The Sūtra of Golden Light 2: Bam po 2

2.1

ལེའུ་སྟེ་གཉིས་པའོ།། །།གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ། བམ་པོ་གཉིས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་འཁོར་མང་པོའི་ནང་ནས་འདུག་པའི་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་གུས་པས་ཐལ་མོ་སྦྱར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ། གསེར་དང་རིན་པོ་ཆེའི་མེ་ཏོག་དང་རིན་པོ་ཆེའི་རྒྱལ་མཚན་དང་། བ་དན་དང་། གདུགས་མཆོག་དམ་པས་མཆོད་པ་བྱས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་དེ་བཞིན་གཤེགས་པ་རྣམས་ཀྱི་ཤིན་ཏུ་ཟབ་པའི་གསང་བ་དག་ལ་ཆོས་བཞིན་དུ་མངོན་པར་བསྒྲུབ་པར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལེགས་པར་ཉོན་ལ་ཤིན་ཏུ་ཡིད་ལ་ཟུངས་ཤིག་དང་། ངས་ཁྱོད་ལ་རྣམ་པར་ཕྱེ་སྟེ་བསྟན་པར་བྱའོ། །རིགས་ཀྱི་བུ་དེ་བཞིན་གཤེགས་པ་ཐམས་ཅད་ལ་སྐུ་རྣམ་པ་གསུམ་མངའ་སྟེ་གསུམ་གང་ཞེ་ན། སྤྲུལ་པའི་སྐུ་དང་ལོངས་སྤྱོད་རྫོགས་པའི་སྐུ་དང་ཆོས་ཀྱི་སྐུ་གང་ཡིན་པའོ། །འདི་ལྟར་སྐུ་རྣམ་པ་གསུམ་པོ་འདི་དག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཕུན་སུམ་ཚོགས་པ་ཡོངས་སུ་སྡུད་བར་བྱེད་དེ། གང་གིས་ཡང་དག་པར་རྟོགས་ཤིང་ཁོང་དུ་ཆུད་པར་གྱུར་ན་མྱུར་དུ་འཁོར་བ་ལས་ངེས་པར་འབྱུང་བར་འགྱུར་རོ། །བྱང་ཆུབ་སེམས་དཔས་ཇི་ལྟར་སྤྲུལ་པའི་སྐུ་ཁོང་དུ་ཆུད་པར་བྱ་ཞེ་ན། རིགས་ཀྱི་བུ་དེ་བཞིན་གཤེགས་པ་ནི་སྔོན་སྤྱོད་པའི་ས་ལ་གནས་པ་ན་སེམས་ཅན་ཐམས་ཅད་ཀྱི་ཆེད་དུ་ཆོས་རྣམ་པ་སྣ་ཚོགས་མངོན་པར་བསྒྲུབས་སོ། །དེ་ལྟར་མངོན་པར་བསྒྲུབས་པ་ཡང་རྣལ་འབྱོར་ཡོངས་སུ་རྫོགས་པའི་བར་དུ་མངོན་པར་བསྒྲུབས་པས་རྣལ་འབྱོར་བསྒོམས་པའི་སྟོབས་ཀྱིས་ནི་མངའ་ཆེན་པོ་བརྙེས་ལ། མངའ་ཆེན་པོ་བརྙེས་པའི་མཐུས་ནི་སེམས་ཅན་གྱི་བསམ་པ་ཇི་ལྟ་བ་དང་སེམས་ཅན་གྱི་སྤྱོད་པ་ཇི་ལྟ་བ་དང་སེམས་ཅན་གྱི་ཁམས་ཇི་ལྟ་བ་བཞིན་དུ་

Chapter 3: The Differentiation of the Three Bodies

¹⁴⁷ Then the bodhisattva mahāsattva Ākāśagarbha rose from his seat among that great assembly and, with his upper robe over one shoulder, knelt on his right knee, reverently placed his palms together, and bowed his head to the Bhagavat’s feet. He made offerings of flowers made of gold and jewels, precious banners, flags, and sublime, supreme parasols, and then he asked the Bhagavat, “Bhagavat, how can bodhisattva mahāsattvas accomplish in accordance with the Dharma the extremely profound secret of the tathāgatas?”

The Bhagavat said, “Noble one, listen well and keep this in mind! I shall reveal that to you.

“Noble one, all tathāgatas have three kinds of bodies. What are these three? They are the emanation body, the perfect enjoyment body, and the Dharma body. Just so, these three bodies are comprised within the perfection of the highest, most complete enlightenment. Whoever understands and comprehends this will quickly set forth from saṃsāra.¹⁴⁸

“How should bodhisattvas understand the emanation body? Noble one, in the past, when the tathāgatas were purifying the bhūmis, they accomplished all kinds of Dharma for the sake of all beings. Though they accomplished them, they continued to accomplish them until they had perfected their practice, so that through the strength of their meditation practice they gained great mastery. Through the power of that great mastery, they understood what the aspirations of all beings were, what the types of conduct of all beings were, what the natures of all beings were,

2.2

ཐམས་ཅད་ཐུགས་སུ་ཆུད་པས་དུས་ལ་ཡང་མི་གཞེས་ཤིང་། དུས་དང་གནས་ལས་ཀྱང་ཡོལ་བར་མི་མཛད་པས་དུས་དང་མཐུན་ཞིང་སྤྱོད་པ་དང་མཐུན་པར་རྗེས་སུ་མཐུན་པའི་ཆོས་སྟོན་པ་དང་། སྐུ་རྣམ་པ་སྣ་ཚོགས་སྟོན་པ་གང་ཡིན་པ་དེ་ནི་སྤྲུལ་པའི་སྐུ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔས་ཇི་ལྟར་ལོངས་སྤྱོད་རྫོགས་པའི་སྐུ་ཁོང་དུ་ཆུད་པར་བྱ་ཞེ་ན། འདི་ལྟར་དེ་བཞིན་གཤེགས་པ་རྣམས་བྱང་ཆུབ་སེམས་དཔའ་རྣམས་ཀྱིས་མངོན་པར་རྟོགས་པ་འཐོབ་པར་བྱ་བའི་ཕྱིར་དང་། དོན་དམ་པའི་བདེན་པ་བསྟན་ནས་འཁོར་བ་དང་མྱ་ངན་ལས་འདས་པ་རོ་གཅིག་པ་ཉིད་དུ་ཤེས་པར་བྱ་བའི་ཕྱིར་དང་། འཇིག་ཚོགས་ལ་ལྟ་བ་ཡོངས་སུ་བསལ་ནས་འཇིགས་ཤིང་སྐྲག་པ་དང་རབ་ཏུ་དགའ་བ་བསྐྱེད་པའི་ཕྱིར་དང་། སངས་རྒྱས་ཀྱི་ཆོས་མཐའ་མེད་པའི་གཞི་མཛད་པའི་ཕྱིར་དང་། ཡང་དག་པ་ཇི་ལྟ་བ་བཞིན་དུ་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་དང་། སྔོན་གྱི་སྨོན་ལམ་གྱི་སྟོབས་དང་རྗེས་སུ་མཐུན་པའི་ཕྱིར་སྐུ་གང་གིས་མཚན་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུ་ཕུན་སུམ་ཚོགས་པ་དང་། དབུ་དང་། རྒྱབ་ཀྱི་འོད་ཡོངས་སུ་རྫོགས་པ་སྟོན་པ་གང་ཡིན་པ་དེ་ནི་ལོངས་སྤྱོད་རྫོགས་པའི་སྐུ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་ཆོས་ཀྱི་སྐུ་ཁོང་དུ་ཆུད་པར་བྱ་ཞེ་ན། ཉོན་མོངས་པའི་སྒྲིབ་པ་ལ་སོགས་པ་ཡོངས་སུ་བསལ་ནས་དགེ་བའི་ཆོས་རྣམས་ཡོངས་སུ་རྫོགས་པར་གྱུར་པའི་ཕྱིར་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་ཁོ་ན་དང་ལྡན་པར་གྱུར་པ་གང་ཡིན་པ་དེ་ནི་ཆོས་ཀྱི་སྐུ་ཞེས་བྱའོ། །སྐུ་སྔ་མ་རྣམ་པ་གཉིས་ནི་བཏགས་པ་ཙམ་དུ་ཡོད་པ་ཡིན་ལ་སྐུ་གསུམ་པ་འདི་ནི་ཡང་དག་པར་ཡོད་པ་ཡིན་ཏེ། སྐུ་སྔ་མ་གཉིས་ཀྱི་རྩ་བར་གྱུར་པའི་ཕྱིར་རོ། །དེ་ཅིའི་ཕྱིར་ཞེ་ན། ཆོས་ཀྱི་དེ་བཞིན་ཉིད་དང་། རྣམ་པར་མི་རྟོག་པའི་ཡེ་ཤེས་ལས་མ་གཏོགས་པར་སངས་རྒྱས་ཐམས་ཅད་ལས་གུད་ན་ཆོས་གཞན་མི་མངའ་སྟེ། སངས་རྒྱས་ཐམས་ཅད་ནི་མཁྱེན་པ་ཕུན་སུམ་ཚོགས་པར་གྱུར་ན་ཉོན་མོངས་པ་ཐམས་ཅད་གཏན་དུ་ཉེ་བར་ཞི་ཞིང་

and without engaging in time or missing a time or place, they teach the appropriate Dharma in accordance with the time and with those types of conduct,¹⁴⁹ and the various kinds of bodies that they manifest are called emanation bodies.

“Noble one, how should bodhisattvas understand the enjoyment body?¹⁵⁰ In this way: in order that bodhisattvas will attain realization,¹⁵¹ in order to teach the ultimate truth so that they will know the one taste of saṃsāra and nirvāṇa, in order to dispel the view of belief in a self, in order to make frightened and terrified beings become happy,¹⁵² in order to create the basis for endless Dharmas of the buddhas, and in order to be exactly in accord with the true nature, the wisdom of the true nature, and the power of past prayers, the tathāgatas have bodies with the perfection of the thirty-two signs and eighty features of a great being, with perfect auras of light around their heads and bodies. Those are what are called the enjoyment bodies.

“Noble one, how should bodhisattva mahāsattvas understand the Dharma body? Because the kleśa obscurations and so on have been completely dispelled and virtuous qualities have been made totally complete, there is solely the possession of the true nature and the wisdom of the true nature. That is what is called the Dharma body.

“The first two bodies are merely designations, while the Dharma body is true and the basis for those two other bodies. Why is that? It is because there is only the true nature of phenomena and nonconceptual wisdom, and there are no other qualities that are separate from all buddhas.

2.3

ཟད་ནས་སངས་རྒྱས་ཀྱིས་རྣམ་པར་དག་པ་བརྙེས་པར་འགྱུར་བས། དེའི་ཕྱིར་ཆོས་ཀྱི་དེ་བཞིན་ཉིད་དང་དེ་བཞིན་ཉིད་ཀྱི་ཡེ་ཤེས་ཀྱིས་ནི་སངས་རྒྱས་ཀྱི་ཆོས་ཐམས་ཅད་ཡོངས་སུ་སྡུད་པར་འགྱུར་རོ། །གཞན་ཡང་རིགས་ཀྱི་བུ་སངས་རྒྱས་ཐམས་ཅད་ནི་བདག་དང་གཞན་ལ་ཕན་འདོགས་པའི་མཐར་བྱོན་པ་ཡིན་པས། བདག་ལ་ཕན་འདོགས་པ་ནི་ཆོས་ཀྱི་དེ་བཞིན་ཉིད་དོ། །གཞན་ལ་ཕན་འདོགས་པ་ནི་དེ་བཞིན་ཉིད་ཀྱི་ཡེ་ཤེས་སོ། །བདག་དང་གཞན་ལ་ཕན་འདོགས་པར་མཛད་པ་ལ་མངའ་བརྙེས་ནས་མཛད་པ་མཐའ་ཡས་པ་རྣམ་པ་སྣ་ཚོགས་ཡོངས་སུ་རྫོགས་པར་གྱུར་པའི་ཕྱིར་དེ་ལྟ་བས་ན་སངས་རྒྱས་ཀྱི་ཆོས་ཐམས་ཅད་བྱེ་བྲག་ཐ་དད་པ་རྣམ་པ་སྣ་ཚོགས་ཚད་མེད་ཅིང་མཐའ་མེད་པ་སྙེད་ཡོད་པར་རྣམ་པར་ཕྱེ་བ་ཡིན་ནོ། །རིགས་ཀྱི་བུ་འདི་ལྟ་སྟེ་དཔེར་ན་ཡང་དག་པ་མ་ཡིན་པའི་རྣམ་པར་རྟོག་པ་ལ་བརྟེན་ནས་ཉོན་མོངས་པ་རྣམ་པ་སྣ་ཚོགས་དང་། ལས་ཀྱི་རྒྱུ་རྣམ་པ་སྣ་ཚོགས་དང་། འབྲས་བུ་རྣམ་པར་སྨིན་པ་རྣམ་པ་སྣ་ཚོགས་བསྟན་པ་དེ་བཞིན་དུ་ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་ལ་བརྟེན་ནས་ཀྱང་སངས་རྒྱས་ཀྱི་ཆོས་རྣམ་པ་སྣ་ཚོགས་དང་། རང་སངས་རྒྱས་ཀྱི་ཆོས་རྣམ་པ་སྣ་ཚོགས་དང་། ཉན་ཐོས་ཀྱི་ཆོས་རྣམ་པ་སྣ་ཚོགས་སྟོན་པར་མཛད་དོ། །ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་ལ་བརྟེན་ནས་སངས་རྒྱས་ཀྱི་ཆོས་ཐམས་ཅད་ལ་རང་དབང་ཐོབ་ནས་ཕུན་སུམ་ཚོགས་པར་འགྱུར་བས་འདི་ནི་མཆོག་ཏུ་བསམ་གྱིས་མི་ཁྱབ་པ་ཞེས་བྱའོ། །འདི་ལྟ་སྟེ་དཔེར་ན་ནམ་མཁའ་ལ་རི་མོ་བྲིས་ཏེ་རྒྱན་དུ་བྱེད་པ་གང་ཡིན་པ་དེ་ནི་བསམ་གྱིས་མི་ཁྱབ་པ་ཡིན་ནོ། །དེ་བཞིན་དུ་ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་ལ་བརྟེན་ནས་སངས་རྒྱས་ཀྱི་ཆོས་ཡོངས་སུ་རྫོགས་པར་བྱེད་པ་ཡང་བསམ་གྱིས་མི་ཁྱབ་པ་ཡིན་ནོ། །རིགས་ཀྱི་བུ་ཇི་ལྟར་ན་ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་གཉིས་ལ་རྣམ་པར་རྟོག་པ་མི་མངའ་བར་ཡང་རང་གི་ངང་གིས་མཛད་པའི་དངོས་པོ་དག་ཕུན་སུམ་ཚོགས་པར་འགྱུར་ཞེ་ན། རིགས་ཀྱི་བུ་

All buddhas have a perfection of wisdom, and all their kleśas have completely ceased and ended so that the buddhas have attained purity. Therefore, all buddha qualities are contained within the true nature and the wisdom of the true nature.

“Moreover, noble one, all buddhas have attained the mastery of benefit for oneself and for others;¹⁵³ the benefit for oneself is the true nature of phenomena, and the benefit for others is the wisdom of the true nature. Because they have attained the power to benefit self and others, there is a perfect variety of endless deeds, and thus they reveal the endless, countless specific and different varieties of all the Dharmas¹⁵⁴ of the buddhas.

“As an analogy, noble one, on the basis of incorrect thought, various kleśas, various karmic causes, and various ripened results are manifested. In the same way, on the basis of the true nature of phenomena and the wisdom of the true nature, the various kinds of qualities of the buddhas, the various kinds of qualities of the pratyekabuddhas, and the various kinds of qualities of the śrāvakas are manifested.

“On the basis of the true nature of phenomena and the wisdom of the true nature, there is the attainment of the power over the qualities of buddhahood, which are supremely inconceivable. As an analogy, adorning the sky by painting a picture on it is inconceivable; in the same way, the accomplishment of the qualities of buddhahood on the basis of the true nature of phenomena and the wisdom of the true nature is inconceivable.

“Noble one, when there are no thoughts within the true nature of phenomena and the wisdom of the true nature, how can it have perfect, spontaneous activity?

2.4

འདི་ལྟ་སྟེ་དཔེར་ན་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པར་སྨོན་ལམ་ལ་མངའ་བརྙེས་པའི་ཕྱིར་མཛད་པའི་དངོས་པོ་རྣམ་པ་སྣ་ཚོགས་པ་ཕུན་སུམ་ཚོགས་པར་འགྱུར་བ་དེ་བཞིན་དུ་ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་མཛད་པའི་དངོས་པོ་དེ་དག་ཡོངས་སུ་གྲུབ་པ་ལ་མངའ་བརྙེས་པ་ཡང་དེ་བཞིན་ནོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སེམས་མེད་པའི་ཏིང་ངེ་འཛིན་ལ་སྙོམས་པར་འཇུག་ཀྱང་སྔོན་གྱི་སྨོན་ལམ་ལ་བརྟེན་ནས་ཏིང་ངེ་འཛིན་ལས་ལངས་ཏེ་བྱ་བ་མང་པོ་རྣམས་ལ་མངོན་པར་འདུ་བྱེད་དོ། །དེ་བཞིན་དུ་ཆོས་གཉིས་པོ་དག་ལ་རྣམ་པར་རྟོག་པ་མི་མངའ་བར་ཡང་རང་གི་ངང་གིས་མཛད་པ་དག་ཡོངས་སུ་རྫོགས་པར་འགྱུར་རོ། །རིགས་ཀྱི་བུ་འདི་ལྟ་སྟེ་དཔེར་ན་ཉི་མ་དང་ཟླ་བ་ལ་ཡང་རྣམ་པར་རྟོག་པ་མེད། ཆུ་དང་མེ་ལོང་ལ་ཡང་རྣམ་པར་རྟོག་པ་མེད། འོད་སྣང་བ་ལ་ཡང་རྣམ་པར་རྟོག་པ་མེད་མོད་ཀྱི། འོན་ཀྱང་གསུམ་འདུས་པ་ལས་གཟུགས་བརྙན་འབྱུང་བར་འགྱུར་རོ། །དེ་བཞིན་དུ་ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་ལ་ཡང་རྣམ་པར་རྟོག་པ་མི་མངའ་མོད་ཀྱི། འོན་ཀྱང་སྨོན་ལམ་ལ་མངའ་བརྙེས་པའི་ཕྱིར་སེམས་ཅན་སྐལ་བ་དང་ལྡན་པ་དག་ལ་ལོངས་སྤྱོད་རྫོགས་པ་དང་། སྤྲུལ་པའི་སྐུ་ཉི་ཟླའི་གཟུགས་བརྙན་འདུས་པ་ལས་སྣང་བ་བཞིན་དུ་སྟོན་པར་མཛད་དོ། །གཞན་ཡང་རིགས་ཀྱི་བུ་འདི་ལྟ་སྟེ་དཔེར་ན་ཚད་མེད་དཔག་ཏུ་མེད་པའི་ཆུ་དང་མེ་ལོང་དག་འོད་སྣང་བ་ལ་བརྟེན་པའི་ཕྱིར་ནམ་མཁའ་ལ་གཟུགས་བརྙན་མཚན་མ་ཐ་དད་པ་རྣམ་པ་སྣ་ཚོགས་སྟོན་པར་བྱེད་ཀྱང་ནམ་མཁའ་ནི་མཚན་མ་མེད་པ་ཉིད་དོ། །རིགས་ཀྱི་བུ་དེ་བཞིན་དུ་སློབ་མ་རྣམས་འདུལ་བ་གང་ཡིན་པ་དེ་ནི་ཆོས་ཀྱི་སྐུའི་གཟུགས་བརྙན་ཡིན་ཏེ། སྨོན་ལམ་གྱི་མཐུས་སྐུ་རྣམ་པ་གཉིས་ལས་མཚན་མ་རྣམ་པ་སྣ་ཚོགས་སྣང་ཡང་ཆོས་ཀྱི་སྐུའི་ས་ལ་ནི་ཐ་དད་པའི་མཚན་མ་མི་མངའོ། །རིགས་ཀྱི་བུ་སྐུ་གཉིས་པོ་དེ་དག་ལ་བརྟེན་ནས་ནི་སངས་རྒྱས་ཐམས་ཅད་ཀྱིས་ལྷག་མ་དང་བཅས་པའི་མྱ་ངན་ལས་འདས་པ་བསྟན་ཏོ། །ཆོས་ཀྱི་སྐུ་དེ་ལ་བརྟེན་ནས་ནི་ལྷག་མ་

“As an example, noble one, although the tathāgatas pass into nirvāṇa, because they have attained mastery of prayer, there is a perfection of various kinds of activities. In the same way, the true nature and the wisdom of the true nature have attained mastery over the accomplishment of deeds.

“Also, although bodhisattva mahāsattvas enter equanimity within samādhi, because of their past prayers they rise from that samādhi and engage in many activities.

“Similarly, although there are no thoughts in either of those qualities, there is a spontaneous perfection of activities.

“As an analogy, noble one, the sun and moon have no thoughts, water and mirrors have no thoughts, and light has no thoughts; nevertheless, the combination of these three causes reflections to appear. In the same way, there are no thoughts in the true nature of phenomena and the wisdom of that true nature; nevertheless, because of the mastery of prayer, in the same way that through a combination of factors the reflections of the sun and moon appear, through a combination of factors the enjoyment bodies and the emanation bodies manifest their appearances to beings who are worthy.

“Moreover, noble one, extending the analogy, there are countless, innumerable waters and mirrors, and because of light, they manifest various kinds of different characteristics of reflections in space,¹⁵⁵ but space has no characteristics.

“In the same way, noble one, that which guides pupils are the reflections of the Dharma body. Through the power of prayers, the various features appear from the other two bodies,¹⁵⁶ but on the level of the Dharma body there are no diverse features.

“Noble one, it is on the basis of those two bodies that it is taught that there is the nirvāṇa with a remainder of all buddhas.

2.5

མེད་པའི་མྱ་ངན་ལས་འདས་པ་བསྟན་ཏོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་མཐར་ཟད་པར་འགྱུར་བའི་ཕྱིར་རོ། །སྐུ་གསུམ་པོ་འདི་དག་ལ་བརྟེན་ནས་ནི་སངས་རྒྱས་ཐམས་ཅད་ཀྱིས་མི་གནས་པའི་མྱ་ངན་ལས་འདས་པ་བསྟན་ཏོ། །སྐུ་གཉིས་ཀྱི་ཕྱིར་ནི་མྱ་ངན་ལས་འདས་པ་ལ་མི་གནས་ཏེ། ཆོས་ཀྱི་སྐུ་ལས་གུད་ན་ཡང་སངས་རྒྱས་གཞན་མེད་པས་སོ། །ཅིའི་ཕྱིར་སྐུ་གཉིས་མྱ་ངན་ལས་འདས་པ་ལ་མི་གནས་ཞེ་ན། སྐུ་གཉིས་པོ་དེ་དག་ནི་བརྟགས་པ་ཙམ་སྟེ། ཡང་དག་པ་མ་ཡིན་པས་སྐད་ཅིག་མར་སྐྱེ་ཞིང་འགག་པ་དང་བཅས་པས་ངེས་པར་མི་གནས་པའི་ཕྱིར་ཡང་དང་ཡང་དུ་འབྱུང་ཞིང་ངེས་པ་མེད་པའི་ཕྱིར་རོ། །ཆོས་ཀྱི་སྐུ་ནི་དེ་ལྟ་མ་ཡིན་པས་དེའི་ཕྱིར་སྐུ་གཉིས་པོ་མྱ་ངན་ལས་འདས་པ་ལ་མི་གནས་སོ། །ཆོས་ཀྱི་སྐུ་ནི་གཉིས་སུ་མེད་པས་དེའི་ཕྱིར་མྱ་ངན་ལས་འདས་པ་ལ་མི་གནས་ཏེ། དེ་ལྟ་བས་ན་སྐུ་གསུམ་པོ་དེ་དག་ལ་བརྟེན་ནས་མི་གནས་པའི་མྱ་ངན་ལས་འདས་པ་བསྟན་པ་ཡིན་ནོ། །རིགས་ཀྱི་བུ་སོ་སོའི་སྐྱེ་བོ་ཐམས་ཅད་ནི་མཚན་ཉིད་གསུམ་དང་ལྡན་པའི་ཕྱིར་འཆིང་བ་དང་བཅས་ཤིང་སྒྲིབ་པ་དང་བཅས་པས་སྐུ་གསུམ་པོ་དག་ཐག་རིང་དུ་སྤོང་ཞིང་སྐུ་གསུམ་པོ་དག་དང་ཉེ་བར་མི་འགྱུར་རོ། །གསུམ་གང་ཞེ་ན། ཀུན་ཏུ་བརྟགས་པའི་མཚན་ཉིད་དང་། གཞན་གྱི་དབང་ལས་བྱུང་བའི་མཚན་ཉིད་དང་ཡོངས་སུ་གྲུབ་པའི་མཚན་ཉིད་དོ། །འདི་ལྟར་མཚན་ཉིད་འདི་དག་ཡོངས་སུ་མ་ཤེས་པའི་ཕྱིར་དང་ཞི་བར་མ་གྱུར་པའི་ཕྱིར་དང་ཡོངས་སུ་མ་དག་པའི་ཕྱིར་ཏེ། དེ་ལྟ་བས་ན་སྐུ་གསུམ་པོ་འདི་དག་དང་ཉེ་བར་མ་གྱུར་པ་ཡིན་ནོ། །འདི་ལྟར་མཚན་ཉིད་གསུམ་པོ་འདི་དག་ཤེས་ཤིང་ཉེ་བར་ཞི་བ་དང་ཡོངས་སུ་དག་པར་གྱུར་པའི་ཕྱིར་དེ་ལྟ་བས་ན་སངས་རྒྱས་བཅོམ་ལྡན་འདས་རྣམས་སྐུ་གསུམ་དང་ལྡན་པར་འགྱུར་བ་ཡིན་ནོ། །རིགས་ཀྱི་བུ་བྱིས་པ་སོ་སོའི་སྐྱེ་བོ་རྣམས་ནི་སེམས་རྣམ་པ་གསུམ་པོ་འདི་དག་མ་སྤངས་པའི་ཕྱིར་སྐུ་གསུམ་པོ་དག་ཐག་རིང་དུ་སྤངས་ནས་ཉེ་བར་མི་འགྱུར་བ་ཡིན་ནོ། །གསུམ་གང་ཞེ་ན། བྱ་བ་སློང་བའི་སེམས་དང་། རྩ་བ་ལ་བརྟེན་པའི་སེམས་དང་། རྩ་

It is on the basis of the Dharma body that it is taught that there is nirvāṇa without a remainder. Why is that? It is because that is the final cessation of all phenomena. It is on the basis of all these three bodies that it is taught that there is the nirvāṇa without location of all buddhas.

“There is no remaining in nirvāṇa because of the two bodies, for there is no buddhahood other than the Dharma body.

“Why are the two bodies said to not be in nirvāṇa? Because those two bodies are merely designations and have no validity; they arise and cease with each instant and are not definitively present. They are not definitive because they arise repeatedly. The Dharma body is not like that, and therefore those two bodies are not nirvāṇa. The Dharma body is nondual in relation to them,¹⁵⁷ and therefore it does not dwell in nirvāṇa. Therefore, it is on the basis of all three bodies that nirvāṇa without location is taught.

“Noble one, all ordinary beings are in bondage and have obscurations because of having three characteristics, and as a result are far from the three bodies. What are those three? They are the characteristic of the imputed, the characteristic of the dependent, and the characteristic of the ultimately real.

“It is because those characteristics are not known, have not ceased, and are not purified that they are not close to the three bodies. It is because those characteristics are known, have ceased, and are purified that the buddha bhagavats possess the three bodies.

“Noble one, childlike,¹⁵⁸ ordinary beings are far from the three bodies because they have not freed themselves from the three consciousnesses. What are those three? They are the consciousness that engages with things, the mentation that resides on the basis,

2.6

བའི་སེམས་གང་ཡིན་པའོ། །ཐུལ་བར་བྱེད་པའི་ལམ་རྣམས་ལ་བརྟེན་ནས་ནི་བྱ་བ་སློང་བའི་སེམས་ཟད་པར་འགྱུར་རོ། །ཆོས་ཀྱིས་སྤོང་བའི་ལམ་ལ་བརྟེན་ནས་ནི་རྩ་བ་ལ་བརྟེན་པའི་སེམས་ཟད་པར་འགྱུར་རོ། །མཆོག་ཏུ་འགྱུར་བའི་ལམ་ལ་བརྟེན་ནས་ནི། རྩ་བའི་སེམས་ཟད་པར་འགྱུར་རོ། །བྱ་བ་སློང་བའི་སེམས་ཉེ་བར་ཞི་བར་གྱུར་པའི་ཕྱིར་ནི་སྤྲུལ་པའི་སྐུ་སྟོན་པར་འགྱུར་རོ། །རྩ་བ་ལ་བརྟེན་པའི་སེམས་ཉེ་བར་ཞི་བར་གྱུར་པའི་ཕྱིར་ནི་ལོངས་སྤྱོད་རྫོགས་པའི་སྐུ་སྟོན་པར་འགྱུར་རོ། །རྩ་བའི་སེམས་ཉེ་བར་ཞི་བར་གྱུར་པའི་ཕྱིར་ནི་ཆོས་ཀྱི་སྐུ་འཐོབ་པར་འགྱུར་བས་དེའི་ཕྱིར་དེ་བཞིན་གཤེགས་པ་ཐམས་ཅད་སྐུ་གསུམ་དང་ལྡན་པར་གྱུར་པ་ཡིན་ནོ། །རིགས་ཀྱི་བུ་སངས་རྒྱས་ཐམས་ཅད་ནི་སྐུ་དང་པོའི་དབང་གིས་སངས་རྒྱས་རྣམས་དང་མཛད་པ་མཚུངས་པ་དང་། སྐུ་གཉིས་པའི་དབང་གིས་སངས་རྒྱས་རྣམས་དང་དགོངས་པ་མཚུངས་པ་དང་། སྐུ་གསུམ་པའི་དབང་གིས་སངས་རྒྱས་རྣམས་དང་སྐུ་མཚུངས་པར་གྱུར་པ་ཡིན་ནོ། །རིགས་ཀྱི་བུ་སངས་རྒྱས་རྣམས་ཀྱི་སྐུ་དང་པོ་གང་ཡིན་པ་དེ་ནི་སེམས་ཅན་གྱི་མོས་པའི་རྗེས་སུ་རྣམ་པ་མང་པོ་དང་ལྡན་པའི་ཕྱིར་མཚན་ཉིད་སྣ་ཚོགས་སྟོན་པར་མཛད་པས་དེའི་ཕྱིར་མང་པོར་བསྟན་པ་ཡིན་ནོ། །སངས་རྒྱས་ཀྱི་སྐུ་གཉིས་པ་གང་ཡིན་པ་དེ་ནི་སློབ་མ་རྣམས་ཡིད་གཅིག་ཏུ་གྱུར་པའི་ཕྱིར་མཚན་ཉིད་གཅིག་ཁོ་ན་སྟོན་པར་མཛད་པས་དེའི་ཕྱིར་གཅིག་ཏུ་བསྟན་པ་ཡིན་ནོ། །སངས་རྒྱས་ཀྱི་སྐུ་གསུམ་པ་གང་ཡིན་པ་དེ་ནི་མཚན་མ་གཉིས་ཀྱི་རྣམ་པ་ཐམས་ཅད་ཀུན་ཏུ་ཁྱབ་ཅིང་མཚན་ཉིད་དུ་འཛིན་པའི་སྤྱོད་ཡུལ་མ་ཡིན་པས་དེའི་ཕྱིར་གཅིག་པ་ཡང་མ་ཡིན་ཐ་དད་པ་ཡང་མ་ཡིན་པ་ཞེས་བསྟན་ཏོ། །རིགས་ཀྱི་བུ་སྐུ་དང་པོ་གང་ཡིན་པ་དེ་ནི་ལོངས་སྤྱོད་རྫོགས་པའི་སྐུ་ལ་བརྟེན་ནས་རབ་ཏུ་སྣང་བར་འགྱུར་རོ། །སྐུ་གཉིས་པ་གང་ཡིན་པ་དེ་ནི་ཆོས་ཀྱི་སྐུ་ལ་བརྟེན་ནས་རབ་ཏུ་སྣང་བར་འགྱུར་རོ། །ཆོས་ཀྱི་སྐུ་གང་ཡིན་པ་དེ་ནི་ཡང་དག་པར་ཡོད་པ་མ་ཡིན་པས་བརྟེན་པའི་གནས་ཅི་ཡང་མི་མངའོ། །རིགས་ཀྱི་བུ་འདི་ལྟར་ཆོས་གསུམ་པོ་དེ་དག་ནི་རྟག་པའི་དོན་དང་ལྡན་པའི་ཕྱིར་ནི་རྟག་པ་ཞེས་

and the basis consciousness.¹⁵⁹

“The engaging consciousness ceases through the path of subjugation.¹⁶⁰ The mentation that resides on the basis ceases through following the path of elimination. The basis consciousness is purified through the supreme path.

“The emanation body manifests because the engaging consciousness ceases. The enjoyment body manifests when the mentation that resides on the basis ceases. The Dharma body is attained because the basis consciousness is purified. That is why the tathāgatas possess the three bodies.

“Noble one, through the power of the first of those bodies,¹⁶¹ the buddhas have the same activity; through the power of the second of those bodies,¹⁶² the buddhas have the same intent; and through the power of the third body,¹⁶³ the buddhas have the same body.

“Noble one, that which is the first body of the buddhas has many forms in accord with the aspirations of beings, and therefore it manifests various characteristics and so it is taught to be multiple. The second body of the buddhas, because its disciples have one mentality, manifests a single characteristic, and so it is taught to be single. The third body of the buddhas pervades¹⁶⁴ all the forms of those two characteristics and is not a field of experience that possesses characteristics, and therefore it is taught to be neither the same nor different.

“Noble one, that which is the first body appears on the basis of the enjoyment body. That which is the second body appears on the basis of the Dharma body. That which is the Dharma body is not truly existent,¹⁶⁵ and so it is not based on anything.

2.7

བྱའོ། །བསྟན་ལ་མི་རྟག་པའི་དོན་དང་ལྡན་པའི་ཕྱིར་ནི་མི་རྟག་པ་ཞེས་བསྟན་ཏེ། སྤྲུལ་པའི་སྐུ་གང་ཡིན་པ་དེ་ནི་རྟག་པར་ཆོས་ཀྱི་འཁོར་ལོ་བསྐོར་ཞིང་དེ་དང་དེ་དག་ཏུ་རྐྱེན་ཇི་ལྟ་བ་བཞིན་དུ་ཐབས་མཁས་པ་སྟོན་པ་ལ་རྒྱུན་འཆད་པ་མེད་པའི་ཕྱིར་དེ་ལྟ་བས་ན་རྟག་པ་ཞེས་བསྟན་ཏོ། །རྩ་བ་མ་ཡིན་པའི་ཕྱིར་དང་ཕུན་སུམ་ཚོགས་པའི་མཛད་པ་ཆེན་པོ་མངོན་དུ་མི་འབྱུང་བའི་ཕྱིར་དེ་ལྟ་བས་ན་མི་རྟག་པ་ཞེས་བསྟན་ཏོ། །ལོངས་སྤྱོད་རྫོགས་པའི་སྐུ་གང་ཡིན་པ་དེ་ནི་ཐོག་མ་མེད་པའི་དུས་ནས་རྒྱུན་འཆད་པ་མེད་པར་སངས་རྒྱས་ཐམས་ཅད་ཀྱི་མ་འདྲེས་པའི་ཆོས་རྣམས་ཡོངས་སུ་སྡུད་ཅིང་འཛིན་པའི་ཕྱིར་དང་། སེམས་ཅན་ཟད་པ་མེད་པ་བཞིན་དུ་མཛད་པ་ལ་ཡང་ཟད་པ་མི་མངའ་བའི་ཕྱིར་རྟག་པ་ཞེས་བསྟན་ཏོ། །རྩ་བ་མ་ཡིན་པའི་ཕྱིར་དང་ཕུན་སུམ་ཚོགས་པའི་མཛད་པ་ཆེན་པོ་མངོན་དུ་མི་འབྱུང་བའི་ཕྱིར་མི་རྟག་པ་ཞེས་བསྟན་ཏོ། །ཆོས་ཀྱི་སྐུ་གང་ཡིན་པ་དེ་ནི་མངོན་པར་འདུ་བྱེད་པའི་ཆོས་ཀྱང་མ་ཡིན་ལ་ཐ་དད་པའི་མཚན་ཉིད་ཀྱང་མི་མངའ་ཞིང་རྩ་བ་ཡིན་པར་གྱུར་པའི་ཕྱིར་དང་། ནམ་མཁའ་དང་མཚུངས་པར་གྱུར་པའི་ཕྱིར་རྟག་པ་ཞེས་བསྟན་ཏོ། །རིགས་ཀྱི་བུ་རྣམ་པར་མི་རྟོག་པའི་ཡེ་ཤེས་ལས་གུད་ན་མཆོག་ཏུ་གྱུར་པའི་ཡེ་ཤེས་མེད་ལ་ཆོས་ཀྱི་དེ་བཞིན་ཉིད་ལས་གུད་ན་ཡང་མཆོག་ཏུ་གྱུར་པའི་སྤྱོད་ཡུལ་མེད་པས་ཆོས་ཀྱི་དེ་བཞིན་ཉིད་གང་ཡིན་པ་དེ་དང་། ཤེས་རབ་ཀྱི་དེ་བཞིན་ཉིད་གང་ཡིན་པ་དེའི་དེ་བཞིན་ཉིད་རྣམ་པ་གཉིས་པོ་གང་ཡིན་པ་དེ་ནི་དེ་བཞིན་ཉིད་གཅིག་པ་ཡང་མ་ཡིན། ཐ་དད་པ་ཡང་མ་ཡིན་ཏེ། དེའི་ཕྱིར་ཆོས་ཀྱི་སྐུ་ནི་ཤེས་རབ་རྣམ་པར་དག་པར་གྱུར་པའི་ཕྱིར་དང་། འགོག་བ་རྣམ་པར་དག་པར་གྱུར་པའི་ཕྱིར་གཉིས་རྣམ་པར་དག་པར་གྱུར་པ་ཡིན་པས་དེས་ན་ཆོས་ཀྱི་སྐུ་ནི་རྣམ་པར་དག་པ་ཕུན་སུམ་ཚོགས་པར་གྱུར་པ་ཡིན་ནོ། །གཞན་ཡང་རིགས་ཀྱི་བུ་སྐུ་གསུམ་པོ་དག་རབ་ཏུ་རྣམ་པར་དབྱེ་ན་ཐ་དད་པ་རྣམ་པ་བཞིར་འགྱུར་ཏེ། སྤྲུལ་པའི་སྐུ་ཡིན་ལ་ལོངས་སྤྱོད་རྫོགས་པའི་སྐུ་མ་ཡིན་པ་ཡང་ཡོད། ལོངས་སྤྱོད་རྫོགས་པའི་སྐུ་ཡིན་ལ་སྤྲུལ་

“Noble one, because those three qualities¹⁶⁶ have permanence, they are called permanent.

“That which is an emanation body always turns the Dharma wheel, and here and there, in accord with circumstances, continuously manifests skillful methods. In that way it is said to be permanent. It is taught to be impermanent because it is not the basis and because the activity of perfection does not manifest.

“That which is the enjoyment body is said to be permanent because continuously, throughout beginningless time, it has accumulated and possesses the unique qualities of all the buddhas, and just as there is no end to beings, there is no end to its activity. It is said to be impermanent because it is not the basis, because the activity of perfection does not manifest.

“That which is the Dharma body is not a composite phenomenon and has no diverse characteristics because it is the basis. It is taught to be permanent because it is the same as space.

“Noble one, there is no supreme wisdom other than nonconceptual wisdom. There is no superior field of experience other than the true nature of phenomena. And so those two true natures—that which is the true nature of phenomena and the true nature of wisdom—are not a single true nature and not separate true natures. Therefore, because the Dharma body is pure wisdom and pure cessation, because it is those two purities, the Dharma body is the perfection of purity.

“Moreover, noble one, there are four ways to categorize these three bodies: that which is the emanation body but not the enjoyment body;

2.8

པའི་སྐུ་མ་ཡིན་པ་ཡང་ཡོད། སྤྲུལ་པའི་སྐུ་ཡང་ཡིན་ལ་ལོངས་སྤྱོད་རྫོགས་པའི་སྐུ་ཡང་ཡིན་པ་ཡང་ཡོད། སྤྲུལ་པའི་སྐུ་ཡང་མ་ཡིན་ལ་ལོངས་སྤྱོད་རྫོགས་པའི་སྐུ་ཡང་མ་ཡིན་པ་ཡང་ཡོད་དོ། །སྤྲུལ་པའི་སྐུ་ཡིན་ལ་ལོངས་སྤྱོད་རྫོགས་པའི་སྐུ་མ་ཡིན་པ་གང་ཞེ་ན་འདི་ལྟ་སྟེ། དེ་བཞིན་གཤེགས་པ་རྣམས་ཡོངས་སུ་མྱ་ངན་ལས་འདས་པའི་འོག་ཏུ་སྨོན་ལམ་ལ་མངའ་བརྙེས་པའི་ཕྱིར་རྐྱེན་ཇི་ལྟ་བ་བཞིན་དུ་ཕན་འདོགས་པ་གང་ཡིན་པ་དེ་ནི་སྤྲུལ་པའི་སྐུ་ཞེས་བྱའོ། །ལོངས་སྤྱོད་རྫོགས་པའི་སྐུ་ཡིན་ལ་སྤྲུལ་པའི་སྐུ་མ་ཡིན་པ་གང་ཞེ་ན། སའི་མདུན་རོལ་གྱི་སྐུ་གང་ཡིན་པའོ། །སྤྲུལ་པའི་སྐུ་ཡང་ཡིན་ལ་ལོངས་སྤྱོད་རྫོགས་པའི་སྐུ་ཡང་ཡིན་པ་གང་ཞེ་ན། འདི་ལྟ་སྟེ། ལྷག་མ་དང་བཅས་པའི་མྱ་ངན་ལས་འདས་པ་ལ་གནས་པའི་སྐུ་གང་ཡིན་པའོ། །སྤྲུལ་པའི་སྐུ་ཡང་མ་ཡིན་ལ་ལོངས་སྤྱོད་རྫོགས་པའི་སྐུ་ཡང་མ་ཡིན་པ་གང་ཞེ་ན། འདི་ལྟ་སྟེ། ཆོས་ཀྱི་སྐུ་གང་ཡིན་པའོ། །རིགས་ཀྱི་བུ་ཆོས་ཀྱི་སྐུ་གང་ཡིན་པ་དེ་ནི་གཉིས་སུ་མེད་པས་རབ་ཏུ་ཕྱེ་བའི་ཕྱིར་རོ། །གཉིས་སུ་མེད་པ་ཞེས་བྱ་བ་ཡང་གང་ཞེ་ན། ཆོས་ཀྱི་སྐུ་དེ་ལ་མཚན་ཉིད་དང་མཚན་ཉིད་ཀྱི་གནས་ཞེས་བྱ་བ་གཉི་ག་མེད་པས་ཡོད་པ་ཡང་མ་ཡིན་མེད་པ་ཡང་མ་ཡིན། གཅིག་པ་ཡང་མ་ཡིན་ཐ་དད་པ་ཡང་མ་ཡིན། གྲངས་ཀྱང་མ་ཡིན་གྲངས་མ་ཡིན་པ་ཡང་མ་ཡིན། སྣང་བ་ཡང་མ་ཡིན། མུན་པ་ཡང་མ་ཡིན་ཏེ། དེ་ལྟ་བུའི་དེ་བཞིན་ཉིད་ཀྱི་ཡེ་ཤེས་དེས་ནི་མཚན་ཉིད་དང་མཚན་ཉིད་ཀྱི་གནས་ཀྱང་མི་གཟིགས། ཡོད་པ་ཡང་མ་ཡིན་མེད་པ་ཡང་མ་ཡིན་པ་ཡང་མི་གཟིགས། གཅིག་པ་ཡང་མ་ཡིན་ཐ་དད་པ་ཡང་མ་ཡིན་པ་ཡང་མི་གཟིགས། གྲངས་ཀྱང་མ་ཡིན་གྲངས་མ་ཡིན་པ་ཡང་མི་གཟིགས། སྣང་བ་ཡང་མ་ཡིན། མུན་པ་ཡང་མ་ཡིན་པ་ཡང་མི་གཟིགས་པས་དེའི་ཕྱིར་སྤྱོད་ཡུལ་རྣམ་པར་དག་པ་དང་། ཤེས་རབ་རྣམ་པར་དག་པ་ལ་རྣམ་པར་བརྟག་ཏུ་ཡང་མི་རུང་ལ་འདིར་སྤྱོད་པ་ཞེས་བྱ་བ་མེད་ཀྱང་འགོག་པ་དང་ལམ་གྱི་གཞི་བྱེད་པའི་ཕྱིར་ཆོས་ཀྱི་སྐུ་འདི་ལ་དེ་བཞིན་གཤེགས་པའི་མཛད་

that which is the enjoyment body but not the emanation body; that which is both the emanation body and the enjoyment body; and that which is neither the emanation body nor the enjoyment body.

“What is it that is the emanation body but not the enjoyment body? After a tathāgata has passed into nirvāṇa, because of having attained the power of prayer, there is benefit in accordance with conditions,¹⁶⁷ and that is an emanation body.

“What is it that is the enjoyment body and not the emanation body? It is a body that is seen on the bhūmis.

“What is both the emanation body and the enjoyment body? That is the body in the nirvāṇa with a residue.

“What is neither the emanation body nor the enjoyment body? That is the Dharma body.¹⁶⁸

“Noble one, the Dharma body is revealed nonduality. What is nonduality?¹⁶⁹ In the Dharma body, there are neither characteristics nor the basis for characteristics, and so there is neither existence nor nonexistence; the Dharma body is neither single nor diverse; it is neither a number nor numberless; and it is neither light nor darkness.

“That wisdom of the true nature sees neither characteristics nor a basis for characteristics; it does not see existence or nonexistence; it does not see singularity or differences; it does not see number or absence of number; and it does not see light or darkness.

“Therefore, the pure field of experience and pure wisdom cannot be examined,¹⁷⁰ and though there is nothing to call ‘conduct’ in this,¹⁷¹ it is the basis for cessation and the path. Therefore, one should know that the various deeds of a tathāgata appear within this Dharma body.¹⁷²

2.9

པ་རྣམ་པ་སྣ་ཚོགས་སྣང་བར་འགྱུར་བར་རིག་པར་བྱའོ། །རིགས་ཀྱི་བུ་སྐུ་འདིའི་རྒྱུ་དང་། རྐྱེན་དང་། སྤྱོད་ཡུལ་དང་། གནས་དང་། འབྲས་བུ་དང་། རྩ་བ་དཔག་པར་དཀའ་བའི་ཕྱིར་གང་གིས་ཁོང་དུ་ཆུད་པར་གྱུར་ན་སྐུ་དེ་ཉིད་ཐེག་པ་ཆེན་པོའོ། །དེ་བཞིན་གཤེགས་པའི་རང་བཞིན་ནོ། །དེ་བཞིན་གཤེགས་པའི་སྙིང་པོའོ། །སྐུ་འདི་ཉིད་ལ་བརྟེན་ནས་དང་པོ་བསྐྱེད་པའི་སེམས་ཀྱང་ཐོབ་པར་འགྱུར་རོ། །རྣལ་འབྱོར་སྒོམ་པའི་ས་པའི་སེམས་ཀྱང་རབ་ཏུ་སྣང་བར་འགྱུར་རོ། །ཕྱིར་མི་ལྡོག་པའི་སེམས་ཀྱང་རབ་ཏུ་སྣང་བར་འགྱུར་རོ། །ཚེ་གཅིག་གིས་ཐོགས་པའི་སེམས་དང་། རྡོ་རྗེའི་སེམས་དང་། དེ་བཞིན་གཤེགས་པའི་སེམས་ཀྱང་རབ་ཏུ་སྣང་བར་འགྱུར་རོ། །དེ་བཞིན་གཤེགས་པའི་ཆོས་གྱ་ནོམ་པ་ཚད་མེད་ཅིང་མཐའ་མེད་པ་ཐམས་ཅད་ཀྱང་རབ་ཏུ་སྣང་བར་འགྱུར་རོ། །ཆོས་ཀྱི་སྐུ་འདི་ལ་བརྟེན་ནས་བསམ་གྱིས་མི་ཁྱབ་པའི་ཏིང་ངེ་འཛིན་ཆེན་པོ་རྣམས་ཀྱང་རབ་ཏུ་སྣང་བར་འགྱུར་རོ། །ཆོས་ཀྱི་སྐུ་འདི་ལ་བརྟེན་ནས་ཡེ་ཤེས་ཆེན་པོ་ཐམས་ཅད་རབ་ཏུ་སྣང་བར་འགྱུར་བས་དེའི་ཕྱིར་སྐུ་གཉིས་པོ་འདི་དག་ནི་ཏིང་ངེ་འཛིན་དང་། ཤེས་རབ་ལ་བརྟེན་ནས་མངོན་དུ་སྣང་བར་འགྱུར་རོ། །ཆོས་ཀྱི་སྐུ་འདི་ལྟ་བུ་འདི་ནི་རང་གི་ངོ་བོ་ཉིད་ལ་གནས་པས་རྟག་པ་ཞེས་ཀྱང་བསྟན་ཏོ། །ང་ཞེས་ཀྱང་བསྟན་ཏོ། །ཏིང་ངེ་འཛིན་ཆེན་པོ་ལ་གནས་པའི་ཕྱིར་སྐྱིད་པ་ཞེས་ཀྱང་བསྟན་ཏོ། །ཡེ་ཤེས་ཆེན་པོ་ལ་གནས་པའི་ཕྱིར་ཡོངས་སུ་གཙང་བ་ཞེས་ཀྱང་བསྟན་ཏེ། དེ་ལྟ་བས་ན་དེ་བཞིན་གཤེགས་པ་ནི་རྟག་པར་བཞུགས་པ་དང་། མངའ་དབང་བརྙེས་པ་དང་བདེ་ཞིང་སྐྱིད་པ་དང་། ཡོངས་སུ་གཙང་བར་གྱུར་པ་ཡིན་ནོ། །ཏིང་ངེ་འཛིན་ཆེན་པོ་ལ་བརྟེན་ནས་དཔའ་བར་འགྲོ་བའི་ཏིང་ངེ་འཛིན་ལ་སོགས་པ་ཏིང་ངེ་འཛིན་ཐམས་ཅད་དང་། ཆོས་དྲན་པ་ཆེན་པོ་ལ་སོགས་པ་དྲན་པ་ཉེ་བར་གཞག་པ་ཐམས་ཅད་དང་། བྱམས་པ་ཆེན་པོ་དང་། ཐུགས་རྗེ་ཆེན་པོ་དང་། གཟུངས་ཐམས་ཅད་དང་། མངོན་པར་ཤེས་པ་ཐམས་ཅད་དང་། དབང་ཐམས་ཅད་དང་། ཆོས་མཉམ་པ་

“Noble one, it is difficult to evaluate this body’s cause, condition, field of experience, location, result, and basis, and therefore it is comprehended that this body itself is the Mahāyāna. It is the nature of the tathāgatas. It is the essence of the tathāgatas. On the basis of this body, the first development of the aspiration for enlightenment is attained. There is also the appearance of the mind that practices meditation on the bhūmis. There is the appearance of the irreversible mind, the mind with one life remaining, and there appears the vajra mind¹⁷³ and even the mind of a tathāgata. In the same way, there appear all the measureless, endless sublime qualities of the tathāgatas. On the basis of the Dharma body there also appear countless great samādhis. Also, all great wisdom arises on the basis of this Dharma body. Therefore, the two bodies appear on the basis of samādhi and wisdom.

“This Dharma body depends upon its own nature, and so it is called eternal. It is also called self.¹⁷⁴ As it depends upon great samādhi, it is called bliss. As it depends upon great wisdom, it is called purity. Therefore, a tathāgata remains permanently, has attained power, is blissful and happy, and has become completely pure.

“On the basis of great samādhi, there manifest all samādhis,¹⁷⁵ such as the heroic samādhi; all mindfulness, such as the great mindfulness of phenomena; all the qualities of the buddhas, such as great love and great compassion; and all retentions, all higher cognitions, all powers,

2.10

ཐམས་ཅད་ཡང་དག་པར་སྡུད་ཅིང་དེ་ལྟ་བུའི་སངས་རྒྱས་ཀྱི་ཆོས་ཐམས་ཅད་ཀྱང་མངོན་དུ་འབྱུང་བར་འགྱུར་རོ། །ཡེ་ཤེས་ཆེན་པོ་འདི་ལ་བརྟེན་ནས་སྟོབས་བཅུ་དང་། བསྙེངས་པ་མི་མངའ་བ་བཞི་དང་། སོ་སོ་ཡང་དག་པར་རིག་པ་བཞི་དང་། མ་འདྲེས་པའི་ཆོས་བརྒྱ་བརྒྱད་ཅུ་དང་། ངོ་མཚར་རྨད་དུ་བྱུང་བའི་ཆོས་བསམ་གྱིས་མི་ཁྱབ་པ་ཐམས་ཅད་ཀྱང་རབ་ཏུ་སྣང་བར་འགྱུར་རོ། །འདི་ལྟ་སྟེ་དཔེར་ན་ཡིད་བཞིན་གྱི་ནོར་བུ་རིན་པོ་ཆེ་ལ་བརྟེན་ནས་རིན་པོ་ཆེ་ཚད་མེད་ཅིང་མཐའ་མེད་པ་རྣམ་པ་སྣ་ཚོགས་སྣང་བར་འགྱུར་བ་དེ་བཞིན་དུ་ཏིང་ངེ་འཛིན་ཆེན་པོའི་རིན་པོ་ཆེ་དང་། ཤེས་རབ་ཆེན་པོའི་རིན་པོ་ཆེ་ལ་བརྟེན་ནས་ཀྱང་སངས་རྒྱས་ཀྱི་ཆོས་གྱ་ནོམ་པ་ཚད་མེད་ཅིང་མཐའ་མེད་པ་རྣམ་པ་སྣ་ཚོགས་མངོན་དུ་འབྱུང་བར་འགྱུར་རོ། །རིགས་ཀྱི་བུ་དེ་ལྟ་བུའི་ཆོས་ཀྱི་སྐུའི་ཏིང་ངེ་འཛིན་དང་། ཤེས་རབ་གང་ཡིན་པ་དེ་ནི་མཚན་མ་ཐམས་ཅད་ལས་ཡང་དག་པར་འདས་ཤིང་མཚན་མ་ལ་མངོན་པར་ཞེན་པར་མི་འགྱུར་བས་རྣམ་པར་བརྟག་ཏུ་མི་རུང་ལ། རྟག་པ་ཡང་མ་ཡིན་ཆད་པ་ཡང་མ་ཡིན་པས་དབུ་མའི་ལམ་ཞེས་བྱའོ། །རྣམ་པར་རྟོག་པ་མངའ་ཡང་ངོ་བོ་ཉིད་ལ་རྣམ་པར་རྟོག་པ་མི་མངའོ། །གསུམ་དུ་བགྲང་བ་ཡོད་ཀྱང་ངོ་བོ་ཉིད་ལ་གསུམ་དུ་འགྱུར་བ་མེད་པས་འཕེལ་བ་ཡང་མེད། འགྲིབ་པ་ཡང་མེད། རྨི་ལམ་དང་སྒྱུ་མ་ལྟ་བུར་གཟུང་བ་ཡང་མེད། འཛིན་པ་ཡང་མེད་པས་ཆོས་ཀྱི་སྐུའི་དེ་བཞིན་ཉིད་རྣམ་པར་གྲོལ་བའི་གནས་འཆི་བདག་གི་རྒྱལ་པོའི་ཡུལ་ལས་ཡང་དག་པར་འདས་པ་སྐྱེ་ཤིའི་མུན་པ་ལས་མངོན་པར་འཕགས་པ། སེམས་ཅན་ཐམས་ཅད་ཀྱིས་བསྒྲུབ་པར་མི་ནུས་ཤིང་བགྲོད་པར་མི་ནུས་པ། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་བཞུགས་པའི་གནས་སུ་གྱུར་པའོ། །རིགས་ཀྱི་བུ་འདི་ལྟ་སྟེ་དཔེར་ན་མི་ཞིག་གསེར་འདོད་པས་དེ་དང་དེ་དག་ཏུ་གསེར་གྱི་རྡོ་ཡོངས་སུ་བཙལ་བ་ལས་གསེར་གྱི་རྡོ་དེ་རྙེད་ནས་ཞིབ་མོར་བཏགས་ཏེ་སྙིང་པོ་གང་ཡིན་པ་བླངས་ནས་སོ་མལ་དུ་བཞུས་བཏུལ་ནས་གསེར་ཡོངས་སུ་དག་པ་རྙེད་པར་གྱུར་ན་ཡིད་བཞིན་དུ་བསྒྱུར་

and the possession of all the qualities of equality.

“On the basis of this great wisdom, there appear the ten strengths,¹⁷⁶ the four confidences, the four discernments, the hundred and eighty unique qualities, and so on—countless wonderful, marvelous qualities.

“As an analogy, on the basis of a precious wish-fulfilling jewel, there appear the various kinds of countless, innumerable jewels. In the same way, on the basis of precious samādhi and precious wisdom, there arise the various countless, innumerable sublime qualities of the buddhas.

“Noble one, that Dharma body, samādhi, and wisdom transcend all characteristics, and there is no attachment to characteristics,¹⁷⁷ so that they cannot be analyzed. They are neither permanent nor nothingness, and that is why they are called the path of the middle way.

“Even though there are thoughts, in the essential nature there are no thoughts. Even though there is a threefold enumeration, in essence there are no three and therefore no increase or decrease. It is like an illusion or a dream, where there is no object and no subject. Therefore, the essential nature of the Dharma body is the state of liberation, which is beyond the scope of Yama’s realm. It has risen above the darkness of saṃsāra. Beings are unable to accomplish it, unable to reach it. It is the state in which the buddhas and bodhisattvas dwell.

“As an analogy, noble one, if there were a man who wanted gold, he would search everywhere for gold ore, and when he found gold ore, he would grind it to powder, extract its essence, smelt it, and obtain pure gold as he wished for.

2.11

ཏེ། གདུ་བུ་ལ་སོགས་པ་རྒྱན་གྱི་རྣམ་པ་སྣ་ཚོགས་སུ་བྱས་ནས་སྤྱོད་པ་མང་པོ་དང་ལྡན་པར་གྱུར་ཀྱང་གསེར་གྱི་རང་བཞིན་ལ་ནི་འགྱུར་བ་ཅི་ཡང་མེད་དོ། །གཞན་ཡང་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་རྣམ་པར་གྲོལ་བའི་མཆོག་ཡོངས་སུ་གཉེར་བའམ། འཇིག་རྟེན་པའི་དགེ་བ་མངོན་པར་བསྒྲུབས་པས་དེ་བཞིན་གཤེགས་པའམ་དེའི་སློབ་མའི་འཁོར་མཐོང་ན་ཉེ་བར་བསྙེན་ཏེ། བཅོམ་ལྡན་འདས་ལ་འདི་སྐད་དུ་བཅོམ་ལྡན་འདས་དགེ་བ་ནི་གང་ལགས། མི་དགེ་བ་ནི་གང་ལགས། ཡང་དག་པའི་རྣལ་འབྱོར་བསྒོམས་པས་རྣམ་པར་དག་པའི་སྤྱོད་པ་འཐོབ་པར་འགྱུར་བ་ནི་གང་ལགས། ཞེས་གསོལ་པ་དང་། དེ་བཞིན་གཤེགས་པ་དང་སློབ་མའི་འཁོར་རྣམས་དེས་དེ་སྐད་དུ་ཞུ་བ་གསོལ་བ་གཟིགས་པར་གྱུར་ན་དེའི་ཚེ་འདི་སྙམ་དུ་རིགས་ཀྱི་བུའམ་རིགས་ཀྱི་བུ་མོ་འདི་ནི་རྣམ་པར་དག་པ་ཡོངས་སུ་གཉེར་བའི་ཕྱིར་ཡང་དག་པའི་ཆོས་ཡོངས་སུ་མཉན་པར་འདོད་པ་ཡིན་ནོ། །སྙམ་དུ་དགོངས་ནས་དེ་ལ་རྣམ་པར་ཕྱེ་སྟེ་བསྟན་པ་ཉིད་ཀྱིས་གོ་བར་མཛད་པར་འགྱུར་བས་དེས་ཐོས་ནས་ཀྱང་ཡང་དག་པའི་དྲན་པས་མི་བརྗེད་པར་བཟུང་སྟེ། རྣལ་འབྱོར་བསྒོམ་པར་སེམས་བསྐྱེད་པས་བརྩོན་འགྲུས་ཀྱི་སྟོབས་ཐོབ་ནས་ལེ་ལོའི་སྒྲིབ་པ་ཡོངས་སུ་བསལ་ཏེ་སྒྲིབ་པ་ཐམས་ཅད་ཡོངས་སུ་སྦྱོང་བར་བྱེད་པས་བསླབ་པའི་གནས་རྣམས་ལ་མ་གུས་པ་སྤངས་ནས་རྒོད་པ་དང་འགྱོད་པའི་སེམས་ཉེ་བར་ཞི་བར་བྱས་ཏེ་ས་དང་པོ་ལ་འཇུག་པར་འགྱུར་བས་ས་དང་པོའི་སེམས་ལ་བརྟེན་ནས་སེམས་ཅན་ལ་ཕན་འདོགས་པའི་སྒྲིབ་པ་ཡོངས་སུ་བསལ་ནས་ས་གཉིས་པར་འཇུག་པ་འཐོབ་པར་འགྱུར་རོ། །ས་དེར་ཡང་རྣམ་པར་མི་འཚེ་བའི་སྒྲིབ་པ་ཡོངས་སུ་བསལ་ནས་ས་གསུམ་པར་འཇུག་པར་འགྱུར་རོ། །ས་དེར་ཡང་སེམས་མཉེན་ཞིང་རྣམ་པར་བྱང་བའི་སྒྲིབ་པ་ཡོངས་སུ་བསལ་ནས་ས་བཞི་པར་འཇུག་པར་འགྱུར་རོ། །ས་དེར་ཡང་ཐབས་མཁས་པའི་སྒྲིབ་པ་ཡོངས་སུ་བསལ་ནས་ས་ལྔ་པར་འཇུག་པར་འགྱུར་རོ། །ས་དེར་ཡང་དོན་དམ་པ་དང་། ཀུན་རྫོབ་ཏུ་མཐོང་བའི་སྒྲིབ་པ་ཡོངས་སུ་བསལ་ནས་ས་དྲུག་

Then he would make it into various kinds of jewelry such as rings, and though he used it in various ways, the nature of the gold would never change at all.

“Moreover, noble one, if any noble men or noble women who wanted to attain the supreme liberation or to accomplish good worldly actions were to see the Tathāgata or the followers of the Tathāgata, they would approach and say, ‘Bhagavat, what is a good action and what is a bad action? What is true practice through which one attains pure conduct?’ Then the Buddha Bhagavat or his followers, on seeing them ask those questions,¹⁷⁸ would at that time think, ‘These noble men and noble women long to hear the Dharma because they are seeking for purity.’ Thinking that, they would reveal the Dharma and teach it, so that those noble men and noble women would understand it.¹⁷⁹

“Then when they heard the Dharma, they would remember it correctly, not forget it, develop the aspiration to practice it, gain the power of diligence, and eliminate the obscuration of idleness and purify themselves of all obscurations, avoid a lack of veneration for the fields of training, pacify agitation and regret¹⁸⁰ in the mind, and would then enter the first bhūmi.

“On the basis of the mind of the first bhūmi, they would eliminate that which obscures benefiting beings so that they enter the second bhūmi. On that bhūmi, they would eliminate that which obscures nonviolence¹⁸¹ and enter the third bhūmi. On that bhūmi, they would eliminate the obscuration to purifying the mind and making it pliable and enter the fourth bhūmi. On that bhūmi, they would eliminate the obscuration to skillful methods and enter the fifth bhūmi.

2.12

པར་འཇུག་པར་འགྱུར་རོ། །ས་དེར་ཡང་མཚན་མ་ལ་མཐོང་བར་སྤྱོད་པའི་སྒྲིབ་པ་ཡོངས་སུ་བསལ་ནས་ས་བདུན་པར་འཇུག་པར་འགྱུར་རོ། །ས་དེར་ཡང་མཚན་མ་ཉེ་བར་ཞི་བར་མི་མཐོང་བའི་སྒྲིབ་པ་ཡོངས་སུ་བསལ་ནས་ས་བརྒྱད་པར་འདུག་པར་འགྱུར་རོ། །ས་དེར་ཡང་སྐྱེ་བའི་མཚན་མར་མི་མཐོང་བའི་སྒྲིབ་པ་ཡོངས་སུ་བསལ་ནས་ས་དགུ་པར་འཇུག་པར་འགྱུར་རོ། །ས་དེར་ཡང་མངོན་པར་ཤེས་པ་དྲུག་གི་སྒྲིབ་པ་ཡང་ཡོངས་སུ་བསལ་ནས་ས་བཅུ་པར་འཇུག་པར་འགྱུར་རོ། །ས་དེར་ཡང་ཤེས་བྱའི་སྒྲིབ་པ་དང་རྩ་བའི་སེམས་ཡོངས་སུ་བསལ་ནས་དེ་བཞིན་གཤེགས་པའི་ས་ལ་འཇུག་པར་འགྱུར་རོ། །དེ་བཞིན་གཤེགས་པའི་ས་ལ་འཇུག་པ་གང་ཡིན་པ་དེ་ནི་རྣམ་པ་གསུམ་ཡོངས་སུ་དག་པར་གྱུར་པའི་ཕྱིར་ཤིན་ཏུ་རྣམ་པར་དག་པ་ཞེས་བྱ་སྟེ། གསུམ་གང་ཞེ་ན། ཉོན་མོངས་པ་རྣམ་པར་དག་པ་དང་། སྡུག་བསྔལ་རྣམ་པར་དག་པ་དང་། མཚན་མ་རྣམ་པར་དག་པ་གང་ཡིན་པའོ། །འདི་ལྟ་སྟེ་དཔེར་ན་གསེར་ཡང་དག་པར་བཞུས་སྦྱངས་བརྡུངས་ཏེ་དྲི་མ་མེད་པར་བྱ་བ་ཡང་གསེར་གྱི་རང་བཞིན་གཟོད་མ་ཉིད་ནས་རྣམ་པར་དག་པ་གསལ་བར་བྱེད་པ་ཡིན་པའི་ཕྱིར་གསེར་གྱི་ངོ་བོ་ཉིད་ཡོངས་སུ་དག་པའི་དབང་གིས་གསེར་མེད་པར་འགྱུར་རོ། །ཞེས་བྱར་མི་རུང་ངོ་། །འདི་ལྟ་སྟེ་དཔེར་ན་ཆུ་རྙོག་མ་ཅན་ཡོངས་སུ་དངས་ཏེ་དྲི་མ་མེད་པར་བྱ་བ་ཡང་ཆུའི་རང་བཞིན་གཟོད་མ་ཉིད་ནས་ཡོངས་སུ་དག་པར་གསལ་བར་བྱེད་པ་ཡིན་པའི་ཕྱིར་ཆུ་མེད་པར་འགྱུར་རོ་ཞེས་བྱར་མི་རུང་བ་དེ་བཞིན་དུ་ཆོས་ཀྱི་སྐུ་ཡང་ཉོན་མོངས་པ་དང་འདྲེས་པར་གྱུར་པས་སྡུག་བསྔལ་བ་དང་ཀུན་འབྱུང་བ་ཡོངས་སུ་བསལ་ནས་བག་ཆགས་ལྷག་མ་མེད་པར་བྱ་བ་ཡང་སངས་རྒྱས་ཀྱི་རང་བཞིན་གཟོད་མ་ཉིད་ནས་རྣམ་པར་དག་པ་གསལ་བར་བྱེད་པ་ཡིན་པའི་ཕྱིར་ངོ་བོ་ཉིད་མེད་པར་འགྱུར་རོ་ཞེས་བྱར་མི་རུང་ངོ་། །འདི་ལྟ་སྟེ་དཔེར་ན་ནམ་མཁའ་ལ་དུ་བ་དང་། སྤྲིན་དང་། རྡུལ་དང་། ཁུག་རྣ་རྣམས་ཀྱིས་བསྒྲིབས་པ་དག་གལ་ཏེ་ཡོངས་སུ་དང་བར་གྱུར་ན་ནམ་མཁའི་ཁམས་ཡོངས་སུ་དག་པར་གྱུར་པས་ནམ་མཁའ་

On that bhūmi, they would eliminate the obscuration to perceiving ultimate and relative truth and enter the sixth bhūmi. On that bhūmi, they would eliminate the obscuration to the conduct that perceives characteristics¹⁸² and enter the seventh bhūmi. On that bhūmi, they would eliminate the obscuration of not seeing the cessation of characteristics and enter the eighth bhūmi. On that bhūmi, they would eliminate the obscuration of not seeing the arising of characteristics and enter the ninth bhūmi. On that bhūmi, they would eliminate the obscuration to the six higher cognitions and enter the tenth bhūmi. On that bhūmi, they would eliminate the obscuration to knowledge and eliminate the basis consciousness and enter the bhūmi of the tathāgatas.

“Entry into the bhūmi of the tathāgatas has three purities; therefore, it is called the perfectly pure. What are those three? Being pure of the kleśas, being pure of suffering, and being pure of characteristics. This is like when gold has been properly smelted, purified, and beaten, it has been made stainless, but this is making clear its primordial purity. It would not be correct to say that because of the pure nature of gold there was no gold.

“As an analogy, muddied water becomes clear, and though it becomes stainless it is the primordially pure nature of water that is made evident; therefore, it would not be correct to say that there was no water. In that same way, because the Dharma body is mixed with the kleśas,¹⁸³ when suffering and its origination are completely eliminated and there is no remainder of negative tendencies, the primordially pure nature of buddhahood is made clear. Therefore, it would not be correct to say that this essence was¹⁸⁴ nonexistent.

2.13

མེད་པར་འགྱུར་རོ། །ཞེས་བྱར་མི་རུང་བ་དེ་བཞིན་དུ། ཆོས་ཀྱི་སྐུ་ཡང་སྡུག་བསྔལ་མང་པོ་ཐམས་ཅད་ཡོངས་སུ་ཟད་པར་གྱུར་པའི་ཕྱིར་རྣམ་པར་དག་པ་ཞེས་བརྗོད་ཀྱང་ངོ་བོ་ཉིད་མེད་པར་འགྱུར་རོ་ཞེས་བྱར་མི་རུང་ངོ་། །འདི་ལྟ་སྟེ་དཔེར་ན་སྐྱེས་བུ་ཞིག་གཉིད་ལོག་པའི་རྨི་ལམ་ན་ཆུ་ཆེན་པོས་ཁྱེར་བ་ལས་རྐང་ལག་བསྐྱོད་དེ་ལུས་དང་སེམས་ལེ་ལོ་མ་བྱས་པའི་ཕྱིར་ཆུ་བོ་ཐད་ཀར་བཅད་དེ་ཕ་རོལ་གྱི་འགྲམ་དུ་ཕྱིན་པར་མཐོང་བ་ལས་རྨི་ལམ་སད་ནས་ཆུ་བོ་དང་ཚུ་རོལ་དང་ཕ་རོལ་གྱི་འགྲམ་ཐ་དད་པར་འགྱུར་བ་མི་མཐོང་ཡང་སེམས་མེད་དོ་ཞེས་བྱར་མི་རུང་ངོ་། །འདི་ལྟ་སྟེ་དཔེར་ན་འཁོར་བའི་ཡང་དག་པ་མ་ཡིན་པའི་རྣམ་པར་རྟོག་པ་ཡོངས་སུ་ཟད་ནས་བློ་རྣམ་པར་དག་པར་གྱུར་ཀྱང་བློ་མེད་དོ་ཞེས་བྱར་མི་རུང་བ་དེ་བཞིན་དུ་ཆོས་ཀྱི་དབྱིངས་ཀྱང་ཡང་དག་པ་མ་ཡིན་པའི་རྣམ་པར་རྟོག་པ་ཐམས་ཅད་མི་སྐྱེ་བའི་ཕྱིར་རྣམ་པར་དག་པ་ཞེས་བརྗོད་ཀྱང་སངས་རྒྱས་རྣམས་ཀྱི་ཡང་དག་པའི་ངོ་བོ་ཉིད་མེད་ཅེས་བྱར་མི་རུང་ངོ་། །གཞན་ཡང་རིགས་ཀྱི་བུ་ཆོས་ཀྱི་སྐུ་གང་ཡིན་པ་དེ་ཉོན་མོངས་པའི་སྒྲིབ་པ་རྣམ་པར་དག་པར་གྱུར་པས་ནི་ལོངས་སྤྱོད་རྫོགས་པའི་སྐུ་སྟོན་པར་མཛད་དོ། །ལས་ཀྱི་སྒྲིབ་པ་རྣམ་པར་དག་པར་གྱུར་པས་ནི་སྤྲུལ་པའི་སྐུ་སྟོན་པར་མཛད་དོ། །ཤེས་བྱའི་སྒྲིབ་པ་རྣམ་པར་དག་པར་གྱུར་པའི་ཕྱིར་ནི་ཆོས་ཀྱི་སྐུ་སྟོན་པར་མཛད་དོ། །འདི་ལྟ་སྟེ་དཔེར་ན་ནམ་མཁའ་ལ་བརྟེན་ནས་ནི་གློག་འབྱུང་ལ། གློག་ལ་བརྟེན་ནས་ནི་འོད་འབྱུང་བ་དེ་བཞིན་དུ་ཆོས་ཀྱི་སྐུ་ལ་བརྟེན་པའི་ཕྱིར་ནི་ལོངས་སྤྱོད་རྫོགས་པའི་སྐུ་སྟོན་པར་མཛད་དོ། །ལོངས་སྤྱོད་རྫོགས་པའི་སྐུ་ལ་བརྟེན་ནས་ནི་སྤྲུལ་པའི་སྐུ་སྟོན་པར་མཛད་དོ། །རང་བཞིན་ཡོངས་སུ་དག་པར་གྱུར་པའི་ཕྱིར་ནི་ཆོས་ཀྱི་སྐུ་སྟོན་པར་མཛད་དོ། །ཤེས་རབ་རྣམ་པར་དག་པར་གྱུར་པས་ནི་ལོངས་སྤྱོད་རྫོགས་པའི་སྐུ་སྟོན་པར་མཛད་དོ། །ཏིང་ངེ་འཛིན་རྣམ་པར་དག་པར་གྱུར་པས་ནི་སྤྲུལ་པའི་སྐུ་སྟོན་པར་མཛད་དོ། །དེ་གསུམ་རྣམ་པར་དག་པར་གྱུར་པ་གང་ཡིན་པ་དེ་ནི་ཆོས་ཀྱི་དེ་བཞིན་ཉིད་དང་ཐ་མི་དད་དེ། དེ་བཞིན་ཉིད་དང་རོ་གཅིག་པའི་

“As another analogy, if the sky is obscured by smoke, clouds, dust, or mist, when it becomes clear,¹⁸⁵ the element of space becomes pure; therefore, it would not be correct to say that space had ceased¹⁸⁶ to exist. In the same way, the Dharma body is called pure because the many sufferings¹⁸⁷ have all come to an end, but it would not be correct to say that the essence¹⁸⁸ did not exist.

“Also, as a further analogy, if a man is asleep and in a dream sees himself being swept away by a great river, he moves his legs and arms and is not idle in body or mind, and therefore crosses the river¹⁸⁹ and reaches the far shore. But when he wakes up from that dream, he does not see the river, the riverbank on this side, or the riverbank on the farther side as having separate existences, but it would not be correct to say that there was no mind.¹⁹⁰

“As a further analogy, the mind becomes pure when the invalid thoughts of saṃsāra cease, but it would not be correct to say that the mind had not existed. In the same way, thoughts do not arise in the Dharma realm, and therefore it is called pure, but it would not be correct to say that the true essence¹⁹¹ of buddhahood was nonexistent.

“Also, noble one, the enjoyment body manifests because that which is the Dharma body becomes purified of the kleśa obscurations. The emanation body manifests because of being purified of karma obscurations. The Dharma body manifests because of being purified of the obscuration to wisdom.

“As an analogy, lightning appears on the basis of the sky, and light arises based on the lightning. In the same way, the enjoyment body manifests based on the Dharma body, and the emanation body manifests based on the enjoyment body.

“The Dharma body manifests because of its pure nature. The enjoyment body manifests because of pure wisdom. The emanation body manifests because of pure samādhi.

“The purity of those three is no different from the true nature of the Dharma body. Therefore, that which is the true nature—

2.14

དེ་བཞིན་ཉིད་དང་། རྣམ་པར་གྲོལ་བའི་དེ་བཞིན་ཉིད་དང་། མཐར་ཐུག་པའི་དེ་བཞིན་ཉིད་གང་ཡིན་པས་དེའི་ཕྱིར་སངས་རྒྱས་རྣམས་ཀྱི་སྐུ་ལ་ཐ་དད་པར་གྱུར་པ་མེད་དོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་འདི་སྐད་དུ་དེ་བཞིན་གཤེགས་པ་ནི་བདག་གི་སྟོན་པ་ཆེན་པོ་ཡིན་ནོ་ཞེས་དེ་ལྟར་ངེས་པར་མངོན་པར་ཡིད་ཆེས་པའི་གང་ཟག་དེས་ནི་ཤིན་ཏུ་དང་བའི་བསམ་པས་དེ་བཞིན་གཤེགས་པའི་སྐུ་ཐ་དད་པ་མི་མངའ་བར་ཁོང་དུ་ཆུད་པར་གྱུར་པར། རིགས་ཀྱི་བུ་དོན་དེའི་ཕྱིར་སྤྱོད་ཡུལ་རྣམས་ལ་ཡང་དག་པ་མ་ཡིན་པའི་ཡིད་ལ་བྱེད་པ་རྣམས་ཡོངས་སུ་བསལ་བར་གྱུར་ན་ཆོས་དེ་དག་ལ་མཚན་ཉིད་གཉིས་མེད་པར་ཁོང་དུ་ཆུད་ཅིང་རྣམ་པར་རྟོག་པ་ཡང་མེད་པར་འགྱུར་རོ། །འཕགས་པའི་རྣལ་འབྱོར་སྒོམ་པ་ལ་དེ་བཞིན་ཉིད་དེ་མཚན་ཉིད་གཉིས་སུ་གྱུར་པ་མེད་ཅིང་ཡང་དག་པར་རྣལ་འབྱོར་སྒོམ་པའི་ཕྱིར་འདི་ལྟར་དེ་བཞིན་དུ་སྒྲིབ་པ་ཐམས་ཅད་ཡོངས་སུ་བསལ་བས་ཉེ་བར་ཞི་བར་འགྱུར་རོ། །དེ་བཞིན་ཉིད་སྒྲིབ་པ་ཐམས་ཅད་ཞི་བར་གྱུར་པས་འདི་ལྟར་དེ་བཞིན་དུ་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་མཆོག་ཏུ་རྣམ་པར་དག་པ་ཐོབ་པར་འགྱུར་རོ། །དེ་བཞིན་ཉིད་དང་། ཆོས་ཀྱི་དབྱིངས་དང་། ཡང་དག་པའི་ཡེ་ཤེས་རྣམ་པར་དག་པར་གྱུར་པས་འདི་ལྟར་དེ་བཞིན་དུ་རང་དབང་དུ་ཕུན་སུམ་ཚོགས་པ་ཐམས་ཅད་ཀྱང་ཡོངས་སུ་སྡུད་པར་འགྱུར། སྒྲིབ་པ་ཐམས་ཅད་ཉེ་བར་ཞི་བ་ཡང་ཡོངས་སུ་རྫོགས་པར་འགྱུར་ཏེ། སྒྲིབ་པ་ཐམས་ཅད་རྣམ་པར་དག་པ་ཐོབ་པར་གྱུར་པའི་ཕྱིར་དེ་བཞིན་ཉིད་དང་། ཡང་དག་པའི་ཡེ་ཤེས་དང་། ཡང་དག་པའི་མཚན་ཉིད་ཅེས་བྱའོ། །དེ་ལྟར་མཐོང་བ་གང་ཡིན་པ་དེ་ནི་འཕགས་པའི་ལྟ་བ་ཞེས་བྱ་བས་དེ་ནི་ཡང་དག་པ་ཉིད་དུ་སངས་རྒྱས་མཐོང་བ་ཞེས་བྱའོ། །དེ་ཅིའི་ཕྱིར་ཞེ་ན། ཡང་དག་པ་ཇི་ལྟ་བ་བཞིན་དུ་ཆོས་ཀྱི་དེ་བཞིན་ཉིད་མཐོང་བའི་ཕྱིར་དེ་ལྟ་བས་ན་དེ་བཞིན་གཤེགས་པ་རྣམས་ཀྱིས་དེ་བཞིན་གཤེགས་པ་ཐམས་ཅད་མ་ལུས་པར་གཟིགས་པར་འགྱུར་རོ། །དེ་ཅིའི་ཕྱིར་ཞེ་ན། ཉས་ཐོས་དང་། རང་སངས་རྒྱས་ཁམས་གསུམ་ལས་ངེས་པར་བྱུང་

the true nature of one taste, the true nature of liberation, and the ultimate true nature—is no different from the bodies of the buddhas.

“The noble men or noble women who say, ‘The Tathāgata is our great teacher,’ those individuals who have true conviction,¹⁹² understand with clear minds that the bodies of the tathāgatas are not separate.

“Therefore, noble one, if invalid mentation is dispelled from all fields of experience, there will be the realization that there are no dualistic characteristics, and thoughts will cease. In the practice of the āryas, that true nature has no dualistic characteristics, and they practice correctly so that all obscurations are eliminated and completely cease.

“Through the obscurations of the true nature ceasing, there is the attainment of the true nature and the perfectly pure wisdom of the true nature.

“Through the Dharma realm, the true nature, and valid wisdom becoming purified, there will be the accumulation of a perfection of independent power.¹⁹³ There will also be complete cessation of all obscurations, the attainment of purification from all obscurations, and therefore that is called ‘the true nature,’ ‘the true wisdom,’ and ‘the true characteristics.’ Seeing that is called ‘the view of the āryas,’ and therefore it is called ‘truly seeing buddhahood.’

“Why is that? It is because the true nature of phenomena is seen correctly, and therefore the tathāgatas see all the tathāgatas.

“Why is that?

2.15

ནས་ཡང་དག་པའི་སྤྱོད་ཡུལ་ཡོངས་སུ་ཚོལ་བས་ཀྱང་ཁོང་དུ་མི་ཆུད་ཅིང་མཐོང་བར་མི་ནུས་པས་སོ། །དེ་ལྟ་བུའི་འཕགས་པའི་གང་ཟག་དག་གིས་ཀྱང་མི་རིག་ཅིང་མི་མཐོང་བས་སོ་སོའི་སྐྱེ་བོ་ཐམས་ཅད་ཐེ་ཙོམ་དང་སོམ་ཉི་བསྐྱེད་ནས་ཕྱིན་ཅི་ལོག་ཏུ་རྣམ་པར་རྟོག་པར་བྱེད་པས་ཡོངས་སུ་འདའ་བར་མི་འགྱུར་རོ། །འདི་ལྟ་སྟེ་དཔེར་ན་རི་བོང་རྒྱ་མཚོ་ལ་རྐྱལ་བར་བྱེད་ཀྱང་གདོན་མི་ཟ་བར་ཕ་རོལ་དུ་ཕྱིན་པར་མི་འགྱུར་རོ། །དེ་ཅིའི་ཕྱིར་ཞེ་ན། ཉམ་སྟོབས་ཤིན་དུ་ཆུང་བའི་ཕྱིར་རོ། །བྱིས་པ་སོ་སོའི་སྐྱེ་བོ་རྣམས་ཀྱང་དེ་བཞིན་དུ་ཆོས་ཀྱི་དེ་བཞིན་ཉིད་མངོན་པར་མི་རྟོགས་སོ། །དེ་བཞིན་གཤེགས་པ་རྣམས་ནི་རྣམ་པར་རྟོག་པའི་དགོངས་པ་མི་མངའ་བར་ཡང་ཆོས་ཐམས་ཅད་ལ་མངའ་ཆེན་པོ་བརྙེས་ཤིང་ཤེས་རབ་ཤིན་ཏུ་ཟབ་ཅིང་རྣམ་པར་དག་པ་ཕུན་སུམ་ཚོགས་པར་གྱུར་པའི་ཕྱིར་དང་། རང་གི་སྤྱོད་ཡུལ་དུ་གྱུར་ཅིང་གཞན་དང་ཡང་ཐུན་མོང་དུ་མ་གྱུར་པའི་ཕྱིར་དེ་ལྟ་བས་ན་དེ་བཞིན་གཤེགས་པ་རྣམས་བསྐལ་པ་གྲངས་མེད་ཚད་མེད་དཔག་ཏུ་མེད་པ་ནས་ཉིད་ཀྱི་སྐུ་སྲོག་ལ་ཕངས་པ་མི་མངའ་བར་དཀའ་བ་སྤྱོད་པས་དཔེ་ཟླ་མེད་པ་བསམ་གྱིས་མི་ཁྱབ་པ། ཚིག་གི་སྤྱོད་ཡུལ་ལས་ཡང་དག་པར་འདས་པ། རབ་ཏུ་དབེན་པ། འཇིགས་པ་རྣམས་དང་བྲལ་བའི་སྐུ་མཆོག་དམ་པ་འདི་བརྙེས་པ་ཡིན་ནོ། །རིགས་ཀྱི་བུ་དེ་ལྟར་ཆོས་ཀྱི་དེ་བཞིན་ཉིད་རིག་ཅིང་མཐོང་བ་གང་ཡིན་པ་དེ་ནི་སྐྱེ་བ་དང་། རྒ་བ་དང་། འཆི་བ་མེད་པ། ཚེའི་ཚད་ཀྱང་དཔག་ཏུ་མེད། གཉིད་ཀྱང་མེད། བཀྲེས་པ་དང་། སྐོམ་པ་ཡང་མེད་དེ། རྟག་པར་ཏིང་ངེ་འཛིན་ལ་གནས་པའི་སེམས་རྣམ་པར་གཡེང་ཞིང་གཡོ་བ་ཡང་མེད་དོ། །གང་གིས་དེ་བཞིན་གཤེགས་པ་ལ་རྩོད་པའི་བསམ་པ་སྐྱེད་པ་དེས་དེ་བཞིན་གཤེགས་པ་མཐོང་བར་མི་འགྱུར་རོ། །དེ་བཞིན་གཤེགས་པ་རྣམས་ནི་གང་ཅི་གསུང་ཡང་རུང་སྟེ་ཐམས་ཅད་ལ་ཕན་འདོགས་པར་འགྱུར་བས་གང་གིས་མཉན་ཅིང་ཐོས་པ་དེ་དག་རྣམ་པར་མི་གྲོལ་བ་གང་ཡང་མེད་དོ། །གཅན་གཟན་མ་རུངས་པ་དང་། མི་མ་རུངས་པ་དང་། འདྲེ་སྲིན་མ་རུངས་པ་དག་དང་ཡང་ཕྲད་

and in order to cause the good roots that have been developed to increase, become vast, and ripen, they will inspire all beings in all world realms to accomplish the six perfections.”

Then the bodhisattva Ākāśagarbha, Brahmā, Śakra, the Four Mahārājas, and the great assembly of devas rose from their seats, and with their robes over one shoulder, they placed their palms together and with veneration bowed down their heads to the Bhagavat’s feet.

Then they said to the Bhagavat, “In whatever land this extremely excellent Sūtra of the Sublime Golden Light is taught, there will be four kinds of beneficial qualities. What are those four?

“First, the king’s army will be strong and increase so that there will be no invading enemies. There will be long lives and no illness. There will be good fortune and happiness, and the sublime Dharma will spread and increase.

“Second, within the palace, the queens, their attendants, the princes,²⁰⁴ and the ministers will be in harmony, will not quarrel, and will avoid deception and slander so that the king will authorize and honor them.

“Third, mendicants, brahmins, and the people will practice the true Dharma, have no illness, be happy, not die prematurely, and accomplish much merit.

“Fourth, in all three times, the four great elements will be in harmony; devas will give their blessing and their complete protection—as they will have love and compassion equally for all, they will not cause harm and will have no thoughts of malice; and beings will go for refuge to the Three Jewels, and they will all practice the conduct of enlightenment.

“Those are the four kinds of benefit.

2.16

པར་མི་འགྱུར་ཏེ། ཆོས་ཐོས་པའི་དབང་གིས་འབྲས་བུ་རྣམ་པར་སྨིན་པ་ཡང་ཟད་པར་མི་འགྱུར་རོ། །དེ་བཞིན་གཤེགས་པ་རྣམས་ལ་ལུང་དུ་མི་བསྟན་པའི་དངོས་པོ་ཡང་མི་མངའ། སྤྱོད་ཡུལ་ཐམས་ཅད་ལ་མཁྱེན་པར་བྱའོ་སྙམ་པའི་དགོངས་པ་ཡང་མི་མངའ། འཁོར་བ་དང་མྱ་ངན་ལས་འདས་པ་ལ་ཐ་དད་པའི་འདུ་ཤེས་ཀྱང་མི་མངའོ། །དེ་བཞིན་གཤེགས་པ་ནི་གང་ཅི་ཡང་རུང་སྟེ་མ་ངེས་པ་མི་མངའོ། །དེ་བཞིན་གཤེགས་པ་རྣམས་ནི་སྤྱོད་ལམ་བཞི་པོ་ཐམས་ཅད་དུ་ཡེ་ཤེས་ཀྱིས་ཡོངས་སུ་མ་བཟུང་བ་མི་མངའོ། །ཆོས་ཐམས་ཅད་ལ་བྱམས་པ་དང་ཐུགས་རྗེས་ཡོངས་སུ་མ་ཟིན་པ་མི་མངའ་བས། སེམས་ཅན་ཐམས་ཅད་ལ་ཕན་པ་དང་བདེ་བའི་ཕན་མི་འདོགས་པ་གང་ཡང་མེད་དོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གསེར་འོད་དམ་པའི་མདོ་སྡེ་འདི་ཐོས་ནས་མངོན་པར་ཡིད་ཆེས་པ་གང་ཡིན་པ་དེ་དག་ནི་སེམས་ཅན་དམྱལ་བ་དང་། ཡི་དགས་དང་། དུད་འགྲོའི་སྐྱེ་གནས་དང་། ལྷ་མ་ཡིན་གྱི་འགྲོ་བ་དག་ཏུ་ལྟུང་བར་མི་འགྱུར་ཞིང་རྟག་པར་ལྷ་དང་མིའི་ནང་དུ་སྐྱེ་བར་འགྱུར་བས་མ་རབས་དག་ཏུ་སྐྱེ་བར་མི་འགྱུར་ལ། རྟག་པར་དེ་བཞིན་གཤེགས་པ་རྣམས་ལ་བསྙེན་བཀུར་དང་རིམ་གྲོ་བྱས་ནས་ཡང་དག་པའི་ཆོས་མཉན་ཅིང་ལེན་པར་འགྱུར། རྟག་པར་སངས་རྒྱས་ཀྱི་ཞིང་ཡོངས་སུ་དག་པ་རྣམས་སུ་སྐྱེ་བར་འགྱུར་རོ། །དེ་ཅིའི་ཕྱིར་ཞེ་ན། ཆོས་ཟབ་མོ་འདི་ཐོས་པར་གྱུར་པའི་ཕྱིར་རོ། །རིགས་ཀྱི་བུ་དང་། རིགས་ཀྱི་བུ་མོ་དེ་དག་ནི་དེ་བཞིན་གཤེགས་པས་མཁྱེན་ཅིང་ལུང་བསྟན་པར་འགྱུར་བས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་ལྡོག་པར་མི་འགྱུར་རོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་ཤིན་ཏུ་ཟབ་པའི་ཆོས་གྱ་ནོམ་པ་འདི་ལན་ཅིག་རྣ་བས་ཐོས་པར་གྱུར་ན་གང་ཟག་དེ་ནི་དེ་བཞིན་གཤེགས་པ་ལ་སྐུར་པ་མི་འདེབས་པ་དང་། ཡང་དག་པའི་ཆོས་ལ་མི་སྨོད་པ་དང་། འཕགས་པའི་ཚོགས་ལ་མི་བརྙས་པ་དང་། སེམས་ཅན་རྣམས་དགེ་བའི་རྩ་བ་མ་བསྐྱེད་པ་ནི་སྐྱེད་པར་བྱེད་ལ། དགེ་བའི་རྩ་བ་བསྐྱེད་པ་ནི་འཕེལ་ཞིང་ཡངས་པ་

2.17

དང་། ཡོངས་སུ་སྨིན་པར་བྱེད་པའི་ཕྱིར་འཇིག་རྟེན་གྱི་ཁམས་ཐམས་ཅད་དུ་སེམས་ཅན་ཇི་སྙེད་པ་དེ་དག་ཕ་རོལ་ཏུ་ཕྱིན་པ་དྲུག་པོ་རྣམས་མངོན་པར་སྒྲུབ་པར་བསྐུལ་བར་འགྱུར་བར་རིག་པར་བྱའོ། །དེ་ནས་བྱང་ཆུབ་སེམས་དཔའ་ནམ་མཁའི་སྙིང་པོ་དང་། ཚངས་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་དང་། ལྷའི་འཁོར་མང་པོ་རྣམས་འདུག་པའི་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་ཐལ་མོ་སྦྱར་ཏེ་གུས་པས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གནས་གང་ཡང་རུང་བདག་ཏུ་འདི་ལྟར་གསེར་འོད་དམ་པའི་མདོ་སྡེ་ཤིན་ཏུ་གྱ་ནོམ་པ་འདི་ཡང་དག་པར་སྟོན་པར་བགྱིད་ན་ཡུལ་དེར་ཕན་ཡོན་རྣམ་པ་བཞི་དང་ལྡན་པར་འགྱུར་ལགས་སོ། །བཞི་གང་ཞེ་ན། དང་པོ་ནི་རྒྱལ་པོའི་དམག་ཚོགས་རྣམས་བཙན་ཞིང་དར་བས་པས་ཀྱི་རྒོལ་བའི་དགྲ་རྣམས་མ་མཆིས་པ་དང་། བྲོ་ནད་དང་བྲལ་ཞིང་ཚེ་རིང་བ་དང་། བཀྲ་ཤིས་དང་ལྡན་ཞིང་བདེ་སྐྱིད་པ་དང་། དམ་པའི་ཆོས་དར་ཞིང་རྒྱས་པར་འགྱུར་བའོ། །གཉིས་པ་ནི་ཕོ་བྲང་ནང་གི་བཙུན་མོ་དང་། སླས་དང་། རྒྱལ་བུ་དང་། བློན་པོ་རྣམས་འདུམ་ཞིང་རྩོད་པ་མ་མཆིས་པ་དང་། གཡོ་སྒྱུ་དང་ཕྲ་མ་སྤངས་པས་རྒྱལ་པོས་གནང་ཞིང་བཀུར་བར་འགྱུར་རོ། །གསུམ་པ་ནི་དགེ་སྦྱོང་དང་། བྲམ་ཟེ་དང་། ཡུལ་གྱི་མི་རྣམས་ཡང་དག་པའི་ཆོས་སྤྱོད་པས་བྲོ་ནད་མ་མཆིས་ཤིང་བདེ་སྐྱིད་པ་དང་། བློ་བུར་དུ་འགུམ་པ་མ་མཆིས་པ་དང་། བསོད་ནམས་མང་པོ་མངོན་པར་སྒྲུབ་པའོ། །བཞི་པ་ནི་དུས་གསུམ་པོ་དག་ཏུ་འབྱུང་བ་ཆེན་པོ་བཞི་པོ་དག་འཕྲོད་ཅིང་རྟག་པར་ལྷ་རྣམས་ཀྱིས་བྱིན་གྱིས་བརླབས་ནས་ཡོངས་སུ་སྲུང་བར་འགྱུར་བ་དང་། བྱམས་པ་དང་སྙིང་རྗེ་མཉམ་པར་གྱུར་བས་གནོད་པ་མི་བགྱིད་ཅིང་རྣམ་པར་འཚེ་བའི་བསམ་པ་མ་མཆིས་པ་དང་། སྐྱེ་བོ་རྣམས་དཀོན་མཆོག་གསུམ་ལ་སྐྱབས་སུ་མཆི་ཞིང་ཐམས་ཅད་ཀྱིས་བྱང་ཆུབ་ཀྱི་སྤྱོད་པ་མངོན་པར་སྒྲུབ་པར་འགྱུར་བ་སྟེ། འདི་དག་ནི་ཕན་ཡོན་རྣམ་པ་བཞི་ཞེས་བགྱི་ལགས་སོ། །བཅོམ་ལྡན་འདས་