Upapattishekhara 27.2-3.2

27.2-3.2

svadṛggatighnaṃ nija lambabhāga—
jyātaṃ dhanuḥ koṭiguṇo'sya hāraḥ
lagnāgrakā kārmukakoṭijīvā
svadṛggatighnī tribhajīvayāptā
taccāpajaḥ koṭiguṇo haro vā
tribhajyakādṛggatisaṃjñake ye
lagnāgrayā saṃguṇite harāpte
taccāpatulye śrutibāhumāne
ekādipañcāntaguṇāḥ kharāmā
kṣepāṃśakāḥ syurdhanabhāvato'mī
saumyayāmbavilagnāgrāvaśāt kṣepabhujāṃśayoḥ
yogo'ntaraṃ ca dṛkkṣepe yāmye saumye'nyathā tataḥ
tajjryakāṃ ca vilagnāgrāṃ tathā lagnāgrakāhatām
tribhajyāṃ śrutijīvāptāṃ dṛggatiṃ parikalpya ca
śrutibāhumitau kārye punaranye vicakṣaṇaiḥ
kalpitāṅgāgrakāṃśāścet khāṅkebhyo'bhyadhikāstadā
prakalpitaśruteraṃśā bhārdhāśobhya ścyutāstathā
bhārdhāṃśābhyadhikatve tu bhārdhāṃśaiḥ saṃyutāśca te
ādyabāhvadhike kṣepe cettadantarasaṃbhavaḥ
anyakarṇastadādyānyakarṇaikyaṃ cānyathāntaram
lavādyaṃ svasvabhāvotthaṃ lagne yojyaṃ tu te sphuṭāḥ
dhanādayaḥ saṣaḍbhāste mṛtyubhāvācca te smṛtāḥ||”
bhāvānayanārthaṃ kṣetram (12-15)
iha diṅ‌mīmāṃsāyāṃ tvayaṃ viśeṣaḥ" yadatra sphuṭamāścaryaṃ bhāskarācāryeṇa karṇavṛttāgrāntarasamaṃ bhujāntaraṃ vṛttacāpa
eva yaddattaṃ tadvaśato na sphuṭā prācī bhavati | bhujāntarasya chāyāgrāt pūrvāpararekhāsthalambe sthitatvāt | ataśchāyādvayāgroparigatāṃ rekhāṃ vyāsaṃ prakalpya yad vṛttaṃ
tatparidhāvayanadiśi dvitīyacchāyāgrataḥ karṇavṛttāgrāntarasamapūrṇajyādānena yo bindustasmātprathamacchāyāgroparigatā rekhā pūrvāparasamānāntarā pūrvāpararekhā bhavitumarhati