Karunapundarikasutra 90

90

དབྱངས་ཀྱི་དབང་ཕྱུག་རྒྱལ་པོ་ཡོངས་སུ་མྱ་ངན་ལས་འདས་ཤིང་དེར་དམ་པའི་ཆོས་ནུབ་ནས་བར་གྱི་བསྐལ་པ་དྲུག་ཅུ་འདས་པ་ན་འཇིག་རྟེན་གྱི་ཁམས་དེ་ནི་ལྷུན་པོའི་འོད་ཅེས་བྱ་བར་འགྱུར་རོ། །དེར་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བློ་གྲོས་བསམ་ཡས་ཡོན་ཏན་རྒྱལ་པོ་ཞེས་བྱ་བ་འབྱུང་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབང་པོའི་དབྱངས་ཀྱི་དབང་ཕྱུག་རྒྱལ་པོའི་འཇིག་རྟེན་གྱི་ཁམས་དབང་པོ་ལྟར་ཤིན་ཏུ་མཛེས་པའི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཅི་འདྲ་བར་དེ་བཞིན་གཤེགས་པ་བློ་གྲོས་བསམ་ཡས་ཡོན་ཏན་རྒྱལ་པོའི་འཇིག་རྟེན་གྱི་ཁམས་ལྷུན་པོའི་འོད་ཀྱི་ཡོན་ཏན་བཀོད་པ་ཡང་དེ་དང་འདྲ་བར་འགྱུར་རོ། །དེ་བཞིན་གཤེགས་པ་བློ་གྲོས་བསམ་ཡས་ཡོན་ཏན་རྒྱལ་པོ་དེའི་ཚེའི་ཚད་ནི་བར་གྱི་བསྐལ་པ་དྲུག་ཅུར་འགྱུར་རོ། །གང་གི་ཚེ་དེ་བཞིན་གཤེགས་པ་བློ་གྲོས་བསམ་ཡས་ཡོན་ཏན་རྒྱལ་པོ་ཡོངས་སུ་མྱ་ངན་ལས་འདས་པ་ན། དེའི་དམ་པའི་ཆོས་ནི་བར་གྱི་བསྐལ་པ་བཅུ་དྲུག་ཏུ་གནས་པར་འགྱུར་ཏེ། དེའི་དམ་པའི་ཆོས་ནུབ་ནས་བར་གྱི་བསྐལ་པ་སྟོང་འདས་པ་ན་འཇིག་རྟེན་གྱི་ཁམས་དེ་ནི་རྣམ་པར་དགའ་བ་ཞེས་བྱ་བར་འགྱུར་རོ། །དེར་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཟེར་ཞེས་བྱ་བ་འབྱུང་བར་འགྱུར་ཏེ། དེ་ཡང་སྔ་མ་དང་ཚེའི་ཚད་མཉམ་པ་དང་། འཇིག་རྟེན་གྱི་ཁམས་མཚུངས་པར་འགྱུར་བར་སྦྱར་རོ། །དེ་བཞིན་དུ་ཡོངས་སུ་མྱ་ངན་ལས་འདས་ནས་དམ་པའི་ཆོས་ནུབ་པ་ན། འཇིག་རྟེན་གྱི་ཁམས་དེ་ནི་རྩིབས་ཞེས་བྱ་བར་འགྱུར་རོ། །དེ་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དབང་ཕྱུག་དབྱངས་ཞེས་བྱ་བ་འབྱུང་བར་འགྱུར་ཏེ། སངས་རྒྱས་ཀྱི་ཞིང་གི་ཡོན་ཏན་བཀོད་པ་ནི་མཚུངས་སོ། །དེ་ཡང་བར་གྱི་བསྐལ་པ་ལྔར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་པར་འགྱུར་རོ། །དེ་ཡོངས་སུ་མྱ་ངན་ལས་འདས་པ་ན། དེའི་དམ་པའི་ཆོས་ནི་བར་གྱི་བསྐལ་པ་བདུན་དུ་གནས་པར་འགྱུར་རོ། །དེར་དམ་པའི་

Indra­ghoṣeśvara­rāja has passed into parinirvāṇa, his Dharma will come to an end, and after sixty intermediate eons have passed, that realm will be named Meruprabhā. In that realm will appear the tathāgata arhat samyaksam­buddha named Acintyamatiguṇa­rāja. The array of qualities in Meruprabhā, the realm of the tathāgata arhat samyaksam­buddha Acintyamatiguṇa­rāja, will be the same as the array of qualities in the tathāgata arhat samyaksam­buddha Indra­ghoṣeśvara­rāja’s buddha realm.

“ ‘The tathāgata arhat samyaksam­buddha Acintyamatiguṇa­rāja’s lifespan will be sixty intermediate eons. When the tathāgata arhat samyaksam­buddha Acintyamatiguṇa­rāja passes into parinirvāṇa, his Dharma will remain for sixteen intermediate eons. One thousand intermediate eons after his Dharma has come to an end, that realm will have the name Virati. In that realm will appear the tathāgata arhat samyaksam­buddha named Raśmi. His lifespan will be the same as the former buddha, and his realm will be the same. After he has passed into parinirvāṇa and his Dharma has come to an end, that realm will have the name Aparā. That realm will have the same array of buddha-realm qualities, and in it will appear the tathāgata arhat samyaksam­buddha named Ratneśvaraghoṣa. He will reside, live, and remain for five¹⁷⁴ intermediate eons and teach the Dharma. When he has passed into parinirvāṇa, his Dharma will remain for seven intermediate eons, and