Upapattishekhara 28.0.8

28.0.8

pṛṣṭhākhyaśaṅkustvatha dṛgjyakātatkṛtyoryutermūlamitaṃ bhavet tat
garbhīyadṛksūtramathāsya varge
svayojanavyāsadalasya vargam
viśodhya mūlaṃ kila pṛṣṭhajaṃ tad
dṛksūtrakaṃ golavidāvagamyam
bāṇo yadā syāt khacarasya tasya
bimbodbhavaireva natonnatāṃśaiḥ
sādhyaṃ tvidaṃ dṛgbhavasūtrakaṃ tat
sarvatra khe syād gaṇitopayuktam
athoktavat khecarabimbagolagarbhodbhavaṃ pṛṣṭhabhavaṃ ca tāvat
ānīya dṛksūtramihagrahajñairbhagolabimbānayanaṃ vidheyam
kukhaṇḍakheṭaśravaṇau tu yasya
bhujau ca tasyāsti mahīpramāṇam
syād garbhadṛksūtramihāsya lambo
garbhīyalambastavadhe ca tatra
yā'lpārthā tayostadguṇitaṃ khagasya
proktaṃ ca tadyojanamaṇḍalārddham
svapṛṣṭhadṛksūtrahṛtaṃ ca labdharbhujo bhavet saṃskaraṇāya nūnam
ṛṇātmikā cedavadhāliptā syāt
tadgarbhalambo bhujayuktahīnaḥ
adhaḥsthitordhvasthitapṛṣṭhadṛṣṭisūtrācca sūtraṃ kṣitigarbhajaṃ syāt
dhanātmikā ced viparītamuktāj
jñeyaṃ hi tatsaṃguṇitaṃ khagasya
dṛkpṛṣṭhasūtraṃ vihṛtaṃ ca garbhadṛksūtrakeṇātra phalaṃ dvidhā syāt
adhaḥ sthitordhvasthitapṛṣṭhadṛṣṭisūtre svalambaḥ kila pṛṣṭhajaḥ syāt
svalambavargeṇa vivarjitasya
bhakarṇavargasya padaṃ hi yat syāt
tat svasvapṛṣṭhotthaphalaṃ prakalpyamathātra garbhīyavilambavargam
bhakarṇavargāt pariśodhya śeṣāt
padaṃ yutonaṃ kramaśca kāryam
dhanarṇagālpāvadhayā ca tad bhagarbhīyadṛksūtramatena nighnam
kheṭasya tad yojanamaṇḍalāī
tadgarbhadṛksūtrahṛtaṃ ca tat syāt
bhagolajaṃ yojanamaṇḍalārthamadhaḥsthapṛṣṭhīyavilambakena
vyaikamūnaṃ tu tadūrdhvajena
yat syācca tacchravaṇotthakṛtyoḥ