Ayuhparyantasutra 3.31

3.31

Āps 21. yad bhikṣavo (GBM 1703.3) manuṣyāṇāṃ varṣaśataṃ tad devāṇāṃ trayastriṃśānām ekaṃ rātriṃdivasaṃ, tena rātriṃdivasena triṃśad rātrakeṇa māsena, dvādaśa māsakena saṃvatsareṇa, tayā saṃvatsaragaṇanayā (GBM 1703.4) divyaṃ varṣasahasraṃ devānām trayastriṃśānām āyuṣaḥ pramāṇaṃ. tad bhavati mānuṣikayā gaṇanayā tisro varṣakoṭyaḥ ṣaṣṭiś ca varṣaśatasahasrāṇy (GBM 1703.5) āyuṣaḥ pramāṇam, asty antareṇa kālakriyā.
Āps 22. tad bhavati kālasūtre mahānarake ekaṃ rātriṃdivasaṃ, tena rātriṃdivasena triṃśad rātrakeṇa māsena, (GBM 1703.6) dvādaśa māsakena saṃvatsareṇa, tayā saṃvatsaragaṇanayā varṣasahasraṃ kālasūtre mahānarake nārakāṇāṃ satvānām āyuṣaḥ pramāṇaṃ. tad bhavati mānuṣikayā (GBM 1703.7) gaṇanayā dvādaśa varṣakoṭīśatasahasrāṇi ṣaṇnavatiś ca varṣakoṭīsahasrāṇy āyuṣaḥ pramāṇam, asty antareṇa kālakriyā.
Āps 23. atha bhagavāṃs tasyāṃ velāyāṃ (GBM 1694.1) gāthe bhāṣate.
mātāpitṛṣu ye drugdhā buddheṣu śrāvakeṣu ca /
kālasūtropapannās te duḥkhā vindanti vedanā // 31