The Sūtra of Golden Light 9.1.p23
Suvarṇaprabhāsottamasūtra 9.1.p23
- Language
- Sanskrit
9.1.p23
tena khalu punaḥ kālena tena samayena rājā baladaketuḥ putrasya ruciraketoracirābhiṣiktasya ca rājyapratiṣṭhitasyaitadavocat / asti putra devendrasamayaṃ nāma rājaśāstram / yanmayā pūrvamacirābhiṣiktena ca rājyapratiṣṭhitena pitū rājño balendraketoḥ sakāśādudgṛhītam / tena mayā devendrasamayena rājaśāstreṇa viṃśativarṣasahasrāṇi rājatvaṃ kāritaṃ babhūva / nābhijānāmyahamantaśa ekacittakṣaṇapramāṇamātreṇāpi kasyacidadharmasthitapūrvam / katamattatra devendrasamayaṃ nāma rājaśāstram //