Ranadipika 8: atha aṣṭamo'dhyāyaḥ
Raṇadīpikā 8
- Language
- Sanskrit
Contents
- 8.38 — 2 parts
atha aṣṭamo'dhyāyaḥ
8.1
athāhaṃ bhūbalaṃ vakṣye nṛpāṇāṃ prītaye'dhunā
raṇabhūmau likheccakraṃ caturaśraṃ suśobhanam
8.2
tatpūrvadiśa ārabhya rekhāṃ vāyavyamānayet
vāyavyādānayed yāmyaṃ yāmyādīśānamānayet
8.3
īśānāt paścimaṃ paścāt koṇamāgneyamānayet
āgneyāduttaraṃ tasmāduttarānnairrṛtaṃ nayet
8.4
nairrṛtādaindramityevaṃ cakramaṣṭāśrakaṃ bhavet
cakrasya pūrvabhāge'smin tripañcadivasaṃ nyaset
8.5
caitrādikaṃ tatastāvad vāyavyāṃ diśi saṃnyaset
tato yameśavaruṇavahvīndunirrṛtikramāt
8.6
rekhāvinyāsamārgeṇa bhūbalaṃ kalpayed budhaḥ
bhūbalaṃ pṛṣṭhato vāpi dakṣiṇe vijayapradam
8.7
asyaiva cakrarājasya pūrvasyāṃ diśi saṃsthitā
brāhmī māheśvarī saumye kaumārī vahnidiggatā
8.8
nairrṛtyāṃ vaiṣṇavī yāmye vārāhī saiva paścamī
indrāṇī diśi vāruṇyāṃ cāmuṇḍī marudāśritā
8.9
aiśānyāṃ tu mahālakṣmīryoginyo'ṣṭau prakīrtitāḥ
ravivārrādhipā brāhmī māheśī śaśivārapā
8.10
kaumārī kujavāreśā vaiṣṇavī budhavārapā
vārāhaindrī caṇḍikākhyā guruśukraśanaiścarāḥ
8.11
yoginī śubhadā pṛṣṭhe purato maraṇapradā
vāme na śobhanā devī dakṣiṇe vijayapradā
8.12
yoginī prathamaṃ yāmaṃ nītvā nyasya padāmbujam
caturthyāṃ diśi pīṭhasthaṃ sarpa khaḍgena tāḍayet
8.13
nistriṃśe na ca tiṣṭheta na tiṣṭhet pādaghaṭṭane
idānīmucyate'smābhistathaiva tithiyoginī
8.15
kesarībhogaśeṣā hi puṃsāṃ strībhogaśeṣadik (?)
nā (yakī? yikā) prathamādīnāṃ tithīnāṃ yoginī kramāt
pratipattithau navamyāṃ brāhmī paśyati vāruṇīm
vāyavīṃ rākṣasīmardhadṛṣṭyā paśyati bhairavī
8.16
dṛṣṭyagrasaṃsthaḥ samare pādadvandve hataḥ patet
bhakṣaṇāyaiva tadgrāhyāścaturaṅgabalo'pi saḥ
8.17
pātāle daśa nāḍyastāḥ pārśvayośca trayodaśa
ūrdhvaṃ paśyanti tithayo nāḍyaḥ śeṣāḥ samena vā
8.18
dṛśyā bhavati yo yuddhe maraṇaṃ yāti sa dhruvam
yoginyāṃ māṃsakāṅkṣiṇyāṃ śaktyā śaṃkro'pi śūrayā
8.19
tathaiva viṣṭiratyugrā'lpā'śī bhayaṅkarī
niśācaravināśāya purā jātā purāriṇā
8.20
sā viṣṭiraṣṭadhā bhinnā nāmnā dikṣu ca pakṣayoḥ
jvālānalā karālī ca ghorā raudrī site tataḥ
8.21
pakṣe'pare mahājihvā tathaiva vaḍavāmukhī
mārī ca yamajihvā ca viṣṭayo'ṣṭau prakīrtitāḥ
8.22
naktaṃ divā ca sañcintya viṣṭistithyardhabhāginī
iti kecid vadantyanye viṣṭiḥ praharabhāginī
8.23
ghujāṭṛṇī site pakṣe gūcchannṛṇṭhi sitetare
śarādasau site yāme tilādekasitetare
8.24
halā tithiṃ vijānīyādacā digyāmanāḍikāḥ
viṣṭeragre sthito yāti samare maraṇaṃ naraḥ
8.25
yāvattāvadghaṭīkāle kālavelānvito'pica
helī tapobhiḥ saṃgrāme dikṣu śukle tadā caret
8.26
sevāyāṃ tu gaje māre nityā viṣṭiriti kramāt
nityaviṣṭiḥ sthitā yatra tatsthānaṃ vijayapradam
8.27
tasya dṛgbhāgasaṃsthā ye te yānti samare yamam
arkārkajārarāhvādīn pṛṣṭhe vinyasya dakṣiṇe
8.28
nyasya tārādhipaṃ yuddhaṃ yaḥ karoti sa vīryavān
rāhuryatra sthitastatra dhvāntaṃ himakaraḥ sthitaḥ
8.29
dīpasthānaṃ bhayaṃ tatra dhvānte hi vijayaṃ bhavet
rekhā ūrdhvagatāḥ sapta sapta tiryaggatā api
8.30
pūrve madhyamaḥ kṛttikāyāḥ saṅgrāmabhaṃ yataḥ
tato navarkṣaṃ dhvāntākhyaṃ dvinavarkṣa pradīpakam
8.31
vāmena pūrvapakṣe'smin dakṣiṇena sitetare
anyatheti vadantyanye tadayuktaṃ nirūpaṇam
8.32
paścād dhvāntaṃ yataḥ śukle kṛṣṇe ca puratastataḥ
dikkatārārakhārekhāsu yasyāṃ tiṣṭhati bhānumān
8.33
tasmāt trikaṃ trikaṃ saptanavaṣaṭkamiti kramāt
daṇḍaṃ ghaṭaṃ kapālākhyaṃ śampade kuliśaṃ tataḥ
8.34
daṇḍe ghaṭe phalaṃ miśraṃ kapāle maraṇaṃ phalam
śampade sampadaṃ brūyāt kuliśe vraṇamādiśet
8.35
taccakre yuddhabhaṃ yatra tatpaścādbhavamarkṣataḥ
dakṣiṇena ghaṭādīni gaṇyānīti pare viduḥ
8.36
aiśānyāṃ ca śiro nyasya nairṛtyāṃ caraṇadvayam
śete horāpumān yuddhabhūmau durlaṅghya eva saḥ
8.37
rāśau yasmin ravistiṣṭhet tasmin pādau ca saptame
śiro vinyasya durlaṅghyaḥ śete vāstupumān bhuvi
8.38
ityādilakṣaṇaṃ jñātvā tiṣṭhate yo raṇāṅgaṇe
yuddhāya sārvabhaumaḥ sa sarvatraṃ vijayī bhavet
8.38.p1
rājatkeraielarājarājamakuṭīrājīvadaṅghridvayeśrīgovindamahīsurendrasahajaśrīdevaśarmājñayā
kṛtvāsau raṇadīpikāracanayā rājñāṃ tamordhvaṃsanaṃ
(bodhā ? bradhnī)yatyadhunā kumāragaṇakaḥ santaḥ prasīdantvaitaḥ
8.38.p2
iti raṇadīpikāyāṃ bhūbalavivekaḥ aṣṭamo'dhyāyaḥ