Pathikasutta 1.7.1-25

1.7.1

Ekamidāhaṃ, bhaggava, samayaṃ thūlūsu viharāmi uttarakā nāma thūlūnaṃ nigamo.

Bhaggava, this one time I was staying in the land of the Kurus where they have a town named Uttarakā.

1.7.2

Atha khvāhaṃ, bhaggava, pubbaṇhasamayaṃ nivāsetvā pattacīvaramādāya sunakkhattena licchaviputtena pacchāsamaṇena uttarakaṃ piṇḍāya pāvisiṃ.

Then I robed up in the morning and, taking my bowl and robe, entered Uttarakā for alms with Sunakkhatta the Licchavi as my second monk.

1.7.3

Tena kho pana samayena acelo korakkhattiyo kukkuravatiko catukkuṇḍiko chamānikiṇṇaṃ bhakkhasaṃ mukheneva khādati, mukheneva bhuñjati.

Now at that time a naked ascetic who was an aristocrat of Kuru had taken a vow to behave like a dog. When food is tossed on the ground, he gets down on all fours, eating and devouring it just with his mouth.

1.7.4

Addasā kho, bhaggava, sunakkhatto licchaviputto acelaṃ korakkhattiyaṃ kukkuravatikaṃ catukkuṇḍikaṃ chamānikiṇṇaṃ bhakkhasaṃ mukheneva khādantaṃ mukheneva bhuñjantaṃ.

Sunakkhatta saw him doing this

1.7.5

Disvānassa etadahosi:

and thought,

1.7.6

‘sādhurūpo vata bho ayaṃ samaṇo catukkuṇḍiko chamānikiṇṇaṃ bhakkhasaṃ mukheneva khādati, mukheneva bhuñjatī’ti.

‘That ascetic is a holy man!’

1.7.7

Atha khvāhaṃ, bhaggava, sunakkhattassa licchaviputtassa cetasā cetoparivitakkamaññāya sunakkhattaṃ licchaviputtaṃ etadavocaṃ:

Then, knowing Sunakkhatta’s train of thought, I said to him,

1.7.8

‘tvampi nāma, moghapurisa, samaṇo sakyaputtiyo paṭijānissasī’ti.

‘Don’t you claim to be an ascetic who follows the Sakyan, you silly man?’

1.7.9

‘Kiṃ pana maṃ, bhante, bhagavā evamāha:

‘But why does the Buddha say this to me?’

1.7.10

“tvampi nāma, moghapurisa, samaṇo sakyaputtiyo paṭijānissasī”’ti?

1.7.11

‘Nanu te, sunakkhatta, imaṃ acelaṃ korakkhattiyaṃ kukkuravatikaṃ catukkuṇḍikaṃ chamānikiṇṇaṃ bhakkhasaṃ mukheneva khādantaṃ mukheneva bhuñjantaṃ disvāna etadahosi—

‘When you saw that naked ascetic of Kuru, didn’t you think,

1.7.12

sādhurūpo vata bho ayaṃ samaṇo catukkuṇḍiko chamānikiṇṇaṃ bhakkhasaṃ mukheneva khādati, mukheneva bhuñjatī’ti?

“That ascetic is a holy man!”?’

1.7.13

‘Evaṃ, bhante.

‘Yes, sir.

1.7.14

Kiṃ pana, bhante, bhagavā arahattassa maccharāyatī’ti?

But sir, are you jealous of the perfected ones?’

1.7.15

‘Na kho ahaṃ, moghapurisa, arahattassa maccharāyāmi.

‘I’m not jealous of the perfected ones, you silly man.

1.7.16

Api ca tuyhevetaṃ pāpakaṃ diṭṭhigataṃ uppannaṃ, taṃ pajaha.

Rather, you should give up this harmful misconception that has arisen in you.

1.7.17

Mā te ahosi dīgharattaṃ ahitāya dukkhāya.

Don’t create lasting harm and suffering for yourself!

1.7.18

Yaṃ kho panetaṃ, sunakkhatta, maññasi acelaṃ korakkhattiyaṃ—sādhurūpo ayaṃ samaṇoti. So sattamaṃ divasaṃ alasakena kālaṃ karissati.

That naked ascetic the aristocrat of Kuru, who you imagine to be a holy man, will die of flatulence in seven days.

1.7.19

Kālaṅkato ca kālakañcikā nāma asurā sabbanihīno asurakāyo, tatra upapajjissati.

And when he dies, he’ll be reborn in the very lowest rank of titans, named the Kālakañjas.

1.7.20

Kālaṅkatañca naṃ bīraṇatthambake susāne chaḍḍessanti.

And they’ll throw him in the charnel ground on a clump of vetiver.

1.7.21

Ākaṅkhamāno ca tvaṃ, sunakkhatta, acelaṃ korakkhattiyaṃ upasaṅkamitvā puccheyyāsi—

If you wish, Sunakkhatta, go to the aristocrat of Kuru and ask him

1.7.22

jānāsi, āvuso korakkhattiya, attano gatinti?

whether he knows his own destiny.

1.7.23

Ṭhānaṃ kho panetaṃ, sunakkhatta, vijjati yaṃ te acelo korakkhattiyo byākarissati—

It’s possible that he will answer:

1.7.24

jānāmi, āvuso sunakkhatta, attano gatiṃ;

“Reverend Sunakkhatta, I know my own destiny.

1.7.25

kālakañcikā nāma asurā sabbanihīno asurakāyo, tatrāmhi upapanno’ti.

I’ve been reborn in the very lowest rank of titans, named the Kālakañjas.”’