Collected works of Jñānaśrīmitra 6.58

Jñānaśrīmitranibandhāvalī 6.58

Language: Sanskrit

6.58

etacca kṣaṇabhaṅge sahakārivādādavadhāryam . sā ca pratyāsattiḥ kāraṇaparamparāyātetyanantaramuktameva . avaśyaṃ ca hetukṛtaḥ pratyāsattiviśeṣa eṣitavyaḥ, yataḥ kāścideva vyaktayo jātyadhiṣṭhānabhājanībhavanti netarāḥ . anyathātve tu sāmagrīniyamācca niyatajātimat kārya bhavatīti uktamaparitrāṇaṃ bhūṣaṇasya syāt . tathā ca sati, tulye bhede yathā jātiḥ pratyāsattyā prasarpati . kvacinnānyatra saivāstu śabdajñānanibandhanam .. pra. vā. 3. 161—2 kimatra jātyā ?

Previous: 6.57
Next: 6.59
Up: 6

Linked texts (2)

Ratnakīrtinibandhāvalī — Ratnakīrti, Sanskrit
Apohaprakaraṇa — Jñānaśrīmitra, Sanskrit