Ayuhparyantasutra 3.42

3.42

Āps 36. icchatha yūyaṃ bhikṣavaḥ arbudopapannānāṃ satvānām āyuḥparyantaṃ śrotuṃ. eta
sya (GBM 1698.1) bhagavan kāla, etasya sugata samayo, yad bhagavān bhikṣūṇāṃ arbudopapannānāṃ satvānām āyuḥparyantaṃ deśayed. bhagavataḥ śrutvā bhikṣavo dhārayiṣyanti. tena hi bhikṣavaḥ śṛṇuvantu (GBM 1698.2) sādhu ca suṣṭhu ca manasikuruta bhāṣiṣye.
Āps 37. tadyathā bhikṣavaḥ iha syād viṃśatikhārīkaḥ kosalakas tilavāhaḥ pūrṇas tilānāṃ sacūḍikābaddhaḥ. tataḥ kaścid eva puruṣo (GBM 1698.3) varṣaśatasya varṣaśatasyātyayād ekaikaṃ tilam apanayet*. kṣiprataraṃ khalu bhikṣavaḥ saviṃśatikhārīkaḥ kosalakas tilavāhaḥ anenopakrameṇa parikṣayaṃ (GBM 1698.4) paryādānaṃ gacchen, na tv evāhaṃ arbudopapannānāṃ satvānām āyuḥparyantaṃ vadāmi.
Āps 38. yathā viṃśatir arbudāny evam ekaṃ nirarbudaṃ. yathā viṃśatir nirarbudāny (GBM 1698.5) evam ekam aṭaṭaṃ. yathā viṃśatir aṭaṭāny evam ekaṃ hahavaṃ. yathā viṃśatir hahavāny evam ekaṃ huhuvaṃ. yathā viṃśatir huhuvāny evam ekam utpalaṃ. (GBM 1698.6) yathā viṃśatir utpalāny evam ekaṃ padmaṃ. yathā viṃśatiḥ padmāny evam ekaṃ mahāpadmaṃ, yatra kokāliko bhikṣavo devadattapakṣaḥ śāriputramaudgalyāyanayor bhikṣor (GBM 1698.7) antike cittaṃ pradūṣya svaśarīreṇaiva mahāpadme mahānarake upapannaḥ.
Āps 39. tasmāt tarhi bhikṣava evaṃ śikṣitavya + + + + + + + + pi cittam apradūṣayi (GBM 1699.1) + + ḥ prāg eva savijñānake + + ity evaṃ vo bhikṣavo śikṣitavyaṃ.
Āps 40. atha bhagavāṃs tasyāṃ velāyāṃ gāthā bhāṣate.||zu 42-46 cf. Uv 7.2-6, Suvarṇavarṇāvadāna, PatnaDhp 300-303, Sn 127.1-15, SN I 149.17-31 etc.
puruṣasya hi jātasya kuṭḥārī jāyate mukhe /
cchinatti hi yayātmānaṃ (GBM 1699.2) vācā durbhāṣitaṃ vadan* // 42