Dighanikaya 20.331_8

20.331_8

Bhagavā āvajjanto tesaṃ anabhiratabhāvaṃ ñatvā ‘‘ime bhikkhū mādisena buddhena saddhiṃ ekato vasantā ukkaṇṭhanti, handa nesaṃ kuṇāladahassa vaṇṇaṃ kathetvā tattha netvā anabhiratiṃ vinodessāmī’’ti kuṇāladahassa vaṇṇaṃ kathesi. Te taṃ daṭṭhukāmā ahesuṃ. Daṭṭhukāmattha, bhikkhave, kuṇāladahanti? Āma bhagavāti. Yadi evaṃ, etha, gacchāmāti. Iddhimantānaṃ bhagavā gamanaṭṭhānaṃ mayaṃ kathaṃ gamissāmāti? Tumhe gantukāmā hotha, ahaṃ mamānubhāvena gahetvā gamissāmīti. Sādhu, bhanteti. Atha bhagavā pañca bhikkhusatāni gahetvā ākāse uppatitvā kuṇāladahe patiṭṭhāya te bhikkhū āha – ‘‘bhikkhave, imasmiṃ kuṇāladahe yesaṃ macchānaṃ nāmaṃ na jānātha, tesaṃ nāmaṃ pucchathā’’ti.

The Blessed One, reflecting and knowing their state of dissatisfaction, thought: “These monks, while living together with a Buddha such as me, are discontented. Come, let me describe the beauty of Lake Kuṇāla, and having led them there, dispel their dissatisfaction.” So he described the beauty of Lake Kuṇāla. They wished to see it. “Do you wish to see Lake Kuṇāla, monks?” “Yes, Blessed One.” “If so, come, let us go.” “Blessed One, that is a destination for those possessed of supernormal power; how shall we go?” “Be willing to go, and I will take you by my own power.” “Very well, venerable sir.” Then the Blessed One, taking the five hundred monks, flew up into the air, landed at Lake Kuṇāla, and said to those monks: “Monks, in this Lake Kuṇāla, ask the names of the fish whose names you do not know.”