Bhavanakrama 18
Bhāvanākrama 18
- Language
- Sanskrit
18
saṃvaraśca vijñātapratibalasaṃvarasthitāt kalyāṇamitrāt parato grāhyaḥ / asati pratirūpe grāhake buddhabodhisattvān āmukhīkṛtya yathā mañjuśrīyāmbararājabhūtena bodhicittamutpāditaṃ tathotpādanīyaḥ / evamutpāditabodhicitto bodhisattvaḥ svayameva dānādi dadāti pratipattau prayokṣyate, na hi svayamadāntaḥ parān damayatīti mattvā / na cāpi vinā pratipattyā bodhiravāpyate / yathoktam āryagayāśīrṣe- "pratipattisārāṇāṃ bodhisattvānāṃ bodhirnāpratipattisārāṇām" iti / āryasamādhirāje coktam- "tasmāt pratipattisāro bhaviṣyāmi ityevaṃ tvayā kumāra, śikṣitavyam / tat kasya hetoḥ? pratipattisārasya hi, kumāra, na durlabhā bhavatyanutarā samyaksaṃbodhiḥ" iti /
Linked texts (2)
- བྱང་ཆུབ་ཀྱི་སྤྱོད་པ་ལ་འཇུག་པའི་དཀའ་འགྲེལ — Classical Tibetan
- བསྒོམ་པའི་རིམ་པ — Classical Tibetan