Upapattishekhara 28.0.6

28.0.6

itthaṃ śarāgrasthitacandrabimbe
kṛtaṃ sitaṃ golavidāṃ sukhārtham
arkenduyāmyottarabhedajāta—
saṃskāra ādyairna kṛtaḥ sitārtham
sitārūyavṛtte vidhuvimbagole
candrārkabimbāntarasūtramasti
candrordhvasūtrācca yadantareṇa
sitārthamarkābhimatā lavāste
arkendubimbāntarasūtranighnī
jyakeṣuvedapramitāṃśakānām
bhaktārkakarṇena phalasya cāpāṃ—
śakairināt prākparato yadenduḥ
tattiryagūrdhvādharamadhyagendu—
statra svavṛtte niyataṃ rakheḥ syāt
tadāniśaṃ bimbadalārdhaśuklaṃ
tadbhāskaroktyā na bhavet kathaṃcit
ināt kalpitendvantarāśānumānāt
sitaṃ naiva nāṃśānupāto'pi tena
yathārthāṅghiśuklapradeśānurodhāt
sitaṃ kalpitendoḥ kṛtaṃ tanna yuktam
tadindubimbakendrayoryadantaraṃ sitābhidhe
tadarkacandrayorbhavet sphuṭāntaraṃ puroditam
ihendukakṣikāsamaṃ tadindubimbakendrayoḥ
gataṃ kila sphuṭaṃ bhavet sitābhidhaṃ ca maṇḍalam
śaro na ced vidhostadā bhramaṇḍalaṃ sitābhidham
sitābhidhe ca maṇḍale yadāntaraṃ tayornahi
tadā nṛdṛśyamaṇḍalaṃ himadyuterna cojjvalam
yathendubimbakendrato'ntareṇa cihnamarkajam
bhavecca taddiśi dhruvaṃ sitābhidhe ca maṇḍale
tadujjvalaṃ tadā bhaved yathoktaśuklamānataḥ
sitāruyamaṇḍalaṃ yadā bhavecca dṛṣṭimaṇḍalam
tadenduyāmyasaumyake samaṃ ca śṛṅgakadvayam
nṛdṛṣṭisaṃmukhaṃ bhavedidaṃ mamāsti saṃmatam
kujordhvagenduṇḍale tvadhaḥsthadṛṣṭicihnataḥ
sitaṃ bhavediha dhruvaṃ vilagnadṛṣṭimaṇḍale
yadā tu dṛksitākhyayorvibheda eva tatra vai
adhaḥsthadṛṣṭicihnataḥ sitābhidhaṃ yathordhvagam
tathā sitaṃ tadūrdhvagaṃ tathaiva śṛṅgamūrdhvagam ||” iti ca
atha grahayutyadhikāraḥ