Carmavastu 15

15

śroṇa gamiṣyasi tvaṃ vāsavagrāmakam* / gamiṣyāmi / tatra mama putraḥ prativasati / sa urabhrān praghātya praghātya jīvikaṃ kalpayati / sa tvayā vaktavyaḥ dṛṣṭas te mayā pitā / sa kathayati / aniṣṭo 'sya karmaṇaḥ phalavipāko viramāsmāt (MSV IV 173) pāpakād asaddharmāt* / bhoḥ puruṣa yat tvam evaṃ kathayasi duṣkuhakā jambudvīpakā manuṣyā iti / nābhiśraddadhāsyati / śroṇa yadi na śraddadhāsyati vaktavyas tava pitā kathayati asisthānādhastāt {MS: pitro 'sya sūnāyām adhastāt} suvarṇasya kalaśaḥ pūrayitvā sthāpitaḥ / tam uddhṛtyātmānaṃ samyaksukhena prīṇaya āryaṃ ca mahākātyāyanaṃ kālena kālaṃ piṇḍakena pratipādayāsmākaṃ ca nāmnā dakṣiṇām ādeśaya / apy evaitat karma tanutvaṃ parikṣayaṃ paryādānaṃ gacchet /