Madhyamakashalistambasutra 17
Madhyamakaśālistambasūtra 17
- Language
- Sanskrit
17
yaḥ kaścidbhadanta śāradvatīputra imaṃ pratītyasamutpādaṃ bhagavatā tathāgatena samyakpraṇītaṃ yathābhūtaṃ samyakprajñayā satatasamitaṃ ajīvaṃ nirjīvaṃ yathāvad (vi)parītaṃ ajātaṃ abhūtaṃ akṛtaṃ asaṃskṛtaṃ apramitaṃ anāvaraḥaṃ śivaṃ abhayaṃ ahāryaṃ avyayaṃ avyupaśamasvabhāvaṃ paśyati, asatyato 'saktataḥ asārato rogato gaḥḍataḥ śalyato 'nityataḥ duḥkhataḥ śūnyato 'nātmataḥ samanupaśyati, sa na pūrvāntaṃ pratisarati - kimahamabhūvamatīte 'dhvani āhosvinnābhūvamatīte 'dhvani, ko nvahamabhūvamatīte 'dhvani | aparāntaṃ vā punarna pratisarati - kiṃ nu bhaviṣyāmyahamanāgate 'dhvani, āhosvinna bhaviṣyāmyahamanāgate 'dhvani, ko nvahaṃ bhaviṣyāmīti | pratyutpannaṃ vā punarna pratisarati - kiṃ nvidam, kathaṃsvididam, ki santaḥ ke bhaviṣyāma iti ||
Linked texts (4)
- Input by M. Rozehnal and J. Braarvig (after Bendall 1897–1902) — Sanskrit
- བསླབ་པ་ཀུན་ལས་བཏུས་པ — Classical Tibetan
- Śālistambasūtra — Sanskrit
- འཕགས་པ་སཱ་ལུའི་ལྗང་པ་ཞེས་བྱ་བ་ཐེག་པ་ཆེན་པོའི་མདོ — Classical Tibetan