Apohaprakarana p88

p88

yat punaranena viparyayabādhakamuktam , abhidhānapratyayānuvṛttiḥ kutaścinnivṛtya kvacideva bhavantī nimittavatī | na cānyannimittamityādi | tanna samyak | anuvṛttamantareṇāpyabhidhānapratyayānuvṛtteḥ [atadrūpaparāvṛtta]svarūpaviśeṣādavaśyaṃ svīkārasya sādhitatvāt | tasmāt yathā svalakṣaṇātrivṛtya gotvāśvatvādāveva sāmānyaṃ sāmānyamityabhidhānapratyayānuvṛttiḥ kayācit pratyāsattyā bhavati, tathā vyaktiṣvapi bhavatu, etenānuvṛttavastuni sādhye'bhidhānapratyayānuvṛttiḥ, tenāsyā vyāptau ca viparyayavādhikā vyāpakānupalabdhirityubhayamanaikāntikamiti veditavyam | pratyāsattirityapi nāstya[nya]vyāvṛtteranyā | tathāhi gotvama[śva]sāmānyādvyāvṛttaṃ tathāśvatvadravyatvādikamapi, evaṃ yathaikā govyaktiragotaḥ parāvṛttā tathā'nyāpi | asyā api bhedābhedacintāmaukharye śaktivadevottaram | tataśca ye'rthā atadrūpaparāvṛttyā parasparaṃ pratyāsannāste teṣvekadarśanānantaramaparadṛṣṭau anuvṛttapratyayamutpādayanti nānye | saiva ca śaktiḥ, na jātyātmā | anyathā,