyuśca kujesarāphāt
grahācchaśāṅkena yute ca tasminye ye'nyaveṣāśca bhavanti cārāḥ

3.50

durgasambandhī praśna kā vicāra–
praśne vilagne krūre vā durgabhaṅgo na jāyate
viśeṣato bhūmiputre rāhau vā mūrtiṃge sati

3.51

saptame siṃhikāsunau durgaṃ śīghreṇa labhyate
jāmitrodayage krūre [...] lagnanāyake

3.52

dvitīye vā'ṣṭame ṣaṣṭhe tadā durgaṃ na labhyate
sakrūro lagnapo vakrī yuddhadaḥ kendrasaṃsthitaḥ

3.53

ṣaṣṭhādhipe dyūnagate pāpe vā yuddhamādiśet
pṛcchāyāṃ kendragaiḥ krūraiḥ koṭe durge vadho nṛṇām

3.54

bhaumāṣṭameśāvekatra tadāpi nidhanaṃ nṛṇām
svāyaputrasthite jīve koṭamadhye bhayaṃ na hi
śanau bhaume ca kendrasthe bahūnāṃ vadhabandhanam

3.55

lagnagato yadi pāpaḥ pāpena yutekṣito vā syāt
lagnātpūrvāparagau pāpau yuddhaṃ tadā ghoram

3.56

vilagne ṣaṣṭhapaḥ pāpo janmarāśiṃ nirīkṣite
rogiṇastasya maraṇaṃ niścayena vaded budhaḥ

3.57

caturthāṣṭamage candre pāpamadhyagate'pi vā
mṛtiḥ syād balasaṃyuktasaumyadṛṣṭyā cirātsukham

3.58

vidhau lagne smare bhānau rogī yāti yamālayam
praśne krūragrahe lagne rogavṛddhiścikitsakāt

3.59

tathā lagnagate saumye vaidyoktamamṛtaṃ vacaḥ
lagnaṃ vaidyo dyunaṃ vyādhiḥ khaṃ rogo turyamauṣadham

3.60

rogiṇo bhiṣajo maitrī maitrī bheṣajarogayoḥ
vyādherupaśamo vācyaḥ prakopaḥ śatruve tayoḥ

3.61

lagnanāthe ca sabale kendrasaṃsthe śubhagrahe
uccage vā trikoṇe vā rogī jīvati niścitam

3.62

ekaḥ śubho balī lagne trāyate rogapīḍitam
saumyā dharmorilābhasthāstṛtīyasthā gadāpahāḥ

3.63

bahvayacchadvādaśe ṣaṣṭhe lagnātpāpagraho yadi
hato gadairjalaiḥ śa.straistasya doṣaḥ kulodbhavaḥ

3.64

pretāśca rāhau pitaraḥ surejye candre'mbudevyastapane'pi devyaḥ
svagotradevyaśca śanau budhe ca bhūtāni vidyādbacayarandhrasaṃsthe

3.65

śākinya āre bhṛguje'mbudevyo gṛhṇanti martyaṃ vimukhaṃ mukundāt
svakṣoccage vīryayute ca sādhyāścandre ca nīce vibale na sādhyāḥ

3.66

kendrasthairbalibhiḥ pāpairasādhyā devatāgaṇāḥ
saumyagrahaiśca kendrasthaiḥ sādhyā mantrastavārcanaiḥ

3.67

kaṇṭakāṣṭatrikoṇasthāḥ śubhā upacaye śaśī
lagne ca śubhasaṃdṛṣṭe rogī rogādvimucyate

3.68

śīrṣodaye saumyayutekṣite vā saumyairdvitīyāṣṭamasaptamasthaiḥ
tṛtīyalābhārigataiśca pāpaiḥ saukhyārthalābho nṛpasevakasya

3.69

lagnād dvitīye madanāṣṭamarkṣe vittakṣayaṃ saṃbhramamārtimṛtyum
kurvanti pāpāḥ kramaśo narendrād bhṛtyasya tasmātparivarjayettam

3.70

lagnād dvitīyāṣṭamasaptamasthāḥ pāpāḥ praṇāśaṃ nṛpabhṛtyayordvayoḥ
kurvanti teṣveva gatāśca saumyāḥ kuryurdhanārogyasukhāni cobhayoḥ

3.71

śaśāṅkasaumyairudayāstabhāvau dṛṣṭau yutau vā sabalairna pāpaiḥ
praṣṭustadā syād yadi pārthivasya snehaprasādāvakṛpā pratīpāt

3.72

ṣaṣṭheśvareṇa vyayapena kendre yadītthaśālaṃ kurute vilagnapaḥ
praṣṭustadā'nyaḥ prabhurarthadaḥ syādataḥ pratīpānna bhavetparaḥ prabhuḥ

3.73

lagneśavare svarkṣagate svatuṅgakendrasthite śītakaretthaśāle
śubhagrahairdṛṣṭyute balānvite praṣṭurnijasvāmyamitārthalābhaḥ

3.74

jāyeśvare svoccanijarkṣasaṃsthe kendrasthite śītakaretthaśālage
śubhagrahairdṛṣṭyute balotkaṭaiḥ praṣṭustadā'nyaḥ prabhurarthado bhavet

3.75

idaṃ gṛhaṃ vā śubhamanyadālayaṃ sthānaṃ tvidaṃ vā śubhamanyadālayam
samātra bhadraṃ gamanāntu tatra vā pṛṣṭhe sadetthaṃ vidhinā vimṛśya

3.76

svapnadarśana praśna-lagne'rke nṛpatiṃ vahniṃ śastraṃ paśyati lohitam
śvetaṃ puṣpaṃ sitaṃ vastraṃ gandhaṃ nārīṃ ca śītagau

3.77

raktamāṃsapravālaṃ ca suvarṇaṃ dharaṇīsute
budhe khe gamanaṃ jīve dhanabandhusamāgamam

3.78

jalāvagāhanaṃ śukre śanau tuṅgāvarohaṇam
lagne lagnāṃśapavaśātsvapno vācyo'thavā budhaiḥ

3.80

lagneśajāmitrapatītthaśāle susnehadṛṣṭyā tvanayordvayośca
ākheṭakaḥ syātsaphalo'ridṛṣṭacāsyānniṣphalovā'lpaphalo'tikaṣṭāt
lagneśvare dyūnagate vilagne jāyeśvare syānmṛgayā prabhūtā
jāmitranāthe hibuke nabhaḥsthe cākheṭakaḥ svalpataro'pi na syāt

3.81

jñabhaumau sabalau siddhirastāṃśe mṛgayācyutiḥ
lagnadyūne tatpatī ca hetustairjalarāśigaiḥ

3.82

krūrākrāntāni yāvanti madhye bhānīndulagnayoḥ
tāvantaḥ prāṇino vācyā dvitrighnāḥ svāṃśakādiṣu

3.83

praśne caturthādhipatistatrasthe vā'valokite
avaśyaṃ vartate tatra dhanaṃ naṣṭaṃ na vā bhavet

3.84

vittape dhanage bandhau vāsti tatra dhanaṃ bahu
pāpe turyagate dravyaṃ sthitaṃ tūrṇaṃ na labhyate

3.85

bhaume saptamāṣṭarāśisthe dhanamanyatra nāpyate
lagne tamo raviśichadre tadā dravyaṃ na labhyate

3.86

lagneśvaro ghūnagate vilagne jāyeśvare naṣṭadhanasya lābhaḥ
jāyeśalagnādhipatītthaśāle ghūne vinaṣṭaṃ dhanameti martyaḥ

3.87

lagneśajāyādhipatītthaśāle lagneśvaraṃ yacchati taskaro'rtham
sūrye vilagne'stamite śaśāṃke na labhyate yad draviṇaṃ vinaṣṭam

3.88

karmeśalagnādhipatītthaśāle cauraḥ svamādāya purātpalāyate
candre'stape cārkakarapraviṣṭe tallabhyate naṣṭadhanaṃ sataskaram

3.89

asteśvare kendragate'sti caurastatraiva vā'nyatra purādinirgataḥ
dharmeśaduścikyapatītthaśāle jāyeśvare'nyatra gataḥ sa cauraḥ

3.60-2

karmeśalagnādhipatītthaśāle yallabhyate rājakulācca cauryam
tridharmapadyanapatītthaśāle tvanyapradeśād gamane tadāptiḥ

3.61-2

śubhetthaśāle himagau vilagne khasthe'tha vā naṣṭadhanasya lābhaḥ
susnehadṛṣṭyā raviṇā śubhena dṛṣṭe vilagne himagau ca lābhaḥ

3.62-2

sthirodaye sthirāṃśe vā vargottamagate'pi vā
sthitaṃ tatraiva taddravyaṃ svakīyenaiva coritam

3.63-2

ādimadhyāvasāneṣu dreṣkāṇeṣu vilagnataḥ
dvāradeśe tathā madhye gṛhānte ca vadeddhanam

3.64-2

patitadhanasya praśne mitho gṛhasthau vilagnasapteśau
yadi muthaśilantayā syāttadā''śu tatraiva vadati dhanam

3.65-2

naṣṭaṃ kva diśi prāptaṃ pṛcchāyāṃ lagnage vidhau prācyām
khasthāne yāḍyāyāmaste vāruṇyāṃ vā bhujyudīcyām

3.66-2

yadi nenduḥ kendre taccatvāriṃśāṃśakaiśca pañcayutaiḥ
bhāge dikkrama ukto vahnicavanīvāyuvārirāśau vā

3.67-2

naṣṭahṛtavittalabdheḥ praśne cauro'stabhaṃ tato lābhaḥ
hibukaṃ anyayasthānaṃ lagnaṃ candraśca dhananāthaḥ

3.68-2

lagneśo'ste'stapatinā cenmuthaśilī tato lābhaḥ
yadyaṣṭeśo ·lagne tadā svayaṃ taskaro'rpayati

3.69-2

raviraśmige dhaneśe vā'stamite taskarasya lābhaḥ syāt
lagneśadaśamapatyormuthaśilataḥ prāpyate svavān cauraḥ

3.100

lagneśāṣṭyabhāve cauraḥ saha mātrayā yāti
astādhipatau dagdhe raviraśmigate'tha labhyate cauraḥ

3.101

lagnapakratetthaśāle rājabhayāddhanamidaṃ svayaṃ datte
lagnāstapayorna syādyadi dṛṣṭirlagnapastathā vikalaḥ

3.102

tattaskaro'sya hastāddāti cauryaṃ hi rājakule
lagnapamadhyapayoge rājakulaṃ prāpya labhyate cauryam

3.103

randhraṃ caurasya dhanaṃ dhanape tatrātha saptame nāptiḥ
randhrapatau dhanapasya tu muthaśilayoge tu prāpyate vittam

3.104

randhrapatau daśamapatermuthaśilage caurapakṣakṛdbhūpaḥ
dhanape vilagnape sati dṛṣṭivihīne śrutirbhavati nāptiḥ

3.105

caurajñāna praśna-caurajñānapraśne lagnaraviśaśidṛśā svagṛhacauraḥ
anayorekadṛśā gṛhasamīpavartī vasatyeṣaḥ

3.106

lagnasthe lagnapatāvastapayukte ca gṛhagataścauraḥ
astādhipatāvantya sahaje vā svāyabhṛtyo'yam

3.107

asteśo tuñjasthe svagṛhe vā taskaraḥ prasiddhaḥ syāt
lagnadaśamāstabhāvāḥ krameṇa vīkṣyāḥ svatuñjabhavanādau

3.108

yaḥ kheṭaḥ syād balavān sa jñeyastaskarasya balī
lagnādiṣu yo grahaḥ svoccādibalī sa yajjātiḥ

3.109

evaṃ yogaṃ tu vinā dyūneśasyaiva calamabhigrāhyam
itthaṃ corajñāne cauraḥ sryeṃ gṛheśvarasya pitā

3.110

candre mātā śukre bhāryā mande suto bhavennīce
jīve gṛhapradhānaṃ bhaume putro'tha vā bhrātā

3.111

jñe svajano mitraṃ vā jñātvetthaṃ puṇyasahamamādeśyam
tasmin krūrāda‌ṣṭe purā na cauro'stape purāpi syāt

3.112

asteśānmūsariphe bhaume cauraḥ purā'pi nigṛhītaḥ
sapteśe raviputre candradṛśā taskaro hi pākhaṇḍī

3.113

jīvo vilokya lokaṃ bhaume khātena pālakaṃ bhaktyā
pratikubjikayāpahṛtaṃ site'tithijñe prapañcakāraḥ

3.114

cora kī āyu-caurasya vayojñāne site yuvā jñe śiśurgurau madhyaḥ
taruṇo bhaume mande vṛddho'rke syādatisthaviraḥ

3.115

tanukhabhayoḥ khabhamadayoḥ smarabhūmyorbhūmilagnayormadhyam
carati ravau navamadhyamavṛddhavayo'tītakāḥ kramaśaḥ

3.116

cauro'yamatha na veti krūrendrormuthaśile ca cauraḥ syāt
saumyaśaśimuthaśile khalu na bhavati cauraḥ pravaktavyam

3.117

kimanena taskaratvaṃ kadāpi vihitaṃ na veti pṛcchāyām
lagnagaśaśinorekarkṣagayoḥ sūtārikasve vihitam

3.118

cauraḥ strī puruṣo vā pṛcchāyāmastape striyo rāśau
strīkheṭe strīdṛṣṭe cauraḥ strī vyatyayātpuruṣaḥ

3.119

lagnanavāṃśapate vā vayaḥpramāṇajātayo jñeyāḥ
cauro'yamihānantaḥ śāstre kathito'yamuddeśaḥ

3.120

lagneśavareṇātha niśākareṇa yadītthaśālaṃ kurute suteśaḥ
śubhaḥ śubhaiḥ saṃyuta īkṣitaḥ syātsusantatiḥ praṣṭurasau vidadhyāt

3.121

puṃstrīgrahāḥ putragṛhaṃ vilagnātpaśyanti yāvanti ihātivīryāḥ
tatsaṃkhyākāḥ syustanayāśca kanyā śubheśayogātsutabhāṃśatulyāḥ

3.122

lagneśaputrādhipatiḥ parasparaṃ na paśyataścedudayaṃ ca paśyamam
pāpetthaśālī sutalagnapau ca praṣṭussadā santatirnāsti tāṃ vadet

3.123

putrālaye siṃhavṛṣālikanyāḥ praśnodayājjanmabhatastathendoḥ
alpaprajaḥ santatipṛcchakaḥ syāt pāpaiḥ sutarkṣe sahitekṣite vā

3.124

svarkṣasthitau randhragatau yamārkau praṣṭuḥ striyaṃ sandiśataśca vandhyām
chidrasthitau candrabudhau sadoṣāṃ vā kākavandhyāṃ tanayāprasūtim

3.125

mṛtaprajā chidragayoḥ sitejyayorgarbhasravā bhūmisute'ṣṭamarkṣe
chidreśvare chidragate'tivīrye puṣpaṃ na vindatyabalā sutapradam

3.126

śukrārkayoraṣṭamasaṃsthayorvā krūrairdhanāntyāṣṭamarāśisaṃsthaiḥ
jātā purastānmriyate prajā vai praṣṭurna cāgre śubhasantatiḥ syāt

3.127

riṣpheśvare kendragate ca saumyairyutekṣite jīvati bālakaśca
āpūryamāṇe śubhayukta indau kendre śiśurjīvati dīrghakālam

3.128

pañcameśo'tha lagneśo viṣamarkṣagatau yadā
putrajanmapradau jñeyau kanyānāṃ samarāśigau

3.129

yugmarāśigate lagne yadā tatra śubhagrahāḥ
garbhe'ḍatyadvayaṃ vācyaṃ daivajñena vipaścitā

3.130

viṣamopagato lagnācchaniḥ putrasukhapradaḥ
samabhe yoṣitāṃ janma viśeṣo jātakoktivat

3.131

kaṭuko lavaṇastikto miśrito madhuro rasaḥ
amlaḥ kaṣāyaḥ kathitā ravyādīnāṃ rasā budhaiḥ

3.132

lagnaṃ paśyati yaḥ kheṭastasya yaḥ kathito rasaḥ
bhojane'sau raso vīryakramādvācyāḥ pare rasāḥ

3.133

candro yasya mukhaśilastasya viśeṣaṃ vaded śuklau
lagne rāhau mande ravidṛṣṭe bhojanābhāvaḥ

3.134

kīdṛṅ mayā'dya bhuktaṃ pṛcchāyāṃ yadi bhavet sthiraṃ lagnam
tadbhuktamekavelaṃ dvayātmani veladvayaṃ care tvasakṛt

3.135

candre lagnagate syāckṣāraṃ bhaume ca kaṭukaṣamlagurau
madhuraṃ dinakṛti tiktaṃ śukre snigdhaṃ budhe ca sarvarasam

3.136

mande kaṣāmaśubhānmusariphe śaśini śuthaśile śume'riddaśā
udvāhātpriyadṛṣṭayā prāyaṇikatvātsamāgataṃ bhojyam

3.137

śumesarāphe tvaśubhetthaśāle candre kadannaṃ madhurājyavarjyam
śubhetthaśāle'tha khalesarāphe śakyaṃ na bhoktuṃ parato'pi labdham

3.138

candre svanāthadṛṣṭe sukhabhojanamanyathā kaṣṭāt
guruśuthaśila sagauravamakaṇa śuthaśila'tiśucaṃ tīkṣṇam

3.139

śukre susvādurasaṃ sahāsyagītaṃ budhe janākīrṇam
śāstrakathāḍhyaṃ śaninā kusthānagataṃ kuje coṣṇam

3.140

yadi vadati bhojanārthaṃ nimantrito yāsi śaśimahīsutayoḥ
ekasthitayoḥ kendre śubhaśilayorvā'pi pūrṇatā bhavati

3.141

vidhinā'nena śaneḥ syātkujabhojanaṃ trasitayorabhīṣṭānnam
jīvasya tuṣṭijanakaṃ horeśastanukhage svayamupaiti

3.142

yaścandreṇa śubhaśilī tasminnīśe tanoḥ svagṛhabhojyam
vitteśe bhṛtyagṛhe bhrātṛṇāṃ sahajape tathā'nyatra

3.143

lagnasthite sūryasute'tha rāhau sūryekṣite vairinimantritasya
syācchastraghātaḥ śaśibhaumayośca lagnasthayoḥ sauridṛśā'sighātaḥ

3.144

jīve site candragate balāḍhye candre budhe kendragate śubhānvite
trilābhaṣaṣṭhāspadagaiśca pāpaiḥ syātpremanirvairakaraṃ śubhojanam

3.145

bhojyaṃ bubhukṣā bhoktā ca sukhāstāñjavalakramāt
lagnapo bhojyadasteṣāṃ balena phalamādiśet

3.146

turyeśalābhādhipatītthaśāle śubhagrahekṣāyutitatsubhojyam
itthaṃ khalagnāstapatītthaśāle lābheśvare tatsukhalābha ūhyaḥ

3.147

vivādasambandhī praśna—
krūraḥ khacaro lagne vivādapṛcchāsu jayati vivādaṃ tam
sarvāvasthāsu paraṃ nīce'ste jayati na dviṣataḥ

3.148

lagnadyūne muktvā parasparaṃ krūrayorakaṭadṛṣṭau
vivadadvādiyugaṃ tacchurikābhyāṃ praharati tadaivam

3.149

lagne dyūne ca yadi krūraḥ khacaro vivādinorna tadā
kalahaniṣpattiḥ kāle jayati hi balavān gatabalaṃ tu

3.150

lagneśaḥ sutapaḥ saumyāḥ kendre sandhirna vā'nyathā
lagnadyūneśaṣaṣṭheśāritve'pyanyonyavigrahaḥ

3.151

gṛhamāgato na yadasau kiṃ baddhaḥ kimathavā hataḥ iti praśne
sūrtau krūrau yadi tanna hato baddho'thavā puruṣaḥ

3.152

trikoṇacaturasnātasthitaḥ pāpagraho yadi
kheṭairnirīkṣitaḥ pāpairnūnaṃ bandhanamādiśet

3.153

saptamago'ṣṭamago vā cet krūrastadvato'pi vā baddhaḥ
sūrtau ca saptame vā yadvā lagne'ṣṭame'pi bhavet
krūrastadasau puruṣo baddhaśca hataśca mucyate ca param

3.154

baddhaḥ saptāṣṭame kre mūryaste cāṣṭalagnage
baddho vimucyate'tyāśu saumyaḥ śreyāṃstano tadā

3.155

baddho'sti tarhi kaṃ bhaviteti praśne vimucyate'sau khalu mṛtyuyoge
kadā vimucyediti pṛcchamāne śubhaṃ kadā bhāvi ca tairmṛtiḥ syāt

3.156

muktipraśne yadā kendre kendreśāḥ syurna mokṣadāḥ
tasminvarṣe'sta lagneśe patite kendrage na ca

3.157

sambandhecchuḥ sa cetkrūro martāśaḥ syāttadā mṛtiḥ
lagneśo'stamite'mbusthe kujadṛṣṭe tadā mṛtiḥ

3.158

candraścāmbugapāpena mṛtyunāthena yogakṛt
tadā guptyāṃ mṛtiścandre kendraḥ mandayugīkṣitaḥ

3.159

dīrghapīḍā ca bhaumena yugdṛṣṭau bandhatāḍane
dṛśyārdhe lagnapaścetsyāddrucayapenetthaśālavān

3.160

palāyate tadā baddho vyayago lagnage'pi vā
tṛtīyanavamasvāmī vyayago lagnapena ca

3.161

yadītthaśālayogepsustadā'pi ca palāyate
dṛśyārdhe hyupacāreṇa candro muthaśilastadā

3.162

bandhamokṣastritharmeśaḥ sagrahaḥ śīghramokṣakṛt
patitendustritharmasthagrahasambandhakṛttadā

3.163

kendrasthatribhaveśena yogepsuścettadā cirāt
yāvacchukro balī lagne tāvatkartā balādhikaḥ

3.164

astaṅgate tanau śukre baddhamokṣādisambhavaḥ
mriyate yena yogena tena yogena mucyate

3.165

meṣe tule ca śīghraṃ syātkarke nakre sakaṣṭatā
sthire cirād dvidehasthe mokṣo madhyamakālataḥ

3.166

naukāpraśnanirūpaṇa—
kṣemāyātaṃ bahitrasya majjanaṃ vapanaṃ jale
paṇyavyavahṛtau lābho nāvi praśnacatuṣṭayam

3.167

naulābhidā syānnama neti pṛṣṭe kendre śubhāśceditareṣu pāpāḥ
balojjhitāḥ kṣemajayārthadā naurbhāvīti vācyaṃ viduṣā vimṛśya

3.168

lagnādhipe dakkriṇi cāmbunāthe vyāvṛtya naureti ca māgataḥ sā
cetsaumyadṛṣṭaḥ kuśalena pāpairdṛṣṭastadā vastuvineti vācyam

3.169

vilagnarandhrādhipatiḥ svagehe pravekṣyataśceddyatrahāralābhaḥ
yadāṣṭame saumyakhagā balāḍhyāstadā tarī lābhasukhapradā syāt

3.170

kuśalā yāti pṛcchāyāṃ mṛtyuyoge samāgate
tadā naureti śīghreṇa lābhādyaṃ cānyayogataḥ

3.171

lagneśaṃ candranāthaṃ vā candraṃ vā mṛtyupo yadi
paśyetkrūradaśā nāvā samaṃ naśyati naupatiḥ

3.172

lagneśo'ṣṭapatiḥ svasvagehaṃ nālokate yadi
tadā yānasya vaktavyaṃ niścitaṃ majjanaṃ budhaiḥ

3.173

tāvubhau saptamasthau cejjale vāpanikāṃ vadet
lagnacandrapatī krūradṛṣṭyā'nyonyaṃ yadīkṣitau
tadā potajanānāṃ ca mithaḥ kalahamādiśet

3.174

kretā lagnapatirjñeyo vikretā'syapatiḥ smṛtaḥ
gṛhṇāmyahamidaṃ vastu praśna evaṃvidhe sati

3.175

balaśāli vilagnaṃ ced gṛhyate tatkrayāṇakam
tasmātkrayāṇakālābhaḥ praṣṭurbhavati niścitam

3.176

vikrīṇāmyamukaṃ vastu praśna evaṃvidhe sati
āyasthāne balavati vikretavyaṃ krayāṇakam

3.177

diśi kasyāṃ bhavetsasyaniṣpattiḥ kva ca sā nahi
pūrvadeśasya bhaṅgo hi vava divi navase nahi

3.178

caturṇāmapi kendrāṇāṃ madhye yatra śubhagrahaḥ
tasyāṃ ca sasyaniṣpattiḥ svasthaṃ caiva bhaviṣyati

3.179

yasyāṃ diśi śaniḥ pāpairyuto vā'pyavalokitaḥ
diśi tasyāṃ ca tatsvāsthyaṃ durbhikṣaṃ ca bhaviṣyati

3.180

diśi tasyāṃ ravistatra dhānyanāśo nṛpādbhavet
yatrāpi maṅgalastatra dhānyanāśo'gnibhīstathā

3.181

yasyāṃ diśi śubhāḥ kheṭāḥ samastabalaśālinaḥ
niṣpannā saiva vijñeyā sasyasvāsthyaṃ ca tatra hi

3.182

kendreṣu sarvataḥ pāpāḥ samastabalasaṃyutāḥ
deśastadā vinaṣṭo'sau jñātavyaḥ śāstrakovidaiḥ

3.183

lagnapo mṛtyupaścāpi mṛtyau syātāmśubhau yadi
sthitau dreṣkāṇa ekasmin praṣṭurlābhastadā dhruvam

3.184

evaṃ dvādaśabhāveṣu dreṣkāṇaireva kevalam
budho viniścayaṃ brūyādyogeṣvanyeṣu nispṛhaḥ

3.185

praśnakāle saumyavarge lagne yadadhiko bhavet
grahabhāvānapekṣeṇa tatrākhyeyaṃ śubhaṃ phalam

3.186

lagnādhipaśca lābhasyādhīśaśca dāyako bhavet
lagnādhipasya yogo lābhādhīśena lābhakaraḥ

3.187

bhavati sa paralābhakarastadaiva sa yadi candradṛglābhe
yogāḥ sarve'pyaphalāścandramṛte vyaktametacca

3.188

dharmādhīśenaiva karmādhīśena nivṛttyadhīśena
mṛtyupatinā ca yoge lābhādhīśasya vaktavyam

3.189

tattatsthānekṣaṇataḥ puṇyavivṛddhiśca karmavṛddhiśca
vibudhaistadā nivṛttirmṛtyubhāvāḥ pare'pyevam

3.190

lagneśo yadi ṣaṣṭhaḥ svayameva ripurbhavatyātmā
mṛtyukṛdaṣṭamago'sau vyayago'sau santataṃ vyayaṃ kurute

3.161-2

lagnasthaṃ candrajaṃ candraḥ krūro vā yadi paśyati
dhanalābho bhavatyāśu kintvanartho'pi pṛcchataḥ

3.162-2

induḥ sarvatra bījābhī lagnaṃ ca kusumaprabham
phalena sadaśīśaśca bhāvaḥ svādusamaprabhaḥ

3.163-2

lagnapatiryadi lagnaṃ kāryādhīśaśca vīkṣate kāryam
lagnādhīśaḥ kāryaṃ kāryeśaḥ paśyati vilagnam

3.164-2

lagneśaḥ kāryeśaṃ vilokyellagnapaṃ ca kāryeśaḥ
śītaguddṛṣṭau satyāṃ paripūrṇā kāryasaṃsiddhiḥ

3.165-2

kathayanti pādayogaṃ paśyati samyo na lagnapo lagnam
lagnādhipaṃ ca paśyati śubhagrahaścārdhayogo'tra

3.166-2

ekaḥ śubhagraho yadi paśyanti lagnādhipaṃ vilagnaṃ vā
pāronayogamāhustadā budhāḥ kāryasaṃsiddhaye

3.167-2

udayopagataṃ rāśiṃ tañca balīkṛtya likhikā guṇayet
chāyāṃgulaiśca kuryāt hatvā munibhistataḥ śeṣam

3.168-2

guṇayitvaivaṃ prāgvat hatvā somasya bhavedudayaḥ
kāryaprāptiḥ praṣṭurvaktavyā netarairgrahairbhavati

3.166-3

grahaguṇakāro jñeyo daivavidā pañca 5 viṃśatiḥ saikaḥ 21
manavo 14 ṅgāhaṣṭau tritayaṃ 3 bhāvāḥ 11 sūryādito jñeyāḥ

3.200

guṇakārairavayavibhaktaḥ kāryaḥ sūryādiguṇakasaṃśuddhaḥ
yasya na śuddhyati vargo vijñeyastaddaśātkālaḥ

3.201

āradivākaraśeṣe divasāḥ pakṣāśca bhṛguśaśinoḥ
gurvavaśeṣe māsā ṛtavaḥ saumye śanaiścare'bdāḥ syuḥ

First 200 of 231 passages. Read on

Linked texts (26)