Avadanashataka 103.7

Avadānaśataka 103.7

Language: Sanskrit

103.7

tatra śrutavān āryaśrāvaka idaṃ pratisaṃśikṣyate: ahaṃ ced evaṃdṛṣṭiḥ syām evaṃvādī: sarvaṃ me na kṣamata iti, dvābhyāṃ me sārdhaṃ syād vigrahaḥ, syād vivādaḥ | yaś ca evaṃdṛṣṭir evaṃvādī: sarvaṃ me kṣamata iti, yaś ca evaṃdṛṣṭir evaṃvādi: ekaṃ me kṣamate ekaṃ me na kṣamata iti | vigrahe sati vivādaḥ, vivāde sati vihiṃsā, iti sa tāṃ savigrahāṃ savivādāṃ savihiṃsāṃ ca samanupaśyann imāṃ ca dṛṣṭiṃ pratinisṛjati, anyāṃ ca dṛṣṭiṃ nopādatte | evam asyāś ca dṛṣṭeḥ prahāṇaṃ bhavati pratinisargo vāntībhāvaḥ | anyasyāś ca dṛṣṭer apratisaṃdhir anupādānam aprādurbhāvaḥ ||

Previous: 103.6
Next: 103.8
Up: 103

Linked texts (1)

Saṃyuktāgama (Sanskrit fragments) — Sanskrit